Azərbaycan Futzal Federasiyasının növbəti iclası keçirilib

Azərbaycan Futzal Federasiyasının növbəti iclası keçirilib.Federasiyanın prezidenti Zaur Axundovun rəhbərliyi ilə keçirilən iclasda ötən mövsümlə bağlı (həm liqalar, həm də milli komanda) hesabatlar dinlənilib. Zaur Axundov AFFA rəhbərliyinin bu sahənin inkişafı üçün federasiyaya böyük dəstək verdiyini qeyd edib, milli komandanın 2024-cü ildə keçiriləcək dünya çempionatı ilə bağlı hədəfini açıqlayıb. Qeyd edilib ki, dünya çempionatının final mərhələsinə ilk dəfə 2016-cı ildə vəsiqə qazanan və yekunda 5-ci pilləni tutan millimizin növbəti mundialın iştirakçısı olması üçün də lazımi şərait yaradılacaq. Strategiyanın saxlanılması şərti ilə gənc futzalçıların əsas milliyə dəvət edilməsi üçün də işlərin görüləcəyi vurğulanıb. Başa çatmış futzal mövsümü haqda müzakirələr aparıldıqdan sonra tez bir zamanda yeni mövsümün əsasnaməsinin hazırlanması, iştirakçı komandaların sayının dəqiqləşdirilməsi ilə bağlı tapşırıq verilib. Federasiyanın strukturunda da dəyişikliklər edilib. Vitse-prezident Rəmiş Malıyev tutduğu vəzifədən və icraiyyə komitəsinin üzvlüyündən azad olunması barədə müraciət edib. Elşən Abasov və Rövşən Mirzəyev AFF-nın icraiyyə komitəsinin üzvü seçiliblər, E.Abasov həm də federasiyanın vitse-prezidenti vəzifəsinə təyin olunub.xeber100.com

Bakı Dövlət Universitetinin Elmi şurasının növbəti iclası keçirilib

Bakı Dövlət Universitetinin (BDU) Elmi şurasının növbəti iclası keçirilib.BDU-dan bildiriblər ki, iclasda BDU-nun rektoru Elçin Babayev gündəlikdə olan məsələləri diqqətə çatdırıb.Tədris və təlim texnologiyaları üzrə prorektor Fərda İmanov iclasda 2021-2022-ci tədris ilinin yaz semestrinin imtahan sessiyası və yekun dövlət attestasiyasının nəticələri barədə təqdimatla çıxış edib. İmtahan sessiyasının nəticələrinə əsasən, müvəffəqiyyət göstəricisi 74, keyfiyyət göstəricisi isə 35 faiz olub. Yaz imtahan sessiyasının nəticələri Elmi şura üzvləri tərəfindən məqbul hesab edilib.Daha sonra BDU-nun İnformasiya Texnologiyaları Mərkəzinin direktoru Rəfail Rüstəmovun hesabatı dinlənilib.İclas cari məsələlərin müzakirəsi ilə davam edib.xeber100.com

“Qalatasaray” futbol klubu Serjiu Oliveyranın keçidini rəsmiləşdirib

Türkiyənin “Qalatasaray” futbol klubu Serjiu Oliveyranın keçidini rəsmiləşdirib.Klubun saytı xəbər verir ki, portuqaliyalı yarımmüdafiəçi ilə dördillik müqavilə imzalanıb.Qeyd edək ki, İstanbul təmsilçisi bu transfer üçün Portuqaliyanın “Portu” klubuna 3 milyon avro təzminat ödəyib.xeber100.com

Futbol üzrə Polşa Super kuboku yarışının qalibi müəyyənləşib

Futbol üzrə Polşa Super kuboku yarışının qalibi müəyyənləşib.Həlledici oyunda son ölkə çempionu “Lex”lə Polşa kubokunun qalibi olan “Rakuv” üz-üzə gəlib.“Rakuv” bu oyunda rəqibini 2 cavabsız qolla məğlub edərək Super kubok yarışının qalibi olub.“Lex” UEFA Çempionlar Liqasının birinci təsnifat mərhələsində Azərbaycan çempionu Ağdamın “Qarabağ” klubunun rəqibidir.Komandalar arasında Polşada keçirilən ilk oyunda meydan sahibləri 1:0 hesabı ilə qalib gəliblər. Cavab qarşılaşması isə iyulun 12-də Bakıda keçiriləcək.xeber100.com

