2017-ci ilin təqvim planına uyğun olaraq…

Güləş yığmalarımız 2017-ci ilin təqvim planına uyğun olaraq qarşıdan gələn yarışlara hazırlıq məqsədilə təlim-məşq toplanışlarını davam etdirir.Azərtac xəbər verir ki, sərbəst güləş üzrə yığma komandamız Rusiya Federasiyasının Kislovodsk şəhərində təlim-məşq toplanışındadır.Yığma komandanın baş məşqçisi Firdovsi Umudov, böyük məşqçi Zəlimxan Hüseynov və Sadruddin Ayqubovun rəhbərliyi altında yığma komandanın 25 üzvü Kislovodskda hazırlıq keçir.Təlim-məşq toplanışı aprelin 1-dək davam edəcək. Toplanışdan sonra yığma komandamızın üzvləri Bolqarıstanda keçiriləcək Dan Kolov və Nikola Petrovun xatirəsinə həsr olunan beynəlxalq turnirdə qüvvələrini sınayacaqlar.xeber100.com

Futbol üzrə forum keçirilib

Futbol üzrə UEFA Gənclər Liqası yarışları çərçivəsində məşqçilər üçün forum keçirilib.Azərtac xəbər verir ki, 2016-2017-ci il mövsümünün iştirakçılarının qatıldıqları tədbirdə Azərbaycanı “Qəbələ” klubunun nümayəndələri təmsil ediblər.UEFA-nın İsveçrənin Nyon şəhərindəki mənzil qərargahında keçirilən foruma “Qəbələ” Futbol Akademiyasının meneceri Nail Kərimov, əvəzedici komandanın baş məşqçisi Hüseynqulu Quliyev və məşqçisi Elmar Baxşıyev qatılıblar.UEFA-nın yarışların keçirilməsi üzrə direktoru Corco Markettinin iştirakı ilə keçirilən tədbirdə futbol mütəxəssisləri - İoan Lupesku, Verner Mikler, Santi Solsona, Hyu Dallas və Fabio Kapello müxtəlif mövzularda mühazirələrlə çıxış ediblər.xeber100.com

“A”, “B” və “H” qruplarında növbəti qarşılaşmalar oynanılıb

2018-ci ildə Rusiyada keçiriləcək futbol üzrə dünya çempionatının Avropa qitəsi üzrə seçmə mərhələsi çərçivəsində “A”, “B” və “H” qruplarında növbəti qarşılaşmalar oynanılıb.Azərtac xəbər verir ki, “A” qrupunun lideri Fransa yığması səfərdə Lüksemburqu 3:1 hesabı ilə məğlub edib. Qrupda ikinci sırada olan İsveç millisi Belarus yığmasının qapısından dörd cavabsız top keçirib. Digər oyunda isə Bolqarıstan doğma divarlar arxasında Hollandiya üzərində 2:0 hesabı ilə qələbə qazanıb.Hazırda bu qrupa 13 xalla Fransa yığması başçılıq edir. İsveç 10 xalla ikinci, Bolqarıstan isə 9 xalla üçüncüdür. Qrupda dördüncü sırada qərarlaşan Hollandiya yığmasının 7 xalı var. Sonrakı yerləri isə 2 xalla Belarus və aktivində bir xal olan Lüksemburq tutur.“B” qrupunun lideri İsveçrə millisi Latviya yığmasını minimal hesabla məğlub edəcək ardıcıl beşinci görüşü də qələbə ilə başa vurub. Portuqaliya yığması isə Macarıstan futbolçularını topu üç dəfə mərkəzdən başlamağa məcbur ediblər – 3:0. Andorra və Farer adaları milliləri arasında görüşdə isə qapılara top vurulmayıb – 0:0.Beləliklə, beş turdan sonra isveçrəlilər 15 xalla qrupda birinci, portuqaliyalılar isə 12 xalla ikinci yerdə qərarlaşıblar. Macarıstan yığmasının 7, Farer adalarının 5, Latviyanın 3, Andorranın isə 1 xalı var.“C” qrupunda beşinci turun nəticələri liderlik uğrunda mübarizəni daha da gərginləşdirib. Belə ki, Bosniya və Herseqovina millisi Estoniya yığmasını 5:0 hesabı ilə məğlub edərək xalını 10-a çatdırdığı halda, qrup birincisi belçikalılar son dəqiqələrdə vurduqları qolla ikinci sıradakı yunanlarla heç-heçəyə nail ola biliblər – 1:1. Qrupun digər görüşündə - Kipr-Estoniya qarşılaşmasında da qalib müəyyənləşməyib – 0:0.Bu qrupa aktivində 13 xal olan Belçika yığması başçılıq edir. Yunanıstan millisi 11 xalla ikinci, Bosniya və Herseqovina 10 xalla üçüncü sıradadır. Kipr (4 xal) dördüncü, Estoniya (4 xal) isə beşinci pillədə qərarlaşıb. Hesabında xal olmayan Cəbəllütariq yığması isə sonuncu pillədədir.Dünya çempionatının Avropa qitəsi üzrə seçmə mərhələsi çərçivəsində martın 26-da “C”, “E” və “F” qruplarında görüşlər keçiriləcək.“C” qrupunda mübarizə aparan Azərbaycan yığma komandası Tofiq Bəhramov adına Respublika stadionunda qrupun lideri, hazırkı dünya çempionu Almaniya millisi ilə qarşılaşacaq. Matç Bakı vaxtı ilə saat 20.00-də başlayacaq.xeber100.com

