“Kəpəz” futbol klubu tarixinin ən uğursuz startına imza atıb

Gəncənin “Kəpəz” futbol klubu tarixinin ən uğursuz startına imza atıb.Peşəkar Futbol Liqası xəbər verir ki, Gəncə təmsilçisi Azərbaycan Premyer Liqasının ilk 4 turunda xal toplamayıb.Gəncə təmsilçisi 2012/2013-cü il mövsümündə də startda ardıcıl 4 məğlubiyyət alıb. Lakin həmin vaxt top fərqi indiki ilə müqayisədə daha yaxşı olub.On il əvvəl startda 2 qol vuran və 11-ni buraxan “Kəpəz”də fərq “-9”a bərabər olub. Bu dəfə komandanın aktivində 4 qol varsa, rəqiblər 14 dəfə fərqlənib. Yəni fərq “-10”dur.xeber100.com

“Türkiye İş Bankası Satranç Süper Ligi” komanda turniri keçirilib

Şahmat üzrə "Türkiye İş Bankası Satranç Süper Ligi" komanda turniri keçirilib.Türkiyə Superliqasında iştirak edən Azərbaycan şahmatçısı Aydın Süleymanlının şərəfini qoruduğu "Bayegan Pendik Satranç Spor Klubu" sonda 19 xalla liqanı üçüncü pillədə başa vurub.Türkiyə çempionu adını isə "Göktürk SSK" kollektivi qazanıb. Onlarla eyni xal toplayan və yalnız əlavə göstəricilərə görə ikinci olan "Türk Hava Yolları SK" klubu gümüş medalların sahibi olub.Türkiyə Superliqasında Aydın Süleymanlıdan başqa daha dörd şahmatçımız mübarizə aparıb. Onlardan xanım təmsilçimiz Xəyalə Abdulla və kişilərdən ibarət yığmamızın üzvü Nicat Abbasovun şərəfini qoruduğu "Darruşafaka SK" klubu 6 xalla 11-ci, qrossmeysterimiz Zaur Məmmədovun çıxış etdiyi "Rota Koleji SK" komandası 10-cu, Abdulla Qədimbəylinin mübarizə apardığı "Gökay Vakfı SK" klubu isə 3 xalla sonuncu - 13-cü olub.xeber100.com

Azərbaycan və İsrail yığmaları Avropa birinciliyinə birgə hazırlaşırlar

Yeniyetmə boksçulardan ibarət İsrail millisi Azərbaycanda səfərdədir. Qonaqlar Bakı Boks Mərkəzində Avropa birinciliyinə hazırlaşan yığma komandamızla birgə məşq edirlər.Azərbaycan Boks Federasiyasının mətbuat xidmətindənbildiriblər ki, doqquz idmançıdan ibarət heyətlə ölkəmizə gələn israillilər təlim-məşq toplanışı çərçivəsində millimizin üzvləri ilə sınaq döyüşlərində də güclərini yoxlayırlar. Komandalar 10 gün birgə hazırlıq keçəcəklər.İsrail yığmasının böyük məşqçisi Valeri İlyayev ölkəmizdə onlara göstərilən qonaqpərvərlikdən razı qaldığını vurğulayıb. Azərbaycanda doğulan təcrübəli mütəxəssisin sözlərinə görə, Bakıya səfər və buradakı yoldaşlıq döyüşləri komandasında yer alan yeniyetmə boksçulara təcrübə baxımından çox faydalı olacaq: “Azərbaycan yığması dünyanın ən yaxşılarındandır. Biz burada hər şeydən razıyıq və hazırlıq keçmək üçün şərait ən yüksək səviyyədədir. Komandamızı Azərbaycana dəvət etdiyi üçün federasiyaya dərin təşəkkürümü bildirirəm. Həmçinin millinizin məşqçilər korpusu bizimlə birgə təcrübəsini bölüşdüyü üçün onlara da minnətdaram. Bu hazırlıq Avropa birinciliyində uğurlu çıxışa hesablanıb. İnanıram ki, iki ölkənin birgə təlim-məşq toplanışı qarşıdakı yarışda hər bir boksçu üçün çox faydalı olacaq”.Azərbaycan yığmasının baş məşqçisi Vaqif Kazımov da birgə hazırlığın gələcək uğurlar üçün faydalı olacağını vurğulayıb. O qeyd edib ki, məhz belə toplanışlarda boksçuların güclü və zəif cəhətləri daha çox nəzərə çarpır, onlar üzərində xüsusi işlənilir.Qeyd edək ki, Avropa birinciliyi sentyabrın 25-dən oktyabrın 5-dək Montesilvano şəhərində keçiriləcək.xeber100.com

