Azərbaycan-Qazaxıstan işgüzar görüşü keçirilir

Mayın 23-də Bakıda Azərbaycan-Qazaxıstan işgüzar görüşü keçirilir.Azərtac xəbər verir ki, tədbirdə çıxış edən Azərbaycanda İnvestisiyanın və İxracın Təşviqi Fondunun (AZPROMO) rəhbəri Rüfət Məmmədov qardaş və dost Qazaxıstanla olan iqtisadi əməkdaşlıqdan, ticarət dövriyyəsindən bəhs edib.Onun sözlərinə görə, Azərbaycanın Qazaxıstanla iqtisadi-ticari əlaqələri, yatırılan investisiyalar ilbəil artmaqdadır. Belə ki, Aktau şəhərində Azərbaycanın böyük logistik mərkəzi yaradılıb. Həmçinin Qazaxıstanda 80-dən çox Azərbaycan kapitalı ilə işləyən şirkət fəaliyyət göstərir. Ölkəmizdə isə Qazaxıstanın 73 şirkəti çalışır.R.Məmmədov qeyd edib ki, bu rəqəmlər əslində ölkələrimizin mövcud potensialını əks etdirmir və ticarət dövriyyəsini artırmaq üçün hər iki respublikanın güclü potensialı var.xeber100.com

Təbii qaz təchizatında məhdudiyyətlər olacaq

Bakının Nərimanov rayonunun təbii qaz təchizatında məhdudiyyətlər olacaq.“Azəriqaz” İstehsalat Birliyindən Azərtac-a bildirilib ki, Ziya Bünyadov prospektində diametri 530 millimetrlik qaz xəttində aşkar olunmuş qaz sızmalarının ləğvi və Təbriz küçəsində diametri 315 millimetrlik yeni çəkilmiş polietilen qaz xəttinin mövcud şəbəkəyə qoşulması ilə əlaqədar mayın 23-də saat 09:00-dan təmir işləri tamamlananadək Nərimanov rayonunun bir hissəsinə təbii qazın verilişində fasilələr yaranacaq.Görülən işlərin Binəqədi rayonunun Dərnəgül qəsəbəsi, 31/26-cı məhəllə, eləcə də, 7-ci və 8-ci mikrorayonların bir hissəsinin qaz təchizatına təsir göstərməsi mümkündür.Aparılan təmir işləri gün ərzində yekunlaşdırılaraq təbii qazın verilişi təmin ediləcək. Yaranacaq məhdudiyyətlə bağlı “Azəriqaz” İstehsalat Birliyi bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com

“Light” markalı xam neftin bir barrelinin qiyməti…

“Brent” markalı xam neftin bir barrelinin qiyməti yenidən 80 dolları keçib.Azərtac xəbər verir ki, “Light” markalı xam neftin bir barrelinin qiyməti isə 72 dolları ötüb.Hazırda Londonun ICE birjasında “Brent” markalı neftin bir barreli 80,02 dollara, Nyu-Yorkun NYMEX birjasında “Light” neftinin bir barreli isə 72,35 dollara alıcı axtarır.Xatırladaq ki, “Brent”in bir barrelinin qiyməti sonuncu dəfə mayın 17-də 2014-cü ildən qeyd edilən tarixədək ilk dəfə 80 dolları keçmişdi.xeber100.com

“Azərkosmos” ASC-nin məlumatı əsasında…

Azərbaycanın ikinci geostasionar peyki "Azerspace-2/Intelsat 38"in" orbitə buraxılışının vaxtı dəyişdirilib.Bunu “Azərkosmos” ASC-nin Korporativ kommunikasiya departamentinin direktoru Aysel Sultanova Azərtac-a açıqlamasında bildirib. O qeyd edib ki, mayın 25-də orbitə buraxılması nəzərdə tutulan peykin dəqiq buraxılış tarixi yaxın aylara planlaşdırılır. Bu barədə “Azərkosmos” tərəfindən əvvəlcədən məlumat veriləcək.Peyk Cənubi Amerikanın şimal-şərqində yerləşən Kuru (Qvian Kosmik Mərkəzi) kosmodromundan "Ariane 5 ECA" raket daşıyıcısının köməyi ilə orbitə buraxılacaq.xeber100.com

