Formula-1 üzrə dünya çempionatının iyirminci yarışında…

Formula-1 üzrə dünya çempionatının noyabrın 11-13-də keçirilən iyirminci yarışında – Braziliya Qran-prisində “Mercedes”in britaniyalı pilotu, hazırkı çempion Luis Hamilton cari mövsümdə növbəti qələbəsini qazanıb. Azərtac xəbər verir ki, iyirminci yarışda pilotlar İnterlaqos avtodromunda uzunluğu 4309 metr olan trekdə mübarizə aparıblar. Luis Hamilton yarışı 3 saat 1 dəqiqə 1,335 saniyəlik nəticə ilə 25 xal toplayaraq başa vurub. Liderdən 11,455 saniyə geridə qalan Niko Rosberq (“Mercedes”) yarışı 18 xalla ikinci pillədə yekunlaşdırıb. İlk üçlüyü liderdən 21,481 saniyə sonra finişə çatan Maks Ferstappen (“Red Bull Racing”, 15 xal) tamamlayıb. İyirminci Qran-pridən sonra “Mercedes”in pilotu Niko Rosberq 367 xalla liderliyini davam etdirir. Cari mövsümdə N.Rosberqin komanda yoldaşı L.Hamilton ilə xal fərqi 12-yə çatıb. L.Hamiltonun hesabında 355 xal var və britaniyalı pilot ikinci pillədə qərarlaşıb. Aktivində 246 xal olan Daniel Rikkardo (“Red Bul Racing”) üçüncü, Sebastian Vettel (“Ferrari”) 197 xalla dördüncü və 192 xala sahib olan Maks Ferstappen isə beşincidir. Çempionatın sonuncu – iyirmi birinci yarışı noyabrın 25-27-də Əbu-Dabidə keçiriləcək. Yarışın səkkizinci mərhələsi – Avropa Qran-prisi iyunun 17-19-da Bakıda keçirilmişdi. Mərhələnin qalibi “Mercedes”in pilotu Niko Rosberq olmuşdu.xeber100.com

Sambo üzrə dünya çempionatına yekun vurulub

Bolqarıstanın paytaxtı Sofiyada sambo üzrə dünya çempionatına yekun vurulub. Azərtac xəbər verir ki, mundialda ölkəmizin idman şərəfini 8 samboçu qoruyub. Finaladək inamla irəliləyən samboçumuz Emil Həsənov (68 kq) qızıl medal uğrunda görüşdə rusiyalı Nikita Kletskoy ilə qarşılaşıb. Həlledici görüşdə rəqibinə uduzan E.Həsənov dünya çempionatının gümüş medalı ilə kifayətlənib. Yığmamız yarışda Azərbaycan Sambo Federasiyasının prezidenti Ceyhun Məmmədovun rəhbərliyi altında mübarizə aparıb. Dünya çempionatında ölkəmizi hakim qismində Cabir İsmayılov təmsil edib.xeber100.com

“Toyota” komandası “Toray” klubunun qonağı olub

Qadın voleybolçulardan ibarət Azərbaycan millisinin üzvü Polina Rəhimova Yaponiya çempionatında növbəti oyununu keçirib. Azərtac xəbər verir ki, voleybolçumuzun çıxış etdiyi “Toyota” komandası V turda “Toray” klubunun qonağı olub. İlk 4 turda 3 xal toplayan “Toyota” bu dəfə çətinliklə də olsa qalib gəlib – 3:2. Görüşdə komandasına 43 xal qazandıran voleybolçumuz matçın ən dəyərli oyunçusu seçilib. O, bu xallardan 36-sını hücumda, 3-nü blokda, 4-nü isə eyslə əldə edib. Bu qələbədən sonra aktivindəki xalların sayını 5-ə çatdıran “Toyota” son pillədən yaxa qurtarıb. İki rəqibini qabaqlayan komanda 6-cı yerə yüksəlib.xeber100.com

