“Beşiktaş” futbol klubu heyətinə yeni futbolçu cəlb edib

Türkiyənin “Beşiktaş” klubu heyətinə yeni futbolçu cəlb edib.Klubun rəsmi saytı xəbər verir ki, İstanbul təmsilçisi “Standard”dan (Belçika) Cekson Mulekanı transfer edib.İyirmi iki yaşlı hücumçu ilə beşillik müqavilə imzalanıb.Qeyd edək ki, futbolçu ötən mövsümü icarə əsasında “Kasımpaşa”da keçirib. O, bu müddət ərzində 14 matçda 12 qol vurub.xeber100.com

Türkiyənin “Kasımpaşa” klubu heyətini yeni futbolçu ilə gücləndirib

Türkiyənin “Kasımpaşa” klubu heyətini yeni futbolçu ilə gücləndirib.Super Liqa təmsilçisi italyan əsilli almaniyalı sol cinah müdafiəçisi Raul Petrettanı transfer edib. Bu barədə klubun rəsmi saytı məlumat yayıb.İsveçrənin “Bazel” klubundan transfer olunmuş 25 yaşlı futbolçu ilə imzalanmış müqavilənin müddəti və digər detalları açıqlanmayıb.R.Petretta “Bazel”in yetirməsidir. O, 2017-ci ildən bu klubun əsas komandasında forma geyinib. Müdafiəçi sözügedən komandanın heyətində 150 matça çıxıb.xeber100.com  

2022/2023-cü il mövsümünün püşkatma mərasiminin vaxtı müəyyənləşib

Futbol üzrə Azərbaycan Premyer Liqasında 2022/2023-cü il mövsümünün püşkatma mərasiminin vaxtı müəyyənləşib.Peşəkar Futbol Liqası xəbər verir ki, püşkatma mərasimi iyulun 15-də AFFA-nın inzibati binasında baş tutacaq.Qeyd edək ki, Azərbaycan Premyer Liqasının yeni mövsümü sentyabrın 5-də start götürəcək.xeber100.com

Azərbaycan Velosiped Federasiyasının məlumatına görə…

İyulun 14-19-da Portuqaliyanın Anadia şəhərində trek velosipedi üzrə Avropa çempionatı keçiriləcək.Azərbaycan Velosiped Federasiyası xəbər verir ki, gənclər və U-23 yaş kateqoriyasında mübarizə aparan idmançılar arasında təşkil ediləcək yarışda Azərbaycan da təmsil olunacaq.Yarışda gənc oğlanlardan ibarət milli komandamızın üzvü Kamran Mirzəxanov və U-23 yaş kateqoriyasında qadınlardan ibarət yığmamızın velosipedçisi Ayan Xankişiyeva iştirak edəcəklər.xeber100.com

“Sabah” klubu futbolçusu ilə müqavilə müddətini uzadıb

“Sabah” futbolçusu Ceyhun Nuriyevlə müqavilə müddətini uzadıb.Klubun rəsmi saytı xəbər verir ki, 21 yaşlı yarımmüdafiəçi ilə bağlanmış yeni anlaşmanın müddəti 2024-cü ilin iyun ayına kimidir.Futbolçu “Sabah”ın əsas yığmasına 2020-ci ildə U-19 komandasından cəlb olunub. O, “Sabah”ın heyətində Azərbaycan Premyer Liqası və ölkə kubokunda 23 oyun keçirib, 2 qola imza atıb.xeber100.com

Stolüstü tennisçilərin Avropa birinciliyi davam edir

Serbiyanın paytaxtı Belqradda yeniyetmə stolüstü tennisçilərin Avropa birinciliyi davam edir.Yarışın ilk günündə Sloveniya kollektivi üzərində 3-1 hesabı ilə qələbə qazanan oğlanlardan ibarət Azərbaycan seçməsi bu gün Avstriya millisi ilə üz-üzə gəlib. Rəqibinə 1-3 hesabı ilə uduzan komandamız qrup ikincisi kimi növbəti mərhələyə adlayıb.İlk oyunda Yunanıstan seçməsinə uduzan (1-3), ardınca Monteneqro komandasına qalib gəlib gələn (3-0) qızlardan ibarət millimiz bu gün İsveç kollektivini də məğlub edərək (3-1) qrup ikincisi olub. Komandalarımız növbəti oyunlarını sabah keçirəcəklər.Qeyd edək ki, mötəbər yarışda məşqçilər Elnur Hidayətzadə və Ramil Cəfərovun rəhbərliyi ilə Arzu Aslanova, Aylin Əsgərova, Mərziyyə Nurmətova, Adil Əhmədzadə, Hüseyn Eylazov və Onur Quluzadə komanda turniri ilə yanaşı, şəxsi, qoşa və qarışıq qoşa yarışlarında da bacarıqlarını göstərəcəklər. Beynəlxalq dərəcəli hakimlər Könül Mikayılova və Zaur Mikayılov da Avropa birinciliyində ölkəmizi təmsil edirlər.Yarışa iyulun 16-da yekun vurulacaq.xeber100.com

