Dövlət Gömrük Komitəsinin sədri vətəndaşları qəbul edəcək

Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə uyğun olaraq, Dövlət Gömrük Komitəsinin sədri Səfər Mehdiyev mayın 25-də Balakən rayon Heydər Əliyev Mərkəzində bu rayondan olan vətəndaşları qəbul edəcək.Dövlət Gömrük Komitəsindən Trend-ə verilən məlumata görə, qəbullar zamanı yalnız Balakən, Zaqatala, Qax rayonlarının sakinlərinin və bu bölgədə məskunlaşan məcburi köçkünlərin gömrük məsələləri ilə bağlı müraciətləri dinləniləcək.xeber100.com

Azərbaycanda İxracın və İnvestisiyaların Təşviqi Fondunun müraciəti

Azərbaycanda İxracın və İnvestisiyaların Təşviqi Fondu (AZPROMO) sahibkarlara müraciət edib.AZPROMO-dan Azərtac-a bildirilib ki, Çinin ən böyük dövlət tikinti şirkətlərindən olan "China National Complete Engineering Corporation" şirkəti ölkəmizdə infrastruktur sahəsində inşaat işlərinin həyata keçirilməsində maraqlıdır. Şirkət tikinti ilə yanaşı, tikinti layihələrini maliyyələşdirir.Əməkdaşlıqda maraqlı olan sahibkarlar AZPROMO-ya müraciət edə bilərlər.xeber100.com

“Azərenerji” Açıq Səhmdar Cəmiyyəti “Reabilitasiya Proqramı” çərçivəsində

“Azərenerji” Açıq Səhmdar Cəmiyyəti “Reabilitasiya Proqramı” çərçivəsində digər elektrik stansiyalarında olduğu kimi, “Səngəçal” Elektrik Stansiyasında (ES) da itirilmiş gücün bərpa olunması istiqamətində işləri davam etdirir.ASC-dən Azərtac-a bildirilib ki, ötən ilin payızında qəbul edilən “Reabilitasiya Proqramı”na qədər “Səngəçal” ES-də mövcud 18 aqreqatdan 4-ü ümumiyyətlə işləmirdi, qalan 14 aqreqat isə kəsirlə işləyirdi. Məhz həmin 14 aqreqatın mühərriklərində aparılan təmir işləri nəticəsində 30 meqavat itirilmiş güc bərpa olunub.Eyni zamanda, işləməyən 4 aqreqatdan 1-i yenisi ilə əvəz edilib, digərinin isə ehtiyat hissələri gətirilərək sazlama işləri aparılıb və işə qoşulub. Həmin 2 aqreqatın işə düşməsi nəticəsində əlavə 32 meqavat itirilmiş güc bərpa olunub. Bununla da, “Reabilitasiya Proqramı” çərçivəsində “Səngəçal” ES üzrə itirilmiş gücün bərpası 62 meqavata çatdırılıb. Ümumilikdə isə ilin sonuna qədər “Səngəçal” ES-də aparılan işlər nəticəsində 90 meqavat itirilmiş güc bərpa olunacaq və nəticədə, Bakı da daxil olmaqla ölkənin elektrik təchizatının etibarlılığı və dayanıqlılığı üçün daha bir addım atılmış olacaq.“Azərenerji” ASC “Reabilitasiya Proqramı” çərçivəsində Cənubi Qafqazın ən böyük istilik elektrik stansiyası olan “Azərbaycan” İstilik Elektrik Stansiyası başda olmaqla əksər istilik, su və kiçik elektrik stansiyalarında yenidənqurma, təmir-bərpa işləri həyata keçirir.xeber100.com

Mayın 20-də USD/AZN rəsmi məzənnəsi 1,7000 manat təşkil edib

Mayın 21-nə manatın məzənnəsi açıqlanıb.Mərkəzi Bankdan Trend-ə verilən məlumata görə, 21.05.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.Qeyd edək ki, 2019-cu il mayın 20-də də USD/AZN rəsmi məzənnəsi 1,7000 manat təşkil edib.xeber100.com

NIKOIL Bank endirim kampaniyası elan edib

NIKOIL Bank Respublika Gününə özəl bütün istehlak krediti məhsullarına – 2% endirim kampaniyası elan edir.Bankdan Trend-ə verilən məlumata görə, may ayının 20-dən etibarən bankdan nağd pul, təcili kredit və güzəşt muddəti ilə kredit kartı məhsullarını əldə edən hər bir müştərimiz kampaniya şərtlərindən faydalana biləcək.Qeyd edək ki, hazırda NIKOIL Bank-da istehlak kreditlərinin maksimal məbləği 30 000 AZN-dək, illik faiz dərəcəsi isə 17%-dən başlayır. Kreditlər 48 ay müddətinədək verilir və müştərilər bankın istənilən filialına müraciət edərək 31 Mayadək, endirimli kampaniya şərtlərindən faydalana bilər. Sözügedən məhsulları digərlərindən fərqləndirən cəhətlərdən biri də 0% komissiya və sığorta xərcləri ödənilmədən rəsmiləşdirilmə imkanıdır.Müştərilərin rahatlığı düşünərək NIKOIL Bankın filialları, həftənin 5 günü nahar fasiləsi olmadan səhər saat 09:00-dan axşam 17:00-dək fəaliyyət göstərir.xeber100.com

