Dünya kuboku yarışları başlayıb

Bakıda Milli Gimnastika Arenasında yeni Olimpiya dövrünün batut gimnastikası və tamblinq üzrə ilk dünya kuboku yarışı başlayıb. Yarışda 15 ölkədən 85 batutçu və tamblinqçi iki gün ərzində 2017-ci ildə qüvvəyə minən yeni qaydalar əsasında gərgin mübarizə aparacaq.Azərtac xəbər verir ki, dünya kubokunun birinci günündə təsnifat yarışları keçirilir.xatırladaq ki, ölkəmizdə 2013-cü ilin sonundan inkişaf etməyə başlayan batut gimnastikası üzrə mötəbər tədbir - dünya kuboku artıq ikinci dəfədir təşkil olunur. Tamblinq üzrə dünya kuboku isə Azərbaycanda ilk dəfə keçirilir.xeber100.com  

Həndbol üzrə növbəti oyunlar keçirilib

Həndbol üzrə respublika çempionatında növbəti oyunlar keçirilib.Azərtac Azərbaycan Həndbol Federasiyasına istinadla xəbər verir ki, ikinci yarış günündə üç matç oynanılıb.Qadınlar arasında keçirilən qarşılaşmalarda “Nur” klubu “Gənclər Birliyi”nə 41:20, “Azəryol” komandası “Qarabağ”a 26:22 hesabı ilə qalib gəlib. Kişilər arasında oyunda isə “Məhsul” “Nəsimi”dən üstün olub - 30:28.Fevralın 18-də “Qarabağ”–“Nur”, “Azəryol”–“Gənclər Birliyi”, “Nəsimi”-“Təhsil”, “Məhsul”–RİOEUGİM qarşılaşmaları oynanılacaq.xeber100.com

Bolqarıstanda keçirilən Avropa çempionatında…

Karate üzrə 14-15 yaşlı yeniyetmələrdən ibarət Azərbaycan yığma komandasının üzvü Ayla Rzazadə (54 kq) Bolqarıstanda keçirilən Avropa çempionatında bürünc medal qazanıb.Azərtac xəbər verir ki, çempionatın birinci günündə medal əldə edən A.Rzazadə ilk dəfə qatıldığı rəsmi yarışda nəticə göstərməklə 2018-ci il Yeniyetmələrin Olimpiadasında iştirak etməyə real namizədlərdən biri kimi perspektivini ortaya qoyub.Yarışda Tale (52 kq) və Tural Yaqubov (63 kq) qardaşları və Ceyhun İsmayılov (kata) təsəlliverici görüşlərə qatılmaq imkanı əldə etsələr də, son anda mükafatçılar sırasına düşə bilməyiblər. Bu nəticə ilə Azərbaycan yarışın ilk günü medal qazana bilən 25 ölkə arasında 18-25-ci yerləri bölüşür.Avropa çempionatının növbəti iki yarış günündə 16-18 yaşlı gənclər və 21 yaşadək idmançılar mübarizəyə qatılacaqlar.Qitə çempionatında 50 ölkədən 1147 karateçi iştirak edir.xeber100.com

Güləş üzrə dünya kuboku yarışları davam edir

İran İslam Respublikasının Kirmanşah şəhərində böyüklər arasında sərbəst güləş üzrə dünya kuboku yarışları davam edir.Azərtac xəbər verir ki, püşkatmanın nəticəsinə əsasən, yığma komandamız Rusiya, Gürcüstan və ABŞ idmançıları ilə “A” yarımqrupunda mübarizə aparır.İlk görüşdə Rusiya idmançıları ilə qarşılaşan güləşçilərimiz görüşü 4:4 hesablı bərabərliklə bitiriblər. Ancaq xalların keyfiyyətinə görə, 32:29 hesabı ilə öndə olan yığmamız görüşü qalib başa vurub. Yarımqrupun ikinci görüşündə yığmamız Gürcüstan güləşçilərini 5:3 hesabı ilə məğlub edib.Növbəti görüşdə millimizin rəqibi ABŞ idmançılarıdır.xeber100.com

UEFA Avropa Liqasında final mərhələsinin ilk oyunları keçirilib

Bu gün futbol üzrə UEFA Avropa Liqasında 1/16 final mərhələsinin ilk oyunları keçirilib.Azərtac xəbər verir ki, bu mərhələnin maraqlı görüşlərindən biri İspaniyada keçirilib. “Vilyareal” klubu İtaliyanın “Roma” komandasına 0:4 hesabı ilə məğlub olub. Sankt-Peterburqun “Zenit” klubu isə səfərdə “Anderlext”ə uduzub – 0:2.Azərbaycanlı azarkeşlər üçün böyük maraq kəsb edən “Hapoel” (Beer-Şeva, İsrail) – “Beşiktaş” (Türkiyə) matçında qonaqlar sevinən tərəf olub – 1:3.Digər oyunlar isə aşağıdakı kimi nəticələnib: “Atletik” (İspaniya) – APOEL (Kipr) – 3:2 “Legiya” (Polşa) – “Ayaks” (Hollandiya) – 0:0 “Mançester Yunayted” (İngiltərə) – “Sent-Etyenn” (Fransa) – 3:0 PAOK (Yunanıstan) – “Şalke” (Almaniya) – 0:3 Komandalar arasında cavab oyunları fevralın 23-də keçiriləcək.xeber100.com

