Boksçular arasında beynəlxalq turnirə yekun vurulub

Serbiyanın Subotitsa şəhərində gənc boksçular arasında beynəlxalq turnirə yekun vurulub.Azərbaycan Boks Federasiyasından bildirilib ki, 21 ölkədən 189 idmançının mübarizə apardığı yarışı millimiz 4 medalla başa vurub.Hindistanlı Tali Taba və qazaxıstanlı Uslam Seksenbayevi məğlub edən Kənan Babayev (48 kq) finalda Vişvanat Sureşlə (Hindistan) üz-üzə gəlib. Döyüşdə rəqib qələbə qazandığından Avropa çempionumuz gümüş medala yiyələnib.Millimizin ən ağır çəkili boksçusu Səbuhi Əlizadə (+92 kq) də turniri ikinci yerdə bitirib. Mikita Maliuta (Ukrayna) və İvan Yermolenko (Qazaxıstan) üzərində qələbə qazanan boksçumuz finalda Aleksandr Zelinskini (Ukrayna) sınağa çəkib. Görüşdə rəqib qalib gəldiyindən Əlizadə fəxri kürsünün ikinci pilləsinə qalxıb.Beləliklə, yığmamız turniri 2 gümüş və 2 bürünc medalla başa vurub. Komandamızın heyətində daha öncə Daniel Xolostenko (71 kq) və Fətəli İsmayılov (80 kq) 3-cü yeri tutub.xeber100.com

Azərbaycan Həndbol Federasiyasının məlumatına görə…

Həndbol üzrə “Azəryol” komandasının “AHF Arena” idman kompleksində keçirilən məşq prosesinə 14 idmançı cəlb edilib.Azərbaycan Həndbol Federasiyasının mətbuat xidmətindən bildiriblər ki, fiziki və taktiki hazırlıqlarının artırılması üzərində işləyən kollektiv Çingiz Əzimovun rəhbərliyi ilə həftədə beş dəfə olmaqla, məşqlərə qatılır. Həm növbəti ölkə çempionatında, həm də Avropa kuboku yarışlarında uğurla çıxış edəcəyinə ümid bəsləyən həndbolçularımız gərgin məşq edirlər.Qeyd olunub ki, qadın həndbolçuların Avropa Həndbol Federasiyası (EHF) kuboku turniri davam edir. “Azəryol” qitəmiqyaslı yarışda mübarizəyə ikinci təsnifat mərhələsindən qatılacaq. Komandamız püşkatmanın nəticəsinə görə Avstriyanın “Roomz Jags” klubu ilə üz-üzə gələcək. Razılaşmaya əsasən ilk qarşılaşma oktyabrın 8-də Avstriyanın Viner Noyştadt şəhərində olacaq. Rəqiblər ertəsi gün cavab matçına da sözügedən şəhərin “Roomz Arena” idman kompleksində çıxacaqlar. İki oyunun nəticəsinə görə üstünlük qazanan komanda yarışın üçüncü təsnifat mərhələsinə yüksələcək.  

Boksçular arasında beynəlxalq turnirdə yarımfinal döyüşləri keçirilib

Serbiyanın Subotitsa şəhərində gənc boksçular arasında beynəlxalq turnirdə yarımfinal döyüşləri keçirilib.21 ölkədən 189 idmançının mübarizə apardığı yarışda Azərbaycan millisinin 2 üzvü finala yüksəlib.Kənan Babayev (48 kq) hindistanlı Tali Tabanın ardınca qazaxıstanlı Uslam Seksenbayevi də məğlub edib.Avropa çempionumuz döyüşü yenə 5:0 (29:28, 30:27, 29:28, 29:28, 30:27) hesabı ilə aktivinə yazıb. O, finalda Vişvanat Sureşlə (Hindistan) üz-üzə gələcək.Millimizin ən ağır çəkili boksçusu Səbuhi Əlizadə (+92 kq) də komanda yoldaşının uğurunu təkrarlayıb. 1/4 finalda Mikita Maliutaya (Ukrayna) qalib gələn təmsilçimiz yarımfinalda İvan Yermolenko (Qazaxıstan) üzərində də qələbə qazanıb – 4:1 (29:28, 28:29, 28:29, 28:29, 28:29). Əlizadə finalda Aleksandr Zelinski (Ukrayna) ilə döyüşəcək.Anke (Hindistan) və Mobir Trbiçi (Fransa) mübarizədən kənarlaşdıran Daniel Xolostenko (71 kq) finala gedən yolda qazaxıstanlı İslam Sovetovla münasibətinə aydınlıq gətirib. Rəqib mərhələ adladığından boksçumuz bürünc medalla kifayətlənib.Denis Dahlla (Norveç) döyüşün taleyinin ilk raundda həll edən Fətəli İsmayılov (80 kq) isə yarımfinalda ukraynalı Vladislav Dudarla qarşılaşıb. Finala rəqib yüksəldiyindən həmyerlimiz 3-cü yeri tutub.Qeyd edək ki, final döyüşləri sentyabrın 18-də olacaq.xeber100.com

