“Barselona”nın futbolçusuna transfer təklifi

Çinin “Quançjau” klubu “Barselona”nın futbolçusu Arda Turanı transfer etmək istəyir.Azərtac xəbər verir ki, Çin təmsilçisi türk yarımmüdafiəçiyə 3 ilinə 50 milyon avro qazanacağı müqavilə təklif edib.Qeyd edək ki, A.Turan Kataloniya klubunda ilinə 5 milyon avro qazanır.xeber100.com

İFFHSin keçirdiyi sorğuya əsasən…

2016-cı ilin ən yaxşı futbol hakimlərinin adı müəyyənləşib.Azərtac xəbər verir ki, Beynəlxalq Futbol Tarixi və Statistikaları Federasiyası (İFFHS) tərəfindən keçirilən sorğunun qalibi Mark Klattenburq olub.Qurumun internet saytında 56 ölkədən olan jurnalist və idman mütəxəssislərinin iştirak etdiyi sorğuda, İngiltərə referisi 141 səs toplayıb. O, ən yaxın izləyicisi olan italiyalı Nikola Ritsolini 76 səs qabaqlayıb. Üçüncü yerə isə 55 səslə macarıstanlı hakim Viktor Kaşşai layiq görülüb. Türkiyəli FİFA referisi Cüneyt Çakır 28 səslə beşinci pillədə qərarlaşıb.İlin ən yaxşı qadın futbol hakimi də bilinib. Macarıstanlı Katalin Kulçsar 58 səslə birinci olub. Növbəti yerləri 53 səs toplayan ukraynalı Katarina Monzul və Bibiana Steynhaus bölüşüblər.xeber100.com

Futzal üzrə yoxlama oyunu keçirilib

Futzal üzrə Türkmənistan millisi Bakıda təlim-məşq toplanışı çərçivəsində dördüncü yoxlama oyununu keçirib.Azərtac xəbər verir ki, Bakının “Xəmsə” komandası ilə qarşılaşan Türkmənistan millisi 8:6 hesabı ilə qalib gəlib.Xatırladaq ki, Türkmənistan millisi daha əvvəl “Araz” komandasına 3:4 hesabı ilə məğlub olub, “Neftçi” ilə heç-heçə (5:5) edib, “Yasamal”a (8:3) isə qalib gəlib.xeber100.com

“Qarabağ” 4 yoxlama oyunu keçirməyi planlaşdırır

Ağdamın “Qarabağ” futbol klubu Azərbaycan Premyer Liqasının III dövrəsinin hazırlığına Antalyada start verəcək.Klubdan Azərtac-a bildiriblər ki, yanvarın 5-də səfərə yollanacaq “Qarabağ” “IC Santaı” otelində məskunlaşacaq.“Qarabağ” bu müddətdə 4 yoxlama oyunu keçirməyi planlaşdırır. Belə ki, Ağdam təmsilçisi yanvarın 15-də Türkmənistanın “Aşqabad”, üç gün sonra Rumıniyanın “Styaua”, yanvarın 22-də Qazaxıstanın “Atırau” (Qazaxıstan) və Polşanın “Termalitse” komandaları üz-üzə gələcək.xeber100.com

Dörddəbir final mərhələsinin cavab oyunundan sonra…

Azərbaycan kubokunun dörddəbir final mərhələsinin cavab oyunundan sonra “Kəpəz” futbol klubu istirahətə buraxılıb. Qış fasiləsinə çıxan əsas komandanın üzvləri gələn il yanvarın 8-də bir araya gələcəklər. “Sarı-göylər” Bakıda toplaşıb əvvəlcə tibbi müayinədən keçəcəklər.Klubdan Azərtac-a bildiriblər ki, hazırlıq planına əsasən, Gəncə klubu yanvarın 11-də məşqlərə başlayacaq. İkigünlük çalışmalardan sonra komanda yanvarın 13-də təlim-məşq toplanışına start verəcək.Yanvarın 20-də çempionatın ikinci yarısı üçün hazırlığın əsas hissəsini başa vuracaq “sarı-göylər” bir gün istirahətə buraxılacaq. Bundan sonra “Kəpəz” təqvim oyununa hazırlaşacaq.xeber100.com

