Şuşada “Shusha Chess 2022” beynəlxalq şahmat turniri keçiriləcək

Sentyabrın 21-24-də Şuşada “Shusha Chess 2022” beynəlxalq şahmat turniri keçiriləcək. Turnirin təşkilatçıları Azərbaycan Respublikasının Gənclər və İdman Nazirliyi, Azərbaycan Şahmat Federasiyası, Şuşa Şəhəri Dövlət Qoruğu İdarəsidir. SOCAR-ın baş sponsorluğu ilə keçirilən tədbirə ABB və “Azərxalça” da dəstək verir.Bu, Vətən müharibəsindəki tarixi Zəfərimizdən sonra Azərbaycanın mədəniyyət paytaxtı Şuşada təşkil edilən ilk beynəlxalq şahmat turniridir. Tədbir görkəmli şairə və xeyriyyəçi Xurşidbanu Natəvanın 190 illik yubileyinə həsr olub. “Shusha Chess 2022” beynəlxalq şahmat turniri iki kateqoriyada - kişilər və qadınlar arasında keçiriləcək. Hər kateqoriya üzrə 10 şahmatçı rapid və blits üzrə mübarizə aparacaq. “Shusha Chess 2022” beynəlxalq şahmat turnirinə sponsor dəstəyi ABB-nin müxtəlif istiqamətlərdə həyata keçirdiyi korporativ sosial məsuliyyət layihələrinin davamıdır. Bu cür layihələrdə iştirakı ilə ABB ölkəmizdə fiziki və intellektual idman növlərinin kütləviləşməsinə, istedadlarımızın dəstəklənməsinə, cəmiyyətimizin gələcəyinə töhfə verməyə çalışır.ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi feysbuk səhifəsindən əldə etmək olarxeber100.com

Azərbaycan Həndbol Federasiyasının məlumatına görə…

Kişi həndbolçulardan ibarət komandaların Avropa Həndbol Federasiyasının (EHF) kuboku uğrunda yarışlarında 2022-2023-cü il mövsümünə start verilib.Azərbaycan Həndbol Federasiyasının mətbuat xidmətindən bildiriblər ki, qitə miqyaslı turnirdə ölkəmizi təmsil edəcək “Bakı” klubu mübarizəyə ikinci təsnifat mərhələsindən qoşulacaq. Artıq Azərbaycan çempionunun rəqibi də məlumdur. Bu komandanın adı Bosniya və Herseqovinanın “Qraçanisa” və Kosovonun “Kastrioti” komandalarının oyunlarında müəyyənləşib.İki raundluq mübarizənin hər iki görüşünü 36:22 hesablı qələbə ilə başa vuran Bosniya və Herseqovina təmsilçisi ikinci təsnifat mərhələsinə vəsiqə qazanıb.“Bakı” və Qraçanisa“ komandalarının oyunları oktyabrın sonu və ya noyabrın əvvəlinə planlaşdırılır.Oyunların məkanı iki klub arasındakı razılaşmaya əsasən müəyyənləşəcək.xeber100.com

UEFA Konfrans Liqasında qrup mərhələsinə start veriləcək

Bu gün UEFA Konfrans Liqasında qrup mərhələsinə start veriləcək.Birinci turun bütün oyunları eyni gündə baş tutacaq.Günün oyunları aşağıdakılardır: Qrup mərhələsi, birinci tur A qrupu 20:45 - "Harts" (Şotlandiya) - "Başakşehir" (Türkiyə) 20:45 - "Fiorentina" (İtaliya) - RFŞ (Latviya) B qrupu 20:45 - "Anderlext" (Belçika) - "Silkeborq" (Danimarka) 23:00 - "Vest Hem" (İngiltərə) - "Styaua" (Rumıniya) C qrupu 20:45 - "Vilyarreal" (İspaniya) - "Lex" (Polşa) 20:45 - "Hapoel" (Ber-Şeva, İsrail) - "Austriya" (Vyana, Avstriya) D qrupu 20:45 - "Nitsa" (Fransa) - "Köln" (Almaniya) 20:45 - "Slovaçko" (Çexiya) - "Partizan" (Serbiya) E qrupu 23:00 - "Dnepr-1" (Ukrayna) - "AZ Alkmaar" (Niderland) 23:00 - "Vaduts" (Lixtenşteyn) - "Apollon" (Limassol, Kipr) F qrupu 23:00 – “Molde" (Norveç) - "Gent" (Belçika) 23:00 - "Şemrok Rovers" (İrlandiya) - "Yurqorden" (İsveç) G qrupu 20:45 - "Balkani" (Kosovo) - ÇFR (Rumıniya) 23:00 - "Sivasspor" (Türkiyə) - "Slaviya"(Praqa, Çexiya) H qrupu 23:00 - "Bazel" (İsveçrə) - "Pünik" (Ermənistan) 23:00 - "Slovan" (Bratislava, Slovakiya) - "Jalgiris" (Litva).xeber100.com    

