“PAŞA Həyat” ASC maliyyə hesabatlarını ictimaiyyətə açıqlayıb

Ölkənin ən iri həyat sığorta şirkəti olan "PAŞA Həyat" ASC 2017-ci ilin audit olunmuş, MHBS-yə (Maliyyə Hesabatlarının Beynəlxalq Standartı) uyğun hazırlanmış maliyyə hesabatlarını ictimaiyyətə açıqlayıb.Şirkətin baş maliyyə inzibatçısı Dilarə Babayeva Azərtac-a bildirib ki, "PAŞA Həyat"ın hesabat ilindəki xalis mənfəəti 17.33 milyon AZN (2016-cı ilin nəticələri ilə müqayisədə 36,5 faiz artım) təşkil edib. Dekabrın 31-nə 2017-ci il tarixə olan hesabatına əsasən, məcmu aktivlərin həcmi 218.23 milyon AZN təşkil edib. Bu göstəriciyə görə hazırda Azərbaycanın ən iri sığorta şirkəti statusuna yiyələnən "PAŞA Həyat" aktivlərinin həcmini son 1 il ərzində 40 faizdən çox artırıb.Hesabata əsasən 2017-ci ilin sonuna şirkətin məcmu kapitalı 58.19 milyon AZN (+7,5 faiz), məcmu öhdəlikləri 160.04 milyon AZN (+58 faiz) olub.Ötən il ərzində şirkət 151.12 milyon AZN xalis sığorta premiyası toplamaqla bu göstəricini 2016-cı illə müqayisədə 2 dəfə üstələyib. Eyni zamanda, bu dövr ərzində "PAŞA Həyat" ASC tərəfindən müştərilərə 58 milyon AZN sığorta ödənişi edilməklə daha bir tarixi rekorda imza atılıb.xeber100.com  

COMEX-də qızılın unsiyasının qiyməti…

Amerika fond bazarında "Dow Jones" indeksi 0,29% - 24 946,51 bəndədək, "S&P 500" 0,17% - 2 752, 01 bəndədək, NASDAQ isə 0,00% - 7 481,99 bəndədək bahalaşıb. "Apa-Economics" xəbər verir ki, Avropa fond bazarlarında "FTSE 100" indeksi 0,34% - 7 164,14 bəndədək, Almaniya DAX-ı 0,36% - 12 389, 58 bəndədək, Fransa CAC-40-ı 0,29% - 5 282, 75 bəndədək bahalaşıb. COMEX-də sonuncu hərraclarda qızılın unsiyasının qiyməti 5,50 dollar azalaraq 1 312,30 dollara, gümüşün unsiyasının qiyməti 0,15 dollar ucuzlaşaraq 16,27 dollara satılıb.xeber100.com

Qida Təhlükəsizliyi İnstitutu yaradılacaq

Qida Təhlükəsizliyi Agentliyinin tərkibində Qida Təhlükəsizliyi İnstitutu yaradılacaq.“Apa-Economics”in məlumatına görə, bunu Qida Təhlükəsizliyi Agentliyinin sədri Qoşqar Təhməzli bu gün keçirilən “Media və təhlükəsiz qida” mövzusundakı brifinqdə deyib.Onun sözlərinə görə, bu institutda laboratoriyalar olacaq: “Bu insttitut qida təhlükəsizliyini təhlil edəcək və məhsulların tərkibini araşdıracaq, onların tərkibini təhlil edəcək”.Q.Təhməzli bildirib ki, instutut əsasən geni modifikasiya edilmiş məhsulları araşdıracaq və bu məhsulların təhlili ilə məşğul olacaq: “İnstitut Azərbaycanada belə məhsulları müəyyən edəcək”.xeber100.com

Mərkəzi Bank tərəfindən depozit hərracı keçiriləcək

Martın 19-da Azərbaycan Respublikasının Mərkəzi Bankı tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 250 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. “Bloomberg” ticarət sistemində keçiriləcək hərrac üzrə faiz dərəcələri 8,01-12,99 faizdir.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,39 dollar bahalaşaraq 66,17 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,06 dollar ucuzlaşaraq 65,51 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,03 dollar azalaraq 62,30 dollar təşkil edib.xeber100.com

“Azərbaycan Dəmir Yolları” QSC-nin məlumatı

Baş Ələt stansiyasında yeni yoldəyişənlər quraşdırılır."Azərbaycan Dəmir Yolları" QSC-nin ictimaiyyətlə əlaqələr şöbəsindən Azərtac-a bildirilib ki, hazırda Baş Ələt stansiyasının cüt boğazlarında 3 ədəd yoldəyişən qurğunun əsaslı təmiri aparılır. İşlər mərhələli şəkildə davam etdiriləcək. Prosesi 5 saylı İxtisaslaşdırılmış Dəmir Yolu Müəssisəsi MMC-nin kollektivi həyata keçirir.Qeyd edək ki, 2016-cı ilin sentyabr ayından etibarən 5 və 11 saylı İDYM MMC-lər tərəfindən yeni yoldəyişənlərin quraşdırılması həyata keçirilir.İlk belə yoldəyişən 9 sentyabr 2016-cı ildə quraşdırılıb və bu günə kimi 133 yoldəyişən yenisi ilə əvəz olunub.xeber100.com