“Neftçi” futbol klubu bu gün ilk yoxlama oyununu keçirəcək

Türkiyənin Bolu şəhərində təlim-məşq toplanışında olan Bakının “Neftçi” futbol klubu bu gün ilk yoxlama oyununu keçirəcək.Baş məşqçi Laurentsiu Regekampfın komandası Türkiyə Birinci Liqasında çıxış edən “Sakaryaspor”la üz-üzə gələcək.Matç Bakı vaxtı ilə saat 16:45-də start götürəcək.Qeyd edək ki, “Neftçi” hazırlıq çərçivəsində 3 yoxlama matçı keçirməyi planlaşdırır.xeber100.com

“Zirə” futbol klubu bu gün növbəti yoxlama görüşünü keçirəcək

Türkiyə təlim-məşq toplanışını davam etdirən “Zirə” futbol klubu bu gün növbəti yoxlama görüşünü keçirəcək.Baş məşqçi Rəşad Sadıqovun komandası Türkiyə Birinci Liqasında çıxış edən “Eyüpspor” klubu ilə üz-üzə gələcək. Boluda oynanılacaq görüş Bakı vaxtı ilə 18:00-da start götürəcək.Qeyd edək ki, Bakı təmsilçisi ilk yoxlama görüşündə Rumıniyanın “Hermanşdadt” klubuna 1:2 uduzub.xeber100.com

“İnter” futbol klubu heyətini yeni futbolçu ilə gücləndirib

İtaliyanın “İnter” klubu heyətini yeni futbolçu ilə gücləndirib.A Seriyası təmsilçisi “Kalyari”dən Raul Bellanovanı icarəyə götürüb. Bu barədə Milan klubunun rəsmi saytı məlumat yayıb.İyirmi iki yaşlı müdafiəçi ilə birillik müqavilə imzalanıb. Sözləşmədə icarədən sonra satın almaq hüququna dair bənd də var.Futbolçu 2021-ci ildən “Kalyari”də oynayırdı. O, ötən mövsüm İtaliya çempionatında 31 matçda 1 qol vurub və 2 məhsuldar ötürmə edib.xeber100.com

“Qarabağ” futbol klubu UEFA Çempionlar Liqasında mübarizəyə başlayıb

Ağdamın "Qarabağ" futbol klubu UEFA Çempionlar Liqasında mübarizəyə başlayıb.Ağdam təmsilçisi birinci təsnifat mərhələsinin ilk oyununda Polşanın "Lex" komandasının qonağıdır.Poznan şəhərindəki eyniadlı stadionda keçirilən oyunda “Lex”in heyətində meydana Artur Rudko, Joel Pereyra, Pedro Reboşu, Yesper Karlström, Mikael İshak, Antonio Miliç, Mixal Skuras, Radoslav Muravski, Kristoffer Velde, Joao Amaral və Lubomir Şatka çıxıblar.“Qarabağ”ın start heyətində isə Şahruddin Məhəmmədəliyev, Qara Qarayev, Maksim Medvedev, Riçard Almeyda, Abdullah Zubir, Leandro Andrade, Kadi Borges, İbrahima Vadji, Marko Veşoviç, Elvin Cəfərquliyev və Kevin Medina yer alıblar.Görüşü ispaniyalı FIFA referisi Xose Luis Munuera idarə edir.Qeyd edək ki, komandalar arasında cavab matçı iyulun 12-də Bakıda olacaq. Bu cütün qalibi ikinci təsnifat mərhələsində İsveçrənin "Sürix" klubu ilə qarşılaşacaq. Məğlub komanda isə UEFA Konfrans Liqasının ikinci təsnifat mərhələsində "Slovan" (Slovakiya) – "Dinamo" (Batumi, Gürcüstan) cütünün güclüsü ilə üz-üzə gələcək.xeber100.com