Azərbaycan Super Liqasının üçüncü dövrəsinə start verilib

Yanvarın 21-də qadın voleybol komandaları arasında Azərbaycan Super Liqasının üçüncü dövrəsinə start verilib.Azərtac xəbər verir ki, “Gənclik” Olimpiya İdman Kompleksində “Telekom” komandası “Azəryol”u qəbul edib.Çempionlar Liqası yarışlarında ölkəmizi təmsil edən “Telekom” komandası rəqibini 3:1 hesabı ilə məğlub edib.Qeyd edək ki, 21 xalla “Telekom” komandası turnir cədvəlində liderliyini davam etdirir. “Azərreyl” 16 xalla ikinci, “Azəryol” isə 10 xalla üçüncü pillədə qərarlaşıb.xeber100.com

Futbol üzrə qış fasiləsi başa çatıb

Futbol üzrə Almaniya Bundesliqasında qış fasiləsi başa çatıb.AZƏRTAC xəbər verir ki, ilin ilk oyununda “Frayburq” lider “Bavariya”nı qəbul edib. Münxen klubu ikinci dövrənin ilk görüşündə əvvəlcə hesabda geri düşsə də, sonda qələbə qazanmağı bacarıb. Robert Levandovski dubl ilə yadda qalıb. Belə ki, forvard hesaba tarazlıq gətirdikdən sonra qarşılaşmaya əlavə olunmuş birinci dəqiqədə yenə adını tabloya yazdırıb – 2:1.Beləliklə, Karlo Ançelottinin yetrmələri tura qələbə ilə başlayıblar.xeber100.com

Taekvando Federasiyasının təşkilatçılığı ilə…

Azərbaycan Taekvando Federasiyasının təşkilatçılığı ilə “Sərhədçi” Olimpiya İdman Mərkəzində keçirilən böyüklər arasında ölkə çempionatının birinci günündə beş çəki dərəcəsində qaliblər müəyyənləşib.Azərtac xəbər verir ki, qızların yarışında Paniz Esmaeilpur (49 kq), Gülhanım Yeşildal (53 kq) bütün rəqiblərinə qalib gələrək çempion adına sahib olublar.Oğlanların mübarizəsində isə Qaşım Maqomedov (54 kq), Ələsgər Əliyev (68 kq) və Elvin Məmmədov (74 kq) fəxri kürsünün ən yüksək pilləsinə qalxıblar.Respublika çempionatının sonuncu günündə kişi taekvandoçular 58, 63, 80, 87 və 87 kiloqramdan yuxarı çəki dərəcələrində mübarizə aparacaqlar. Qadınlar arasında isə yarışlar 46, 57, 62, 67, 73 və 73 kiloqramdan yuxarı çəki dərəcələrində keçiriləcək.xeber100.com

Voleybol Konfederasiyası tərəfindən yeni təyinat

Azərbaycanlı hakim Avropa Voleybol Konfederasiyası (CEV) tərəfindən yeni təyinat alıb.Azərtac xəbər verir ki, beynəlxalq dərəcəli hakim Eldar Əliyev qadın voleybol komandaları arasında Çempionlar Liqası yarışlarının qrup mərhələsinin üçüncü turu çərçivəsində keçiriləcək “Vakıfbank” (Türkiyə) – “Drezdner” (Almaniya) görüşünün ikinci hakimi olacaq. Görüşə baş hakim kimi fransalı Lois Quest təyinat alıb.Oyun yanvarın 25-də İstanbulda təşkil olunacaq.xeber100.com

Azərbaycan yığması yoldaşlıq oyunu keçirib

Antalyada təlim-məşq toplanışında olan 21 yaşadək futbolçulardan ibarət Azərbaycan yığması yoldaşlıq oyunu keçirib.Azərtac xəbər verir ki, Sudanın U-20 komandası ilə qarşılaşan yığmamız 1:4 hesablı məğlubiyyətə uğrayıb. Komandamızın qolunu Ramil Həsənov vurub.20 Yanvar – Ümumxalq Hüzn Günü ilə əlaqədar futbolçularımız oyuna qara sarğı ilə çıxıblar.Azərbaycan–Sudan qarşılaşmasını milli komandamızın məşqçiləri Qordan Tsipriç və Draqan Spaşiç də izləyiblər.xeber100.com

