“Qəbələ” idman klubu 3 illik müqavilə imzalayıb

“Qəbələ” idman klubu ilə braziliyalı futbol əfsanəsi Ronaldinyonun adını daşıyan akademiya arasında müqavilə imzalanıb.Azərtac “Qəbələ”yə istinadla xəbər verir ki, mərasim Dubayda təşkil olunub.Əvvəlcə “Qəbələ”nin kommersiya direktoru Mustafa Aztopal təqdimatında tədbir iştirakçılarına Azərbaycan futbolu, o cümlədən ölkəmizdəki idman hərəkatı haqqında məlumat verib.Sonra 2016-cı ilin oktyabrında Bakıda memorandum imzalayan tərəflər bu dəfə 3 illik anlaşmanı rəsmiləşdiriblər. Müqaviləyə “Qəbələ” tərəfdən klubun vitse-prezidenti Fariz Nəcəfov, “Ronaldinho Soccer Academy” tərəfdən isə Ronaldinyo imza atıb.Tədbirdə çıxış edən Fariz Nəcəfov layihənin ölkəmizdə futbolun inkişafına və kütləviləşməsinə verəcəyi təkandan bəhs edib. Lisenziya xarakteri daşıyan bu müqavilə ilə “Qəbələ” əfsanəvi futbolçunun adını daşıyan akademiyanın Azərbaycandakı eksklüziv hüquqlarına yiyələnib. Müqaviləyə əsasən klubumuzun üzərinə məktəbin fəaliyyəti üçün baza, təsislər təqdim etmək, şirkətin marka dəyərini qorumaq vəzifələri düşür. “Ronaldinho Soccer Academy” isə eksklüziv ad hüququnu verəcək və lazım olan dəstəyi göstərəcək.“Qəbələ” və “Ronaldinho Soccer Academy” arasında müqavilənin sentyabrın 1-dən qüvvəyə minməsi nəzərdə tutulub. Qarşıdakı 1 il ərzində yeni akademiyanın bazasının hazır vəziyyətə gətirilməsi planlaşdırılır.xeber100.com

Futzal üzrə yoldaşlıq oyunu keçiriləcək

Futzal üzrə Azərbaycan milli komandası martın 29-da və 30-da Moldova yığması ilə yoldaşlıq oyunu keçirəcək.Azərtac AFFA-ya istinadla xəbər verir ki, Bakı İdman Sarayında keçiriləcək hər iki qarşılaşma saat 18:30-da başlayacaq.Oyunlar “CBC Sport” televiziya kanalında canlı yayımlanacaq.xeber100.com

Həndbol Federasiyasının məlumatı

Azərbaycan Həndbol Federasiyasının (AHF) hakimləri Vaqif Əliyev və Ələkbər Ağakişiyev kişilər arasında “Challenge Cup” yarışlarına təyinat alıblar.Federasiyadan Azərtac-a bildirilib ki, beynəlxalq dərəcəli hakimlərimiz aprelin 1-də Slovakiyanın Sala şəhərində “HKM Sala” (Slovakiya) və “JMS Hurry-Up” (Hollandiya) komandaları arasında baş tutacaq görüşü idarə edəcəklər.xeber100.com