Azərbaycan və Hindistan arasında birbaşa aviareyslər açılacaq

Gələn il Azərbaycan və Hindistan arasında birbaşa aviareyslərin açılması planlaşdırılır.Bu barədə Azərbaycan Turizm Assosiasiyasının (AZTA) sədri Nahid Bağırov Azərtac-a eksklüziv açıqlamasında deyib.O bildirib ki, Dubay bazarından sonra AZTA-nın çalışdığı növbəti əsas turizm bazarlarından biri Hindistandır. AZTA olaraq ilk dəfə Dehli şəhərində Beynəlxalq Turizm Sərgisində (SATTE 2018) iştirak etdik. Burada ölkəmizi assosiasiyanın üzvləri olan 20 yerli şirkət təmsil edirdi. Sərgi çərçivəsində Azərbaycan Turizm Assosiasiyası ilə Hindistanın Turizm Agentlikləri Assosiasiyası arasında əməkdaşlıq haqqında memorandum imzalanıb. Həmçinin Azərbaycan Turizm Assosiasiyasının Hindistanda nümayəndəliyi açılıb.N.Bağırov qeyd edib ki, hər iki ölkənin turistlərinin qarşılıqlı səfərlər həyata keçirməsi üçün işlər görülür. Ölkələrin turizm potensialı, tarixi və mədəni irsi barədə vətəndaşları daha da məlumatlandırmaq üçün addımlar atılır. 2019-cu ildən turistlərin rahat gediş-gəlişini təmin etmək üçün hər iki ölkədən birbaşa aviareyslərin həyata keçirilməsi də planlaşdırılır.xeber100.com

Mərkəzi Bank depozit hərracının nəticələrini açıqlayıb

Mayın 21-də Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 836,3 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 8,01 faiz təşkil edib.xeber100.com

COMEX-də sonuncu hərraclarda qızılın unsiyasının qiyməti…

Amerika fond bazarında "Dow Jones" indeksi 0,01% - 24 715,09 bəndədək artıb, "S&P 500" 0,26% - 2 712,97 bəndədək, NASDAQ isə 0,38% - 7 354,34 bəndədək ucuzlaşıb.”APA-Economics" xəbər verir ki, Avropa fond bazarlarında "FTSE 100" indeksi 0,12% - 7 778,79 bəndədək, Fransa CAC-40-ı 0,13% - 5 614,54 bəndədək, Almaniya DAX-ı 0,28% - 13 077,72 bəndədək ucuzlaşıb.COMEX-də sonuncu hərraclarda qızılın unsiyasının qiyməti 2,30 dollar artaraq 1 291,70 dollara, gümüşün unsiyasının qiyməti 0,02 dollar azalaraq 16,47 dollara satılıb.xeber100.com

Brent markalı neftin dəyəri azalıb

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,14 dollar və ya 0,20% azalaraq 71,35 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,79 dollar ya 1,00% azalaraq 78,51 dollar təşkil edib.xeber100.com

“Dəmirbank”ın kreditorlar komitəsi yaradılıb

Bakı Apellyasiya Məhkəməsinin İnzibati-İqtisadi Kollegiyasının 27 dekabr 2017-cı il tarixli qərarı ilə “Dəmirbank” ASC müflis elan olunub, onun barəsində iflas proseduruna başlanılıb və bankın ləğvedici Əmanətlərin Sığortalanması Fondu təyin edilib.Fonddan "Apa-Economics"ə verilən məlumata görə, ləğv prosesində olan “Dəmirbank” ASC-nin kreditorlarının say çoxluğunu və kreditor tələblərinin həcmini nəzərə alaraq, ləğvetmə prosesində kreditorların maraqlarının təmsil edilməsi, onlarla daha asan kommmunikasiyanın qurulması, habelə bankın səmərəli ləğvinin təmin edilməsi məqsədi ilə kreditorlar komitəsinin təsis edilməsinə zərurət yaranıb: "Eyni zamanda, kreditorlar komitəsinin yaradılmasının məqsədi ləğvetmə prosesinin şəffaf və qanunvericiliyin tələblərinə uyğun olaraq həyata keçirildiyini bir daha nümayiş etdirməkdir".“Banklar haqqında” qanunun tələblərinə uyğun olaraq, Əmanətlərin Sığortalanması Fondu Kreditorlar komitəsinin yaradılması üçün Azərbaycan Respublikasının Maliyyə Bazarlarına Nəzarət Palatasının müsbət rəyini alıb və Bakı Apellyasiya Məhkəməsinə müraciət edib.2 mart 2018-ci il tarixində Bakı Apellyasiya Məhkəməsi ləğv prosesində olan “Dəmirbank” ASC-nin Kreditorlar Komitəsinin yaradılması, komitəsinin tərkibinin müəyyənləşdirilməsi üçün təşkilatı işlərin və zəruri tədbirlərin görülməsi Əmanətlərin Sığortalanması Fonduna həvalə olunması və bankın Kreditorlar Komitəsinin Əsasnaməsinin təsdiq edilməsi barədə qərar qəbul edib.Məhkəmənin müvafiq qərarı rəhbər tutularaq ləğvedici tərəfindən kreditorlar komitəsinin tərkibinin formalaşdırılması üçün məbləğ baxımından ən iri kreditor hüquqi və fiziki şəxslərə, dövlət qurumlarına, o cümlədən az məbləğdə tələbi olan kreditorları təmsil edən şəxslərə dəvət məktubları və bildirişlər göndərilib.Fonddan bildirilib ki, ləğv prosesində olan “Dəmirbank” ASC-nin Kreditorlar Komitəsinin ilk iclası 01 iyun 2018-ci il tarixində saat 15.30-da Əmanətlərin Sığortalanması Fondunun Bakı şəhəri, Babək prospekti, 16 ünvanında yerləşən inzibatı binasında keçiriləcək: "Müvafiq dəvət məktublarını və bildirişləri almış şəxslərdən Kreditorlar Komitəsinin iclasında səxsən və ya səlahiyyətli nümayəndəsi vasitəsilə iştirak etməsi xahiş olunur".xeber100.com

