Velosiped İdmanı Federasiyasının təşkilatçılığı ilə…

Velosiped İdmanı Federasiyasının təşkilatçılığı ilə “Multikulturalizm ili”nə həsr edilmiş veloyürüş keçirilib.AVİF-dən Azərtac-a bildiriblər ki, yürüşdə 150-yə yaxın peşəkar və həvəskar velosipedçi iştirak edib.Yürüşə Dövlət Bayrağı Meydanından start verilib. Qeyd edək ki, bu cür yürüşlərin keçirilməsində əsas məqsəd sağlam həyat tərzinin aşılanması, ekoloji cəhətdən təmiz nəqliyyat növü olan velosipedin gənclər arasında geniş təbliğ olunmasıdır.xeber100.com

AZAL futbol klubunu tərk edəcək futbolçuların adı açıqlanıb

Bu mövsümdə AZAL futbol klubunu tərk edəcək altı futbolçunun adı açıqlanıb.Azərtac xəbər verir ki, Brayan Fok, Adan Koronado, Mirzağa Hüseynpur, David Canelidze, Taqim Novruzov və Qvanzav Maqomedov ölkə çempionatının qış fasıləsində komandadan ayrılacaqlar.Adan Koronado ilə müqavilə futbolçunun ailə vəziyyətinə görə qarşılıqlı şəkildə pozulub.xeber100.com

Beynəlxalq turnirə yekun vurulub

Ağır atletika üzrə beynəlxalq turnir başa çatıb.Azərbaycan Ağır Atletika Federasiyasından (AAAF) Azərtac-a bildiriblər ki, turnirdə körpücük üzərinə son olaraq veteran atletlər çıxıblar.Qeyd edək ki, yarışın təşkilində məqsəd Milli Qəhrəman Fəxrəddin Şahbazovun timsalında Vətən uğrunda şəhid olmuş soydaşlarımızın xatirəsinin əziz tutulması, F.Şahbazovun həyat yolunun və idman fəaliyyətinin böyüməkdə olan yeni nəsil idmançılar və gənclər arasında təbliğ olunması, ağır atletikanın təbliği və inkişaf etdirilməsi, idmançıların ustalıq səviyyəsinin artırılması olub.Turnirdə ümumilikdə 13 ölkədən atletlər mübarizə aparıb.xeber100.com

Beynəlxalq şahmat turniri çərçivəsində…

Beynəlxalq şahmat turniri çərçivəsində 10 yaşına qədər uşaqlardan ibarət qrupun turnirinin qalibi olub.Azərtac xəbər verir ki, Vüqar Həşimov adına Şahmat Akademiyasında keçirilən turnirdə 34 gənc şahmatçı iştirak edib.Açıq turnirdə 3 ölkədən - Azərbaycan, İran və Fransadan 89 şahmatçı iştirak edir.Turnirin baş hakimi FIDE-nin arbitri Cavanşir Bağırovdur.xeber100.com

Futbol üzrə Superkubokun qalibi müəyyənləşib

Futbol üzrə İtaliya Superkubokunun qalibi müəyyənləşib.Azərtac xəbər verir ki, Qətərin paytaxtı Dohada kubok uğrunda oyunda “Yuventus”-“Milan” qarşılaşması baş tutub.Görüşün əsas və artırılmış əlavə vaxtı 1:1 hesablı heç-heçə ilə başa çatıb. Qalib penaltilər seriyasında müəyyənləşib. Daha dəqiq oynayan “Milan” yekunda qələbə qazanıb-4:3.xeber100.com

Hava və Ekstremal İdman Növləri Federasiyasının məlumatı…

Gələn il yanvarın 14-15-də idman dırmanmasının sürət və çətinlik növləri üzrə ölkə çempionatı keçiriləcək.Azərbaycan Hava və Ekstremal İdman Növləri Federasiyasından (FAİREX) Azərtac-a bildiriblər ki, çempionatın nəticələri 2016 və 2017-ci illərin hər ikisi üçün nəzərə alınacaq. Yarışda 19 yaşdan yuxarı şəxslər iştirak edə bilərlər.Çempionatın keçirilməsində əsas məqsəd Azərbaycanda dırmanma idman növünü geniş yaymaq, gəncləri və yeniyetmələri bu idman növünə cəlb etməkdir. Yarışlar FAİREX-ə məxsus “CLIMBAKU” İdman Dırmanması Kompleksində keçiriləcək.Ümumi nəticələrə əsasən müəyyən olunmuş qaliblər federasiya tərəfindən hədiyyələr və Gənclər və İdman Nazirliyinin müvafiq diplomları ilə mükafatlandırılacaqlar.xeber100.com