Neft hasilatının azaldılmasına dair müqavilədə

Neft hasilatının azaldılmasına dair müqavilədə iştirak edən "OPEK +" ölkələri 2019-cu ilin aprelində -müqaviləni 168% yerinə yetiriblər (139% martda).Milli.az bildirir ki, bu nəticələr texniki komitənin iclası zamanı açıqlanıb.Qeyd edilib ki, apreldə ümumi səviyyə 168% təşkil edib.Qeyd edək ki, "OPEK+" təşkilatının bütün üzv ölkələri 2019-cu ilin birinci yarısında neft hasilatının gündə 1,2 milyon barelə qədər azalmasına dair razılaşıb, bundan da 812 min barel "OPEK" ölkələrin, 383 min barel isə "qeyri OPEK" ölkələrin payına düşüb.xeber100.com

“Maliyyə və rəqəmsal texnologiyalar həftəsi” çərçivəsində

"Maliyyə və rəqəmsal texnologiyalar həftəsi" çərçivəsində Azərbaycan Mərkəzi Bankında (AMB) "MasterCard" beynəlxalaq kart təşkilatının sahəvi ekspertləri tərəfindən İqtisad Universitetinin və Bakı Mühəndislik Universitetinin tələbələri üçün seminar keçirilib.Bankdan Azərtac-a bildirilib ki, "Müasir ödəniş imkanları" mövzusunda təşkil edilən seminarda rəqəmsal ödənişlər sahəsində ən son innovasiyalar, trendlər, inkişaf etmiş ölkələrin təcrübələri və fintexlərin mahiyyəti barədə tələbələrə geniş məlumat verilib. Eyni zamanda, ən son texnoloji innovasiyalar əsasında maliyyə xidmətlərinin göstərilməsi üsulları, ödəniş məkanına daxil olmuş yeni iştirakçılar, NFC texnologiyalarına əsaslanan mobil ödənişlər, QR kod ödənişləri, onlardan istifadə imkanları, həmçinin bu sahədə yaranacaq risklər və onların aradan qaldırılması yolları ilə bağlı məlumat seminar iştirakçılarının diqqətinə çatdırılıb.Seminarda, həmçinin ölkəmizdə rəqəmsal ödənişlərin inkişaf etdirilməsi istiqamətində Mərkəzi Bank tərəfindən həyata keçirilən layihələr haqqında ümumi məlumat verilib və nağdsız ödənişlərin ölkə iqtisadiyyatı üçün əsas faydaları açıqlanıb.Qeyd edək ki, Mərkəzi Bank "2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı"nın strateji hədəflərinə uyğun olaraq innovativ ödəniş xidmətlərinə müxtəlif hədəf qrupları arasında məlumatlığın artırılması məqsədilə bu kimi tədbirlərin davamlı olaraq keçirilməsini planlaşdırır.xeber100.com

Maliyyə Bazarlarına Nəzarət Palatasının məlumatı

Mayın 20-də sığortaçılar üçün attestasiya keçiriləcək.Maliyyə Bazarlarına Nəzarət Palatasının mətbuat xidmətindən Azərtac-a bildirilib ki, "Sığortaçıların rəhbər işçisi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya, həmçinin aktuari fəaliyyətinə aktuari şəhadətnaməsi almaq istəyən fiziki şəxslər üçün attestasiyanın təşkili və keçirilməsi" Qaydalarının 4.1-ci bəndinə əsasən, sığortaçıda rəhbər vəzifəyə təyinatı nəzərdə tutulan namizədlər, müvafiq sığorta vasitəçiliyi üzrə fəaliyyətə lisenziya almaq istəyən fiziki şəxslər attestasiyaya dəvət olunublar. Attestasiyada 3 sığortaçı iştirak edəcək.Attestasiyaya buraxılmaq üçün şəxsiyyət vəsiqəsi təqdim edilməlidir.xeber100.com

SOCAR və “Uzbeknefteqaz” şirkətləri saziş imzalayıb

Böyük Britaniyanın “BP Exploration”, Azərbaycanın SOCAR və Özbəkistanın “Uzbeknefteqaz” şirkətləri Aral dənizində investisiya bloklarında geologiya-kəşfiyyat işlərinin aparılması barədə saziş imzalayıb.Trend-in məlumatına görə, sənəd Aral dənizinin Özbəkistan hissəsində, Sams-Kosbulak və Bayterek investisiya bloklarında geologiya-kəşfiyyat işlərini nəzərdə tutur.Xatırladaq ki, “Uzbeknefteqaz” BP və SOCAR ötən ilin mayında geologiya-kəşfiyyat işləri ilə əlaqədar iki memorandum imzalamışdı. Bu memorandumlar SOCAR-da özbək mütəxəssislərin hazırlanmasını, eləcə də “Uzbeknefteqaz”ın Azərbaycanda şelf layihələrində iştirakını nəzərdə tutur.xeber100.com

“AtaBank” daha bir yeniliyini təqdim edib

Hər zaman müştərilərinin rahatlığını düşünən "AtaBank" daha bir yeniliyini təqdim edib. Artıq “AtaBank” ASC-nin müştəriləri vəsaitlərini plastik kartlarına istənilən MilliÖn terminalı vasitəsi ilə mədaxil edə bilərlər. Vəsait günün istənilən vaxtı aparıla bilər və əməliyyat aparıldıqdan dərhal sonra hesaba oturur.Qeyd etmək istərdik ki, AtaBank Visa İnternational və MasterCard beynəlxalq ödəniş sistemləri ilə əməkdaşlıq edir. Müştərilər müvafiq ilkin mədaxil etməklə "AtaBank" kartlarını pulsuz əldə edə bilərlər.Bundan əlavə kart hesabına nəzarət edə bilmək və bank tərəfindən təqdim edilən müxtəlif xidmətlərdən yararlana bilmək üçün bankın AtaNet İnternet və ya Mobil Bank əlavəsinə pulsuz qoşulmaq mümkündür.xeber100.com