Kempo Federasiyasının məlumatı

Martın 25-26-da Bakıda, Şağan Olimpiya İdman Kompleksində kempo üzrə ikinci Asiya oyunları təşkil ediləcək.Azərbaycan Kempo Federasiyasından Azərtac-a verilən məlumata görə, yarış Gənclər və İdman Nazirliyinin, Bakı Şəhər Gənclər və İdman Baş İdarəsinin, Şərq Döyüş Növləri Federasiyaları Şurasının razılığı, Beynəlxalq Kempo Federasiyasının ölkəmizdə səlahiyyətli nümayəndəsi "Toğrul" şərq əlbəyaxa döyüş növləri və təkmübarizlik sənəti klubunun təşkilatçılığı ilə keçirilir. Yarış Kempo Full, Kempo Submişn Gi, Submişn NoGi, Semi, Self Defens, Kata versiyaları üzrə keçiriləcək.Yarışın rəsmi açılış mərasimi martın 25-də saat 14.30-da Şağan Olimpiya İdman Kompleksində olacaq. Yarışda Əfqanıstan, Hindistan, Çin, Pakistan, Gürcüstan, Qazaxıstan və İran idmançılarının iştirakı gözlənilir.Birinci Asiya oyunları keçən il Hindistanda keçirilib. Azərbaycan bu tədbiri ikinci olaraq öz üzərinə götürüb. Bu yarış Asiya kempoçuları arasında olan dostluq və əməkdaşlıq münasibətlərinə kömək edəcək.xeber100.com

Avropa kuboku yarışları keçiriləcək

Martın 25-26-da İspaniyanın Las-Palmas şəhərində triatlon idman növü üzrə Avropa kuboku yarışları keçiriləcək.Azərtac xəbər verir ki, yarışda Azərbaycanı baş məşqçi Sergey Yatsenkonun rəhbərliyi ilə triatlonçular Rostislav Pevtsov və Kseniya Levkovskaya təmsil edəcəklər.Avropa kubokundan sonra milli komandamız Las-Palmasda təlim-məşq toplanışlarında olacaq.Xatırladaq ki, Azərbaycanın triatlon üzrə yığması beynəlxalq yarışlara hazırlaşmaq üçün yanvarda Kiprdə təlim-məşq toplanışı keçirmişdi.xeber100.com

