UEFA Avropa Liqasının qrup mərhələsinin beşinci turu çərçivəsində

UEFA Avropa Liqasının qrup mərhələsinin beşinci turu çərçivəsində Fransada keçirilən “Nant” - “Qarabağ” oyununda birinci hissə başa çatıb."Bojuar" stadionunda oynanılan matçın 17-ci dəqiqəsində “Nant”ın futbolçusu Ludovik Blas hesabı açıb. Matçın ilk hissəsi Fransa klubunun üstünlüyü ilə yekunlaşıb.Qrupun digər oyununda isə “Frayburq” Almaniyada Yunanıstanın “Olimpiakos” klubunu qəbul edir. Hazırda Yunanıstan klubu 1:0 hesabı ilə öndədir.xeber100.com

Şahmat üzrə komandalar arasında dünya çempionatına start veriləcək

Noyabrın 19-da İsraildə şahmat üzrə komandalar arasında dünya çempionatına start veriləcək.Azərbaycan Şahmat Federasiyasından bildiriblər ki, federasiya kişi şahmatçılardan ibarət milli komandanın heyətini müəyyənləşdirmək üçün seçim turniri keçirmək barədə qərar qəbul edib. İsraildə dünya çempionatında iştirak edəcək millinin dörd üzvü seçim turnirinin nəticəsinə əsasən məlum olacaq.Turnirin təşkilində əsas məqsəd son aylar müxtəlif beynəlxalq turnirlərdə yüksək nəticə göstərən şahmatçılara milli komandada çıxış etmək imkanı yaratmaqdır.Yarışda Qədir Hüseynov, Rauf Məmmədov, Nicat Abasov, Vasif Durarbəyli, Misrətdin İskəndərov, Vüqar Əsədli, Məhəmməd Muradlı və Aydın Süleymanlı iştirak edəcəklər.Qeyd edək ki, dairəvi sistem üzrə təşkil olunan turnir noyabrın 29-da yekunlaşacaq.xeber100.com

UFC MMA döyüşçülərinin yeni reytinq cədvəlini açıqlayıb

UFC (Mütləq Döyüş Çempionatı) MMA döyüşçülərinin yeni reytinq cədvəlini açıqlayıb.Azərbaycan döyüşçüsü Rafael Fiziyev yüngül divizionun reytinq cədvəlində 1 pillə irəliləyərək altıncı yerə yüksəlib. Yüngül diviziona braziliyalı Çarlz Oliveyra başçılıq edir.xeber100.com

Qılıncoynadanlar arasında keçirilən yarışa yekun vurulub

Azərbaycan Qılıncoynatma Federasiyasının Texniki Universitetin İdman Sarayında yerləşən zallarında şpaqa və sablya növləri üzrə 14 yaşadək qızlar və oğlanlar arasında yarış keçirilib.Azərbaycan Qılıncoynatma Federasiyasının mətbuat xidmətindən bildiriblər ki, sablya yarışında U-10 yaş kateqoriyasında Jasmin Vəliyeva, Səid Sultanlı, U-12-də Sevinc Ağazadə, Amin Rəsulzadə, U-14-də Züleyxa Sultanlı, Abbas Hüseynov, şpaqa yarışında isə U-10-da Səlimə Səfibəyova, Qadir Musayev, U-12-də Aydan Atakişiyeva, Bəhram Əliyev, U-14-də isə Nuray Qədirova və Mirxətai Məmmədov birinci yerləri tutublar.Sonda qaliblər diplom və medallarla təltif olunublar.xeber100.com

Azərbaycan milli komandası Avropa çempionatının seçmə mərhələsində

On yeddi yaşadək qız futbolçulardan ibarət Azərbaycan milli komandası Avropa çempionatının seçmə mərhələsində bu gün sonuncu oyununu keçirib.Latviyada keçirilmiş oyunda millimiz Slovakiya yığması ilə qarşılaşıb. Oyun rəqibin 5:0 hesablı qələbəsi ilə başa çatıb. Yığmamız bununla da seçmə mərhələdə çıxışını başa vurub.Daha əvvəl seçməmiz Latviya millisinə 0:4 hesabı ilə uduzub.xeber100.com

Cüdo üzrə Avropa kuboku turniri keçiriləcək

Oktyabrın 22-23-də Latviyanın paytaxtı Riqa şəhərində yeniyetmələr arasında cüdo üzrə Avropa kuboku turniri keçiriləcək.Yarışa 15 ölkədən 193 idmançı qatılacaq. Azərbaycan turnirdə 3 cüdoçu ilə təmsil olunacaq. Belə ki, kubok yarışında tatami ustalarımız Mehdi Cəfərov (66 kiloqram), Şamil Sadıqov (73 kiloqram), Tamerlan Cabbarov (90 kiloqram) medallar uğrunda mübarizə aparacaqlar.Azərbaycan Cüdo Federasiyasının hakimlər heyətinin üzvü Olimpiya dərəcəli hakim Fariz Hüseynov yarışda ədalət təmsilçiləri arasında yer alacaq.xeber100.com

