XIII Beynəlxalq elmi-texniki konfrans keçiriləcək

Azərbaycan Dövlət Dəniz Akademiyasında 2018-ci il mayın 3–4-də Azərbaycan xalqının ümummilli lideri Heydər Əliyevin anadan olmasının 95-ci ildönümünə həsr olunmuş XIII Beynəlxalq elmi-texniki konfrans keçiriləcək.“Azərbaycan Xəzər Dəniz Gəmiçiliyi” QSC-nin mətbuat xidmətindən Azərtac-a bildirilib ki, konfransda akademiyanın professor-müəllim heyəti, mütəxəssislər, doktorant və gənc tədqiqatçılar və əcnəbi alimlər iştirak edəcək.Konfransın məqsədi elmi-texniki məlumatların mübadiləsi və beynəlxalq əlaqələrin genişləndirilməsindən ibarətdir.Konfransın işi “Gəmiqayırma və gəmi təmiri texnologiyası”, “Gəmiçilik və su nəqliyyatının istismarı”, “Gəmiçilik texnikası”, “Gəmiçilikdə humanitar və dilçilik problemləri” bölmələri üzrə təşkil olunacaq.Təşkilat komitəsinin qərarı ilə ən yaxşı məruzə materiallarının “ADDA-nın Elmi əsərləri” məcmuəsində ödənişsiz çap olunması nəzərdə tutulur. Digər məruzələr XIII Beynəlxalq elmi-texniki konfransın toplusunda dərc ediləcək.Konfransda iştirak etmək istəyənlər məruzə materiallarını bu ilin martın 16-dək təşkilat komitəsinə təqdim edə bilərlər. Konfransda həm əyani, həm də qiyabi iştirak mümkündür. Əyani iştirak etmək istəyənlərdən təşkilat komitəsini məlumatlandırmaları xahiş olunur.Xatırladaq ki, ötən il geniş miqyasda təşkil olunan bu beynəlxalq konfransda respublikamızın 11 ali təhsil və elm ocağı ilə yanaşı, Türkiyə, Rusiya, Ukrayna, Gürcüstan, Latviya, Polşa, Qazaxıstandan olan alimlər və bir çox aparıcı mütəxəssislər iştirak ediblər.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti bahalaşır.Azərtac xəbər verir ki, “AzəriLayt” markalı neftin bir barrelinin qiyməti 0,58 dollar bahalaşaraq 70,44 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,34 dollar bahalaşaraq 69,16 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,49 dollar artaraq 63,45 dollar təşkil edib.xeber100.com

Bakı Nəqliyyat Agentliyinin məlumatına görə…

6 nömrəli marşrut xətti üzrə avtobusların hərəkət sxemində dəyişiklik edilib.Azərtac xəbər verir ki, bu barədə Bakı Nəqliyyat Agentliyindən bildirilib.Məlumata görə, dəyişikliyə əsasən 6 nömrəli marşrut xətti üzrə avtobuslar Nəriman Nərimanov prospektində yerləşən 173 nömrəli məktəbin qarşısınadək hərəkət edəcək. Dəyişiklik edilməsinə səbəb, qeyd edilən ünvanlarda yaşayan sakinlərin Bakı Nəqliyyat Agentliyinə çoxsaylı müraciətləri və sözügedən məktəbə sərnişinlərin rahat, təhlükəsiz gediş-gəlişini təmin etməkdir.Məlumat üçün bildirək ki, sınaq müddəti məqsədilə 6 nömrəli xətt üzrə avtobuslar yenilənmiş trayektoriya üzrə hərəkət edir.xeber100.com

ABŞ-ın Enerji İnformasiya Administrasiyasının hesabatında

2018-ci ildə “Brent” markalı xam neftin bir barrelinin orta qiyməti 60 dollar olacaq.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) hesabatında deyilir. Bildirilir ki, “Brent”in 2017-ci il üçün orta qiyməti 54 dollar/barrel olub, 2018-ci ildə 60 dollar/barrel və 2019-cu ildə 61 dollar/barrel səviyyəsinə yüksələcəyi proqnozlaşdırılır.“Layt” markalı xam neftin bir barrelinin qiyməti ilə “Brent” nefti arasında qiymət fərqinin 2018-ci və 2019-cu illərdə orta hesabla 4 dollar olacağı təxmin edilir. EIA-ya görə 2018-ci ildə “Layt” neftinin qiyməti 58 dollar/barrel olacaq.xeber100.com

“Caspian European Club”un qapalı iclası keçiriləcək

Yanvarın 17-də “Caspian European Club”un ekspert şurasının qapalı iclası keçiriləcək.Bu barədə Azərtac-a “Caspian European Club”un baş icraçı direktoru Mustafa Abbasbəyli məlumat verib. Onun sözlərinə görə, toplantıda müəyyən instansiyalara göndəriləcək vergi, gömrük, bank və sığorta sahələri ilə bağlı təkliflər paketi müzakirə ediləcək və təsdiqlənəcək.M.Abbasbəyli qeyd edib ki, “Caspian European Club”un ekspert şurası beynəlxalq təcrübəni nəzərə alaraq klubun üzv şirkətləri ilə birgə Azərbaycanda sahibkarlığın inkişafı üzrə müntəzəm təkliflər hazırlayır.“Caspian European Club” 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi ilə yaradılıb. Yarandığı ilk gündən “Caspian European Club” neft sahəsindən əldə olunan gəlirlərin qeyri-neft sektorunun inkişafına cəlb olunmasına yardım edir. Sıralarında 5 mindən artıq şirkət və təşkilatı cəmləyən “Caspian European Club” dünyanın 70 ölkəsində fəaliyyət göstərir, dövlət qurumları ilə özəl sektor arasında dialoqun dəstəklənməsi istiqamətində fəal iş aparır.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,07 dollar bahalaşaraq 67,69 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,09 dollar artaraq 61,53 dollar olub.xeber100.com

