Dövlət Gömrük Komitəsinin məlumatı əsasında…

Bu ilin üç ayında Azərbaycandan 25 min 947 ton pambıq lifi və 2 min 689 ton pambıq ipliyi ixrac olunub.Azərtac xəbər verir ki, bu barədə Dövlət Gömrük Komitəsi (DGK) məlumat yayıb.Yanvar-mart aylarında ixrac edilən pambıq lifinin dəyəri 37 milyon 523 min, pambıq ipliyinin dəyəri isə 6 milyon 446 ABŞ dolları olub.Ötən ilin eyni dövründə ölkədən 13 milyon 544 min dollarlıq 8 min 677 ton pambıq lifi, 4 milyon 812 min dollarlıq 1975 ton pambıq ipliyi ixrac edilib.xeber100.com

“Türk Hava Yolları” aviaşirkəti yeni reys açıb

Dünyada ən çox istiqamət üzrə uçuşlar həyata keçirən “Türk Hava Yolları” aviaşirkəti bu ilin aprel ayının 11-dən etibarən İstanbul-Şarja-İstanbul marşrutu üzrə yeni reys açıb. Bu, Birləşmiş Ərəb Əmirliklərinə təşkil edilən üçüncü uçuş istiqaməti, həmçinin, milli bayraq daşıyıcısının geniş uçuşlar şəbəkəsinə daxil olan 307-ci təyinat nöqtəsidir.“Türk Hava Yolları”nın marketinq direktoru Ahmet Olmuştur bildirib: "İstanbul hava limanı ilə türk aviasiyası və turizmi üçün yeni bir dövr başladı. Yeni bazaya köçməyimiz uçuş şəbəkəmizin daha da genişlənməsinə imkan yaradacaq. “Türk Hava Yolları” olaraq Əbu-Dabi və Dubaydan sonra BƏƏ-də üçüncü təyinat nöqtəsi kimi Şarja şəhərinə uçuşlar təşkil etməkdən məmnunuq”.Qeyd edək ki, İstanbul-Şarja-İstanbul istiqamətində uçuşlar aprel ayının 11-dən etibarən həftəsonları da daxil hər gün yerinə yetirilir.1998-ci ildə ərəb dünyasının mədəni paytaxtı elan edilmiş Şarja Birləşmiş Ərəb Əmirliklərinin ölçü və əhalisinə görə üçüncü əmirliyidir. Şəhər öz müasirliyi, eyni zamanda qədim və zəngin tarixi ilə səyahətsevərlərin diqqətini özünə cəlb etməyi bacarıb.xeber100.com

Bank VTB kredit üzrə yeni aksiyaya start verib

Bank VTB (Azərbaycan) yeni "Start" aksiyasına başlayıb. Aksiya çərçivəsində müştərilər nağd pul kreditini 9%-lə əldə edə biləcək. Təklif 15 iyul 2019-cu il tarixinədək qüvvədədir. Promomüddət başa çatdıqdan sonra illik faiz dərəcəsi 24% təşkil edəcək.Təklif olunan kreditin məbləği 10 000 manat, müddəti 6 aydan 3 ilə qədərdir. Kredit əldə etmək üçün VTB (Azərbaycan)-ın istənilən filialına müraciət etmək və ya +99455 2140986 nömrəli WhatsApp, eləcə də bankın saytı vasitəsi ilə sifariş etmək mümkündür."Bu təklif Azərbaycanın bank sektoru üçün unikaldır - adətən müştərilərə vahid faiz dərəcəsi ilə kredit təklif olunur. "Start" aksiyası çərçivəsində isə biz müştərilərə xərclərini əhəmiyyətli dərəcədə azaltmaq imkanı veririk. Aşağı faizlə ödəniş müddətinin sayı kredit üçün müraciət vaxtından asılıdır. Kredit nə qədər tez alınarsa 9%-lik ödəniş müddəti bir o qədər çox olar" - deyə bank VTB (Azərbaycan)-ın satış, şəbəkənin inkişafı və müştərilərə xidmət idarəsinin rəisi Pərviz Rəsulov bildirib.xeber100.com

