Nyu-Yorkun NYMEX birjasında neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,11 dollar ucuzlaşaraq 51,56 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,18 dollar azalaraq 56,61 dollar təşkil edib.xeber100.com

Rusiya Enerji Həftəsi keçiriləcək

Oktyabrın 3-7-də Rusiyanın paytaxtı Moskvada Rusiya Enerji Həftəsi keçiriləcək.Azərtac xəbər verir ki, tədbirdə müzakirəyə çıxarılan əsas mövzular təbii qaz, neft, kömür və elektrik enerjisi olacaq. Rusiyanın yanacaq və enerji sektorunun perspektivlərini nümayiş etdirmək və beynəlxalq əməkdaşlıq potensialını artırmaq məqsədi daşıyan tədbir əsas qlobal və Rusiya enerji şirkətlərinin rəhbərlərini bir araya gətirəcək.Tədbirdə Rusiya Prezidenti Vladimir Putin, Venesuela Prezidenti Nikolas Maduro, Rusiyanın energetika naziri Aleksandr Novak, İranın neft naziri Bijən Namidar Zəncənə, Venesuelanın neft və dağ-mədən sənayesi naziri Euloqio del Pino, Rusiya Prezidentinin mətbuat katibi Dmitri Peskov və “Sberbank”ın baş icraçı direktoru Herman Gref iştirak edəcəklər.Həmçinin “Gazprom”, “Novatek”, “Lukoil” və “Rosneft” şirkətlərinin yüksək səviyyəli rəsmiləri də tədbirə qatılacaqlar.2012-ci ildən 2016-cı ilədək beş Enerji Həftəsi keçirilib və əsas istehsalçı şirkətlərin, sənaye sektoru üzrə dövlət qurumlarının nümayəndələri iştirak ediblər.xeber100.com

Mərkəzi Bank tərəfindən keçirilmiş növbəti depozit hərracında

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, oktyabrın 2-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 574 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 10,01 faiz təşkil edib.xeber100.com

“WorldBuild Baku 2017” sərgisi işə başlayacaq

Oktyabrın 18-21-də Bakı Ekspo Mərkəzində Xəzəryanı regionun tikinti sektoruna həsr olunmuş irimiqyaslı tədbir - XXIII Azərbaycan Beynəlxalq İnşaat “WorldBuild Baku 2017” sərgisi işə başlayacaq və beləliklə də, Xəzər İnşaat Həftəsinə start veriləcək.“Iteca Caspian” şirkətindən Azərtac-a bildirilib ki, müxtəlif ölkələri təmsil edən mütəxəssislərin uzun müddət səbirsizliklə gözlədikləri “WorldBuild Baku” sərgisi tikinti və memarlıq, eləcə də layihələndirmə və təmir işləri sahəsində təşkil olunan mühüm peşəkar tədbirdir.Builki sərgidə dünyanın 23 ölkəsindən 200-dən artıq şirkət iştirak edir. Almaniya, Birləşmiş Ərəb Əmirlikləri və İran sərgidə öz milli pavilyonları ilə təmsil olunacaq. Bu ilin debütantı isə milli stendi ilə çıxış edən Polşadır. “WorldBuild Baku 2017” sərgisində ilk dəfə iştirak edən debütantlar ilə yanaşı, yerli şirkətlər də “Made in Azerbaijan” brendi altında istehsal olunan məhsullarını nümayiş etdirəcəklər.“WorldBuild Baku” sərgisi innovasiyalı məhsul və xidmətlərin yerli tikinti bazarına cəlb olunması üçün ən effektiv və səmərəli vasitələrdən biridir. Belə ki, təşkilatçılar əmindirlər ki, Azərbaycan Respublikasının Prezidenti yanında Mənzil İnşaatı Dövlət Agentliyi və digər strukturların sərgi ilə sıx əməkdaşlığı Azərbaycanda tikinti sektorunun inkişafına öz töhfəsini verəcək.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,76 dollar ucuzlaşaraq 58,62 dollar təşkil edib.xeber100.com

“Türk Hava Yolları” yeni təyyarələrin istifadəsinə başlayıb

“Türk Hava Yolları” (THY) İstanbul-Bakı aviareyslərində “Airbus A330” təyyarələrinin istifadəsinə başlayıb.Azərtac xəbər verir ki, bu barədə “Türk Hava Yolları”dan məlumat verilib.Bildirilib ki, bu cür təyyarələr THY-nin günorta saatlarında həyata keçirilən aviareyslərində istifadə olunacaq.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,11 dollar ucuzlaşaraq 51,45 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar bahalaşaraq 57,50 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,44 dollar ucuzlaşaraq 59,38 dollar olub.xeber100.com

