COMEX-də sonuncu hərraclarda qızılın qiyməti ucuzlaşıb

Amerika fond bazarında "Dow Jones" indeksi 0,49% - 24 329,16 bəndədək, "S&P 500" 0,55% - 2 651,50 bəndədək, NASDAQ isə 0,40% - 6 840,08 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 1,00% - 7 393,96 bəndədək, Almaniya DAX-ı 0,83% - 13 153,70 bəndədək, Fransa CAC-40-ı isə 0,28% - 5 399,09 bəndədək artıb.COMEX-də sonuncu hərraclarda qızılın unsiyasının qiyməti 4,70 dollar azalaraq 1248,40 dollara, gümüşün qiyməti isə 0,02 dollar artaraq 15,82 dollara satılıb.xeber100.com

“Azercell Telekom”un müraciətinə əsasən

“Azercell Telekom” MMC abunəçilərinə müraciət edib.“Apa-Economics”in məlumatına görə, şirkət 10 yanvar 2018-ci ildən MMS xidməti göstərməyəcək.xeber100.com

“Buta Airways” şirkətinin təşkilatçılığı ilə…

2018-ci ilin yanvar ayından etibarən “Buta Airways” şirkəti tərəfindən Bakı-Sofiya istiqaməti üzrə birbaşa aviareysin açılması nəzərdə tutulur.“Apa-Economics”in məlumatına görə, aviareysin Bolqarıstanda təşviqi, eləcə də Azərbaycanın turizm potensialının bu ölkədə tanıdılması məqsədilə Azərbaycanın Bolqarıstandakı səfirliyinin dəstəyi, “Bulgaria APG” və “Buta Airways” şirkətlərinin birgə təşkilatçılığı ilə Sofiyada iki ölkə arasında açılacaq birbaşa hava əlaqəsinin təqdimatı keçirilib.Tədbirin açılış hissəsində Azərbaycanın Bolqarıstandakı səfiri Nərgiz Qurbanova, Bolqarıstanın turizm nazirinin müavini İrena Qeorqiyeva və “Buta Airways” şirkətinin direktoru Cəmil Manizadə iştirak ediblər. N.Qurbanova iki ölkə arasında yüksək səviyyəli strateji tərəfdaşlığın mövcudluğunu vurğulayaraq Azərbaycan ilə Bolqarıstan əlaqələrində nəqliyyat sahəsinin prioritet istiqamətlərdən hesab edildiyini bildirib. Azərbaycan tərəfindən və onun iştirakı və maliyyələşdirilməsi ilə həyata keçirilən beynəlxalq nəqliyyat layihələrindən söz açan səfir 30 oktyabr 2017-ci il tarixində Bakı-Tbilisi-Qars dəmir yolunun açılışı və bu layihənin Bolqarıstan və daha geniş coğrafiya ölkələrinə faydası, eləcə də Azərbaycanın qatıldığı, Bolqarıstanın isə müşahidəçi statusunda iştirak etdiyi Şimal-Cənub layihəsi haqqında tədbir iştirakçılarını məlumatlandırıb. N.Qurbanova ölkəmizin turizm potensialı barədə məlumat verərək hər iki tərəfin açılacaq reysdən həm də tranzit məqsədilə faydalana biləcəyini vurğulayıb.“Buta Airways” şirkətinin Avropa İttifaqı xaricindən Bolqarıstana uçan ilk aşağı büdcəli aviaşirkət olacağını, eləcə də “Buta Airways” şirkətinin Avropa İttifaqı ölkələri arasında birinci məhz Bolqarıstana uçacağını qeyd edən səfir Bakı ilə Sofya arasında birbaşa hava əlaqəsinin iki ölkə arasında siyasi, mədəni, biznes və iqtisadi əlaqələrin gücləndirilməsinə töhfə verəcəyini bildirib.xeber100.com

“SOCAR Capital” şirkətinin məlumatı

Azərbaycanın qiymətli kağızlar bazarında SOCAR istiqrazları ilə əməliyyatların həcmi 120 milyon dolları keçib.“SOCAR Capital” şirkətindən Azərtac-a bildirilib ki, istiqrazlara böyük maraq və alqı-satqıların yüksək olması nəticəsində dekabrın ilk günlərində SOCAR istiqrazları ilə əməliyyatların həcmi növbəti tarixi həddə çatıb.Xatırladaq ki, SOCAR-ın daxili bazar üçün nəzərdə tutulan istiqrazları 2016-cı ilin sentyabr ayında 100 milyon dollarlıq həcmdə buraxılıb. Yüksək gəlirliyi və etibarlılığına görə, SOCAR istiqrazları investorların böyük marağına səbəb olub. Nəticədə artıq avqust ayında, yəni buraxılmasından 1 ildən də az vaxt keçməsinə baxmayaraq Bakı Fond Birjasında (BFB) istiqrazlarla əməliyyatların həcmi 100 milyon dolları ötərək istiqraz buraxılışının həcmini üstələyib. Qısa müddətdən sonra isə bu rəqəm 120 milyon dollara çatıb. Bu Azərbaycanın fond bazarında ilk belə haldır.SOCAR istiqrazlarına tələbatın belə böyük olmasının digər səbəbi bu istiqrazlar üçün SOCAR-ın geri alma zəmanətidir. Nəticədə istiqrazların qiyməti heç vaxt 1000 dollardan aşağı düşmür və onları istənilən vaxt dərhal nağd pula çevirmək mümkündür. SOCAR istiqrazları üzrə öhdəliklərin qrafik üzrə yerinə yetirilməsi, yəni faizlərin vaxtında ödənilməsi də investorların inamını gücləndirib. İndiyədək SOCAR istiqrazları üzrə 4 dəfə faiz ödənişi edilib və istiqraz sahibləri 5 milyon dollar qazanıblar. Növbəti faizlər yanvarın 17-də ödəniləcək.Nominal qiyməti 1000 dollar olan istiqrazların dollarla illik gəlirliyi 5 faiz və ya hər istiqraza görə 50 dollar təşkil edir. Bu, hazırda maliyyə sektorunda ən yüksək gəlir sayılır.SOCAR istiqrazlarına olan tələbat indi də yüksəkdir və bu təkrar bazarda istiqrazların qiymətinin də artmasına səbəb olub. Nəticədə qısa zamanda istiqrazların qiyməti 1020 dolları keçib.İstiqrazların marketmeykeri olan “PSG Kapital” investisiya şirkətinin məlumatına görə, hazırda birjada SOCAR istiqrazlarının alış qiyməti 1006-1007 dollar, satış qiyməti isə 1020-1026 dollar arasında dəyişir.Xatırladaq ki, hazırda SOCAR istiqrazlarını yalnız təkrar bazardan, yəni birja vasitəsilə istiqrazın hazırkı sahiblərindən almaq mümkündür. İstiqraz sahibləri isə onları 1020 dollardan aşağı satmaq istəmirlər.xeber100.com