“Azərenerji” gücləndirilmiş iş rejimində fəaliyyət göstərəcək

“Azərenerji” ASC-də Novruz bayramı günlərində istehlakçıların dayanıqlı və keyfiyyətli elektrik enerjisi ilə təmin edilməsi məqsədilə qabaqlayıcı tədbirlər görülüb və müvafiq qrafik rejimi tətbiq olunub.ASC-nin mətbuat xidmətindən Azərtac-a bildirilib ki, Səhmdar Cəmiyyətin struktur vahidinə daxil olan qurumlar bayram günlərində stabil olaraq fəaliyyət göstərəcək. Ənənəvi olaraq, bütün vaxtlarda istənilən şəraitə uyğun qabaqlayıcı tədbirlər görülür və enerji sisteminin etibarlılığı diqqət mərkəzində saxlanılır. Digər günlərdə olduğu kimi, xüsusi günlərdə də qarşıya qoyulan vəzifələr tam məsuliyyətlə həyata keçirilir. Məlumdur ki, son dövrlər mövcud infrastrukturun yenidən qurulması, innovativ texnologiyaların tətbiq edilməsi ilə enerji sisteminin etibarlılığı daha da artırılıb və situasiyalara davamlılıq səviyyəsi yüksəldilib. İstər bayram günləri, istərsə də digər vaxtlarda elektrik enerjisinə olan tələbatı ödəmək üçün əhəmiyyətli dərəcədə generasiya gücü mövcuddur. Bunun bariz nəticəsidir ki, “Azərenerji” ASC respublikamızın enerji təhlükəsizliyi, fasiləsiz elektrik enerjisi ilə təmin edilməsi sahəsində öz funksiyalarını inamla və uğurla icra edir.xeber100.com

Nəqliyyat Agentliyinin məlumatı əsasında…

59, 108 və 159 nömrəli müntəzəm marşrut xətlərinin fəaliyyətində dəyişiklik edilib.Bu barədə Azərtac-a Bakı Nəqliyyat Agentliyindən məlumat verilib.Bildirilib ki, 59 nömrəli müntəzəm marşrut xətti üzrə dəyişikliyə əsasən avtobuslar 2-ci Alatava yaşayış sahəsi-Mətbuat prospekti-Səməd Vurğun küçəsindən keçməklə son dayanacaq olaraq Süleyman Rəhimov küçəsi (“28 May” metro stansiyasının yaxınlığı) müəyyən edilib.Dəyişiklik edilməsinə səbəb, 2-ci Alatava yaşayış sahəsinin sakinlərinin Bakı Nəqliyyat Agentliyinə çoxsaylı müraciətidir. Sözügedən dəyişiklik nəticəsində, 2-ci Alatava yaşayış sahəsinin sakinlərinin şəhər mərkəzinə rahat gediş-gəlişi təmin ediləcək.Sərnişindaşımada təkmilləşdirmə işləri çərçivəsində, 108 nömrəli marşrut xətti (metronun “Azadlıq” stansiyası – Mehdiabad qəsəbəsi – Fatmayı qəsəbəsi) ləğv edilərək fəaliyyətini “108 A” və “108 B” olmaqla davam etdirəcək. Dəyişikliyə əsasən, “108 A” nömrəli müntəzəm marşrutun başlanğıc dayanacaq məntəqəsi Goradil qəsəbəsi, son dayanacaq məntəqəsi “Azadlıq” metro stansiyası olacaq. “108 B” nömrəli müntəzəm marşrutun isə başlanğıc dayanacaq məntəqəsi Fatmayı qəsəbəsi, son dayanacaq məntəqəsi “Azadlıq” metro stansiyası olmaqla müəyyən edilib. Dəyişiklik nəticəsində Fatmayı bağları (Çimərlik) və Mehdiabad qəsəbə sakinlərinin “Azadlıq prospekti” metro stansiyasına daşınmasının fasiləsizliyi və təhlükəsizliyi təmin ediləcək.Vətəndaş müraciətlərinə əsasən 159 nömrəli müntəzəm marşrutun (“Çiçək” qəsəbəsi-metronun “Elmlər Akademiyası” stansiyası) hərəkət sxemi dəyişdirilərək son dayanacaq məntəqəsi Yeni Yasamal, Dadaş Bünyadzadə küçəsi təyin edilib. Bununla da yaşayış binalarının, iaşə obyektlərinin olduğu Dadaş Bünyadzadə və 11E küçələri ilə müntəzəm marşrut xəttinin təşkili təmin olunacaq. Hazırda qeyd edilən ərazidə yaşayan sakinlər marşrut xəttində istifadə etmək üçün uzun məsafəni piyada qət etməli olurlar.Hər üç marşrut xətti üzrə nəzərdə tutulan dəyişikliklər martın 21-dək tətbiq ediləcək.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,07 dollar ucuzlaşaraq 65,78 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar bahalaşaraq 65,57 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,08 dollar artaraq 62,33 dollar təşkil edib.xeber100.com

“Fitch” beynəlxalq reytinq agentliyinin məlumatı

"Fitch" beynəlxalq reytinq agentliyi "Cənub Qaz Dəhlizi" QSC-nin yüksək təminatsız avrobondlarının uzunmüddətli xarici valyutadakı reytinqini "BB+" səviyyəsində təsdiq edib.Azərtac agentliyə istinadla xəbər verir ki, reytinq üzrə proqnoz isə "Sabit" qalıb.xeber100.com