Dünya çempionatının dördüncü turun görüşlərinə yekun vurulub

Noyabrın 13-də 2018-ci il futbol üzrə dünya çempionatının seçmə qrup mərhələsində dördüncü turun görüşlərinə yekun vurulub.Azərtac xəbər verir ki, turun sonuncu oyun günündə “A”, “B” və “H” qrupları üzrə səkkiz qarşılaşma oynanılıb. Matçlarda aşağıdakı nəticələr qeydə alınıb: “A” qrupu Lüksemburq – Hollandiya - 1:3 Bolqarıstan – Belarus - 1:0 “B” qrupu İsveçrə - Farer adaları – 2:0 Macarıstan – Andorra – 4:0 Portuqaliya - Latviya – 4:1 “H” qrupu Kipr - Cəbəllütariq - 3:1 Belçika – Estoniya - 8:1 Yunanıstan - Bosniya və Herseqovina – 1:1 Qeyd edək ki, seçmə qrup mərhələsində beşinci turun oyunları növbəti ilin martın 24-26 tarixlərinə təsadüf edəcək. Millimiz həmin ayın 26-da Bakıda Almaniya yığmasını qəbul edəcək.xeber100.com

“Futbol matçları zamanı təhlükəsizlik və mühafizə məsələləri”…

Noyabrın 15-də Bakıda “Futbol matçları zamanı təhlükəsizlik və mühafizə məsələləri” mövzusunda seminar keçiriləcək. Azərtac xəbər verir ki, UEFA-nın rəhbərliyi altında təşkil olunacaq seminar Bakıda 2020-ci ildə UEFA Avropa çempionatının final mərhələsinin dörd oyununun keçirilməsinə hazırlıq məqsədi daşıyır. Seminarda beynəlxalq və daxili oyunlar zamanı stadionlarda təhlükəsizlik məsələlərinə cavabdeh olan daxili işlər orqanlarının nümayəndələri, Premyer Liqa və I Divizion klublarının əməkdaşları və fan-klub əməkdaşları, AFFA və Peşəkar Futbol Liqasının nümayəndələri, “Bakı-2017” İslam Həmrəyliyi Oyunlarının Təşkilat Komitəsinin nümayəndələrinin iştirakı nəzərdə tutulub. UEFA-nın Təhlükəsizlik departamentinin əməkdaşları Kennet Skott, Mark Timmer və Frosdik Stefen seminarda təhlükəsizlik və mühafizə məsələlərinə UEFA-nın yanaşması və konsepsiyası, stadionlarda təhlükəsizlik və mühafizə məsələləri üzrə məsul şəxslərin vəzifələri və oyun zamanı fan-klublarla işin təşkili mövzularında təqdimatlarla çıxış edəcəklər. Qeyd edək ki, seminarın sonunda iştirakçılara sertifikat təqdim olunacaq.xeber100.com

XXIV Azərbaycan çempionatının ilk oyunları keçiriləcək

Noyabrın 12-də Hövsan Olimpiya İdman Kompleksində kişilər arasında XXIV Azərbaycan çempionatının ilk oyunları keçiriləcək.Azərtac xəbər verir ki, ölkə çempionatında NTD, “Araz”, NTD U-16, AzDNSU, “Səksənincilər”, “Dərviş” və “Veteranlar” komandaları öz güclərini sınayacaqlar.xeber100.com

