Neft Fondunun iştirakı ilə hərrac keçirilib

Yanvarın 4-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7001 səviyyəsində formalaşıb.xeber100.com

“Trans-Adriatik” (TAP) qaz boru kəmərinin inşası çərçivəsində

Azərbaycan təbii qazını Avropaya nəql edəcək “Trans-Adriatik” (TAP) qaz boru kəmərinin inşası çərçivəsində 612 kilometr borunun qaynağı tamamlanıb.Azərtac xəbər verir ki, bu barədə boru kəmərinin operatoru olan TAP AG şirkəti məlumat yayıb.Bildirilir ki, qaynaq işləri yerin üstündə aparılır və hər bir qaynaqdan sonra “x-ray” və ultrasəs sınağı keçirilir. Həmçinin boru basdırılmadan öncə xüsusi qoruyucu örtüklə örtülür.Bundan başqa, boru kəmərinin 765 kilometrlik Yunanıstan və Albaniya hissəsində 683 kilometrlik ərazi tamamilə təmizlənib.Qeyd edək ki, TAP layihəsi üzrə işlərin - mühəndis, təchizat və tikinti işləri də daxil olmaqla ümumilikdə 60 faizdən çoxu tamamlanıb. Bu irəliləyiş TAP-ın keçdiyi hər üç ölkəni - Yunanıstan, Albaniya və İtaliyanı əhatə edir. TAP Avropa İttifaqı üçün prioritet enerji layihələrindən olan “Cənub Qaz Dəhlizi”nin bir seqmentini təşkil edir. Boru kəmərinin təməli keçən il mayın 17-də Yunanıstanın Saloniki şəhərində qoyulub. Layihənin ümumi dəyəri 4,5 milyard avro olacaq. Buraya 2009-cu ildən bəri davam edən dizayn və mühəndislik işləri də daxil edilib. “Şahdəniz” konsorsiumu ilk qaz satışını 2018-ci ilin sonunda Türkiyəyə və Gürcüstana həyata keçirəcək. Avropaya ilk qazın verilməsi isə bundan təxminən 1 il sonra 2020-ci ilin əvvəllərində planlaşdırılır.TAP boru kəmərinin ötürücülük qabiliyyəti ildə 10 milyard kubmetr olan ilkin layihəsi üzrə biri Yunanıstanın şərqində - Kipoidə, digəri isə Albaniyanın qərbində - Fierdə olmaqla ümumilikdə iki kompressor stansiyasının tikintisi qrafikə uyğun davam etdirilir. Kompressor stansiyaları ilə yanaşı, həmçinin Albaniyanın şərqində Bilisht regionuna yaxın ərazidə bir ölçmə stansiyasının inşası aparılır. Kompressor və ölçmə stansiyalarının tikintisi təxminən iki il müddətində başa çatdırılacaq. Bundan sonra isə ilkin istismara hazırlıq və tam istismara verilmə üzrə yoxlamalar keçiriləcək.xeber100.com

OPEC dekabrda 32,47 milyon barrel neft çıxarıb

Neft İxrac edən Ölkələr Təşkilatı (OPEC) üzrə neft hasilatı dekabrda sutkalıq 32,47 milyon barrel olub.Azərtac xəbər verir ki, bu barədə “Bloomberg”in analitiklər və neft şirkətlərinə istinadla hazırladığı sorğuda deyilir.Belə ki, OPEC-ə üzv ölkələr neft hasilatının azaldılması üzrə sazişə dekabrda da sadiq qalıblar. Dekabr ayında Nigeriyada neft hasilatı artıb, Liviyada isə azalıb. Səudiyyə Ərəbistanının neft istehsalı gündəlik 20 min barrel azalaraq 9,95 milyon barrelə düşüb. Venesuelanın hasilatı isə 50 min barrel azalaraq gündəlik 1,81 milyon barrel olub.“Bloomberg”ə görə, OPEC-in 12 üzvü neft hasilatının azaldılmasına dair qlobal saziş üzrə öhdəliyə dekabr ayında 121 faiz əməl ediblər.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib. "Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,01 dollar və ya 0,02% artaraq 60,38 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,01 dollar və ya 0,02% azalaraq 66,56 dollar olub.xeber100.com

COMEX-də sonuncu hərraclarda qızılın unsiyasının qiyməti…

Amerika fond bazarında "Dow Jones" indeksi 0,48% - 24 719,22 bəndədək, "S&P 500" 0,52% - 2 673,61 bəndədək, NASDAQ isə 0,67% - 6 903,39 bəndədək ucuzlaşıb."Apa-Economics" xəbər verir ki, Avropa fond bazarlarında "FTSE 100" indeksi 0,85% - 7 687,77 bəndədək artıb, Almaniya DAX-ı 0,48% - 12 917,64 bəndədək, Fransa CAC-40-ı isə 0,50% - 5 312,56 bəndədək azalıb.COMEX-də sonuncu hərraclarda qızılın unsiyasının qiyməti 12,10 dollar artaraq 1 309,30 dollara, gümüşün qiyməti isə 0,22 dollar artaraq 17,15 dollara satılıb.xeber100.com

