Futbol üzrə Premyer Liqasının XIX turuna start verilib

Fevralın 18-də futbol üzrə Azərbaycan Premyer Liqasının XIX turuna start verilib.AZƏRTAC xəbər verir ki, turun açılış oyununda “İnter” komandası “Zirə”ni qəbul edib. Matçın 40-cı dəqiqəsində “İnter”in futbolçusu Denis Silva avtoqol müəllifi olub. Yeddi dəqiqə sonra Rauf Əliyev bərabərlik qolunu vurub. Komandaların cəhdlərinə baxmayaraq oyunun sonunadək hesab dəyişməyib – 1:1.Hesabındakı xalların sayını 33-ə çatdıran “İnter”in turnir cədvəlində 3-cü pillədəki mövqeyi dəyişməyib. “Zirə” isə 23 xalla 4-cü pilləyə yüksəlib.Günün ikinci oyununda “Neftçi” komandası “Kəpəz”i qəbul edəcək. Tura fevralın 19-da keçiriləcək “Sumqayıt”-AZAL və “Qəbələ”-“Qarabağ” oyunu ilə yekun vurulacaq.xeber100.com

XIX tur çərçivəsində növbəti görüş keçirilib

Fevralın 18-də futbol üzrə Topaz Premyer Liqasında XIX tur çərçivəsində növbəti görüş keçirilib.Azərtac xəbər verir ki, baş hakim Rauf Cabbarovun idarə etdiyi günün ikinci oyununda “Neftçi” komandası “Bakcell Arena”da “Kəpəz”i qəbul edib. Qarşılıqlı hücumlar şəraitində keçən matçda hesab açılmayıb. Beləliklə, flaqman çempionatda ardıcıl üçüncü qələbəsini qazana bilməyib.Bu oyundan sonra “Neftçi” xallarının sayını 17-yə çatdıraraq altıncı sırada qərarlaşıb.Aktivində 16 xal olan “Kəpəz” isə yeddinci pillədədir. Komandaların turnir cədvəlindəki mövqeləri isə dəyişməyib.Turun digər görüşləri fevralın 19-da oynanılacaq. “Sumqayıt” komandası “AZAL”ı, “Qəbələ” isə Qarabağ”ı qəbul edəcək.xeber100.com

Super Liqanın IV dövrəsinə start verilib

Fevralın 17-də qadın voleybolçular arasında Azərbaycan Super Liqasının IV dövrəsinə start verilib.Azərtac xəbər verir ki, günün mərkəzi matçı Azərbaycan Voleybol Mərkəzində “Telekom” və “Azəryol” komandaları arasında keçirilib.Gərgin idman mübarizəsi şəraitində keçən oyunda “Azəryol” komandası 3:0 hesabı ilə qalib gəlib.Hazırda Super Liqaya 29 xalla “Telekom” başçılıq edir. “Azərreyl” 23 xalla ikinci, “Azəryol” isə 19 xalla üçüncü yerdə qərarlaşıb.xeber100.com

“Southwest Class Championships 2017” şahmat turniri başlanıb

ABŞ-ın Fort-Uerte şəhərində “Southwest Class Championships 2017” şahmat turniri başlanıb. Turnirin proqramında digər yarışlarla yanaşı Masters də yer alıb.Azərtac xəbər verir ki, yarışda 75 şahmatçı, o cümlədən 13 qrossmeyster iştirak edir. Azərbaycanı qrossmeyster Namiq Quliyev təmsil edəcək. Yarış cədvəlində fransalı şahmatçı Laurent Fressinet liderlik edir.xeber100.com

“Karabükspor” futbol klubu UEFA tərəfindən sərt cəzalandırılıb

Türkiyənin “Karabükspor” futbol klubu UEFA tərəfindən sərt cəzalandırılıb.Azərtac xəbər verir ki, Super Liqa təmsilçisi avrokuboklardan kənarlaşdırılıb. Buna səbəb klubun maliyyə “fair-play”inin tələblərini pozmasıdır. Uzun müddət “Karabükspor”la bağlı araşdırma aparan UEFA klubu 2 il beynəlxalq yarışlardan kənarlaşdırılıb.“Karabükspor” 2016-2017-ci və 2017-2018-ci il mövsümlərində avrokuboklara vəsiqə qazansa, turnirdə iştirak edə bilməyəcək.xeber100.com

Dünya kuboku yarışları başlayıb

Bakıda Milli Gimnastika Arenasında yeni Olimpiya dövrünün batut gimnastikası və tamblinq üzrə ilk dünya kuboku yarışı başlayıb. Yarışda 15 ölkədən 85 batutçu və tamblinqçi iki gün ərzində 2017-ci ildə qüvvəyə minən yeni qaydalar əsasında gərgin mübarizə aparacaq.Azərtac xəbər verir ki, dünya kubokunun birinci günündə təsnifat yarışları keçirilir.xatırladaq ki, ölkəmizdə 2013-cü ilin sonundan inkişaf etməyə başlayan batut gimnastikası üzrə mötəbər tədbir - dünya kuboku artıq ikinci dəfədir təşkil olunur. Tamblinq üzrə dünya kuboku isə Azərbaycanda ilk dəfə keçirilir.xeber100.com  