Avropa çempionatı üçün Azərbaycan millisinin heyəti açıqlanıb

Serbiyanın Novi Sad şəhərində keçiriləcək yeniyetmə, gənclər və böyüklər arasında sambo üzrə Avropa çempionatı üçün Azərbaycan milli komandasının heyəti açıqlanıb.Azərbaycan Sambo Federasiyasına istinadla xəbər verir ki, çempionatda baş məşqçi Vahid Tarverdiyev və məşqçi Cabir İsmayılovun rəhbərliyi altında 19 idmançı mübarizə aparacaq. Bunlardan 5-i yeniyetmə, 6-sı gənc, 6-sı böyük və 2-si döyüş sambosu ilə məşğul olanlardır. Komanda sentyabrın 14-də Serbiyaya yola düşəcək, beş gün sonra Bakıya dönəcək.Yeniyetmələrin yarışında ölkəmizi Musaxan Gülməmmədov (64 kq), Kərəm Babazadə (71 kq), Toğrul İbrahimov (79 kq), Fərəc Gözəlov (88 kq) və Orxan Məcidli (+98 kq) təmsil edəcəklər.Rəvan Rüstəmli (58 kq), Elvin Bağırov (64 kq), Əhməd Hüseynov (71 kq), Adil Adilzadə (79 kq), Məhəmmədəli Əliyev (88 kq), Məhəmməd Məmmədzadə (+98 kq) gənclər, Mehman Xəlilov (58 kq), Mirfəttah Seyidəliyev (64 kq), Emil Həsənov (71 kq) Ceyhun Hüseynov (88 kq), Eyvaz Nəsibli (98 kq) və Toğrul Salmanov (+98 kq) isə böyüklər kateqoriyasında yarışacaqlar. Döyüş sambosunda Ramil Vəliyev (79 kq) və Nəbi Məmmədov (98 kq) medallar uğrunda mübarizə aparacaqlar.Qeyd edək ki, sambo üzrə Avropa çempionatı sentyabrın 15-18-də keçiriləcək.xeber100.com  

Voleybolçulardan ibarət Azərbaycan millisi Sloveniya yığmasına uduzub

Qadın voleybolçulardan ibarət Azərbaycan milli komandası Avropa çempionatının seçmə mərhələsi çərçivəsində növbəti oyununu keçirib.Millimiz səfərdə Sloveniya yığmasının qonağı olub. Maribor şəhərində təşkil olunan qarşılaşma Sloveniya seçməsinin 3:1 hesablı qələbəsi ilə yekunlaşıb.İki komanda arasında sentyabrın 3-də Bakıda keçirilmiş görüşdə də Sloveniya eyni hesabla qalib gəlmişdi. Hazırda Sloveniya yığması 14 xalla qrupda birinci, Azərbaycan isə 9 xalla ikinci pillədə qərarlaşıb.Sloveniya artıq Avropa çempionatına vəsiqəni təmin edib. Azərbaycan millisi isə qrup ikincisi kimi mərhələ adlamaq şansını saxlayır.xeber100.com

“Səbail” futbol heyətini yeni futbolçu ilə gücləndirib

Bakının "Səbail" klubu heyətini yeni futbolçu ilə gücləndirib.Klubun rəsmi saytı xəbər verir ki, Bakı təmsilçisi "Neftçi"nin müdafiəçisi Nihad Qurbanlını transfer edib.İyirmi bir yaşlı oyunçu ilə 2022/2023-cü il mövsümünün sonunadək müqavilə imzalanıb.Qeyd edək ki, N.Qurbanlı Azərbaycanın U-21 yığmasının da üzvüdür.xeber100.com

“Nant” futbol klubu oyunlar üçün iştirak ərizəsini açıqlayıb

Fransanın “Nant” futbol klubu UEFA Avropa Liqasının qrup mərhələsinin oyunları üçün iştirak ərizəsini açıqlayıb.Baş məşqçi Antuan Kombuarenin açıqladığı siyahıda qapıçılar - Alban Lyafon, Remi Deskam, Denis Petriç, müdafiəçilər - Fabio, Andrey Cirotto, Nikolya Pallua, Dennis Appia, Jan-Şarl Kastelletto, Robin Vuazin, Sebastyan Korşya, Kenten Merlen, Şarl Traore, yarımmüdafiəçilər - Pedro Çirivelya, Samüel Mutussami, Lüdovik Blas, Mussa Sissoko, Məhəmməd Açi, Loann Duse, hücumçular - Evann Gessan, Markus Koko, İqnatius Qanaqo, Moyzes Simon, Mustafa Məhəmməd və Abdul-Kader Bamba yer alıblar.Qeyd edək ki, “Qarabağ” “Nant”la sentyabrın 15-də evdə, oktyabrın 27-də isə səfərdə qarşılaşacaq.xeber100.com

