“Yuventus” və “İnter” klublarının sabiq futbolçusu karyerasını başa vurub

İtaliyanın “Yuventus” və “İnter” klublarının sabiq futbolçusu Kvadvo Asamoa karyerasını başa vurub.Qanalı müdafiəçi 34 yaşında futbolla vidalaşıb.A Seriyasında 279 oyun keçirmiş veteran futbolçu bu müddət ərzində 13 titul qazanıb. O, İtaliya çempionatında oyun sayı baxımından afrikalılar arasında rekordçudur.Kvadvo Asamoa 2012-2018-ci illərdə “Yuventus”un, 2018-2020-ci illərdə isə “İnter”in formasını geyinib. “Udineze”də də oynamış futbolçunun son komandası İtaliyanın “Kalyari” klubu olub. O, Qana yığmasında da 74 oyuna 4 qol vurub.xeber100.com

Azərbaycan çempionatına hazırlıq məqsədi daşıyan mini turnirdə

"Sərhədçi" İdman Olimpiya Mərkəzində 28 -ci Azərbaycan çempionatına hazırlıq məqsədi daşıyan mini turnirdə yarımfinal oyunları keçirilib.İlk qarşılaşma "NTD BK" - "AAAF Xırdalan BK" komandaları arasında keçirilib. Xırdalan basketbolçuları rəqibinə 80-65 hesabı ilə qalib gələrək finala vəsiqə qazanıblar.İkinci görüşdə isə "Gəncə BK" komandası "Zirvə Astara BK" basketbolçularına 114-76 hesabı ilə qalib gələrək turnirin ikinci finalçısı olub.Qeyd edək ki, oktyabrın 6-da turnirin final və 3-cü yer uğrunda oyunları keçiriləcək.Finalda "Gəncə BK" - "AAAF Xırdalan", 3-cü yer uğrunda görüşdə isə "NTD BK" - "Zirvə Astara BK" komandaları üz-üzə gələcəklər.xeber100.com

Avropa şahmat klub kuboku yarışı davam edir

Avstriyanın Mayrhofen şəhərində Avropa şahmat klub kuboku yarışı davam edir.Oktyabrın 4-də ikinci turun oyunları keçirilib.Ölkəmizi təmsil edən kişi şahmatçılardan ibarət "Vüqar Həşimov" komandası İsveçin “Stockholms” kollektivi ilə qarşılaşıb. Görüş “Vüqar Həşimov” komandasının 4,5:1,5 hesablı qələbəsi ilə yekunlaşıb.Qadınlardan ibarət "Odlar Yurdu" komandası Ukraynanın "Blue & Yellow" klubunu 3:1 hesabı ilə məğlub edib.Qeyd edək ki, "Vüqar Həşimov" komandası ilk turda İngiltərənin "Şarks", "Odlar Yurdu" isə Fransanın "Filidor" komandasına qalib gəlib.xeber100.com

UEFA Avropa Liqasının qrup mərhələsinin III tur oyununda

“Qarabağ” futbol klubu azarkeşləri Yunanıstanda “Olimpiakos”a qarşı keçiriləcək UEFA Avropa Liqasının qrup mərhələsinin III tur oyunu üçün "Georgios Karaiskakis" stadionuna xüsusi avtobuslarla, mühafizə xidmətinin müşayiəti ilə gedəcəklər.Futbol klubundan bildirilib ki, bu, səfər komandasının fanatları ilə bağlı yerli qaydalar, eləcə də təhlükəsizliklə əlaqədardır.Tərəfdarların matçdan əvvəl görüş nöqtəsi şəhər mərkəzində yerləşən "Marble" stadionunun qarşısı olacaq. Onlar klub tərəfindən ayrılmış xüsusi avtobuslarla matçın oynanılacağı arenaya yollanacaq."Qarabağ" azarkeşləri biletləri oyun günü ala biləcəklər. Biletin qiyməti 20 avrodur.Qeyd edək ki, oktyabrın 6-da keçiriləcək "Olimpiakos" - "Qarabağ" görüşü Bakı vaxtı ilə saat 23:00-da başlayacaq.xeber100.com