“WTT YOUTH CONTENDER TBILISI” turnirinə start veriləcək

Sentyabrın 19-da Gürcüstanın paytaxtı Tbilisi şəhərində “WTT YOUTH CONTENDER TBILISI” turnirinə start veriləcək.Yeniyetmələrdən ibarət Azərbaycan millisi bu yarışda həm oğlanların, həm də qızların turnirində təmsil olunacaq.Oğlanların sentyabrın 19-dan 21-dək keçiriləcək yarışında böyük məşqçi Fərhad İsmayılov və məşqçi Ramil Cəfərovun rəhbərliyi ilə Adil Əhmədzadə, Rüstəm Hacılı, Hüseyn Eylazov və Onur Quluzadə bacarığını göstərəcək.Seçməmiz artıq Tbilisidədir.Komandamız bu gün ASTF-nin vitse-prezidenti Elmar İslam və baş katibi Könül Mikayılovanın rəhbərliyi ilə qonşu ölkəyə yola düşüb.Qızlardan ibarət komanda isə sentyabrın 22-də Gürcüstana yollanacaq.xeber100.com

Belqradda keçirilən güləş üzrə dünya çempionatı başa çatıb

Serbiyanın paytaxtı Belqradda keçirilən güləş üzrə dünya çempionatı başa çatıb.İslam Bazarqanov (61 kq) 1/8 finalda iranlı Reza Atrinaqarçiyə uduzub - 0:4. Rəqib finaladək irəlilədiyi üçün Bazarqanov təsəlliverici görüşlərə çıxıb.İlk qarşılaşmada Şimali Makedoniya təmsilçisi Bəşir Əlidən güclü olan (5:1) İslam növbəti görüşdə bolqarıstanlı Georgi Vangelovla bacarmayıb - 0:4.Hacı Əliyev (65 kq) 1/8 finalda argentinalı Aqustin Destribatsdan 6:1 hesabı ilə üstün olub. Yığmanın kapitanı 1/4 finalda özbəkistanlı Abbas Rəhmanovdan güclü olub - 10:3. Titullu güləşçimiz yarımfinalda iranlı Rəhman Amuzadxəliliyə 2:9 hesabı ilə məğlub olub. Əliyev bürünc medal uğrunda macarıstanlı İsmayıl Musukayevlə qarşılaşıb və 2:4 hesabı ilə məğlub olaraq yarışı 5-ci pillədə başa vurub.Maqomedxan Maqomedov (97 kq) 1/8 finalda almaniyalı Erik Tieleyə qalib gəlib - 11:4. Avropa çempionumuz 1/4 finalda amerikalı dünya və olimpiya çempionu Kayl Snayderə müqavimət göstərə bilməyib - 0:10. Ancaq rəqib finala yüksəldiyi üçün Maqomedov təsəlliverici görüşə çıxıb və polşalı Zbiqniev Baranovskiyə tam üstünlüklə (11:0) qalib gəlib.Maqomedxan 3-cü yer uğrunda iranlı Məhəmmədhüseyn Məhəmmədianla mübarizə aparıb. Rəqibinə "tuşe" ilə qalib gələn M.Maqomedov dünya üçüncüsü olub.Beləliklə, sərbəst güləş millimiz DÇ-ni ötən il olduğu kimi, 2 bürünc medalla başa vurub.xeber100.com

Cüdoçular arasında qarışıq komanda yarışı keçiriləcək

Çexiyanın paytaxtı Praqada təşkil olunan gənc cüdoçular arasında Avropa çempionatında sentyabrın 18-də qarışıq komanda yarışı keçiriləcək.Azərbaycan yığması mübarizəyə təsnifat mərhələsindən başlayacaq. Millimizin ilk rəqibi Avstriya yığması olacaq. Görüşün qalibi dörddəbir finalda Gürcüstan millisi ilə qarşılaşacaq.Komanda yarışında ümumilikdə 12 komanda iştirak edəcək.xeber100.com

