Bədii gimnastika üzrə “Bahar kuboku” keçiriləcək

Martın 28-də Sərhədçi İdman Olimpiya Mərkəzində bədii gimnastika üzrə “Bahar kuboku” keçiriləcək.Komitənin mətbuat xidmətindən Azərtac-a bildiriblər ki, Azərbaycan Gimnastika Federasiyası ilə birgə təşkil olunacaq yarışda paytaxt və bölgələri təmsil edən klublardan ümumilikdə 160 gimnast iştirak edəcək. Turnirdə “Gömrükçü” idman klubu ilə yanaşı, "Ocaq Sport” idman klubu, “Sərhədçi” İdman Olimpiya Mərkəzi, Gənclər və İdman Nazirliyinin nəzdində Respublika Kompleks İdman Məktəbi, "Şağan OİK", "Zirə" Mədəniyyət Mərkəzi, "Zabrat” idman klubu”, Bakı Su İdman Sarayı, Daxili İşlər Nazirliyinin İdman Cəmiyyəti, “Zirvə International” idman klubu, Gəncə və Naftalan Sağlamlıq mərkəzləri, Sumqayıt və Kürdəmir Olimpiya İdman komplekslərinin təmsilçiləri mübarizə aparacaqlar.Yarışda 2007-2009-cu il (balacalar), eləcə də 2010-2011-ci illər təvəllüdlü idmançılar alətsiz, halqa və topla çıxışların cəmində çoxnövçülükdə yarışacaqlar.Fərdi proqram üzrə yarışlarda isə 2005-2006, 2002-2004-cü illər təvəllüdlü yeniyetmələr və 2001-ci ildən yuxarı təvəllüdlü gimnastlar çıxış edəcəklər.xeber100.com

Topaz Premyer Liqasında XXIV turun oyun cədvəli müəyyənləşib

Futbol üzrə Topaz Premyer Liqasında XXIV turun oyun cədvəli müəyyənləşib.Azərtac xəbər verir ki, turun görüşləri eyni gündə keçiriləcək.Turun açılış matçı aprelin 2-də saat 16:30-da Sumqayıt şəhərinin eyni adlı komandası ilə “Neftçi” arasında oynanılacaq. Günün ikinci oyununda saat 17:00-da “İnter Arena”da paytaxtın “İnter” və “AZAL” komandaları üz-üzə gələcəklər.Çempionatın lideri Ağdamın “Qarabağ” komandası “Azersun Arena”da “Kəpəz”i qəbul edəcək. Qəbələ şəhər stadionunda “Qəbələ” klubu isə “Zirə” ilə qarşılaşacaq. Hər iki görüş saat 18:30-da başlayacaq.xeber100.com

Türkiyə Futbol Federasiyasının məlumatına əsasən…

Bu gün İstanbulda 21 yaşadək futbolçulardan ibarət Türkiyə və Azərbaycan yığma komandaları arasında yoldaşlıq oyunu keçiriləcək.Azərtac xəbər verir ki, Recep Tayyip Erdoğan adına stadionda təşkil olunacaq qarşılaşma yerli vaxtla saat 17:00-da başlayacaq.Türkiyə Futbol Federasiyasının rəsmi saytının məlumatına əsasən, oyun NTV Spor kanalında canlı yayımlanacaq.xeber100.com

Media nümayəndələrinin akkreditasiya müddəti uzadılıb

Mayın 12-22-də Bakıda keçiriləcək IV İslam Həmrəyliyi Oyunlarını işıqlandırmaq arzusunda olan media nümayəndələrinin akkreditasiyadan keçmə müddəti rəsmi olaraq uzadılıb.Azərtac “Bakı-2017”yə istinadla xəbər verir ki, akkreditasiyadan keçmək üçün son tarix ilkin olaraq martın 31-i seçilmişdi. Lakin mətbuat nümayəndələri tərəfindən göstərilən böyük maraq və vaxtın uzadılması ilə bağlı çoxsaylı müraciətlər nəzərə alınaraq həmin tarix aprelin 9-dək uzadılıb.Akkreditasiya yazılı mətbuat, fotoqraflar və rəsmi yayım hüququ olmayan televiziya və radio şirkətləri üçün nəzərdə tutulub.xeber100.com