Azərbaycan çempionatına hazırlıq məqsədi daşıyan turnirin üçüncü günündə

“Sərhədçi” İdman Mərkəzində basketbol üzrə 28-ci Azərbaycan çempionatına hazırlıq məqsədi daşıyan turnirin üçüncü oyun günündə daha iki görüş keçirilib.ilk qarşılaşmada “Olimpik Şəki” basketbolçuları “Zirvə Astara” komandasına 111:104 hesabı ilə qalib gəliblər. Növbəti oyunda isə “Gəncə” və “Neftçi” klubları üz-üzə gəlib. Görüşə fəal başlayan Gəncə komandası rəqibini 113:74 hesabı ilə məğlub edib.Qeyd edək ki, oktyabrın 5-də turnirin yarımfinal oyunları keçiriləcək. Bu mərhələdə NTD – “AAAF Xırdalan”, “Gəncə” – “Zirvə Astara” görüşləri oynanılacaq.xeber100.com

UEFA Avropa Liqasının qrup mərhələsində

UEFA Avropa Liqasının qrup mərhələsində oktyabrın 6-da keçiriləcək "Olimpiakos" (Yunanıstan) - "Qarabağ" (Ağdam) oyununu idarə edəcək hakimlər müəyyənləşib.Matçı Bosniya və Herseqovinadan olan hakimlər briqadası idarə edəcək. Oyunun baş hakimiİrfan Pelto olacaq. Ona Davor Belyo və Damir Laziç kömək edəcəklər. Dördüncü hakim funksiyasını Antoni Bandiç yerinə yetirəcəklər."Georgios Karaiskakis" stadionunda oynanılacaq “Olimpiakos” – “Qarabağ” matçı Bakı vaxtı ilə saat 23:00-da start götürəcək.xeber100.com

Azərbaycan Premyer Liqasında VIII turun daha bir oyunu keçirilib

Futbol üzrə Azərbaycan Premyer Liqasında VIII turun daha bir oyunu keçirilib.Günün ilk matçında “Şamaxı” “Sabah”ı qəbul edib.Şamaxı şəhər stadionundakı qarşılaşma qonaqların minimal hesablı qələbəsi ilə bitib - 1:0.Qələbə sayəsində xallarının sayını 19-a çatdıran “Sabah” ikinci pilləyə yüksəlib. Meydan sahibləri 2 xalla 10-cu sırada qalıb.Qeyd edək ki, günün digər görüşündə “Sumqayıt” “Kəpəz”lə üz-üzə gəlib. Turun əvvəlki oyunlarında “Qəbələ” səfərdə “Səbail”i 2:1, “Zirə” “Turan Tovuz”u 3:1, “Qarabağ” isə evdə “Neftçi”ni 3:1 hesabı ilə üstələyib.xeber100.com

Türkiyə Super Liqasında mövsümün ilk İstanbul derbisi oynanılıb

Futbol üzrə Türkiyə Super Liqasında 2022-2023-cü il mövsümünün ilk İstanbul derbisi oynanılıb.VIII turun matçında “Fənərbağça” komandası “Beşiktaş”ın qonağı olub. “Vodofon Park” stadionunda keçirilən görüşdə qapılara qol vurulmayıb.Bu nəticədən sonra xallarının sayını 15-ə çatdıran meydan sahibləri 6-cı, 14 xala malik olan “Fənərbağça” isə 7-ci pillədəki mövqeyini qoruyub.Qeyd edək ki, çempionatda turnir cədvəlinə 17 xalla “Başahşehir” komandası başçılıq edir.xeber100.com