“Layt” markalı neftin qiyməti ucuzlaşıb

Azərbaycan neftinin qiyməti bahalaşıb.Azərtac xəbər verir ki, “AzəriLayt” markalı neftin bir barrelinin qiyməti 0,50 dollar bahalaşaraq 64,42 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,07 dollar bahalaşaraq 62,20 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,03 dollar ucuzlaşaraq 56,66 dollar təşkil edib.xeber100.com

Hasilat Sənayesində Şəffaflıq üzrə Komissiyanın növbəti iclası keçirilib

Azərbaycan Respublikası Dövlət Neft Fondunda (ARDNF) Hasilat Sənayesində Şəffaflıq (HSŞ) üzrə Komissiyanın növbəti iclası keçirilib.ARDNF-nin ictimaiyyətlə əlaqələr departamentindən Azərtac-a bildirilib ki, iclasda vətəndaş cəmiyyəti, hasilat şirkətlərinin və beynəlxalq təşkilatların nümayəndələri də iştirak edib. İclas iştirakçıları 2016-cı il üzrə icmal hesabatın layihəsi, HSŞ Komissiyasının 2018-ci il üzrə iş planı və HSŞ-nin dövlət qurumlarının gündəlik işinə inteqrasiyası (“EIT Mainstreaming”) ətrafında müzakirələr apararaq müvafiq qərarlar qəbul edib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “AzəriLayt” markalı neftin bir barrelinin qiyməti 0,67 dollar ucuzlaşaraq 63,92 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar bahalaşaraq 61,39 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,12 dollar artaraq 56,08 dollar təşkil edib.xeber100.com

“Bakcell” şirkəti “Bakutel-2017” sərgisində

Azərbaycanın ilk mobil operatoru və aparıcı mobil internet provayderi "Bakcell" şirkəti "Bakutel-2017" sərgisində quraşdırılmış stendində Azərbaycanda ilk dəfə olaraq 4.5G Pro texnologiyasının imkanlarını və 5G texnologiyasına hazırlığı nümayiş etdirir.Şirkətdən Azərtac-a bildirilib ki, texnoloji innovasiyalar sahəsində liderliyi ilə məşhur olan "Bakcell" həmişəki kimi bu il də ən qabaqcıl və müasir texnoloji nailiyyətləri nümayiş etdirməklə, sərgiyə gələn ziyarətçiləri heyrətləndirəcək və onlara unudulmaz təəssüratlar bağışlayır. "Bakcell" şirkətinin stendində "Nokia" şirkəti ilə birgə quraşdırılmış "5G-yə doğru" adlı guşədə ziyarətçilər ən yeni 4.5G Pro texnologiyasını öz gözləri ilə görə və hətta ilkin LTE texnologiyasından 10 dəfə daha yüksək olan sürəti müşahidə edə biləcəklər."Bakcell" və "Nokia" şirkətlərinin birgə təqdim etdiyi bu nümayişdə 1 Gb/saniyəyədək fantastik sürət sərgilənir. Beləliklə, "Bakutel-2017" sərgisində "Bakcell" stendinin ziyarətçiləri "Robot Automation Latency" nümayişi ilə yanaşı, Azərbaycanda indiyədək görünməmiş 5G-yə hazırlığı və 4.5G Pro texnologiyasının sürətini görmək imkanına malik olacaqlar.xeber100.com

Mərkəzi Bankda hərrac keçirilib

Dekabrın 7-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Azərbaycanın ikinci telekommunikasiya peyki orbitə çıxarılacaq

Gələn ilin əvvəlində Azərbaycanın ikinci telekommunikasiya peyki - “Azerspace-2” orbitə çıxarılacaq.Azərtac xəbər verir ki, bu barədə jurnalistlərə müsahibəsində nəqliyyat, rabitə və yüksək texnologiyalar nazirinin müavini Elmir Vəlizadə deyib.Nazir müavini bildirib: “2018-ci ildə, çox qısa bir zamanda “Azerspace-2” peykinin orbitə çıxarılması gözlənilir. Hazırda işlər plana uyğun şəkildə həyata keçirilir. Demək olar ki, son hazırlıq mərhələsidir”.xeber100.com