“Bakı Şəhər Halqası” Əməliyyat Şirkətinin məlumatı

Azərbaycanda Formula-1 yarışının təşkilatçısı “Bakı Şəhər Halqası” Əməliyyat Şirkəti (BŞH) iyunun 23-25-də paytaxtımızda keçiriləcək Azərbaycan Qran-prisinə hazırlıqla əlaqədar olaraq Bakı şəhər halqasının keçdiyi küçələrdə təhlükəsizlik baryerlərinin quraşdırılması işlərini davam etdirir.Azərtac BŞH-yə istinadla xəbər verir ki, trekin Xəqani küçəsi, Bülbül prospekti və Zərifə Əliyeva küçəsindən keçən hissəsində martın 28-dən aprelin 2-dək hər gün gecə saatlarında (22:00-dan 06:00-dək) baryer quraşdırma işləri aparılacaq.Paytaxt sakinlərindən göstərilən müddət ərzində trekin bu hissəsində avtomobillərini saxlamamaları xahiş olunur. Əks halda işin fasiləsiz gedişatına maneçilik törədən avtomobillər evakuator vasitəsilə yaxın küçə və ya ərazidəki parklanma yerlərinə aparılacaq.xeber100.com

2017-ci ilin təqvim planına uyğun olaraq…

Güləş yığmalarımız 2017-ci ilin təqvim planına uyğun olaraq qarşıdan gələn yarışlara hazırlıq məqsədilə təlim-məşq toplanışlarını davam etdirir.Azərtac xəbər verir ki, sərbəst güləş üzrə yığma komandamız Rusiya Federasiyasının Kislovodsk şəhərində təlim-məşq toplanışındadır.Yığma komandanın baş məşqçisi Firdovsi Umudov, böyük məşqçi Zəlimxan Hüseynov və Sadruddin Ayqubovun rəhbərliyi altında yığma komandanın 25 üzvü Kislovodskda hazırlıq keçir.Təlim-məşq toplanışı aprelin 1-dək davam edəcək. Toplanışdan sonra yığma komandamızın üzvləri Bolqarıstanda keçiriləcək Dan Kolov və Nikola Petrovun xatirəsinə həsr olunan beynəlxalq turnirdə qüvvələrini sınayacaqlar.xeber100.com

Futbol üzrə forum keçirilib

Futbol üzrə UEFA Gənclər Liqası yarışları çərçivəsində məşqçilər üçün forum keçirilib.Azərtac xəbər verir ki, 2016-2017-ci il mövsümünün iştirakçılarının qatıldıqları tədbirdə Azərbaycanı “Qəbələ” klubunun nümayəndələri təmsil ediblər.UEFA-nın İsveçrənin Nyon şəhərindəki mənzil qərargahında keçirilən foruma “Qəbələ” Futbol Akademiyasının meneceri Nail Kərimov, əvəzedici komandanın baş məşqçisi Hüseynqulu Quliyev və məşqçisi Elmar Baxşıyev qatılıblar.UEFA-nın yarışların keçirilməsi üzrə direktoru Corco Markettinin iştirakı ilə keçirilən tədbirdə futbol mütəxəssisləri - İoan Lupesku, Verner Mikler, Santi Solsona, Hyu Dallas və Fabio Kapello müxtəlif mövzularda mühazirələrlə çıxış ediblər.xeber100.com

