Şahmat üzrə 35-ci open-turnir davam edir

Fransanın Mets şəhərində şahmat üzrə 35-ci open-turnir davam edir.Azərtac xəbər verir ki, 73 şahmatçının, o cümlədən 11 qrossmeysterin iştirak etdiyi bu yarışmada Azərbaycanı beynəlxalq dərəcəli qrossmeyster Namiq Quliyev təmsil edir.Üç turdan sonra hərəyə 3 xal toplamış Namiq Quliyev, almaniyalı İqor Qlek, Ukrayna nümayəndələri Petro Qolubka, Vitali Sivuk və Fransa təmsilçisi Andrey Şekaçev liderlik edir.İsveçrə sistemi üzrə keçirilən open-turnir 9 turdan ibarət olacaq.xeber100.com

“Bakı-2017”nin könüllüləri arasında velosiped yarışı keçirilib

Aprelin 9-da “Bakı-2017” IV İslam Həmrəyliyi Oyunları Əməliyyat Komitəsinin təşkilatçılığı ilə “Bakı-2017”nin könüllüləri arasında velosiped yarışı keçirilib.Azərtac xəbər verir ki, yarışın keçirilməsində əsas məqsəd sağlam həyat tərzini təbliğ etmək, gənclər arasında idmana həvəsi artırmaq, eləcə də “Bakı-2017” könüllülərinin asudə vaxtlarının səmərəli təşkili olub.Bakı Ağ Şəhər bulvarında keçirilən velosiped yarışında 150-dən çox könüllü mübarizəyə qoşularaq bir kilometr məsafə qət edib və bacarıqlarını nümayiş etdiriblər. Yarışın təsnifat mərhələsi hər birində 13 könüllünün iştirak etdiyi turlardan ibarət olub. Bu turların qalibləri final mərhələsində yarışmaq hüququ əldə ediblər. Gərgin mübarizə şəraitində keçən final mərhələsinin sonunda finiş xəttinə ilk çatan beş könüllü qalib elan olunub.xeber100.com

41-ci marafon qaçışı keçirilib

Parisdə 41-ci marafon qaçışı keçirilib. Marafonda ölkəmizi Elşən Quliyev təmsil edib.146 ölkədən 57 min iştirakçının qatıldığı və “Yelisey Çölləri” küçəsindən start verilən marafon 42,195 kilometr məsafəni əhatə edib. Bastiliya meydanı, Məryəm Ana kilsəsi, Konkord meydanı, Eyfel Qülləsi və Bulony meşəsindən keçən marafon paytaxtın mərkəzində başa çatıb.42,195 km məsafəni qət edib finişə çatan Elşən Quliyev digər atletlərlə birgə medala layiq görülüb.xeber100.com

Topaz Premyer Liqasının 25-ci turunun ikinci matçında…

Aprelin 9-də Topaz Premyer Liqasının 25-ci turunun ikinci matçında çempionatın liderləri qarşılaşıb.Azərtac xəbər verir ki, Tofiq Bəhramov adına Respublika Stadionunda çempionatın lideri Ağdamın “Qarabağ” klubu ikinci pillədə qərarlaşan “Qəbələ”ni qəbul edib. Qarşılıqlı hücumlar şəraitində keçən matçda hesab açılmayıb – 0:0.Beləliklə, bu heç-heçə ilə komandalar arasındakı 4 xallıq fərq dəyişməyib.Qeyd edək ki, turnir cədvəlinə 52 xalla “Qarabağ” başçılıq edir. “Qəbələ” liderdən 4 xal geri qalır. Üçüncü pillədə qərarlaşan “İnter”in isə 42 xalı var.xeber100.com

XVI Beynəlxalq şahmat turnirinə start veriləcək

Bu gün Bakıda uşaqlar arasında XVI Beynəlxalq şahmat turnirinə start veriləcək.Azərtac xəbər verir ki, aprelin 14-dək davam edəcək yarışlarda Azərbaycan, Rusiya, Türkiyə, İran, Gürcüstan, Fransa, Portuqaliya və Qazaxıstandan 50-dən çox şahmatçı iştirak edəcək.Turnirin direktoru Gennadi Gelman bildirib ki, İsveçrə sistemi üzrə keçiriləcək turnir 7 turdan ibarət olacaq. Yarış «Gənclik» şahmat klubu, Azərbaycan Şahmat Federasiyası və Azərbaycandakı Fransız İnstitutunun birgə təşkilatçılığı ilə Azərbaycanda Frankofoniya həftələri çərçivəsində keçiriləcək.Yarışın qalibi Parisdə təşkil olunacaq şahmat turnirində iştirak etmək hüququ qazanacaq.Qaliblər üçün mükafatlar “Bakcell”, “Bestcom” və “McDonalds” tərəfindən təqdim ediləcək.xeber100.com

Beynəlxalq turnirə start verilib

Aprelin 9-da Ukraynada qadın həndbolçulardan ibarət komandalar arasında beynəlxalq turnirə start verilib.Azərbaycan Həndbol Federasiyasından Azərtac-a verilən xəbərə görə, qadınlardan ibarət Azərbaycan yığmasının da qatıldığı beynəlxalq yarışın ilk günü komandamız üçün uğurlu olub. Həndbolçularımız bu il Ukrayna çempionatında bürünc mükafata sahib olan “HC Dnepryanka” (Xerson) komandasını 31:25 hesabı ilə məğlub ediblər.Azərbaycan komandası növbəti oyunu “HC Qaliçanka” (Lvov) komandasına qarşı keçirəcək.xeber100.com

