Avropa Oyunları Azərbaycanda keçiriləcək

2019-cu ildə yeniyetmələr arasında Avropa Oyunları Azərbaycanda keçiriləcək.Azərtac xəbər verir ki, bunu Avropa Olimpiya Komitəsinin vitse-prezidenti Janez Kocijançiç yanvarın 10-da Azərbaycan Milli Olimpiya Komitəsində keçirilən mətbuat konfransında deyib.Y.Kocijançiç bildirib ki, Azərbaycan “Bakı-2015” birinci Avropa Oyunlarına və Formula-1 Avropa Qran-prisinə yüksək səviyyədə ev sahibliyi edib. Bu mötəbər yarışlar Azərbaycan idmanının uğurlu inkişafından xəbər verir.xeber100com

Əməkdaşlıq memorandumu imzalanıb

Yanvarın 10-da Formula-1 Azərbaycan Qran-prisinin təşkilatçısı “Bakı Şəhər Halqası” Əməliyyat Şirkəti (BŞH) ilə “ASAN Radio” arasında informasiya və digər sahələrdə əməkdaşlığa dair memorandum imzalanıb.Azərtac xəbər verir ki, memorandumu BŞH-nin marketinq və kommunikasiya şöbəsinin rəhbəri Nigar Arpadarai və “ASAN Radio”nun direktoru Emin Musəvi imzalayıblar.xeber100.com

Dünya çempionatında 48 yığma komanda iştirak edəcək

FİFA İcraiyyə Şurası dünya futbol tarixində ilk dəfə meqaçempionat keçirmək barədə qərar qəbul edib. İlk dəfə 2026-cı ildə keçiriləcək geniş tərkibli dünya çempionatında 48 yığma komanda iştirak edəcək. Çempionat hər birində 3 komanda olmaqla 16 qrupda təşkil olunacaq.Almaniya başda olmaqla bir sıra ölkələr hazırkı formatın dəyişdirilməsinə qarşı ciddi müqavimət göstərir. Lakin FİFA-nın yeni rəhbəri Cianni İnfantino öz vədlərindən birini yerinə yetirməyə nail oldu.Xatırladaq ki, C.İnfantino FİFA-nın prezidenti seçildiyi vaxt dünya çempionatlarında iştirakçıların sayını artırmaqla nisbətən kiçik ölkələrin də mundialda iştirak edə bilmələrinin vacibliyini qeyd etmişdi.xeber100.com

“Przegląd Sportowy” qəzetinin reytinqinə əsasən…

Disk tullayan Anita Vlodarçik “Przegląd Sportowy” qəzetinin və Polşa TV-nin ənənəvi reytinqinə əsasən, ötən il bu ölkənin ən yaxşı idmançısı elan edilib.Polşanın populyar “Przegląd Sportowy” idman nəşrinin oxucularının və TVP tamaşaçılarının çoxu Anita Vlodarçikin namizədliyinə səs verib. İkinci yeri Polşa yığmasının kapitanı və Münxenin “Bavariya” klubunun forvardı Robert Levandovski, üçüncü yeri Rio-de-Janeyro Olimpiadasının gümüş mükafatçısı, disk tullayan Pyotr Malaxovski tutublar.xeber100.com

“Neftçi” futbol klubu ilk yoxlama oyununu keçirib

Bakının “Neftçi” futbol klubu Antalyada təlim-məşq toplanışı çərçivəsində ilk yoxlama oyununu keçirib.Azərtac xəbər verir ki, komandamız Türkiyənin “Sivasspor” klubu ilə qarşılaşıb.Görüşdə qapılara qol vurulmayıb. Komandamızın üstünlüyü şəraitində keçən oyunun 50-ci dəqiqəsində hakimin təyin etdiyi şübhəli penalti zərbəsini qapıçımız Maksim Vaylo dəf edibxeber100.com