Çempionlar Liqasının “Dördlər finalı”nı keçirəcək ölkə müəyyənləşib

Qadın voleybol komandaları arasında Çempionlar Liqasının “Dördlər finalı”nı keçirəcək ölkə müəyyənləşib.Azərtac xəbər verir ki, həlledici mərhələnin oyunları İtaliyada təşkil olunacaq.Bu dəfə “Dördlər finalı”nın təşkilatçılığını Bakının “Telekom” klubu ilə “A” qrupunda yer alan “Konegliano” öz üzərinə götürüb. Aprelin 22-23-də keçiriləcək matçlar Trevizo şəhərində oynanılacaq.Qeyd edək ki, Çempionlar Liqasında Azərbaycanın iki klubu - “Azərreyl” və “Telekom” mübarizə aparır. “Telekom”dan fərqli olaraq, “Azərreyl” növbəti mərhələyə adlamaq şansını davam etdirir.Qeyd edək ki, ötən mövsüm də İtaliya “Dördlər finalı”na ev sahibliyi etmişdi.xeber100.com

Qılıncoynatma üzrə Azərbaycan birinciliyi sona yetib

Qılıncoynatma üzrə yeniyetmələr arasında Azərbaycan birinciliyi sona yetib. Qılıncoynatma Federasiyasının zalında təşkil olunan yarışda 64 idmançı (36 oğlan, 28 qız) şpaqa və sablya növlərində bacarıqlarını nümayiş etdiriblər.Azərtac xəbər verir ki, “Neftçi İdman Klubu”nun təmsilçiləri də birincilikdə mübarizə aparıblar.Klubun sablyaçıları 2-si gümüş və 3-ü bürünc olmaqla yarışın 5 medalına yiyələniblər. Oğlanlar arasında Murad Hüseynov gümüş, Murad Əkbərov isə bürünc medala layiq görülüblər.Xanım sablyaçıların yarışında Ayla Muradzadə fəxri kürsünün ikinci pilləsinə qalxıb. Sara Aydəmirova və Ləman Əhmədova isə ölkə birinciliyini üçüncü yerdə başa vurublar.xeber100.com

“ABU-Arena”da ölkə çempionatı davam edir

“ABU-Arena”da qadınlar və kişilər arasında həndbol üzrə ölkə çempionatı davam edir.Azərtac xəbər verir ki, ilk yarış günündə birinci dövrənin 3 görüşü keçirilib. Qadınlar arasında keçirilən qarşılaşmalarda “Qarabağ” “Gənclər Birliyi”nə 34:20, “Azəryol” klubu “Nur” komandasına 24:21 hesabı ilə qalib gəlib. Kişilər arasında baş tutan yeganə matçda isə 2 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin komandası “Təhsil” klubuna 21:27 hesabı ilə məğlub olub.Fevralın 17-də “Gənclər Birliyi”–“Nur”, “Azəryol”–“Qarabağ”, “Məhsul”-“Nəsimi” qarşılaşmaları keçiriləcək.Xatırladaq ki, həndbol üzrə ölkə çempionatının birinci dövrəsi fevralın 19-dək davam edəcək.xeber100.com

“Fransa Open” beynəlxalq turniri başa çatıb

Fransanın Metz şəhərində gənclər arasında stolüstü tennis üzrə “Fransa Open” beynəlxalq turnirində şəxsi yarışlar başa çatıb.Azərtac xəbər verir ki, 27 ölkədən 205 idmançının iştirak etdiyi turnirdə Azərbaycan tennisçisi finalda yaponiyalı idmançı ilə qarşılaşıb. Görüşdə qalib gələn tennisçimiz qızıl medal qazanıb.Çempionat komanda yarışları ilə davam edir.xeber100.com

Şahmat üzrə 3-cü turun oyunları keçirilib

İranın Məşhəd şəhərində şahmat üzrə VII Firdovsi Kuboku yarışlarının 3-cü turunun oyunları keçirilib.Azərtac xəbər verir ki, beynəlxalq yarışda 18 ölkədən 324 şahmatçı, o cümlədən 13 qrossmeyster iştirak edir. İsveçrə sistemi üzrə keçirilən turnir 11 turdan ibarətdir. Yarışda Azərbaycanı beynəlxalq dərəcəli şahmat ustası Loğman Quliyev təmsil edir.Üç turdan sonra hərəyə 3 xal toplayan 32 oyunçu, o cümlədən Loğman Quliyev liderlik edirlər. Azərbaycan şahmatçısı növbə ilə yerli şahmatçılar Reza Abdollahisaber, Mehdi Binai Tavallayei və Hivi Şahroh üzərində qələbə qazanıb.xeber100.com