Boksçular arasında yarımfinal mərhələsinə yekun vurulub

İtaliyanın Montesilvano şəhərində yeniyetmə oğlan və qız boksçular arasında Avropa birinciliyində yarımfinal mərhələsinə yekun vurulub.Azərbaycan millisinin 4 üzvü qələbə qazanaraq finalda iştirak hüququ qazanıb.Məhəmmədəli Aşurəliyev Armandas Kreqzden (Litva) və Artur Avetikyanın (Ermənistan) ardınca gürcüstanlı Levan Demurovi ilə qarşılaşıb. Yarışda 54 kiloqram çəki dərəcəsində mübarizə aparan boksçumuz bu dueldən də qalib ayrılıb. O, gərgin idman mübarizəsi şəraitində keçən döyüşdə 4:1 hesabı ilə qələbə qazanaraq finala vəsiqə əldə edib. M.Aşurəliyev həlledici döyüşdə ingiltərəli Adam Maca ilə üz-üzə gələcək.Yığmamızın üzvü Məhəmmədəli Qasımzadə (57 kq) də finala yüksəlib. Nik Smirnov (Almaniya) və Kallum Karrageri (İrlandiya) mübarizədən kənarlaşdıran boksçumuz yarımfinalda latviyalı Nikolayes Zamyatinsi də məğlub edib – 5:0. O, finalda bolqarıstanlı Viktorio İliyevlə döyüşəcək.Oğlanlardan ibarət yığmamız kimi, qızlardan ibarət millimiz də həlledici görüşlərdə 2 idmançı ilə təmsil olunacaq. Yarışda 48 kiloqram çəki dərəcəsində mübarizə aparan Nərmin Əlizadə çempionluq görüşünə vəsiqə əldə edib. Mahur Marikyana (Ermənistan) qalib gələn idmançımız yarımfinalda polşalı Silva Formeladan da güclü olub. O, 5:0 hesablı qələbəyə sevinib. N.Əlizadə finalda ingiltərəli Rubi Vaytla qüvvəsini sınayacaq.Emili Rzayeva (70 kq) Olqa Filipçuk (Ukrayna) səddini keçdikdən sonra Gül Yılmazla (Türkiyə) üz-üzə gəlib. Boksçumuz yarımfinal görüşünü 5:0 hesabı ilə aktivinə yazıb. O, finalda polşalı Yoanna Araszevskanı sınağa çəkəcək.Digər boksçumuz Aynur Mikayılova (50 kq) isə bürünc medalla kifayətlənib. Byanka Balintin (Almaniya) və Lamprini Giannakopoulounu (Yunanıstan) məğlub edən idmançı finala gedən yolda ingiltərəli Katerin Pumfri ilə qüvvəsini sınayıb. Rəqib mərhələ adladığından təmsilçimiz 3-cü yeri tutub.Bu, oğlan və qız boksçuların çempionatının birgə keçirilməyə başladığı 2018-ci ildən sonra yığmamızın rekordudur. Bu müddətdə heç vaxt 4 idmançımız finala yüksəlməyib. Millinin Avropa birinciliyini 5 medalla bitirəcəyinin rəsmiləşməsi də bu müddət üçün rekord göstəricidir. Həmçinin 2 qız boksçumuzun finala yüksəlməsi tariximizdə ilk dəfə qeydə alınıb.Qeyd edək ki, 33 ölkədən 378 (250 oğlan, 128 qız) idmançının mübarizə apardığı yarışda final döyüşləri oktyabrın 4-də olacaq.xeber100.com

Azərbaycan Həndbol Federasiyasının məlumatı

Azərbaycan Həndbol Federasiyası (AHF) tərəfindən həndbol idman növünün inkişaf etdirilməsi ilə bağlı regional seminar keçirilib.Azərbaycan Həndbol Federasiyasının mətbuat xidmətindən bildiriblər ki, Şirvan Olimpiya kompleksində təşkil olunan seminarda Neftçala, Saatlı, Biləsuvar, Kürdəmir, Şirvan, Astara, Lənkəran, Yardımlı, Masallı, Cəlilabad rayonlarından olan məşqçi-müəllimlər iştirak ediblər.Tədbiri giriş sözü ilə açan AHF-nin İdman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov iştirakçılara fəaliyyətlərində uğurlar arzulayıb. Qeyd olunub ki, görüşlərin mütəmadi təşkil olunmasında məqsəd regionlarda həndbolun populyarlaşması və ona marağın artırılması istiqamətində işlərin davam etdirilməsidir.Federasiyanın əməkdaşı Fəridə Əliyeva isə gələcəkdə keçiriləcək yarışların vaxtı, məkanı və sənədləşdirmə işləri ilə bağlı məlumat verib.Seminarda, həmçinin regionlarda məşq prosesinin təşkili və təkmilləşdirilməsi, həndbol komandalarına seçilmə üsulları, yeni qaydalar və reqlamentlər ilə bağlı ətraflı söz açılıb.Məşqçi-müəllimlərin peşə səviyyələrinin artırılmasının uşaqlar arasında həndbol idman növünün inkişaf etdirilməsinə böyük təkan olacağı vurğulanıb.Hər bir mövzu ətrafında müzakirələr aparılıb, suallar cavablandırılıb.Seminar zamanı tədbir iştirakçıları üçün toplar və oyun qaydaları təqdim olunub.Sonda böyük məşqçilər - Çingiz Əzimov, Vidadi Əliyev tərəfindən nümunəvi məşq keçirilib.İki gün davam edən seminarın əsas məqsədi nəzəri və praktiki biliklərin artırılması ilə yanaşı, yeniyetmələr arasında ehtiyat qüvvənin səviyyəsinin müəyyənləşdirilməsidir.xeber100.com