Koreya-Azərbaycan ikitərəfli əməkdaşlıq forumu keçiriləcək

Aprelin 26-da Bakıda Koreya-Azərbaycan ikitərəfli əməkdaşlıq forumu keçiriləcək.Azərtac xəbər verir ki, Koreya Ticarət və İnvestisiyaların Təşviqi Agentliyinin (KOTRA) təşkilatçılığı keçiriləcək tədbirdə ölkənin hidrogen tərkibli maska və kosmetik vasitələr, müxtəlif növ sous və ədviyyatlar, avtomobillər üçün pompalar, müxtəlif növ yapışqan lentlər (skoçlar), toxuculuq liflərinin hazırlanması üçün maşınlar, kənd təsərrüfatı texnikasının ehtiyat hissələri, poliester (neylon) parçalar sektoru üzrə ixtisaslaşmış 7 şirkəti iştirak edəcək.xeber100.com

Dövlət Neft Fondunun iştirakı ilə hərrac keçirilib

Aprelin 16-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Statistika Komitəsinin məlumatı

Yanvar-fevral aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 8,6 faiz artaraq 554,9 manat təşkil edib.Dövlət Statistika Komitəsindən Azərtac-a bildirilib ki, iqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, nəqliyyat və anbar təsərrüfatı, eləcə də tikinti sahələrində orta aylıq nominal əməkhaqqı daha yüksək olub.xeber100.com

Londonun ICE birjasında neftin qiyməti ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,26 dollar geriləyərək 71,29 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,36 dollar ucuzlaşaraq 63,53 dollar təşkil edib.xeber100.com

V Avropa İttifaqı-Azərbaycan biznes forumu keçiriləcək

Avropa İttifaqının (Aİ) Azərbaycandakı nümayəndəliyi Alman-Azərbaycan Xarici Ticarət Palatası ("AHK Azərbaycan") ilə əməkdaşlıq çərçivəsində iyunun 13-də Bakıda V Avropa İttifaqı-Azərbaycan biznes forumunu keçirəcək."AHK Azərbaycan"dan Azərtac-a bildirilib ki, builki tədbirdə biznes mühiti mövzusu üzrə plenar sessiya və kənd təsərrüfatı, əlaqələndiricilik və turizm sektorları üzrə paralel sessiyaların keçirilməsi nəzərdə tutulur.xeber100.com

“Zenith Energy” şirkəti TSX-V fond birjasının şərti razılığını alıb

Azərbaycanın "Muradxanlı-Cəfərli-Zərdab" yataqlar blokunun işlənilməsi üzrə operator olan Kanadanın "Zenith Energy" şirkəti Kanadada aksiyaların buraxılışı üzrə TSX-V fond birjasının şərti razılığını alıb.Bu barədə Trend şirkətin məlumatına istinadən xəbər verir."Zenith Energy" təsdiq edib ki, sadə aksiyalar 2019-cu il aprelin 5-də lazımi sənədlər verildikdən sonra buraxılıb.Şirkətin məlumatına əsasən, "Zenith Energy" TSX-V-dən yekun təsdiqi gözləyir.Bildirildiyi kimi, "Zenith Energy" bu vəsaitləri Azərbaycanda qazma işlərinə yatırmaq üçün cəlb edir.Qeyd edək ki, SOCAR və Kanada şirkəti arasında "Muradxanlı", "Cəfərli" və "Zərdab" neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında saziş 2016-cı il martın 16-da imzalanıb.xeber100.com

“Moody’s Investors Service” reytinq agentliyinin qərarı…

"Moody's Investors Service" beynəlxalq reytinq agentliyi Azərbaycanın uzunmüddətli emitent reytinqi və təminatsız prioritet öhdəlikləri reytinqini Ba2 stabil proqnoz səviyyəsində saxlayıb.Milli.Az xəbər verir ki, Trend bu barədə agentliyin hesabatına istinadən məlumat verir."Moody's" reytinqin eyni səviyyədə qalmasını davam edən fiskal islahatlar fonunda hökumətin kredit mövqeyinin möhkəmlənməsi və bank sektorunda risklərin azalması ilə izah edir."Moody's" həmçinin "Cənub Qaz Dəhlizi" QSC-nin təminatsız prioritet bondlarının reytinqini "stabil" səviyyədə təsdiqləyib.Agentliyin analitikləri proqnozlaşdırır ki, yeni fiskal qaydaların reallaşdırılması və dövlət borclarının idarə olunması üzrə hökumət strategiyası ölkənin təmiz kredit mövqeyini gücləndirəcək.xeber100.com