Həndbol üzrə növbəti oyunlar keçirilib

Həndbol üzrə respublika çempionatında növbəti oyunlar keçirilib.Azərtac Azərbaycan Həndbol Federasiyasına istinadla xəbər verir ki, ikinci yarış günündə üç matç oynanılıb.Qadınlar arasında keçirilən qarşılaşmalarda “Nur” klubu “Gənclər Birliyi”nə 41:20, “Azəryol” komandası “Qarabağ”a 26:22 hesabı ilə qalib gəlib. Kişilər arasında oyunda isə “Məhsul” “Nəsimi”dən üstün olub - 30:28.Fevralın 18-də “Qarabağ”–“Nur”, “Azəryol”–“Gənclər Birliyi”, “Nəsimi”-“Təhsil”, “Məhsul”–RİOEUGİM qarşılaşmaları oynanılacaq.xeber100.com

Bolqarıstanda keçirilən Avropa çempionatında…

Karate üzrə 14-15 yaşlı yeniyetmələrdən ibarət Azərbaycan yığma komandasının üzvü Ayla Rzazadə (54 kq) Bolqarıstanda keçirilən Avropa çempionatında bürünc medal qazanıb.Azərtac xəbər verir ki, çempionatın birinci günündə medal əldə edən A.Rzazadə ilk dəfə qatıldığı rəsmi yarışda nəticə göstərməklə 2018-ci il Yeniyetmələrin Olimpiadasında iştirak etməyə real namizədlərdən biri kimi perspektivini ortaya qoyub.Yarışda Tale (52 kq) və Tural Yaqubov (63 kq) qardaşları və Ceyhun İsmayılov (kata) təsəlliverici görüşlərə qatılmaq imkanı əldə etsələr də, son anda mükafatçılar sırasına düşə bilməyiblər. Bu nəticə ilə Azərbaycan yarışın ilk günü medal qazana bilən 25 ölkə arasında 18-25-ci yerləri bölüşür.Avropa çempionatının növbəti iki yarış günündə 16-18 yaşlı gənclər və 21 yaşadək idmançılar mübarizəyə qatılacaqlar.Qitə çempionatında 50 ölkədən 1147 karateçi iştirak edir.xeber100.com

Güləş üzrə dünya kuboku yarışları davam edir

İran İslam Respublikasının Kirmanşah şəhərində böyüklər arasında sərbəst güləş üzrə dünya kuboku yarışları davam edir.Azərtac xəbər verir ki, püşkatmanın nəticəsinə əsasən, yığma komandamız Rusiya, Gürcüstan və ABŞ idmançıları ilə “A” yarımqrupunda mübarizə aparır.İlk görüşdə Rusiya idmançıları ilə qarşılaşan güləşçilərimiz görüşü 4:4 hesablı bərabərliklə bitiriblər. Ancaq xalların keyfiyyətinə görə, 32:29 hesabı ilə öndə olan yığmamız görüşü qalib başa vurub. Yarımqrupun ikinci görüşündə yığmamız Gürcüstan güləşçilərini 5:3 hesabı ilə məğlub edib.Növbəti görüşdə millimizin rəqibi ABŞ idmançılarıdır.xeber100.com

UEFA Avropa Liqasında final mərhələsinin ilk oyunları keçirilib

Bu gün futbol üzrə UEFA Avropa Liqasında 1/16 final mərhələsinin ilk oyunları keçirilib.Azərtac xəbər verir ki, bu mərhələnin maraqlı görüşlərindən biri İspaniyada keçirilib. “Vilyareal” klubu İtaliyanın “Roma” komandasına 0:4 hesabı ilə məğlub olub. Sankt-Peterburqun “Zenit” klubu isə səfərdə “Anderlext”ə uduzub – 0:2.Azərbaycanlı azarkeşlər üçün böyük maraq kəsb edən “Hapoel” (Beer-Şeva, İsrail) – “Beşiktaş” (Türkiyə) matçında qonaqlar sevinən tərəf olub – 1:3.Digər oyunlar isə aşağıdakı kimi nəticələnib: “Atletik” (İspaniya) – APOEL (Kipr) – 3:2 “Legiya” (Polşa) – “Ayaks” (Hollandiya) – 0:0 “Mançester Yunayted” (İngiltərə) – “Sent-Etyenn” (Fransa) – 3:0 PAOK (Yunanıstan) – “Şalke” (Almaniya) – 0:3 Komandalar arasında cavab oyunları fevralın 23-də keçiriləcək.xeber100.com