Yeni idman obyektləri tikiləcək

Avropa Oyunları üçün Minskdə yeni idman obyektləri tikiləcək. BELTA xəbər verir ki, bunu Minsk Şəhər İcraiyyə Komitəsinin sədri Andrey Şorets bildirib.A.Şorets deyib: “Əsas məsələ açılış mərasimi üçün “Dinamo” adlı yüngül atletika stadionu inşa etməkdir. Biz onu gələn ilin sonu üçün işə salacağıq”.O məlumat verib ki, Oyunların keçirilməsi üzrə təşkilat komitəsi yaradılıb, idman yarışlarının təşkilinə cəlb ediləcək obyektlər müzakirə edilir. Bu əlamətdar idman turnirinə hazırlıq zamanı 2014-cü ildə keçirilmiş xokkey üzrə dünya çempionatının müsbət təcrübəsi nəzərə alınacaq. Qonaqpərvərlik zonaları təşkil etmək də nəzərdə tutulur.Şəhərin hakimiyyət orqanları ümid edirlər ki, həmin dövrdə Minskə çoxlu qonaq gələcək.2019-cu ildə ikinci Avropa Oyunlarının keçirilməsi hüququ Belarusa Avropa Olimpiya Komitələrinin Baş Assambleyasının bu ilin oktyabrında Minskdə keçirilən 45-ci iclasında verilib. Birinci Avropa Oyunları 2015-ci il iyunun 12-28-də Azərbaycanın paytaxtında keçirilib.xeber100.com

Futzal turniri başlayıb

Dekabrın 22-də AFFA-nın dəstəyi və Əlillər Futbolu Federasiyasının təşkilatçılığı ilə eşitmə qüsurlu əlillərdən ibarət komandalar arasında Beynəlxalq Əlillər Gününə həsr olunmuş futzal turniri başlayıb.Azərtac xəbər verir ki, Daxili İşlər Nazirliyinin idman sarayında təşkil olunan yarışda ilk turun oyunları keçirilib. Gərgin idman mübarizəsi şəraitində keçən oyunlarda “Birlik” komandası “Şimşəy”i 9:3, “Ümid” klubu isə “Zirvə”ni 15:0 hesabı ilə məğlub edib.Yarışa dekabrın 27-də yekun vurulacaq.xeber100.com

Hənbolçularımız III təsnifat mərhələsində…

Bakının qadın həndbolçulardan ibarət ABU klubunun “Çelenc Cup” turnirinin səkkizdəbir final mərhələsindəki oyunlarının vaxtı müəyyənləşib.Azərtac xəbər verir ki, ABU komandası “Kram Start Elblaq” klubu ilə hər iki oyununu Polşada keçirəcək. Qarşılaşmalar gələn il fevralın 10-da və 11-də oynanılacaq.İlk oyunda Rəfiqə Şabanovanın komandası nominal meydan sahibi kimi çıxış edəcək.Xatırladaq ki, hənbolçularımız III təsnifat mərhələsində Belçikanın “Femina Vize” klubunu mübarizədən kənarlaşdırıblar.xeber100.com

2015-2016-cı il mövsümündə seçilən klublarının siyahısı açıqlanıb

ABŞ-ın nüfuzlu CNN telekanalı 2015-2016-cı il mövsümündə dünyanın ən yaxşı dəstəklənən klublarının siyahısını açıqlayıb.Azərtac kanalın rəsmi internet səhifəsinə istinadən xəbər verir ki, ilk pillənin sahibi 80,761 nəfər orta göstərici ilə Almaniyanın “Borussiya Dortmund” futbol komandasıdır.Siyahıda sonrakı yerləri “Barselona” (İspaniya), “Mançester Yunayted” (İngiltərə), “Bavariya” (Almaniya) və “Real Madrid” (İspaniya) klubları tutur.xeber100.com