Azərbaycan Premyer Liqasında IV turun daha bir oyunu keçirilib

Futbol üzrə Azərbaycan Premyer Liqasında IV turun daha bir oyunu keçirilib.Günün ikinci matçında son çempion "Qarabağ" "Şamaxı"nı qəbul edib."Azersun Arena"dakı qarşılaşma "köhlən atlar"ın 4:0 hesablı qələbəsi ilə bitib. Meydan sahiblərinin qollarını 35-ci dəqiqədə Kvabena Ovusu, 55-ci dəqiqədə Kvabena Ovusu, 64 və 72-ci dəqiqələrdə Ramil Şeydayev vurub.Rəqiblərindən bir oyun az keçirən "Qarabağ" xallarının sayını 9-da çatdırıb. Ağdam təmsilçisi hələlik "Qəbələ", "Sabah" və "Neftçi" ilə eyni xala malikdir. Bir xalı olan "Şamaxı" isə 9-cu sırada qalıb.Qeyd edək ki, günün ilk görüşündə "Səbail" "Kəpəz"i 4:1 hesabı ilə üstələyib.Turun ilk 2 oyununda "Sumqayıt" evdə "Turan Tovuz"la qolsuz heç-heçə edibsə, "Neftçi" "Zirə"yə qalib gəlməyi bacarıb - 2:1. Tura avqustun 28-də keçiriləcək "Qəbələ" - "Sabah" matçı ilə yekun vurulacaq.xeber100.com

“Real Madrid”in hücumçusu mövsümün ən yaxşı futbolçusu adına layiq görülüb

İspaniyanın “Real Madrid” klubunun hücumçusu Kərim Benzema ötən mövsümün ən yaxşı futbolçusu adına layiq görülüb.Qalibin adı Türkiyənin İstanbul şəhərində keçirilən Çempionlar Liqasının qrup mərhələsinin püşkatma mərasimində açıqlanıb.Fransalı forvard səsvermədə komanda yoldaşı olan belçikalı qapıçı Tibo Kurtua və İngiltərənin “Mançester Siti” komandasının yarımmüdafiəçisi Kevin de Brüyneni qabaqlayıb.xeber100.com

“Marsel” futbol klubunun hücumçusu “Yuventus”a keçib

“Marsel” klubunun hücumçusu Arkadiuş Milik “Yuventus”a keçib.Bu barədə Turin təmsilçisinin mətbuat xidməti məlumat yayıb.Polşalı forvard İtaliya klubunda mövsümün sonunadək icarə əsasında çıxış edəcək.Qeyd edək ki, 2021-ci ilin yanvarından “Marsel”də çıxış edən futbolçu 55 oyuna 30 qol vurub, 3 məhsuldar ötürmə edib. Onun Fransa klubu ilə 2025-ci ilin iyununa qədər müqaviləsi var.xeber100.com

UEFA Konfrans Liqasında qrup mərhələsinin püşkü atılacaq

Bu gün UEFA Konfrans Liqasında qrup mərhələsinin püşkü atılacaq.İstanbulda təşkil olunacaq tədbir Bakı vaxtı ilə saat 16:30-da başlayacaq.32 komanda püşkatmadan əvvəl 4 səbətə bölünüb.1-ci səbət: "Vilyarreal" (İspaniya), "Bazel" (İsveçrə), "Slaviya" (Praqa, Çexiya), "AZ Alkmaar" (Niderland), "Gent", (Belçika), "Başakşehir" (Türkiyə), "Partizan" (Serbiya), "Vest Hem" (İngiltərə)2-ci səbət: ÇFR, "Styaua" (hər ikisi Rumıniya), "Molde" (Norveç), "Fiorentina" (İtaliya), "Köln" (Almaniya), "Hapoel" (Ber-Şeva, İsrail), "Apollon" (Limassol, Kipr), "Slovan" (Bratislava, Slovakiya)3-cü səbət: "Nitsa" (Fransa), "Anderlext" (Belçika) "Jalgiris" (Litva), "Austriya" (Vyana, Avstriya), "Harts" (Şotlandiya), "Şemrok Rovers" (İrlandiya), "Sivasspor" (Türkiyə), "Vaduts" (Lixtenşteyn)4-cü səbət: "Dnepr-1" (Ukrayna), "Lex" (Polşa) "Slovaçko" (Çexiya), "Silkeborq" (Danimarka), "Yurqorden" (İsveç), "Pünik" (Ermənistan), RFŞ (Latviya), "Balkani" (Kosovo).Qrup mərhələsinə sentyabrın 8-də start veriləcək.xeber100.com