UEFA Çempionlar Liqasında qrup mərhələsinə start veriləcək

Bu gün UEFA Çempionlar Liqasında qrup mərhələsinə start veriləcək.İlk oyun günündə E, F, G və H qruplarında ümumilikdə 8 görüş keçiriləcək.Günün oyunları aşağıdakılardır: E qrupu 20:45 - "Dinamo" (Zaqreb, Xorvatiya) - "Çelsi" (İngiltərə) 23:00 - "Zaltsburq" (Avstriya) - "Milan" (İtaliya) F qrupu 23:00 - "Leyptsiq" (Almaniya) - "Şaxtyor" (Donetsk, Ukrayna) 23:00 - "Seltik" (Şotlandiya) - "Real Madrid" (İspaniya) G qrupu 20:45 - "Borussiya" (Dortmund, Almaniya) - "Kopenhagen" (Danimarka) 23:00 - "Sevilya" (İspaniya) - "Mançester Siti" (İngiltərə) H qrupu 23:00 - PSJ (Fransa) - "Yuventus" (İtaliya) 23:00 - "Benfika" (Portuqaliya) - "Makkabi" (Hayfa, İsrail) Qeyd edək ki, ilk turun digər 8 matçı sentyabrın 7-də oynanılacaq.xeber100.com    

Yüksək Liqada 2022-2023-cü il mövsümünə start veriləcək

Sentyabrın 13-də futzal liqalarında yeni mövsümün püşkü atılacaq. Ayın 26-da isə Yüksək Liqada 2022-2023-cü il mövsümünə start veriləcək.Azərbaycan Futzal Federasiyası xəbər verir ki, “Baku Fire” klubunun baş məşqçisi Teymur Eyvazov Yüksək Liqaya hazırlığın mərhələli şəkildə davam etdiyini bildirib: “Yeni mövsümün startına təxminən 20 gün qalıb və bu müddətdən maksimum istifadə etməyə calışacağıq. Ötən çempionatlarda üzləşdiyimiz çətinliklərlərlə, problemlərlə yenidən qarşılaşmaq istəmirik. Hazırlıq prosesində bunları də nəzərə almışıq. Heyətimizi komplektləşdirməyə çalışırıq. Ayrılanlar da var. Əvəzində bir neçə təcrübəli futzalçı ilə anlaşmışıq. Onlardan Elnur Zamanovun, Faiq Əliyevin adını qeyd edə bilərəm. İrandan da legionerlər dəvət etmişik. Həmin futzalçılar bu günlərdə komandamıza qosulacaq. “Baku Fire”in müxtəlif liqalarda 3 futzal komandası çıxış edir ki, onlardan Birinci Liqada oynayanlar əsasən gənclərdir. Ötən mövsüm fərqlənən, diqqətimizi cəlb edən bir neçə perspektivli futzalçını da əsas komandaya dəvət etmişik”.“Klubumuz uzun müddətdir fəaliyyət göstərir. Müxtəlif liqalarda müəyyən uğurlar qazanmışıq, Yüksək Liqada da təcrübəlilərdən hesab olunuruq. Yeni mövsümdə qazanacağımız uğurlarla yadda qalmaq istəyirik. Ümid edirəm ki, hazırkı heyətimizlə məqsədimizə nail olacağıq”, - deyə T.Eyvazov əlavə edib.Qeyd edək ki, Yüksək Liqanın yeni mövsümündə 6 komanda - “Araz-Naxçıvan”, “Neftçi”, “Baku Fire”, “Rekord club az”, “Alyans” (Lənkəran) və U-19 mübarizə aparacaq.xeber100.com

Azərbaycan Futzal Federasiyasının məlumatına görə…

Sentyabrın 13-də Bakı İdman Sarayında futzal üzrə Yüksək, Birinci və İkinci liqaların 2022-2023-cü il mövsümünün püşkatma mərasimi keçiriləcək.Azərbaycan Futzal Federasiyası xəbər verir ki, Yüksək Liqanın yeni mövsümündə 6 komanda - “Araz-Naxçıvan”, “Neftçi”, “Baku Fire”, “Rekord club az”, “Alyans” (Lənkəran) və U-19 mübarizə aparacaq.Yarışa sentyabrın 26-da start veriləcək.xeber100.com