FIFA Hakimlər Komitəsinin sədri vəzifəsinə yeni təyinat

Məşhur italiyalı hakim Pyerluici Kollina FIFA Hakimlər Komitəsinin sədri vəzifəsinə təyin olunub.Azərtac İtaliya Futbol Federasiyasının rəsmi saytına istinadla xəbər verir ki, o, bu postda ispaniyalı Anxel Mariya Vilyarı əvəzləyib. Kollinadan başqa, qurumda daha 10 nümayəndə çalışacaq. Onlar qaydaların təkmilləşdirilməsi, izahı, yenilənməsi, eləcə də FIFA-nın himayəsi altında keçirilən oyunlara hakim təyinatı ilə məşğul olacaqlar.Eyni zamanda, UEFA-da hakimlik məsələləri üzrə baş komissar kimi çalışan Kollina 6 dəfə (1998-2003) dünyanın, 7 dəfə İtaliya A Seriyasının ən yaxşı hakimi seçilib.xeber100.com

“Avro-2020”nin loqosu təqdim olunub

Futbol üzrə 2020-ci ildə keçiriləcək Avropa çempionatına ev sahibliyi edəcək daha bir şəhərin - Sankt-Peterburqun loqosu təqdim olunub.Loqoda çempionatın kuboku və onu əhatə edən azarkeşlər əks olunub. Sankt-Peterburqun məşhur tarixi abidələrindən Neva çayı üzərindəki Saray körpüsü müxtəlif ölkələrdən olan azarkeşlərin birliyinin rəmzi kimi təqdim edilib.Futbol üzrə ilk Avropa çempionatının keçirilməsinin 60 illik yubileyi ilə əlaqədar “Avro-2020”yə 13 şəhər - Bakı, Sankt-Peterburq, Buxarest, Budapeşt, Münxen, Brüssel, Amsterdam, Kopenhagen, Roma, Bilbao, Dublin, Qlazqo və London ev sahibliyi edəcək. Sankt-Peterburqda çempionatın qrup mərhələsinin üç oyunu və dörddəbir final qarşılaşmaları keçiriləcək.xeber100.com

“Qarabağ” futbol klubuna 980 min avro vəsait ayrılıb

UEFA “Qarabağ” futbol klubuna daha 980 min avro vəsait ayırıb.Azərtac xəbər verir ki, vəsait komandanın cari mövsümdə Avropa Liqasının qrup mərhələsindəki çıxışı zamanı əldə etdiyi nəticələrlə bağlı verilib.Bu məbləğ AFFA-nın vasitəçiliyi ilə “Qarabağ” klubunun hesabına köçürülüb.Qeyd edək ki, Qurban Qurbanovun rəhbərlik etdiyi komanda qrup mərhələsində iki qələbə qazanıb və bir dəfə meydanı sülhlə tərk edib. Digər üç oyunda isə komanda məğlubiyyətlə üzləşib.xeber100.com

Avropa çempionatının təqvimi açıqlanıb

Sentyabrın 22-dən oktyabrın 1-dək Azərbaycanın və Gürcüstanın birgə ev sahibliyi edəcəyi qadın voleybolçular arasında Avropa çempionatının təqvimi açıqlanıb.Azərtac Avropa Voleybol Konfederasiyasına (CEV) istinadla xəbər verir ki, çempionata sentyabrın 22-də Bakıda Rusiya-Ukrayna oyunu ilə start veriləcək. Həmin gün paytaxtımızda Azərbaycan millisi Macarıstan yığmasını qəbul edəcək. “A” qrupunda yer alan millimiz növbəti oyununu sentyabrın 24-də Polşa, bir gün sonra isə Almaniya voleybolçularına qarşı keçirəcək.Çempionatın qrup mərhələsinin oyunları dörd gün ərzində baş tutacaq. Sentyabrın 26-27-də play-off mərhələsinin, 28-29-da dörddəbir, bir gün sonra isə yarımfinal mərhələsinin görüşləri təşkil olunacaq. Oktyabrın 1-də final qarşılaşması Bakıda Milli Gimnastika Arenasında oynanılacaq.xeber100.com

Taekvando Federasiyasının təşkilatçılığı ilə…

Taekvando Federasiyasının təşkilatçılığı ilə “Sərhədçi” Olimpiya İdman Mərkəzində keçirilən respublika birinciliyi davam edir.Azərtac xəbər verir ki, turnirin birinci günündə qızların yarışında 42 kiloqram çəki dərəcəsində birinci yeri Mirvari Qənbərli tutub. Oğlanların yarışında isə Bəhruz Quluzadə (45 kq), Əbülfət Zülfüqarov (55 kq) və Mehdi Tağıyev (78 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.Yarışın ikinci günündə oğlanlar 48, 51, 63, 73 kiloqram, qızlar isə 44, 49, 68 və 68 kiloqramdan yuxarı çəki dərəcələrində mübarizəyə aparacaqlar.Turnirdə Bakıda və bölgələrdə fəaliyyət göstərən komandaların təmsilçiləri medallar uğrunda yarışırlar.xeber100.com