Futbol üzrə dünya çempionatının Qətərdə təşkil olunacağı rəsmən açıqlanıb

FIFA 2022-ci ildə keçiriləcək futbol üzrə dünya çempionatının Qətərdə təşkil olunacağını bir daha rəsmən açıqlayıb.Azərtac xəbər verir ki, FIFA Qətərlə bağlı hadisələrdən sonra "DÇ-2022"nin bu ölkədə keçirilməməsi ilə əlaqədar yayılan məlumatlara münasibət bildirib. Ali futbol qurumunun yaydığı rəsmi məlumatda 2022-ci ildə keçiriləcək dünya çempionatına Qətərin ev sahibliyi edəcəyi bir daha qəti şəkildə təsdiqlənib.xeber100.com

“Bakı Şəhər Halqası” Əməliyyat Şirkəti təlimə başlayıb

“Bakı Şəhər Halqası” Əməliyyat Şirkəti (BŞH) iyunun 16-da Formula-1 Azərbaycan Qran-Prisinin könüllüləri üçün “Məkanla tanışlıq” adlı ikigünlük təlimə başlayıb.Azərtac xəbər verir ki, təlimin keçirilməsində məqsəd könüllülərin məkanla tanışlığını təmin etməkdir. Təlimlər nəzəri və praktiki olmaqla iki hissədən ibarətdir. İlk hissədə könüllülərə təyin olunduqları məkanlarla bağlı təqdimat göstərilib. Daha sonra könüllülər həmin məkanlarla praktiki tanış olublar. Bundan başqa, təhlükəsizlik qaydalarının pozulması hallarında, eyni zamanda təhlükəli hadisələr baş verdikdə görüləcək ilk tədbirlər haqqında könüllülərə məlumat verilib.Təlimin ilk günündə iki, iyunun 17-də isə dörd zonanın könüllüləri daxil olmaqla, ümumilikdə 3 min nəfər iştirak edəcək.BŞH-nin İnsan resursları və işçi qüvvəsi şöbəsinin əlaqələndiricisi Sevinc Cəfərova təlimin əhəmiyyətini yüksək qiymətləndirərək deyib: “Məkan təlimləri könüllülərin hazırlığı prosesində sonuncu mərhələdir. Tribunalar və müxtəlif yarış obyektləri haqqında könüllülərin öncədən məlumatlandırılması onların Qran-Pri zamanı işlərini uğurla həyata keçirməsində mühüm rol oynayacaq. Məkanla tanışlıq təlimlərindən sonra könüllülər rəsmi olaraq işləyəcəkləri şöbələrdə fəaliyyətlərinə start verəcəklər”.Qeyd edək ki, Formula-1 Azərbaycan Qran-Prisi iyunun 23-25-də Bakıda təşkil olunacaq.xeber100.com

Konfederasiyalar Kubokunun qalibi proqnozlaşdırılıb

Portuqaliya yığmasının bu il Rusiyada keçiriləcək futbol üzrə Konfederasiyalar Kubokunu udmaq şansı daha yüksəkdir. TASS agentliyinin yaydığı məlumata görə, bu proqnoz G.V. Plexanov adına Rusiya İqtisad Universitetinin idman sahəsində Strateji Araşdırmalar Mərkəzinin işləyib hazırladığı modelə əsaslanır.Modeli formalaşdırmaq üçün həm ölkələrin sosial-iqtisadi inkişafı ilə bağlı olan ümumi dəyişən, həm də spesifik göstəricilər (tarixi və idman) dəyərləndirilib. Modellər əvvəlki altı Konfederasiyalar Kubokunun nəticələrinə bu amillərin necə təsir göstərməsi əsasında qurulub.Nəticədə etibarlılıq səviyyəsi turnirin qrup mərhələsində 42,5 faiz və pley-off mərhələsində 53,3 faiz olan model alınıb.Analitiklər bildirirlər ki, Konfederasiya Kubokunun ev sahibləri adətən proqnozları üstələyir və yüksək nəticələr nümayiş etdirirlər. Öz meydanında oynamaq onların, demək olar, üç xal artıq toplamasına kömək edir.Belə olan halda Rusiyanın beş xal toplayacağı və “A” qrupunda birinci yeri, Portuqaliyanın isə ikinci yeri tutacağı proqnozlaşdırılır. Proqnoza görə, “B” qrupundan pley-off mərhələsinə Çili və Almaniya vəsiqə qazanacaq.xeber100.com