“Azərbaycan Dəmir Yolları” QSC-nin məlumatı

Mayın 17-18-də Qırğızıstanın paytaxtı Bişkek şəhərində MDB və Baltikyanı ölkələrin Dəmir Yolu Nəqliyyatı Şurasının 68-ci iclası keçirilib.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, tədbirdə QSC-nin sədri Cavid Qurbanovun rəhbərlik etdiyi nümayəndə heyəti də iştirak edib.İclasda Şuranın 67-cı iclasında qəbul edilən qərarların yerinə yetirilməsi, həmçinin 2017-ci il və 2018-ci ilin ilk rübündə dəmir yolu şəbəkəsinin istismar işlərinin yekunları haqqında; 2017-ci il və 2018-ci ilin ilk rübündə beynəlxalq sərnişin daşımada görülən işlərin nəticələri haqqında; 2018/2019-cu illər üçün qatarların hərəkət cədvəlinin normativləri haqqında; 2017-ci ildə konteynerlərin siyahıya alınmasının nəticələri, həmçinin 2018-ci il üçün yük qatarlarının siyahıya alınmasına dair hazırlıqlar haqqında; 2017-ci il və 2018-ci ilin ilk rübündə dəmir yolu administrasiyaları arasında qarşılıqlı hesablaşmalar haqqında; MDB Hökumət Başçıları Şurasının 1996-cı il oktyabrın 18-də qərara aldığı MDB dövlətlərinin dəmir yolu nəqliyyatında razılaşdırılmış tarif siyasətinin tətbiqi konsepsiyasının 2017-ci il ərzində icrası barədə məsələlər müzakirə olunub. Həmçinin MDB və Baltikyanı ölkələrin Dəmir Yolu Nəqliyyatı Şurasının müdiriyyəti və dəmir yolu administrasiyalarının əlaqələndirici fəaliyyətini təmin etmək üçün, rabitə xidmətləri göstərən Mərkəzi rabitə stansiyasının (“RDY” ASC filialı) 2018-ci il üçün xərclərinin əvəz edilmə smetası haqqında; MDB və Baltikyanı ölkələrin Dəmir Yolu Nəqliyyatı Şurası müdiriyyətinin 2017-ci il ərzindəki fəaliyyətinin təmin edilməsinə dair xərclər smetasının icrası və Şuranın Təftiş Komissiyasının həmin smeta icrasının yoxlama hesabatı haqqında; “RDY” ASC-nin filialı olan Baş hesablama mərkəzinin xərclərinin əvəz edilməsi də daxil olmaqla, dəmir yolu administrasiyalarının Məlumat-Hesablama Mərkəzlərinin fəaliyyətinin təmin edilməsinə dair 2017-ci il üçün xərclər smetasının icrası və həmin smeta icrasının yoxlama hesabatı haqqında; Şuranın fəxri fərmanı ilə təltif edilmə haqqında; Şuranın 69-cu iclasının tarixi, keçirilmə yeri və gündəliyi haqqında məsələlər müzakirə edilib.Tədbirin sonunda yekun protokolu imzalanıb.Qeyd edək ki, “Azərbaycan Dəmir Yolları” Qapalı Səhmdar Cəmiyyəti 1992-ci ildən MDB və Baltikyanı ölkələrin Dəmir Yolları Nəqliyyatı Şurasının üzvüdür.xeber100.com