Dünya Güləş Birliyi qaydalarda dəyişikliklər edib

Güləş idman növünün daha da populyarlaşması və marağın artırılması məqsədilə Dünya Güləş Birliyi qaydalarda mütəmadi olaraq dəyişikliklər edir.Azərtac xəbər verir ki, yeni qaydalara əsasən, sərbəst güləşdə bütün qayda pozuntuları (xalçadan kənara qaçma, rəqiblə təmasdan qaçma, qaydalar zidd hərəkətlər) xəbərdarlıq və rəqibə 2 xal verilməsi ilə nəticələnəcək. Həmçinin sərbəst güləşdə ayaq üstə edilən və təhlükəli vəziyyətlə yekunlaşmayan bütün atmalar 2 xalla qiymətləndiriləcək.Sərbəst güləşdə yüksək amplituda ilə icra edilən fənd təhlükəli vəziyyətlə yekunlaşarsa 5 xal, təhlükəli vəziyyət qeydə alınmazsa 4 xalla qiymətləndiriləcək. Habelə 30 saniyə fəallıq vaxtı sonunda güləşçilərdən hər hansı biri xal almazsa passiv olan güləşçinin rəqibinə görüş dayandırılmadan 1 xal veriləcək, aktivlik vaxtı tətbiq olunan güləşçiyə xəbərdarlıq verilməyəcək.Yunan-Roma güləşində passivliyə görə tətbiq edilən parter qaydası ləğv edilib. Bu qaydada hər hansı dəyişiklik edilməyib.Görüş zamanı xalça hakimi və yan hakim səhv qərar verərsə, xalça rəhbəri qərarı müzakirə edərkən onlarla birgə video-təkrara baxa biləcək. Qanayan zədələnmələr zamanı həkimə müraciət üçün 4 dəqiqə vaxt ayrılacaq. Digər zədələnmələrdə əvvəlki qayda tətbiq ediləcək.Aprelin 8-9-da Bolqarıstanda təşkil olunacaq Dan Kolov-Nikola Petrov beynəlxalq turnirində passivliyə görə məcburi parter tətbiq edilməsi qaydası bir daha sınaqdan keçiriləcək və yekun qərar ondan sonra veriləcək. Martın 28-dən aprelin 2-dək Macarıstanda keçiriləcək 23 yaşadək güləşçilər arasında Avropa çempionatı isə partersiz sistem ilə təşkil olunacaq.xeber100.com

Dünya çempionatının növbəti oyunları keçirilib

2018-ci ildə Rusiyada təşkil olunacaq futbol üzrə dünya çempionatının seçmə mərhələsi çərçivəsində martın 24-də Avropa zonasında növbəti matçlar keçirilib.Azərtac xəbər verir ki, beşinci turun ilk oyun günündə "I", "G" və "D" qruplarında yer alan komandalar üz-üzə gəliblər.Azərbaycanlı futbolsevərlər üçün əsas maraq kəsb edən oyun "I" qrupunda Türkiyə və Finlandiya komandaları arasında qarşılaşma olub. Keçirdiyi dörd oyunda beş xal toplayaraq 4-cü pillədə qərarlaşan Türkiyə millisi mundiala vəsiqə qazanmaq imkanını əldə etmək üçün doğma meydandakı oyunda üç xal qazanmalı idi. Qardaş ölkənin komandası bu vəzifənin öhdəsindən layiqincə gəldi və rəqibini 2:0 hesabı ilə məğlub etdi. Finlandiya millisinin qapısına hər iki qolu oyunun 9-cu və 13-cü dəqiqələrində türkiyəli hücumçu Cenk Tosun vurdu."I" qrupunun digər görüşlərində lider Xorvatiya millisi evdə ikinci sıradakı Ukraynaya 1:0, üçüncü mövqedəki İslandiya səfərdə sonuncu pillədə qərarlaşan Kosovo yığmasına 2:1 hesabı ilə qalib gəldi. Bu qarşılaşmalardan sonra qrupa beş oyundan 13 xal toplayan Xorvatiya millisi başçılıq edir. Aktivində 10 xalı olan İslandiya yığması ikinci yerə yüksəldi. Ukrayna və Türkiyə yığmaları səkkiz xalla üçüncü-dördüncü yerləri bölüşürlər."G" qrupunun lider komandaları İspaniya və İtaliya yığmaları növbəti matçlarını doğma meydanlarında keçiriblər. Həmin kollektivlər İsrail və Albaniya milli komandalarından müvafiq olaraq 4:1 və 2:0 hesabı ilə üstün olublar. Makedoniya millisi isə Lixtenşteynə səfərdə 3:0 hesabı ilə qalib gəlib. Bu qrupun liderləri aktivlərində 13 xal olan və birinci-ikinci yerləri bölüşən İspaniya və İtaliya komandalarıdır."D" qrupunda Serbiya Gürcüstanı səfərdə 3:1, Avstriya isə öz meydanında Moldovanı 2:0 hesabı ilə məğlubiyyətə uğradıb. İrlandiya-Uels görüşü heç-heçə başa çatıb - 0:0. Qrupda ilk pillədə hərəyə 11 xal toplayan Serbiya və İrlandiya komandaları qərarlaşıb.xeber100.com