Dünya çempionatının seçmə mərhələsinin dördüncü turu çərçivəsində…

Noyabrın 10-da futbol üzrə 2018-ci ildə keçiriləcək dünya çempionatının seçmə mərhələsinin dördüncü turu çərçivəsində 9 qrupda 27 qarşılaşma oynanılacaq. Azərtac xəbər verir ki, mərhələnin birinci günündə “C”, “E” və “F” qruplarının bütün görüşləri, həmçinin “A” qrupunun bir qarşılaşması oynanılacaq. “C” qrupunun liderləri olan Almaniya və Azərbaycan milliləri səfərdə meydana çıxacaqlar. Millimiz komandamız Şimali İrlandiyanın, Almaniya isə autsayder San-Marinonun qonağı olacaq. Turun ikinci günündə “D”, “E” və “G” qruplarında matçlar keçiriləcək. Dünya çempionatının seçmə mərhələsinin dördüncü turunda aşağıdakı qarşılaşmalar oynanılacaq: 11 noyabr “C” qrupu 23:45 Çexiya – Norveç 23:45 San-Marino - Almaniya 23:45 Şimali İrlandiya - Azərbaycan “E” qrupu 21:00 Ermənistan – Monteneqro 23:45 Danimarka – Qazaxıstan 23:45 Rumıniya – Polşa “F” qrupu 23:45 Slovakiya - Litva 23:45 Malta - Sloveniya 23:45 İngiltərə - Şotlandiya “A” qrupu 23:45 Fransa – İsveç 12 noyabr “D” qrupu 21:00 Gürcüstan – Moldova 21:00 Avstriya – İrlandiya 23:45 Uels – Serbiya “G” qrupu 23:45 Lixtenşteyn - İtaliya 23:45 Albaniya - İsrail 23:45 İspaniya - Makedoniya “İ” qrupu 21:00 Türkiyə - Kosovo 21:00 Xorvatiya – İslandiya 23:45 Ukrayna – Finlandiya 13 noyabr “A” qrupu 21:00 Bolqarıstan - Belarus 21:00 Lüksemburq – Hollandiya “B” qrupu 21:00 Macarıstan – Andorra 21:00 İsveçrə - Farer adaları 23:45 Portuqaliya - Latviya “H” qrupu 21:00 Kipr - Cəbəllütariq 23:45 Belçika – Estoniya 23:45 Yunanıstan - Bosniya və Herseqovina

İslam Həmrəylik Oyunlarında könüllülük qeydiyyatına start verilib

Gələn il mayın 12-22-də Bakıda keçiriləcək IV İslam Həmrəylik Oyunları nəzdində fəaliyyət göstərəcək könüllülük proqramına qeydiyyata start verilib. Könüllü seçiləcək gənclər “Bakı-2017”də müxtəlif sahələrdə, o cümlədən qonaqların qarşılanması, akkreditasiya, media, idman, texnologiya, nəqliyyat, məkanın idarə olunması, işçi qüvvəsi, Milli Olimpiya komitələri, təhlükəsizlik və protokol kimi sahələrdə çalışaraq böyük təcrübə əldə edəcəklər.“Bakı-2017”nin Əməliyyat Komitəsi fəal, həvəsli, məsuliyyətli, xeyirxah, mehriban, ünsiyyət qurmağı bacaran, komandada işləmək qabiliyyəti olan gəncləri IV İslam Həmrəylik Oyunlarının bir hissəsi olmağa dəvət edir.xeber100.com  

Karate Federasiyasının təşkilatçılığı ilə…

Noyabrın 15-də  Şərurda Dövlət müstəqilliyinin 25 illiyinə həsr olunmuş beynəlxalq karate turniri təşkil ediləcək. Azərtac  xəbər verir ki, Milli Karate Federasiyasının təşkilatçılığı ilə baş tutacaq turnir Şərur Olimpiya İdman Kompleksində keçiriləcək. Turnirə qatılacaq 10-17 yaşlı uşaqlar, yeniyetmə və gənclər kata və kumite üzrə yarışlarda qüvvələrini sınayacaqlar. Noyabrın 14-də isə beynəlxalq turnirin təntənəli açılış mərasimi keçiriləcək.xeber100.com

Cüdo Federasiyasının yeni reytinq cədvəli açıqlanıb

Beynəlxalq Cüdo Federasiyasının yeni reytinq cədvəli Azərbaycan cüdoçuları üçün uğurlu olub. Azərbaycan Cüdo Federasiyasından Azərtac-a bildiriblər ki, Rio Olimpiadasının mükafatçıları Rüstəm Orucov (73 kq) və Elmar Qasımov (100 kq) öz çəki dərəcələrində bütün rəqiblərini qabaqlayaraq reytinq cədvəlinə başçılıq edirlər. Sonuncu Avropa çempionatının gümüş medalçısı Orxan Səfərov (60 kq) ikinci yeri tutur. Əbu-Dabi “Böyük Dəbilqə” turnirinin qalibi, dünya çempionu Elxan Məmmədov (100 kq) mövqeyini daha da yaxşılaşdıraraq, yeddinci sıraya yüksəlib. Digər cüdoçularımızdan Nicat Şıxəlizadə 7-ci, İlqar Müşkiyev 13-cü, Məmmədəli Mehdiyev və Uşanqi Kokauri 20-ci yerdə qərarlaşıblar.xeber100.com