Bu gün “Kapital Bank”ın yaranması günüdür

1874-cü il 24 iyul ölkənin birinci bankı olan “Kapital Bank”ın yaranması günüdür. Azərbaycan Əmanət Bankının hüquqi varisi olan “Kapital Bank”ın ilk xidmət məntəqəsi 1874-cü ildə Bakıda əmanət kassası kimi yaradılıb. İlk əmanət kassaları Rusiya Dövlət Bankının Bakı şəhər şöbəsinin tərkibində fəaliyyət göstərirdi. Şöbənin icraçı rəhbəri İvan Samsonoviç Xandojevski idi. Uçot Komitəsinin tərkibində isə Hacı Zeynalabdin Tağıyev, Hacı Baba Haşımov, Hacı Şıxəli Dadaşov kimi tanınmış azərbaycanlılar da təmsil olunurdu.Azərbaycan Xalq Cümhuriyyəti elan edildikdən sonra 1919-cu il sentyabrın 30-da Azərbaycanda Dövlət Bankının açılışı olub, 1919-cu il dekabrın 1-də əmanət kassalarının fəaliyyəti bərpa edilib. 1920-ci il aprelin 28-də Azərbaycan Xalq Cümhuriyyətinin süqutunun ardınca Azərbaycan İnqilab Komitəsinin 1920-ci il 9 iyun tarixli qərarı ilə Rusiya Dövlət Bankının Bakı şöbəsi ləğv edilib. 1924-cü ilin yanvarında Azərbaycanda SSRİ Dövlət Bankının tərkibində fəaliyyət göstərən dövlət əmək əmanət kassaları yaradılıb. 1988-ci ildə həmin kassalar SSRİ Əmanət Bankının Azərbaycan Respublikası Bankına çevrilib.1992-ci il fevralın 11-də bu bankın bazasında Azərbaycan Respublikasının Əmanət Bankı formalaşdırılıb. 2000-ci il fevralın 21-də isə Əmanət Bankının, Azərbaycan Aqrar-Sənaye Bankının və Azərbaycan Sənaye-İnvestisiya Bankının birləşdirilməsi nəticəsində Azərbaycan Birləşmiş Universal Səhmdar Bankı (BUSBank) yaradılıb.2004-cü il dekabrın 29-dan fəaliyyətini “Kapital Bank” adı ilə davam etdirən bank hazırda ölkə üzrə 100-dən çox xidmət nöqtəsinə, 3 milyondan artıq fiziki şəxsə, 22 mindən çox hüquqi şəxsə yüksək səviyyədə bank xidməti göstərir.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,09 dollar ucuzlaşaraq 65,25 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Bakı Nəqliyyat Agentliyi xəbərdarlıq edib

Bakı Nəqliyyat Agentliyi (BNA) müşahidə olunan küləkli hava şəraiti ilə əlaqədar bütün hərəkət iştirakçılarına ehtiyatlı olmağı tövsiyə edir.Agentlikdən Azərtac-a bildirilib ki, sərnişinlər avtobus dayanacaqlarında gözləyərkən diqqətli olmalıdır. Dayanacaq məntəqəsinin ərazisindən kənarda avtobusa minib-düşməməli, həmçinin Nəqliyyat Mübadilə Mərkəzlərinin ərazisində eyni qaydalara riayət etməlidirlər. BNA sürücülərə tövsiyə edir ki, hərəkətdə olan zaman yollarda müəyyən edilən sürət həddinə və yol nişanlarının tələblərinə əməl etsinlər.Hava şəraiti ilə əlaqədar paytaxt yollarına və ictimai nəqliyyat infrastrukturlarına nəzarət gücləndirilib. Vətəndaşlardan hər hansı bir narahatlıq olduğu zaman Bakı Nəqliyyat Agentliyinin “141” Çağrı Mərkəzinə zəng etmələri xahiş olunur.xeber100.com