Futbol üzrə yarımfinal mərhələsinin ilk oyunlarının vaxtı müəyyənləşib

Futbol üzrə Azərbaycan kuboku uğrunda yarışın yarımfinal mərhələsinin ilk oyunlarının vaxtı müəyyənləşib.Azərtac xəbər verir ki, yarımfinal görüşləri martın 30-da keçiriləcək.ünün ilk oyununda "İnter Arena"da "İnter" komandası "Qəbələ" klubunu qəbul edəcək. Qarşılaşmaya saat 17:00-da start veriləcək. Saat 19:30-da başlayacaq digər matç isə "Bakcell Arena"da "Neftçi" və "Qarabağ" komandaları arasında oynanılacaq.Komandalar arasında cavab oyunu aprelin 5-də keçiriləcək.Qeyd edək ki, hər iki yarımfinal cütləri əvvəllər də kubok yarışlarında qarşılaşıb.Son iki mövsümün finalçıları olan "Neftçi" və "Qarabağ" kollektivləri bu dəfə yarımfinalda görüşəcəklər. Ölkə kubokunda ən çox üz-üzə gələn cütlüyün yolları 12-ci dəfə kəsişib. Əvvəlki 11 duel çərçivəsində yeddi dəfə "Qarabağ", dörd dəfə isə "Neftçi" cütün qalibi olub.Kubokda yolları ikinci dəfə kəsişən "İnter" və "Qəbələ"nin ilk dueli səkkiz il əvvəl baş tutub. İndiki kimi 2008/2009-cu illər mövsümündə də bu rəqiblər yarımfinalda görüşüb. Hər komandanın öz meydanında qalib gəldiyi qarşılaşmada yekunda mərhələ adlayan tərəf "İnter" olub.xeber100.com

Milli komandalar arasında keçiriləcək oyunda…

Zədəsi sağalan Portuqaliyanın “Boavişta” klubunun qapıçısı Kamran Ağayev futbol üzrə Azərbaycan milli komandası ilə birgə məşqlərdə iştirak edib.Azərtac AFFA-nın rəsmi "facebook" səhifəsinə istinadla xəbər verir ki, 31 yaşlı qolkiper hazırda özünü yaxşı hiss edir. K.Ağayev bir neçə gün əvvəl məşq zamanı aldığı kiçik zədə səbəbindən hazırlıq prosesindən kənarda qalmışdı. Artıq zədəsi sağalan K.Ağayev 2018-ci il futbol üzrə dünya çempionatının seçmə mərhələsi çərçivəsində Azərbaycan və Almaniya milli komandaları arasında keçiriləcək oyunda iştirak edə biləcək.Xatırladaq ki, baş məşqçi Robert Prosineçki Almaniya ilə matça 26 futbolçu dəvət etsə də, Ruslan Abışov və Namiq Ələsgərov zədəli olduqları üçün hazırlıq prosesinə qatıla bilməyiblər.Martın 26-da Tofiq Bəhramov adına Respublika Stadionunda keçiriləcək Azərbaycan-Almaniya qarşılaşması saat 20:00-da başlayacaq.Görüşü italiyalı baş hakim Daniele Orsato idarə edəcək.xeber100.com

“Novruz-2017” beynəlxalq turniri başa çatıb

Qırğızıstanda basketbol üzrə “Novruz-2017” beynəlxalq turniri başa çatıb.Azərtac xəbər verir ki, turnirdə ölkəmizi təmsil edən 20 yaşadək basketbolçulardan ibarət Azərbaycan millisi finalda “Qırğızıstan-1” komandası ilə qarşılaşıb.Gərgin idman mübarizəsi şəraitində keçən oyunda millimiz 67:75 hesabı ilə məğlub olaraq “Novruz-2017” beynəlxalq turnirinin gümüş medalı ilə kifayətlənib.xeber100.com