“Sabah” futbol klubu heyətini yeni futbolçu ilə gücləndirib

Bakının “Sabah” klubu heyətini yeni futbolçu ilə gücləndirib.Paytaxt təmsilçisi ispaniyalı müdafiəçi Con İrasaballa anlaşıb.İyirmi altı yaşlı oyunçu ilə 1+2 illik müqavilə imzalanıb.İrasabal karyerası ərzində İspaniyanın “Vitoria”, “Mirandes”, “Lexona” və “Amorebieta” klublarında çıxış edib.xeber100.com

“Neftçi”nin “Sivasspor”a qarşı yoxlama matçının başlama saatı açıqlanıb

Türkiyənin Bolu bölgəsində təlim-məşq toplanışında olan Bakının “Neftçi” futbol klubunun yerli "Sivasspor"a qarşı yoxlama matçının başlama saatı açıqlanıb.Klubun rəsmi saytına istinadla xəbər verir ki, iyulun 11-də oynanılacaq görüş Bakı vaxtı ilə saat 12:30-da başlayacaq.Qeyd edək ki, "Neftçi" Boludakı ilk sınaq matçında "Sakaryaspor"la heç-heçə edib - 1:1. Bakı təmsilçisi iyulun 15-dək təşkil olunacaq toplanışda daha bir oyun keçirməsi nəzərdə tutulub.xeber100.com

“Beşiktaş” futbol klubu heyətinə yeni futbolçu cəlb edib

Türkiyənin “Beşiktaş” klubu heyətinə yeni futbolçu cəlb edib.Klubun rəsmi saytı xəbər verir ki, İstanbul təmsilçisi “Standard”dan (Belçika) Cekson Mulekanı transfer edib.İyirmi iki yaşlı hücumçu ilə beşillik müqavilə imzalanıb.Qeyd edək ki, futbolçu ötən mövsümü icarə əsasında “Kasımpaşa”da keçirib. O, bu müddət ərzində 14 matçda 12 qol vurub.xeber100.com

Türkiyənin “Kasımpaşa” klubu heyətini yeni futbolçu ilə gücləndirib

Türkiyənin “Kasımpaşa” klubu heyətini yeni futbolçu ilə gücləndirib.Super Liqa təmsilçisi italyan əsilli almaniyalı sol cinah müdafiəçisi Raul Petrettanı transfer edib. Bu barədə klubun rəsmi saytı məlumat yayıb.İsveçrənin “Bazel” klubundan transfer olunmuş 25 yaşlı futbolçu ilə imzalanmış müqavilənin müddəti və digər detalları açıqlanmayıb.R.Petretta “Bazel”in yetirməsidir. O, 2017-ci ildən bu klubun əsas komandasında forma geyinib. Müdafiəçi sözügedən komandanın heyətində 150 matça çıxıb.xeber100.com  

2022/2023-cü il mövsümünün püşkatma mərasiminin vaxtı müəyyənləşib

Futbol üzrə Azərbaycan Premyer Liqasında 2022/2023-cü il mövsümünün püşkatma mərasiminin vaxtı müəyyənləşib.Peşəkar Futbol Liqası xəbər verir ki, püşkatma mərasimi iyulun 15-də AFFA-nın inzibati binasında baş tutacaq.Qeyd edək ki, Azərbaycan Premyer Liqasının yeni mövsümü sentyabrın 5-də start götürəcək.xeber100.com

Azərbaycan Velosiped Federasiyasının məlumatına görə…

İyulun 14-19-da Portuqaliyanın Anadia şəhərində trek velosipedi üzrə Avropa çempionatı keçiriləcək.Azərbaycan Velosiped Federasiyası xəbər verir ki, gənclər və U-23 yaş kateqoriyasında mübarizə aparan idmançılar arasında təşkil ediləcək yarışda Azərbaycan da təmsil olunacaq.Yarışda gənc oğlanlardan ibarət milli komandamızın üzvü Kamran Mirzəxanov və U-23 yaş kateqoriyasında qadınlardan ibarət yığmamızın velosipedçisi Ayan Xankişiyeva iştirak edəcəklər.xeber100.com