Dünya kuboku mərhələsi start götürüb

Martın 16-da Bakıda kişi və qadın idman gimnastikası üzrə Beynəlxalq Gimnastika Federasiyasının (FIG) dünya kuboku mərhələsi start götürüb. Artıq ikinci ildir ki, paytaxtımızın ev sahibliyi etdiyi kubokda 23 ölkədən, ümumilikdə 85 kişi, 35 qadın idmançısı iştirak edir.Azərtac xəbər verir ki, turnirin ilk 2 günü təsnifat mərhələləri, son 2 günü isə ayrı-ayrı alətlər üzrə finallar keçiriləcək. Yeni Olimpiya dövrünün 2017-ci ildən qüvvəyə minən yeni qaydaları əsasında kişi gimnastları 6, qadın gimnastları isə 4 dəst medal uğrunda mübarizə aparırlar.2015-ci ildən etibarən Bakıda gimnastikanın bütün Olimpiya növləri üzrə dünya kuboku mərhələlərinin keçirilməsi artıq ənənəyə çevrilib. İrimiqyaslı beynəlxalq tədbirlərin zəngin təcrübəyə əsaslanaraq yüksək səviyyədə təşkili əlbəttə, ölkədə gimnastika növlərinin inkişafına böyük təkan verir və gimnastika sevərlərin sayını ildən- ilə artırır. Bu yolun davamı olaraq növbəti dəfə təşkil edilən kubokda arenaya toplaşan tamaşaçılar tanınmış idman gimnastlarının təqdimatında güc, zəriflik və əzmkarlığı əks etdirən gərgin mübarizənin şahidi olurlar. Yarış boyunca keçiriləcək əyləncəli fləşmoblar, maraqlı müsabiqələr gimnastika sevərlərə fərqli gün yaşadacaq.xeber100.com    

Yeni layihəyə start verilib

AFFA və UNICEF yeni layihəyə start veriblər.Azərtac AFFA-ya istinadla xəbər verir ki, əməkdaşlıq UNICEF-in qlobal uşaq zorakılığına qarşı kampaniyası çərçivəsində həyata keçirilir.Layihənin əsas şüarı olan “Bizə qoşul, futbolu sev, zorakılığa YOX de!” sosial şəbəkələrdə #FutboluSevZorakiligaYoxDe haştaqı ilə paylaşılır.Sosial videoçarxa 17 yaşadək qızlardan ibarət millimizin üzvləri Elvira Əsgərzadə, Həqiqət Qasımova, Azərbaycan yığmasının müdafiəçisi Maksim Medvedev və yarımmüdafiəçisi Qara Qarayev çəkiliblər.Videoçarx AFFA-nın martın 15-də keçirilmiş hesabat konfransında UNICEF-in nümayəndəsi Min Yuanın təqdimatı ilə futbol ictimaiyyətinə və mətbuat nümayəndələrinə nümayiş etdirilib.Bakının müxtəlif yerlərində mövzuya aid reklam lövhələri quraşdırılacaq və il ərzində uşaq futbolunda çalışan məşqçilərə futbol oyunları zamanı, məşq prosesində və digər situasiyalarda zorakılığı aradan qaldırmaq barədə kitabçalar paylanacaq.xeber100.com

“Qarabağ” komandası “AZAL” klubunu məğlub edib

Martın 14-də Topaz Premyer Liqasının XXII turunun ikinci günündə “Qarabağ” komandası çempionatın autsayderi olan “AZAL” klubunu 1:0 hesabı ilə məğlub edib.Azərtac xəbər verir ki, “Azərsun Arena”da keçirilən oyunu baş hakim Rəhim Həsənov idarə edib.Oyunun ilk hissəsində “Qarabağ” rəqib komandanın qapısı qarşısında təhlükəli vəziyyət yaratsa da, bu imkandan yararlana bilməyib. Ağdamlılar oyunun taleyini yalnız matçın 68-ci dəqiqəsində həll ediblər. Dino Ndlov “Qarabağ”ı hesabda irəli çıxarıb. Qalan dəqiqələrdə oyunda əlavə qol olmayıb və matç “Qarabağ” komandasının qələbəsi ilə başa çatıb -1:0.Bu oyundan sonra “Qarabağ” komandası xallarının sayını 48-ə çatdırıb. Çempionatın lideri “Qəbələ” komandası turun sonuncu görüşündə Bakıda “Neftçi”yə qalib gələ bilməsə, “Qarabağ” turnir cədvəlində birinci sıraya yüksələcək.xeber100.com