IX turun oyunları keçirilib

Kişi voleybolçular arasında Azərbaycan çempionatında IX turun oyunları keçirilib.Azərtac xəbər verir ki, liderlər turu itkisiz başa vurublar. Belə ki, “Neftçi” klubu “Nəqliyyatçı”ya asanlıqla qalib gəlib-3:0. “Lokomotiv” komandası “Naxçıvan”ı yenə də “quru hesabla” məğlub edib. MOİK isə “Sumqayıt”a şans verməyib. 3:0 hesabı ilə qələbə qazanan “hərbçilər” aktivindəki xalların sayını 13-ə çatdırıblar. Bununla da MOİK turnir cədvəlində üçüncü pilləyə yüksəlib. Turnir cədvəlinə 27 xalla “Neftçi” başçılıq edir. Liderdən iki xal geri qalan “Lokomotiv isə ikinci pillədə qərarlaşıb.xeber100.com

Kapoeyra Federasiyasının təşkilatçılığı ilə…

Kapoeyra Federasiyasının təşkilatçılığı ilə dekabrın 25-də idmanın bu növü üzrə X ölkə çempionatı keçirilib.Azərtac xəbər verir ki, Kapoeyra Federasiyasının prezidenti T.Orucov tədbirdə çıxış edərək ölkəmizdə idmanın bu növünün tarixindən və inkişafından danışıb. Bildirib ki, Azərbaycan idmançıları kapoeyra üzrə beynəlxalq yarışlarda ölkəmizi uğurla təmsil edirlər.Sonra çempionat açıq elan edilib və yarışlara start verilib.Çempionatda iştirakçılar 4-6, 7-9, 10-12, 13-15 və 16-dan yuxarı yaş qruplarında məharətlərini göstəriblər. Peşəkar idmançıların mübarizəsi 35-55, 56-65, 66-75, 75 kiloqramdan yuxarı çəki dərəcələrində aparılıb. Qızlar arasında yarışlar isə 4-12, 13-17 və 18-dən yuxarı yaş təşkil olunub.xeber100.com

“İlin ən yaxşı qapıçısı” üzrə sorğunun qalibi məlum olub

Beynəlxalq Futbol Tarixi və Statistikaları Federasiyası (İFFHS) tərəfindən keçirilən “İlin ən yaxşı qapıçısı” üzrə sorğunun qalibi məlum olub.Azərtac qurumun rəsmi saytına istinadla xəbər verir ki, Almaniyanın “Bayern Münxen” futbol komandasının qolkiperi Manuel Noyer 2016-cı ilin ən yaxşı qapıçısı seçilib.İFFHS-in rəsmi internet saytında 56 ölkənin media nümayəndələri və idman mütəxəssislərinin iştirakı ilə keçirilən sorğuda M.Noyer 156 xal toplayıb. Bununla da o, İtaliya millisinin və “Yuventus”un qapıçısı Canluici Buffon kimi ardıcıl dördüncü dəfə bu mükafatın sahibi olub. İtaliyalı əfsanə C.Buffon bu dəfə 91 xalla ikinci pillə ilə kifayətlənib. Portuqaliya milli komandasının və “Sportinq”in qolkiperi Rui Patrisio isə 50 xalla üçüncü yerdə qərarlaşıb.xeber100.com

“Qəbələ” futbol klubunun rəqibləri dəqiqləşib

“Qəbələ” futbol klubunun qış fasiləsində Türkiyədə keçirəcəyi yoxlama oyunlarındakı rəqibləri dəqiqləşib.Azərtac xəbər verir ki, “Qəbələ” Antalyadakı təlim-məşq toplanışında üç sınaq matçı keçirəcək. Komandamız ilk oyununu yanvarın 13-də Albaniyanın “Partizani” klubuna qarşı keçirəcək. Roman Qriqorçukun rəhbərlik etdiyi komanda yanvarın 18-də Rumıniyanın “Qaz Metan” klubu ilə qarşılaşacaq. Son oyunda isə “Qəbələ”nin rəqibi Makedoniyanın “Şkendiya” komandası olacaq. Bu matçın yanvarın 24-də oynanılacağı planlaşdırılır.“Qəbələ”nın Antalyadakı toplanışı yanvarın 9-dan 25-dək davam edəcək.xeber100.com

Şahmat festivalı çərçivəsində rapid turniri başlayıb

Dekabrın 24-də Şahmat Akademiyasında 31 dekabr – Dünya Azərbaycanlıların Həmrəylik Gününə həsr olunmuş şahmat festivalı çərçivəsində rapid turniri başlayıb.Azərtac xəbər verir ki, yarışlarda 48 Azərbaycan şahmatçısı, o cümlədən qrossmeysterlər, habelə İngiltərənin bir nümayəndəsi iştirak edib.Turnirin baş hakimi FIDE hakimi Cavanşir Bağırovdur.xeber100.com