“Caspian Event Organisers” şirkətinin məlumatına görə…

Sentyabrın 12-14-də Bakıda II Azərbaycan Beynəlxalq Hədiyyələr və Promo Məhsulları sərgisi “Gift&Promo 2019” keçiriləcək.“Caspian Event Organisers” şirkətindən Azərtac-a bildirilib ki, sərgi Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK), Azərbaycanda İxracın və İnvestisiyaların Təşviqi Fondu (AZPROMO) və Kiçik və Orta Biznesin İnkişafı Agentliyi (KOBİA) tərəfindən dəstəklənir.Qeyd edək ki, “Gift&Promo 2019” sərgisi korporativ hədiyyələr və suvenirlər sahəsində təqdim olunan ölkədə və regionda yeganə beynəlxalq sərgidir. Burada promo məhsul və xidmətləri, VIP hədiyyələr, həmçinin hədiyyələr təqdim olunacaq. Eyni zamanda, reklam xidmətlərinin sifarişçilərinin suvenir və promo məhsulları istehsalçıları və distribüterləri ilə tərəfdaşlıq və qarşılıqlı əməkdaşlıq yollarının müzakirəsi üçün unikal işgüzar platformadır.Sərgiyə üç gün ərzində 3 minədək ziyarətçinin gələcəyi gözlənilir. Onların sırasında şirkət müdirləri, marketinq üzrə direktorlar, satınalma üzrə direktorlar yer alırlar.Sərgidə VIP hədiyyələr, suvenirlər, korporativ hədiyyələr, dəri məhsulları, tekstil, bayraqlar və aksesuarlar, müxtəlif fəaliyyət növləri üçün uniforma, zərgərlik məmulatları, əl işləri, oyuncaqlar və müəllif kuklalar, floristika, xüsusi toy sektoru və sair nümayiş olunacaq.xeber100.com

“Bakı Beynəlxalq Dəniz Ticarət Limanı” QSC-nin məlumatı

Yanvar-iyun aylarında Bakı Limanından 20 minədək sərnişin daşınıb.“Bakı Beynəlxalq Dəniz Ticarət Limanı” QSC-dən Azərtac-a bildirilib ki, altı ayda Bakı Limanının sərnişin daşınmasında hər iki istiqamətdə keçən ilin müvafiq dövrünə nisbətən 0,1 faiz artım qeydə alınıb və 19 min 984 nəfər təşkil edib.Ümumi yükaşırmanın həcmi isə ötən ilin eyni dövrünə (1 milyon 960,4 min ton) nisbətdə 1,1 faiz artaraq 1 milyon 981,3 min ton olub. Yükaşırmanın 85,4 faizi (1 milyon 692,4 min ton) tranzit yükaşırmanın payına düşüb.xeber100.com

Mərkəzi Bank depozit hərracının nəticələrini açıqlayıb

Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının nəticələrini açıqlayıb.AMB-dən Azərtac-a bildirilib ki, iyulun 22-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 827,9 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,51 faiz təşkil edib.xeber100.com

Belarus Dövlət Statistika Komitəsinin məlumatı

Cari ilin altı ayı ərzində Azərbaycan ilə Belarus arasında idxal-ixrac əməliyyatlarının həcmi 106 milyon ABŞ dolları ötüb.Bu barədə Azərtac-a Belarus Dövlət Statistika Komitəsindən məlumat verilib. Məlumata görə, hesabat dövründə Azərbaycana Belarusdan idxalın həcmi 96 milyon 064 min dollar, Azərbaycandan Belarusa ixracın həcmi isə 9 milyon 971 min dollar olub.Qeyd edək ki, ötən il Azərbaycan ilə Belarus arasında idxal-ixrac əməliyyatlarının həcmi 204 milyon ABŞ dollarına yaxın olub ki, bu da 2017-ci ilin analoji göstəricisindən təxminən 56 milyon dollar çoxdur.xeber100.com

AZPROMO sahibkarlara müraciət edib

Azərbaycanda İxracın və İnvestisiyaların Təşviqi Fondu (AZPROMO) sahibkarlara müraciət edib.AZPROMO-dan Azərtac-a bildirilib ki, sentyabrın 4-də İraqın Ərbil şəhərində beynəlxalq ev dizaynı, dəri və kosmetika sənayesi sərgisi keçiriləcək. Ölkəmizdə fəaliyyət göstərən sahibkarlar və iş adamları sərgidə iştiraka dəvət olunurlar. Sərgi sentyabrın 7-dək davam edəcək.xeber100.com

“Azəriqaz” İstehsalat Birliyi təcili səyyar xidmət yaradılıb

“Azəriqaz” İstehsalat Birliyi inzibati binasında təcili səyyar xidmət yaradılıb. Birliyin inzibati binasının birinci mərtəbəsində, həmçinin Mərdəkan, Xırdalan, Maştağa xidmət sahələrində şənbə və bazar günləri abonentlərə xidmət göstəriləcək.Azərtac xəbər verir ki, bu barədə “Azəriqaz” məlumat yayıb.xeber100.com

“Azəriqaz” İstehsalat Birliyinin məlumatına görə…

Nərimanov rayonu, “Dəmiryol-30” ünvanında bu gün saat 10:00-dan etibarən yenidənqurma işləri ilə əlaqədar təbii qaz təchizatı dayandırılıb. İşlər yekunlaşana qədər 1000 istehlakçının qaz təchizatında fasilə yaranacaq.Azərtac xəbər verir ki, bu barədə “Azəriqaz” İstehsalat Birliyi məlumat yayıb.xeber100.com