“Neftçi” futbol klubunda yeni təyinat…

“Neftçi” futbol klubunun qapıçılar üzrə məşqçisi vəzifəsinə yeni təyinat olub.Azərtac kluba istinadla xəbər verir ki, bu vəzifəni Rauf Salamov yerinə yetirəcək.Qırx doqquz yaşlı məşqçi 1994-1996-cı, 1998-1999-cu illərdə “Neftçi”də çıxış edib.R.Salamov bu müddət ərzində ölkə çempionatının (1996-cı il), kubokunun (1995-ci, 1996-cı) və Superkubokunun (1995-ci) qalibi olub.xeber100.com

“Bakı Şəhər Halqası” Əməliyyat Şirkətinin məlumatı

“Bakı Şəhər Halqası” Əməliyyat Şirkəti (BŞH) Formula-1 Azərbaycan Qran-Prisini izləməyə gələn tamaşaçılar üçün dördgünlük geniş əyləncə proqramı hazırlayıb.Azərtac BŞH-yə istinadla xəbər verir ki, əyləncə proqramı iyunun 22-25-ni əhatə edir. Nəzərdə tutulan bütün tədbirlər Dənizkənarı Milli Park ərazisi ilə yanaşı, Sahil və Sabir parklarında yerləşən əyləncə zonalarında da baş tutacaq. Əyləncə proqramı iyunun 22-də saat 14:00-dan 22:00-dək davam edəcək, iyunun 23-25-də isə səhər saat 10:00-da başlayıb axşam saat 23:00-da başa çatacaq.BŞH-nin kommersiya şöbəsinin rəhbəri Bülent Özərdim yarışın bayram əhval-ruhiyyəsində keçəcəyini bildirib: “Biz bu il Formula-1 Azərbaycan Qran-Prisinin tamaşaçıları üçün ötən illə müqayisədə daha geniş və məzmunlu əyləncə proqramı hazırlamışıq. Eyni zamanda, müxtəlif günlərə və zonalara fərqli qiymətlərə biletlər təklif edirik. Məqsədimiz kiçikdən böyüyə hər kəsin yarış həyəcanını yaxından yaşamasını təmin etməkdir”.xeber100.com  

“Çellenc Cup” turnirinin püşkü atılıb

İyunun 14-də Lüksemburqda qadın və kişi voleybol komandaları arasında “Çellenc Cup” turnirinin püşkü atılıb.Azərtac xəbər verir ki, püşkün nəticəsinə görə, qadın voleybolçulardan ibarət “Azərreyl” klubu Rumıniyanın “Ştiinta” komandası ilə qarşılaşacaq. Komandamız yarışa 1/16 finaldan başlayacaq.Komandamız Rumıniya təmsilçisi ilə ilk oyununu dekabrın 12-14-də səfərdə keçirəcək. Cavab matçı isə gələn il yanvarın 9-11-də Bakıda olacaq.Kişi voleybolçular arasında Azərbaycan çempionu “Lokomotiv”in də rəqibi müəyyənləşib. Avrokubokda debüt edəcək Bakı klubu Kiprin “Apoel” komandası ilə üz-üzə gələcək. Mübarizəyə ikinci təsnifat mərhələsindən başlayacaq komandamız ilk oyununu noyabrın 21-23-də paytaxtımızda, ikinci görüşünü isə 1 həftə sonra səfərdə keçirəcək.xeber100.com

Qərb Universitetinin məlumatı

Qərb Universitetinin magistrləri Cenevrənin Biznes və Beynəlxalq Tədqiqatlar Universitetinin (UBIS) təşkil etdiyi yay məktəbinə qatılacaqlar.Universitetdən Azərtac-a bildirilib ki, yay məktəbində magistrlər üçün beynəlxalq biznes üçün maliyyə istiqaməti üzrə təlimlər təşkil olunacaq, eyni zamanda, onlar beynəlxalq təşkilatlarda təcrübə keçəcəklər.xeber100.com

Həndbolçuların ikinci çempionatı davam edir

Bolqarıstanda inkişaf etməkdə olan ölkələr arasında kişi həndbolçuların ikinci çempionatı davam edir.Azərbaycan Həndbol Federasiyasından Azərtac-a bildirilib ki, millimiz Andorra yığması ilə qarşılaşıb. Oyun həndbolçularımızın 29:23 hesablı qələbəsi ilə başa çatıb.Turnirə iyunun 18-də yekun vurulacaq.xeber100.com