Azərbaycan Premyer Liqasında VII turun daha bir oyunu keçirilib

Futbol üzrə Azərbaycan Premyer Liqasında VII turun daha bir oyunu keçirilib."Qəbələ" "Sumqayıt"ı qəbul edib.Qəbələ şəhərində keçirilən qarşılaşma meydan sahiblərinin 1:0 hesablı qələbəsi ilə yekunlaşıb. "Qırmızı-qaralar"ın yeganə qolunu 8-ci dəqiqədə Ramon Maçado vurub. Meydan sahiblərində Rövlan Muradov 84-cü dəqiqədə birbaşa qırmızı vərəqə alaraq meydandan qovulub.Bu nəticədən sonra xallarının sayını 12-yə çatdıran "Qəbələ" 4-cü pilləyə yüksəlib. 3 xalı olan "gənclik şəhəri" təmsilçisi 8-ci sıradadır.xeber100.com

Futbol üzrə Azərbaycan Premyer Liqasında yeddinci tura start veriləcək

Bu gün futbol üzrə Azərbaycan Premyer Liqasında yeddinci tura start veriləcək.İlk oyun günündə 2 görüş keçiriləcək.Günün ilk matçında "Sabah" "Turan Tovuz"u qəbul edəcək. Hazırda paytaxt klubu 13 xalla turnir cədvəlində üçüncü sırada qərarlaşıb. Bölgə təmsilçisi isə 10 xalla dördüncüdür. Komandalar bunadək Premyer Liqada üz-üzə gəlməyiblər.Günün digər oyununda isə 15 xalla turnir cədvəlində ikinci pillədə yer alan "Neftçi" 5 xalla 7-ci sırada gedən "Səbail"in qonağı olacaq.Komandalar indiyədək ölkə çempionatında 19 dəfə qarşılaşıblar. Bunların 14-də "Neftçi", 2-də isə "Səbail" qələbə qazanıb. 3 qarşılaşmada qalib müəyyənləşməyib. Topların nisbətində də “Neftçi”nin aşkar üstünlüyü var - 41:11.Sentyabrın 17-də "Qəbələ" - "Sumqayıt" oyunu, bir gün sonra isə "Kəpəz" - "Şamaxı" və "Zirə" - "Qarabağ" matçları baş tutacaq.xeber100.com

Azərbaycan Stolüstü Tennis Federasiyasının məlumatına görə…

Sentyabrın 19-da Gürcüstanın paytaxtı Tbilisi şəhərində stolüstü tennis üzrə “Vit youth contender Tbilisi” turnirinə start veriləcək.Azərbaycan Stolüstü Tennis Federasiyasından bildiriblər ki, yeniyetmələrdən ibarət Azərbaycan millisi bu yarışda həm oğlanların, həm də qızların turnirində təmsil olunacaq. Oğlanların sentyabrın 19-dan 21-dək keçiriləcək yarışında böyük məşqçi Fərhad İsmayılov və məşqçi Ramil Cəfərovun rəhbərliyi ilə Adil Əhmədzadə, Rüstəm Hacılı, Hüseyn Eylazov və Onur Quluzadə bacarıqlarını nümayiş etdirəcəklər.Məşqçilər Elnur Hidayətzadə və Gülnarə İbrahimovanın rəhbərlik etdiyi qızlardan ibarət komanda isə sentyabrın 23-dən 25-dək davam edəcək turnirdə qüvvəsini sınayacaq. Qızların mübarizəsində Mərziyyə Nurmətova, Arzu Aslanova, Aylin Əsgərova və Yağmur Məmmədli etimadı doğrultmağa çalışacaq.Yarışda ədaləti beynəlxalq dərəcəli hakimlər Zaur Mikayılovla Xəyalə Qiyasova qoruyacaqlar.xeber100.com

UEFA Avropa Liqasının qrup mərhələsinin ikinci turu çərçivəsində

UEFA Avropa Liqasının qrup mərhələsinin ikinci turu çərçivəsində keçirilən “Qarabağ” - “Nant” oyununda üçüncü qol vurulub.Ağdam təmsilçisi hesab arasındakı fərqi üç topa çatdırıb - 3:0. Azərbaycan çempionunun heyətində matçın 72-ci dəqiqədə Marko Yankoviç fərqlənib.“Qarabağ”ın digər qollarını isə Kvabena Ovusu və Abdullah Zubir vurublar.G qrupunun digər matçında Yunanıstanın “Olimpiakos” klubu “Frayburq”u (Almaniya) qəbul edir. Hazırda Almaniya klubu 3:0 hesabı ilə öndədir.Qeyd edək ki, “Nant” ilk turda “Olimpiakos”u məğlub edib - 2:1. “Qarabağ” isə Almaniyada “Frayburq”a eyni hesabla uduzub.xeber100.com