“A”, “B” və “H” qruplarında növbəti qarşılaşmalar oynanılıb

2018-ci ildə Rusiyada keçiriləcək futbol üzrə dünya çempionatının Avropa qitəsi üzrə seçmə mərhələsi çərçivəsində “A”, “B” və “H” qruplarında növbəti qarşılaşmalar oynanılıb.Azərtac xəbər verir ki, “A” qrupunun lideri Fransa yığması səfərdə Lüksemburqu 3:1 hesabı ilə məğlub edib. Qrupda ikinci sırada olan İsveç millisi Belarus yığmasının qapısından dörd cavabsız top keçirib. Digər oyunda isə Bolqarıstan doğma divarlar arxasında Hollandiya üzərində 2:0 hesabı ilə qələbə qazanıb.Hazırda bu qrupa 13 xalla Fransa yığması başçılıq edir. İsveç 10 xalla ikinci, Bolqarıstan isə 9 xalla üçüncüdür. Qrupda dördüncü sırada qərarlaşan Hollandiya yığmasının 7 xalı var. Sonrakı yerləri isə 2 xalla Belarus və aktivində bir xal olan Lüksemburq tutur.“B” qrupunun lideri İsveçrə millisi Latviya yığmasını minimal hesabla məğlub edəcək ardıcıl beşinci görüşü də qələbə ilə başa vurub. Portuqaliya yığması isə Macarıstan futbolçularını topu üç dəfə mərkəzdən başlamağa məcbur ediblər – 3:0. Andorra və Farer adaları milliləri arasında görüşdə isə qapılara top vurulmayıb – 0:0.Beləliklə, beş turdan sonra isveçrəlilər 15 xalla qrupda birinci, portuqaliyalılar isə 12 xalla ikinci yerdə qərarlaşıblar. Macarıstan yığmasının 7, Farer adalarının 5, Latviyanın 3, Andorranın isə 1 xalı var.“C” qrupunda beşinci turun nəticələri liderlik uğrunda mübarizəni daha da gərginləşdirib. Belə ki, Bosniya və Herseqovina millisi Estoniya yığmasını 5:0 hesabı ilə məğlub edərək xalını 10-a çatdırdığı halda, qrup birincisi belçikalılar son dəqiqələrdə vurduqları qolla ikinci sıradakı yunanlarla heç-heçəyə nail ola biliblər – 1:1. Qrupun digər görüşündə - Kipr-Estoniya qarşılaşmasında da qalib müəyyənləşməyib – 0:0.Bu qrupa aktivində 13 xal olan Belçika yığması başçılıq edir. Yunanıstan millisi 11 xalla ikinci, Bosniya və Herseqovina 10 xalla üçüncü sıradadır. Kipr (4 xal) dördüncü, Estoniya (4 xal) isə beşinci pillədə qərarlaşıb. Hesabında xal olmayan Cəbəllütariq yığması isə sonuncu pillədədir.Dünya çempionatının Avropa qitəsi üzrə seçmə mərhələsi çərçivəsində martın 26-da “C”, “E” və “F” qruplarında görüşlər keçiriləcək.“C” qrupunda mübarizə aparan Azərbaycan yığma komandası Tofiq Bəhramov adına Respublika stadionunda qrupun lideri, hazırkı dünya çempionu Almaniya millisi ilə qarşılaşacaq. Matç Bakı vaxtı ilə saat 20.00-də başlayacaq.xeber100.com

Kempo Federasiyasının məlumatı

Martın 25-26-da Bakıda, Şağan Olimpiya İdman Kompleksində kempo üzrə ikinci Asiya oyunları təşkil ediləcək.Azərbaycan Kempo Federasiyasından Azərtac-a verilən məlumata görə, yarış Gənclər və İdman Nazirliyinin, Bakı Şəhər Gənclər və İdman Baş İdarəsinin, Şərq Döyüş Növləri Federasiyaları Şurasının razılığı, Beynəlxalq Kempo Federasiyasının ölkəmizdə səlahiyyətli nümayəndəsi "Toğrul" şərq əlbəyaxa döyüş növləri və təkmübarizlik sənəti klubunun təşkilatçılığı ilə keçirilir. Yarış Kempo Full, Kempo Submişn Gi, Submişn NoGi, Semi, Self Defens, Kata versiyaları üzrə keçiriləcək.Yarışın rəsmi açılış mərasimi martın 25-də saat 14.30-da Şağan Olimpiya İdman Kompleksində olacaq. Yarışda Əfqanıstan, Hindistan, Çin, Pakistan, Gürcüstan, Qazaxıstan və İran idmançılarının iştirakı gözlənilir.Birinci Asiya oyunları keçən il Hindistanda keçirilib. Azərbaycan bu tədbiri ikinci olaraq öz üzərinə götürüb. Bu yarış Asiya kempoçuları arasında olan dostluq və əməkdaşlıq münasibətlərinə kömək edəcək.xeber100.com

Avropa kuboku yarışları keçiriləcək

Martın 25-26-da İspaniyanın Las-Palmas şəhərində triatlon idman növü üzrə Avropa kuboku yarışları keçiriləcək.Azərtac xəbər verir ki, yarışda Azərbaycanı baş məşqçi Sergey Yatsenkonun rəhbərliyi ilə triatlonçular Rostislav Pevtsov və Kseniya Levkovskaya təmsil edəcəklər.Avropa kubokundan sonra milli komandamız Las-Palmasda təlim-məşq toplanışlarında olacaq.Xatırladaq ki, Azərbaycanın triatlon üzrə yığması beynəlxalq yarışlara hazırlaşmaq üçün yanvarda Kiprdə təlim-məşq toplanışı keçirmişdi.xeber100.com