“Azərbaycan Dəmir Yolları” Qapalı Səhmdar Cəmiyyətinin məlumatı

“Azərbaycan Dəmir Yolları” Qapalı Səhmdar Cəmiyyətində (QSC) “Təsərrüfatların qış mövsümünə hazırlığı barədə texniki tədbirlər” planına əsasən işlər həyata keçirilir.QSC-nin ictimaiyyətlə əlaqələr şöbəsindən Azərtac-a bildirilib ki, tədbirlər planına əsasən, Sərnişin Daşımaları Departamentinin kollektivi qış mövsümündə sərnişinlərin mənzil başına təhlükəsiz şəraitdə çatdırılmasını təmin etmək məqsədilə bütün qüvvələri səfərbər edib.Vağzallarda, inzibati binalarda, təmir sexlərində dam örtüklərinə, qapı və pəncərələrə baxış keçirilir, istilik sistemləri yoxlanılır, ehtiyac olan yerlərdə təmir işləri aparılır.Sərnişin təsərrüfatında çalışan işçilərin xüsusi geyim və ayaqqabı ilə təmin edilməsi həyata keçirilir.Beynəlxalq istiqamətdə, ölkə daxilində hərəkət edən sərnişin qatarlarında, eləcə də elektrik qatarlarında istilik sistemlərinin vəziyyəti yoxlanılır, çatışmazlıqlar aradan qaldırılır.Görülən işlər sərnişin qatarlarında xidmət mədəniyyəti səviyyəsinin daha da yüksəldilməsinə hesablanıb.xeber100.com

Bakı Fond Birjasında hərrac keçiriləcək

Oktyabrın 3-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, diskontlu, sənədsiz, adlı istiqrazların ümumi həcmi 10 milyon manat, nominal dəyəri 100 manat, tədavül müddəti 91 gün, ödəmə tarixi 2018-ci il yanvarın 2-dir. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının "Üzvlər" bölməsində yerləşdirilib.xeber100.com

“İctimai internet” layihəsi çərçivəsində

Nəqliyyat, Rabitə və Yüksək Texnologiyalar Nazirliyinin təşəbbüsü ilə “Bakı Telefon Rabitəsi” MMC (“Baktelekom”) tərəfindən həyata keçirilən “İctimai internet” layihəsi çərçivəsində “Pulsuz Wi-Fi” xidmətindən istifadə edənlərin sayı milyonu ötüb.Nazirlikdən Azərtac-a bildirilib ki, ötən həftədən “Baktelekom” tərəfindən elan edilən “Milyonuncu ol, noutbuku sən apar” kampaniyasının qalibi müəyyənləşib. Noutbuka Orxan Cabarov sahib olub.Qeyd edək ki, 1 ay öncə “Baktelekom” tərəfindən istifadəçi artımını stimullaşdırmaq məqsədilə “Pulsuz Wi-Fi” xidmətinin 500 mininci istifadəçisi mobil telefonla mükafatlandırılmışdı.Məlumat üçün bildirilir ki, bu həftə “Pulsuz Wi-Fi” zonalarının sırasına daha biri əlavə edildi. Artıq “Port Baku Residence” və “Port Baku Mall” arasında yerləşən parkı (“Fashion Avenue”) ziyarət edənlər də ictimai şəbəkədən faydalana bilirlər.Yaxın vaxtlarda Dədə Qorqud və Nərimanov parkları da “Pulsuz Wi-Fi” xidmətinin əhatə dairəsinə daxil ediləcək.Dövlət Bayrağı Meydanı da daxil olmaqla, Dənizkənarı Milli Parkı, “İçərişəhər” Dövlət Tarix-Memarlıq Qoruğu ərazisini, Heydər Əliyev Mərkəzinin parkını, Sahil, Sabir, Xaqani, Axundov, Hüseyn Cavid, Səməd Vurğun, Muğan bağlarını, Qış və Zabitlər parklarını ziyarət edənlər “Pulsuz Wi-Fi” xidmətindən yararlana bilərlər.xeber100.com