Güləş üzrə U-23 dünya çempionatı davam edir

İspaniyanın Pontevedra şəhərində güləş üzrə U-23 dünya çempionatı davam edir.Dördüncü yarış günündə 3 qadın güləşçimiz mübarizəyə qoşulub. Gültəkin Şirinova (53 kiloqram) 1/8 finalda türkiyəli Zeynep Yetgillə bacarmayıb – 0:10. Birgül Soltanova (62 kiloqram) ilk mərhələdə venesuelalı Astrid Xirinosa “tuş”la məğlub olub. Nigar Mirzəzadə (65 kiloqram) təsnifat mərhələsində ispaniyalı Nerea Blankoya şans tanımayıb – 7:1. Güləşçimiz 1/4 finalda qazaxıstanlı Dariqa Abenə “tuş”la qalib gəlib.Yarımfinalda italiyalı Elena Espositonu 3:2 hesabı ilə məğlub edən N.Mirzəzadə finala yüksəlib.Nigar Mirzəzadə sabah həlledici görüşdə sentyabrda böyüklər arasında dünya çempionu olmuş Mişa Morikava ilə qarşılaşacaq.Qeyd edək ki, bu çəkilərdə medal qarşılaşmaları sabah Bakı vaxtı ilə 20:00-da başlayacaq.xeber100.com

İtaliyanın Sardiniya adasında dünya çempionatı davam edir

İtaliyanın Sardiniya adasında gənc qızlar arasında dünya çempionatı davam edir.Azərbaycan şahmatçısı Gövhər Beydullayeva IX tur çərçivəsində Ermənistan təmsilçisi Məryəm Mkrtçyanla qarşılaşıb.Ağ fiqurlarla oynayan 19 yaşlı qrosmeysterimiz 47-ci gedişdə rəqibini təslim olmağa məcbur edib.Bu qələbə ilə xallarının sayını 8-ə yüksəldən G.Beydullayeva ən yaxın rəqibini 1 xal qabaqlayaraq turnir cədvəlinin birinci pilləsində qərarlaşıb.Dünya çempionatındakı digər azərbaycanlı şahmatçı Ləman Hacıyeva isə qazaxıstanlı Assel Serikbay ilə heç-heçəyə edib.O, hazırda 6,5 xalla 6-cı pillədə qərarlaşıb.Qeyd edək ki, İsveçrə sistemi ilə keçirilən turnir 11 turdan ibarətdir. Yarışa 22 oktyabrda yekun vurulacaq.xeber100.com

Bakı İdman Sarayında Şərq əlbəyaxa döyüş növləri festivalı keçiriləcək

Oktyabrın 21-23-də Bakı İdman Sarayında Müstəqilliyin Bərpası Gününə həsr olunmuş Şərq əlbəyaxa döyüş növləri festivalı keçiriləcək.“Arpaçay” İdman Birliyinin təşkilatçılığı ilə təşkil ediləcək festivalda 14 idman növü üzrə federasiyalar, ictimai birlik və klubların üzvləri iştirak edəcəklər.Yarışda ümumilikdə iki minə yaxın 18 yaşa qədər yeniyetmə və gəncin iştirakı planlaşdırılıb.xeber100.com

Beynəlxalq Boks Assosiasiyası yeni reytinq cədvəlini açıqlayıb

Beynəlxalq Boks Assosiasiyası yeni reytinq cədvəlini açıqlayıb.25 çəki dərəcəsi (13 kişi, 12 qadın) üzrə açıqlanan siyahıda Azərbaycanın yeddi boksçusu yer alıb. Belə ki, milli komandanın heyətində ən yaxşı nəticə dünya çempionu, Avropa Oyunlarının qalibi, Tokio Olimpiadasının bürünc medalçısı Alfonso Dominqesə məxsusdur. O, 86 kiloqram çəki dərəcəsində dünyanın ikinci ən güclü boksçusudur. Dominqesin aktivində 2000 xalı var.Yığma üzvü çəkisi 80 kiloqram çəki dərəcəsində olan idmançıların reytinqində də yer alıb. Olimpiya Oyunlarında bürünc medalı 81 kiloqramda qazanan milli üzvü bu siyahıda 1300 xalla dördüncü pillədə qərarlaşıb.Dünya çempionatında üçüncü yeri tutan Sərxan Əliyev (71 kq) də öz çəki dərəcəsində dördüncü yerdədir. O, 1300 xala malikdir. Mindialın digər bürünc medalçısı Məhəmməd Abdullayev (+92 kq) komanda yoldaşı ilə eyni xala sahibdir və yeddinci pillədədir. O, bu yeri qazaxıstanlı Kamşibek Kunkabayevla birgə bölüşür.Siyahıda ümumilikdə 120 ölkə yer alıb. Azərbaycan komanda olaraq bu siyahıda 30-cu pilləni tutur və aktivində 7400 xalı var. Cədvələ isə 34950 xalla ABŞ başçılıq edir.Qeyd edək ki, Beynəlxalq Boks Assosiasiyasında reytinq cədvəli uzun müddətdən sonra bərpa olunub.xeber100.com