“Tour d’Azerbaïdjan-2017” veloturu ilə bağlı statistik məlumatlar açıqlanıb

Avropanın nüfuzlu idman kanalı “Eurosport” Beynəlxalq Velosipedçilər İttifaqının 2.1 kateqoriyalı “Tour d’Azerbaïdjan-2017” veloturu ilə bağlı statistik məlumatları açıqlayıb.Azərtac xəbər verir ki, açıqlanan hesabata əsasən, turun icmallarını fəal şəkildə izləyən tamaşaçıların sayı 16 milyona yaxın olub. Ümumilikdə isə “Eurosport” kanalına baxan 34,2 milyon tamaşaçı “Tour d’Azerbaïdjan-2017” ilə bağlı bu kanalda gedən anonslar, yayımlar və süjetlər vasitəsilə yarış haqda məlumat alıb. Diqqət çəkən əsas məqam veloturun 4-cü mərhələsinə digər yarış günləri ilə müqayisədə marağın daha çox olmasıdır. Əvvəlcədən də gözlənildiyi kimi, Ağsu dolaylarının marşruta əlavə edilməsi həm yarışın gedişinə, həm də izləmə sayına müsbət təsir göstərib."Eurosport" kanalının rəsmi internet səhifəsində yarışla bağlı məlumatları izləyənlərin sayı 1 milyonu keçib. Xüsusən, “Tour d’Azerbaïdjan-2017”ni izləmək üçün 5 səbəb” adlı yazıya fransız və ispan dilli oxucular tərəfindən böyük maraq göstərilib.Yeri gəlmişkən, iyunun 15-də Bakı vaxtı ilə saat 18:30-da “Eurosport-1” kanalında yarışla bağlı daha bir süjet efirə veriləcək və bu tamaşaçı sayının bir qədər də artacağı anlamına gəlir.“Eurosport” kanalı Beynəlxalq Velosipedçilər İttifaqının 2.1 kateqoriyalı "Tour d’Azerbaïdjan-2017" veloturunu ilin ən uğurlu layihələrindən biri kimi dəyərləndirir və konkret rəqəmlər də yarışa olan böyük marağın təzahürüdür.Ümummilli lider Heydər Əliyevin 94-cü ildönümünə həsr olunan yarışda 18 ölkədən 22 komanda mübarizə aparıb ki, onlardan da 6-sı peşəkar kontinental, “Synergy Baku” da daxil olmaqla 16-sı kontinental kollektiv olub. Beş gün ərzində iştirakçılar Bakı və Sumqayıt şəhərlərinin, həmçinin Abşeron, Qobustan, Şamaxı, Ağsu, İsmayıllı, Qəbələ, Oğuz və Şəki rayonlarının ərazilərindən keçməklə ümumilikdə 836 kilometr məsafə qət ediblər.xeber100.com  

Cüdo üzrə milli komanda Yaponiyada təlim-məşq toplanışındadır

Cüdo üzrə Azərbaycan milli komandasının əsas üzvləri hazırda Yaponiyada təlim-məşq toplanışındadırlar.Azərtac xəbər verir ki, hər il ənənəvi keçirilən məşq prosesində Azərbaycan cüdoçuları ilə yanaşı Yaponiya, Fransa, Koreya Respublikası, Braziliya, Çex Respublikası, Monqolustan, İtaliya, Rusiya kimi dünyanın aparıcı cüdo ölkələrinin milli komandaları da iştirak edirlər.İdmançılarımız baş məşqçi Fərhad Məmmədov, məşqçilər Mövlud Mirəliyev və Şümşat Bəhramovun rəhbərliyi altında gündə 2 dəfə məşq edərək gələcək beynəlxalq yarışlara hazırlaşırlar.Tokio toplanışında Orxan Səfərov, Nicat Şıxəlizadə, Rüstəm Orucov, Hidayət Heydərov, Telman Vəliyev, Məmmədəli Mehdiyev, Firudin Dadaşov, Elxan Məmmədov, Zelim Kotsoyev, Uşanqi Kokauri, İçinxorlo Munxtsedev, Aişə Qurbanlı, Nəzakət Əzizova və Xanım Hüseynova iştirak edirlər.xeber100.com