Cüdo Federasiyasının məlumatına görə…

Çex Respublikasında keçirilən yeniyetmələr arasında cüdo üzrə Avropa kuboku yarışına yekun vurulub. Azərbaycan milli komandası yarışın sonuncu günü aktivinə daha iki medal yazdırıb.Bu barədə Azərtac-a Azərbaycan Cüdo Federasiyasından bildiriblər.Ölkəmizi 90 kiloqramdan yuxarı çəki dərəcəsində təmsil edən Məhəmməd Abdullayev bütün rəqiblərinə qalib gələrək qızıl medal qazanıb. Cəfər Əkbərli (90 kq) isə mötəbər turnirin bürünc medalına sahib olub.Bununla da 4 qızıl, 1 gümüş və 2 bürünc medal qazanan Azərbaycan millisi komanda hesabında birinci yeri tutub.Qeyd edək ki, 31 ölkədən 678 idmançının (422 oğlan, 256 qız) mübarizə apardığı Avropa kuboku yarışında Azərbaycan milli komandası 28 yeniyetmə cüdoçu (24 oğlan, 4 qız) ilə təmsil olunub.xeber100.com

Güləş üzrə beynəlxalq turnir start götürüb

Bolqarıstanın Ruse şəhərində güləş üzrə böyüklər arasında ənənəvi Dan Kolov və Nikola Petrovun xatirəsinə həsr olunan beynəlxalq turnir start götürüb.Azərtac xəbər verir ki, sayca 55-ci dəfə keçirilən turnirdə sərbəst, yunan-Roma və qadın güləşçilərdən ibarət yığma komandalarımızın üzvləri iştirak edirlər.Qadın güləşçilərin yarışında baş məşqçi Semyon Çterevin və məşqçi Rövşən Umudovun rəhbərliyi altında Anjela Doroqan (53 kq), İrina Netreba, Nataliya Sinişin (hər ikisi - 58 kq) və Elis Manolova (69 kq) mübarizə aparırlar.Yunan-Roma güləşçiləri yığma komandanın böyük məşqçisi İlqar Abdulovun başçılığı ilə yarışa qatılıblar. Heyətdə Taleh Məmmədov, Kərim Cəfərov (hər ikisi - 59 kq), Kamran Məmmədov (66 kq), Rəsul Çunayev və Həsən Əliyev (hər ikisi - 71 kq) yer alıblar.Sərbəst güləşçilərin mübarizəsində Mahir Əmiraslanov (57 kq), Məhəmməd Müslümov, Gitinomaqomed Hacıyev (hər ikisi - 65 kq), Ruslan Dibirhacıyev (70 kq) və Nurməhəmməd Hacıyev (97 kq) qüvvəsini sınayırlar. Komanda məşqçilər Sadurddin Ayqubov və Əsgərxan Novruzovun başçılığı altında yarışda iştirak edir.Görüşlərin idarə olunmasında ölkəmizi beynəlxalq dərəcəli hakim Əbdül Nuriyev təmsil edir.xeber100.com

Beynəlxalq şahmat turnirində blits-turnir keçirilib

“Dubay open-2017” beynəlxalq şahmat turnirində blits-turnir keçirilib.AZƏRTAC xəbər verir ki, 104 şahmatçının, o cümlədən 20 qrossmeysterin iştirak etdiyi blits-turnirdə 9 mümkün xaldan 7,5 toplamış Gürcüstan nümayəndəsi Levan Pantsulaya qalib gəlib. Azərbaycanlı qrossmeyster Eltac Səfərli də L. Pantsulaya ilə eyni sayda xal toplayıb, lakin əlavə göstəricilər nəzərə alınmaqla Gürcüstan nümayəndəsi qalib hesab edilib.Beş şahmatçı: Ər Salem (Dubay), Anton Korobov (Ukrayna), Bartoş Soçko (Polşa), Sergey Jiqalko (Belarus) və Havain Cons (İngiltərə) hərəsi liderdən yarım xal az toplayıb.xeber100.com

Futzal üzrə qrup oyunları çərçivəsində…

Futzal üzrə Avropa çempionatının əsas mərhələsinin qrup oyunları çərçivəsində aprelin 8-də Bakı İdman Sarayında Azərbaycan milli komandası Bosniya və Herseqovina yığması ilə qarşılaşıb. Qarşılaşma 5:4 hesabı ilə millimizin xeyrinə başa çatıb.Azərtac xəbər verir ki, baş məşqçi Biro Jadenin rəhbərlik etdiyi yığmamızın heyətində Teles Martins Tyaqo het-trik edib. Eduardo Mello Borges və Kardoso Everton isə hərəyə bir dəfə fərqləniblər.Oyunu Timo Onatsu (Finlandiya), Lars Van Leuven (Hollandiya) və Kostas Nikolaou (Kipr) idarə ediblər.Qrupdakı digər oyunda Macarıstan millisi Albaniya yığmasını 4:3 hesabı ilə məğlubiyyətə uğradıb.Komandamız növbəti oyununu aprelin 9-da saat 18:30-da Bakı İdman Sarayında Albaniya yığmasına qarşı keçirəcək.xeber100.com