Azərbaycan millisi Avstriya yığması ilə qarşılaşacaq

“Avro-2023”ün təsnifat mərhələsinin D qrupunda mübarizə aparan qadın voleybolçulardan ibarət Azərbaycan millisi avqustun 28-də Avstriya yığması ilə qarşılaşacaq. Oyunu idarə edəcək hakimlər müəyyənləşib.Avropa Voleybol Konfederasiyasının saytı xəbər verir ki, Bakıda Voleybol Mərkəzində təşkil olunacaq oyunun baş hakimi türk Meryem Tekol Pelenk olacaq. Ona serbiyalı Dejan Rogiç kömək edəcək.Milli komandamız D qrupunda Avstriya, Gürcüstan və Sloveniya seçmələri ilə birgə mübarizə aparır. Voleybolçularımız ilk iki görüşünü qələbə ilə başa vurublar. Belə ki, komandamız Gürcüstana həm evdə, həm də səfərdə 3:0 hesabı ilə qalib gəlib.Ümumilikdə qruplarda birinci və ikinci yeri tutacaq kollektivlər final mərhələsinə yüksələcəklər.Qeyd edək ki, “Avro-2023”ün final mərhələsinə Belçika, İtaliya, Estoniya və Almaniya ev sahibliyi edəcək.xeber100.com

Azərbaycan Boks Federasiyasının məlumtına görə…

Kişi boksçulardan ibarət Azərbaycan millisi ABŞ-a təlim-məşq toplanışına yollanıb.Azərbaycan Boks Federasiyasının mətbuat xidmətindən bildiriblər ki, baş məşqçi Pedro Roke, məşqçilər Nəriman Abdullayev və Etibar Abdullayevin rəhbərliyi altında Kolorado ştatının Denver şəhərində baş tutacaq hazırlıqda Olimpiya çəki dərəcələri üzrə 9 idmançı iştirak edəcək.Toplanışa ilkin olaraq Məsud Yusifzadə (51 kq), Ümid Rüstəmov (57 kq), Malik Həsənov (63,5), Nəbi İsgəndərov (67 kq) və Məhəmməd Abdullayev (+92 kq) yollanıblar. Komandaya Tayfur Əliyev (60 kq) avqustun 26-da, Nicat Hüseynov (51 kq), Sərxan Əliyev (71 kq) və Alfonso Dominqes (92 kq) isə sentyabrın 2-də qoşulacaq.Məşqlər sentyabrın 7-dək davam edəcək. Yığma daha sonra ABŞ-da beynəlxalq turnirə qatılacaq. Yarış sentyabrın 7-16-da baş tutacaq. Boksçularımız sentyabrın 17-də Vətənə qayıdacaqlar.xeber100.com

UEFA Çempionlar Liqasında pley-off görüşləri bu gün başa çatacaq

UEFA Çempionlar Liqasında pley-off görüşləri bu gün başa çatacaq.Yarışın ikinci günündə 3 cavab qarşılaşması keçiriləcək. Bununla da qrup mərhələsinin bütün iştirakçıları müəyyənləşəcək.Belə ki, Zaqrebin "Dinamo" klubu Xorvatiyada "Budö Qlimt" (Norveç) komandası ilə qarşılaşacaq. İlk oyunda Zaqreb təmsilçisi 0:1 hesabı ilə məğlub olub.Cavab oyununu evdə keçirəcək Türkiyənin turnirdəki yeganə təmsilçisi "Trabzonspor" Danimarkada 1:2 hesabı ilə məğlub olduğu "Kopenhagen"i qəbul edəcək.PSV isə Niderlandda Şotlandiya "Reyncers"i ilə üz-üzə gələcək. Qeyd edək ki, Qlazqodakı ilk görüş heç-heçə ilə başa çatıb (2:2).Pley-off mərhələsinin növbəti matçlarının proqramını təqdim edirik: 24 avqust 23:00 - "Dinamo" (Zaqreb, Xorvatiya) - "Budö Qlimt" (Norveç) İlk oyun - 0:1 23:00 - "Trabzonspor" (Türkiyə) - "Kopenhagen" (Danimarka) İlk oyun - 1:2 23:00 - PSV (Niderland) - "Reyncers" (Şotlandiya) İlk oyun - 2:2 Xatırladaq ki, hazırda qrup mərhələsinin 32 iştirakçısından 29-u məlumdur.xeber100.com