Əməkdaşlığa dair memorandum imzalanıb

Bakı Fond Birjası (BFB) ilə Belarus Valyuta-Fond Birjası arasında birgə əməkdaşlığa dair memorandum imzalanıb.BFB-dən Azərtac-a bildiriblər ki, sənəd Bakı Fond Birjasının İdarə Heyətinin sədri Vüqar Namazov və Belarus Valyuta-Fond Birjasının İdarə Heyətinin sədri Andrey Auximenya tərəfindən imzalanıb.Memorandumun məqsədi hər iki təşkilat arasında qarşılıqlı əlaqələrin yaradılması və inkişaf etdirilməsi, birja fəaliyyətinin effektiv və dayanıqlılığının təmin edilməsi istiqamətində birgə təcrübənin bölüşdürülməsi, listinqin inkişaf etdirilməsi, yeni maliyyə alətlərinin bazara çıxarılmasında hüquqi bazanın öyrənilməsi və xarici investorların kapital bazarlarına çıxarılması üçün post-ticarət institutları arasında əlaqələrin qurulmasına dəstəyin göstərilməsi, eləcədə təlim və təcrübə proqramlarının təşkil edilməsindən ibarətdir.xeber100.com

“Trans-Anadolu Qaz Boru Kəməri layihəsinin “Faza 0” mərhələsində

"Trans-Anadolu Qaz Boru Kəməri (TANAP) layihəsinin "Faza 0" adlanan mərhələsində işlərin 96%-i başa çatıb"."Apa-Economics" Türkiyə mətbuatına istinadən xəbər verir ki, bunu TANAP konsorsiumunun baş direktoru Saltuk Düzyol bildirib.S.Düzyolun sözlərinə görə, TANAP-ın Bakıdan Əskişəhərə qədər olan hissəsi tamamlanıb.“Yanvar ayında "Faza 0"ın test işlərinə start veriləcək. Əskişəhərdən Yunanıstan sərhədlərinə qədər olan “Faza-1” mərhələsində isə işlər planlaşdırılan təqvimlə davam etdiriləcək. İyun ayında TANAP Azərbaycan təbii qazını BOTAŞ-ın Əskişəhərdəki mərkəzlərinə nəql edəcək”, - deyə baş direktor əlavə edib."Cənub Qaz Dəhlizi" layihəsi regionun ən aktual layihələrindən biridir. "Şahdəniz-2" layihəsi üzrə hasil edilən qaz sualtı boru kəməri ilə Səngəçal Terminalına və daha sonra Cənubi Qafqaz Boru Kəməri (CQBK), TANAP və TAP vasitəsilə Türkiyə və Avropa bazarlarına çatdırılacaq. Layihə Gürcüstan və Türkiyə ilə birlikdə Avropa ölkələrinin davamlı enerji təhlükəsizliyi ilə əlaqədar strateji maraqlarına xidmət edəcək.Türkiyəyə ilk qaz ixracı 2018-ci ildə, Avropaya isə 2020-ci ildə planlaşdırılır.xeber100.com

Nyu-Yorkun NYMEX əmtəə birjasında…

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,57 dollar və ya 0,92% azalaraq 61,44 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,45 dollar və ya 0,66% azalaraq 67,62 dollar olub.xeber100.com

“Moody’s” beynəlxalq reytinq agentliyinin məlumatı

Bu il neftin qiyməti 40-60 dollar/barrel arasında dəyişəcək.Azərtac xəbər verir ki, bu barədə “Moody's” beynəlxalq reytinq agentliyi məlumat yayıb.“Moody's”ə görə, bu il qlobal neft sənayesində yüksəliş davam edəcək və neft istehsalında artım olacaq. Neft İxrac edən Ölkələr Təşkilatına üzv (OPEC) və qeyri-OPEC ölkələri ilə əldə edilən xam neft istehsalının azaldılması üzrə sazişin müddətinin cari ilin sonunadək uzadılmasına baxmayaraq, bu il “qara qızıl”ın bir barrelinin qiymətinin 40-60 dollar arasında dəyişməsi təxmin edilir. Neftin qiymətinin qeyd edilən qiymət aralığında olması və ya daha da bahalaşması vəziyyətində isə bu il neft istehsalçısı ölkələrin hasilatı artıracağı da gözlənilir. ABŞ-ın şist nefti istehsalının bu il yüksəlməyə davam etməsi nəzərdə tutulur.Agentlik Şimali Amerikadakı neft axtarış və istehsal şirkətlərinin sərmayə yatırımlarının keçən il güclü olduğunu qeyd edib, bu il həmin şirkətlərin neft hasilatını artırmağa davam edəcəyini bildirib.Qlobal neft sənayesi üzrə xidmətlər təklif edən şirkətləri də cari ildə böyüyəcək. Həmin şirkətlər bu il artan iş gücü xərcləri və istehlakçıların tələbləri səbəbi ilə təzyiq altında qala bilərlər.“Moody's” qlobal neft tələbatının artmağa davam edəcəyini proqnozlaşdırır. Qlobal neft tələbatının 2040-cı ildə maksimuma çatacağı təxmin edilir.Həmçinin bu il beynəlxalq neft şirkətlərinin bərpaolunan və alternativ enerji mənbələri üzrə texnologiyaları ilə uzun dövrdə təbii qaza keçidlərini təmin etmək üçün investisiyalar yatıracaqları gözlənilir.xeber100.com