Voleybolun yeni texnikaları sınaqdan keçirilib

Azərbaycanda 14 günlük idman mübadiləsində iştirak etmək üçün ölkəmizdə səfərdə olan 12 kolumbiyalı voleybolçu qız ölkələrinə geri dönüblər. Bakıda səfərdə olan idmançılar Milli Voleybol Federasiyasının mənzil-qərargahında təlim keçməklə bərabər, Naxçıvan, Gəncə, Göygöl, Qax və Şəki şəhərlərini də ziyarət ediblər.Azərtac xəbər verir ki, regionlara səfərləri zamanı voleybolçulara ölkədə idmanın inkişafı istiqamətində görülən işlər haqda məlumat verilib.Hər iki ölkənin idmançıları voleybolun yeni texnikalarını sınaqdan keçiriblər.xeber100.com

Beynəlxalq Şahmat Festivalının qalibi müəyyənləşdi

Azərbaycan şahmatçısı Eltac Səfərli Bazel şəhərində keçirilən beynəlxalq turnirin qalibi olub.Azərtac xəbər verir ki, E.Səfərli 9 turun nəticələrinə görə 7 xal toplayaraq birinci yeri tutub. Son turda o, həmyerlisi Nicat Abbasovla heç-heçə oynayıb. Şahmatçımız çinli Cin Şi Bay və fransalı Kristian Bauerlə eyni xal toplasa da əlavə göstəricilərə görə qalib elan olunub.Yanvarın 2-8-də keçirilən Beynəlxalq Şahmat Festivalına 107 şahmatçı qatılıb. Azərbaycanı, həmçinin Nicat Abbasov və Vüqar Əsədli təmsil ediblər.xeber100.com

Beynəlxalq turnirin finalından…

Serbiyalı tennisçi Novak Cokoviç dünyanın 1 nömrəli raketka ustası Endi Marreyin 29 oyunluq qələbə seriyasına son qoyub.Azərtac xəbər verir ki, Dohada keçirilən beynəlxalq turnirin finalında dünyanın 2 nömrəli tennisçisi Novak Cokoviç britaniyalı rəqibinə qalib gələrək (6-3, 5-7, 6-4) yarışın qalibi olub.Bununla da N.Cokoviç rəqibi üzərində bütün turnirlərdə 25-ci qələbəsini qazanıb. Marrey isə bu rəqibinə 11 dəfə qalib gəlib.xeber100.com

Çin klubunun 40 milyon avroluq təklifi rədd edilib

Münxenin “Bavariya” futbol komandasının hücumçusu Robert Levandovski adı çəkilməyən Çin klubunun rekord məbləğdə təklifini rədd edib.Azərtac xəbər verir ki, bu barədə forvardın agenti Sezar Kuxarski Polşanın “Sportowe Fakty” saytına məlumat verib. O bildirib ki, Çin klublarından biri R. Levandovskiyə illik 40 milyon avro qazanacağı müqavilə təklif edib. Ancaq polşalı futbolçu təklifi müsbət cavablandırmayıb.2014-cü ildən Münxen təmsilçisinin heyətində çıxış edən Levandovski bu günlərdə “Bavariya” ilə müqavilə müddətini 2021-ci ilədək uzadıb.xeber100.com

2017-ci ilin ilk reytinq cədvəli açıqlanıb

Beynəlxalq Triatlon İttifaqı idmançıların 2017-ci ildə ilk reytinq cədvəlini açıqlayıb.Azərtac qurumun rəsmi saytına istinadla xəbər verir ki, Azərbaycan milli komandasının üzvü Rostislav Pevtsovun reytinq cədvəlindəki mövqeyi dəyişməyib. Belə ki, R.Pevtsov 3209,77 xalla 17-ci pillədədir.Reytinq cədvəlinə ispaniyalı Mario Molaya liderik edir. Böyük Britaniya təmsilçisi Conatan Braunli ikinci, digər ispaniyalı triatlonçu Fernando Alarza isə üçüncüdür.xeber100.com