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) gələn ilin yanvarın 4-nə olan USD/AZN rəsmi məzənnəsini açıqlayıb.AMB-dən "Apa-Economics"ə verilən məlumata görə, USD/AZN rəsmi məzənnəsi 1,7001 səviyyəsində müəyyən olunub.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti bahalaşmaqda davam edir.Azərtac xəbər verir ki, “AzəriLayt” markalı neftin bir barrelinin qiyməti 0,01 dollar bahalaşaraq 68,19 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,46 dollar artaraq 66,62 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,44 dollar bahalaşaraq 60,28 dollar təşkil edib.xeber100.com

“Azərenerji” ASC-də xüsusi növbətçilik rejiminə keçilib

Dünya Azərbaycanlılarının Həmrəyliyi Günü və Yeni il bayramı ərəfəsində “Azərenerji” ASC-də xüsusi növbətçilik rejiminə keçilib və hazırlıq səviyyəsi gücləndirilib. İstehlakçıların yaxın günlərdə elektrik enerjisi ilə təmin edilməsində fasilələr gözlənilmir. Bu istiqamətdə, görülən işlər və qabaqlayıcı tədbirlər bunu deməyə əsas verir.Bu barədə Azərtac-a “Azərenerji” ASC-nin ictimaiyyətlə əlaqələr və mətbuat xidmətinin rəisi Yəhya Babanlı məlumat verib.Bildirilib ki, son illər Azərbaycan elektrik enerjisi sisteminin mövcud infrastrukturunun müasirləşdirilməsi, yeni texnologiyaların tətbiqi nəticəsində bu sahənin dayanıqlılığı daha da möhkəmlənib və müxtəlif vəziyyətlərə hazırlıq səviyyəsi yüksəlib.Bu yaxınlarda ASC-də “Enerji müəssisələrinin 2017/2018-ci ilin payız-qış mövsümünə hazırlığı haqqında” əmrin yerinə yetirilməsinin müzakirəsi, qiymətləndirilməsi və “Hazırlıq Pasportu”nun verilməsi prosesi həyata keçirilib. Məhz məqsədyönlü tədbirlər nəticəsində enerji sisteminin dayanıqlılığı yoxlanılıb və xidmət keyfiyyəti bir daha nəzərdən keçirilib. Bütün bunlar, ilin sonunda, qış fəslində və əlamətdar günlərdə “Azərenerji” ASC-nin elektrik enerjisinin fasiləsiz və təhlükəsiz təmin olunması funksiyasının öhdəsindən gəlməsinə şübhə doğurmur.Hazırda enerji sistemi dispetçer qrafikinə uyğun işləyir. Dəyişən mövsüm, hava şəraiti, küləyin sürətinin artması nəzərə alınaraq, qabaqlayıcı tədbirlər görülüb. Belə vaxtlarda, qeyri-iş günlərində istehlakçıların artan tələbatı və ötürücü xətlərin yüklənməsi, elektrik stansiyaları və şəbəkə avadanlıqlarının sutka ərzində bazis iş rejimində işləməsinə baxmayaraq, “Azərenerji” ASC-nin struktur vahidinə daxil olan qurumlarında hər hansı ciddi səbəb olmadan problemin yaranması gözlənilmir.xeber100.com

Bakı Fond Birjasında hərrac keçirilib

Dekabrın 28-də Bakı Fond Birjasında (BFB) “Unibank Kommersiya Bankı” ASC-nin (ISIN nömrəsi AZ2011002022) faizli, sənədsiz, adlı təmin edilməmiş istiqrazlarının yerləşdirilməsi üzrə hərrac keçirilib. İstiqrazların yerləşdirilməsi nominal qiymətlə (10.000 ABŞ dolları) aparılıb.BFB-dən Azərtac-a bildiriblər ki, hərrac zamanı “Unibank” istiqrazlarına ümumilikdə 10 milyon ABŞ dolları həcmində sifariş toplanılıb.“Unibank” istiqrazları 10 milyon ABŞ dolları olmaqla, tam həcmdə yerləşdirilib.Qanunvericiliyə müvafiq olaraq Azərbaycan Respublikasının Maliyyə Bazarlarına Nəzarət Palatası tərəfindən istiqrazların emissiyasının yekunları dövlət qeydiyyatına alındıqdan sonra yerləşdirilmə baş tutmuş hesab ediləcək.xeber100.com

Bakı Nəqliyyat Agentliyinin məlumatı

Dünya Azərbaycanlılarının Həmrəyliyi və Yeni il ilə əlaqədar olaraq bayram günlərində avtobuslar gecə saat 1-ə qədər xidmət göstərəcək.Azərtac xəbər verir ki, bu barədə Bakı Nəqliyyat Agentliyindən (BNA) məlumat verilib.ildirilib ki, Bakı Nəqliyyat Agentliyi bayram günlərində sərnişin axınına uyğun olaraq marşrutlar üzrə xətlərə buraxılan avtobusların intervalına əməl olunması, təhlükəsizlik qaydalarına riayət edilməsi, həmçinin sürücülərin müvafiq sərnişindaşıma və yol hərəkəti qaydalarına əməl etmələri barədə lazımi tədbirlərin görülməsi, o cümlədən avtobusların istehsalat bazalarından reysə çıxmalarının təmin edilməsi ilə bağlı daşıyıcılara göstəriş verib.BNA-nın göstərişinə əsasən bayram tədbirləri ilə əlaqədar müntəzəm marşrut xətləri üzrə avtobuslar dekabrın 31-dən yanvarın 2-dək gecə saat 01:00-ə qədər xidmət göstərəcək.xeber100.com