“Bakı-2017”nin “Domestic Grassroots” proqramı çərçivəsində…

IV İslam Həmrəyliyi Oyunlarının idmançı səfiri, Rio Olimpiadasının bürünc medalçısı və ikiqat dünya çempionu Hacı Əliyev “Bakı-2017”nin “Domestic Grassroots” proqramı çərçivəsində Olimpiya Güləş Mərkəzində gənc idmançılar və idmana həvəsi olan gənclərə güləş üzrə master-klass keçib.Azərbaycan Güləş Federasiyasından Azərtac-a bildiriblər ki, master-klaslar “Domestic Grassroots” proqramının əsas layihələrindən biridir. Master-klaslar idmançı səfirlərimizin yeniyetmə və gənc idmançıları həvəsləndirmək, onlara idman karyeralarında dəstək vermək məqsədi daşıyır.Master-klas zamanı gənc idmançılar və idmanla maraqlanan yeniyetmələr və həvəskarlar idmançı səfirin praktik məsləhətlərindən yararlanıblar.xeber100.com

“Yuventus” Portuqaliya təmsilçini 1:0 hesabı ilə məğlub edib

Martın 14-də UEFA Çempionlar Liqasının dörddəbir final mərhələsi çərçivəsində “Yuventus” komandası “Portu”, “Lester Siti” klubu isə “Sevilya” ilə cavab oyunu keçiriblər.Azərtac xəbər verir ki, Turində keçirilən oyunda “Yuventus” Portuqaliya təmsilçini 1:0 hesabı ilə məğlub edib. Turinlilərin heyətində Dibala matçın 42-ci dəqiqəsində 11 metrlik cərimə zərbəsini dəqiq yerinə yetirib. İlk oyunda 2:0 hesabı ilə qalib gələn “Yuventus” iki görüşün nəticəsinə görə dörddəbir finala vəsiqə qazanıb. Bununla da İtaliya təmsilçisi onuncu dəfə dörddəbir finalda oynamaq hüququ əldə edib.İlk görüşdə İspaniyada “Sevilya” komandasına 1:2 hesabı ilə məğlub olan “Lester Siti” doğma meydanda əzmkarlıq nümayiş etdirərək 2:0 hesabı ilə qalib gəlib. Oyunun 27-ci dəqiqəsində Morqanın və 54-cü dəqiqəsində Olbraytonun qolları lesterliləri dörddəbir finala çıxarıb.UEFA Çempionlar Liqasının dörddəbir final mərhələsinə bu gün keçiriləcək “Atletiko Madrid”-“Bayer Leverkuzen” və “Monaco”-“Mançester Siti” görüşləri ilə yekun vurulacaq. “Bavariya”, “Real Madrid”, “Barselona” və “Borussiya Dortmund” dörddəbir finala vəsiqəni artıq təmin ediblər.Dörddəbir final mərhələsinin püşkü martın 17-də İsveçrənin Nyon şəhərində atılacaq.xeber100.com

AFFA-nın XXIV konfransında seçki keçirilib

AFFA-nın XXIV konfransında qurumun İcraiyyə Komitəsində vakant olan bir yerə seçki keçirilib.Azərtac xəbər verir ki, vakant yerə Azərbaycan Futzal Federasiyasının prezidenti Zaur Axundov seçilib.Z.Axundovun İcraiyyə Komitəsinin üzvlüyünə namizədliyi Sahə Futbol Federasiyaları İctimai Birliyi tərəfindən irəli sürülüb.xeber100.com

Futbol üzrə dünya çempionatının seçmə mərhələsi çərçivəsində…

Futbol üzrə dünya çempionatının seçmə mərhələsi çərçivəsində Azərbaycan millisinin Almaniya ilə matçı qrupda bizim üçün ən asan oyun olacaq.Azərtac xəbər verir ki, bu sözləri futbol üzrə Azərbaycan yığmasının baş məşqçisi Robert Prosineçki deyib.Xorvatiyalı baş məşqçi bildirib: “Rəqib dünyanın ən güclü komandalarından biridir. O, təkcə qrupumuzun favoriti deyil, həm də dünya çempionudur. Heyətdəki futbolçular ən güclü klublarda oynayırlar. Buna görə də üzərimizdə təzyiq yoxdur. Əksinə, təzyiq növbəti matçlarda daha çox olacaq”.xeber100.com