“Total” şirkəti seminarlar təşkil edib

Fransanın “Total” şirkətinin mütəxəssisləri SOCAR-da 25 nəfərlik mütəxəssis heyəti üçün təlim-seminarlar keçirib, yerli mütəxəssislərlə təcrübə mübadiləsi aparıblar.SOCAR-ın mətbuat xidmətindən Azərtac-a bildirilib ki, beş gün davam edən seminarda təlim və inkişaf sahəsi üzrə təlim ehtiyaclarının təhlili, təlim büdcəsinin işlənməsi, təlimlərin effektivliyinin ölçülməsi, kouçinq və mentorluq proqramları, elektron təlimlər və digər məsələlər, işə qəbul sahəsi üzrə müsahibə bacarıqları, davranış səriştəsinin düzgün qiymətləndirilməsi, işə qəbulun planlaşdırılması, əmək bazarının araşdırılması və digər məsələlər, karyera planlaması sahəsi üzrə səriştələrin qiymətləndirilməsi, perfomansın qiymətləndirilməsi zamanı yol verilən xətalar, istedadların idarə edilməsi, karyera inkişafı, mükafatlandırma, iş analizi, insan resursları sahəsi üzrə müxtəlif qiymətləndirmə üsullarının tətbiqi və sair mövzular müzakirə edilib, “Total” şirkətinin təcrübəsi öyrənilib.Bildirilib ki, 2008-ci ildən bu günədək “Total” və SOCAR əməkdaşlığı çərçivəsində 28 nəfər azərbaycanlı gənc Fransada təhsil alıb vətənə qayıdıb.xeber100.com

“Huawei” şirkətinin istehsalı olan məhsulların təqdimatı keçirilib

Sentyabrın 20-də Bakıda "Huawei" şirkətinin istehsalı olan yeni məhsullarının təqdimatı keçirilib.Azərtac xəbər verir ki, təqdimat mərasimində “Huawei-Azərbaycan” şirkətinin baş icraçı direktoru Cao Zejun şirkətin fəaliyyəti haqqında məlumat verib.Cao Zejun bildirib ki, “Huawei” şirkəti korporativ sosial məsuliyyətə daha çox fikir verir, o cümlədən tərəfdaş ölkələrdə IT sahəsində gənc istedadları üzə çıxarmaqda maraqlıdır. O vurğulayıb ki, Azərbaycan hökuməti informasiya və kommunikasiya texnologiyalarının inkişafına böyük diqqət ayırır və bu prosesdə “Huawei” də iştirak edir. "Huawei" Azərbaycanda reallaşdırılan bir çox layihədə tərəfdaş qismində iştirak edir.Daha sonra “Huawei-Azərbaycan” şirkətinin satış meneceri Elşən Abdulrəhimov şirkətin yeni məhsulları - Huawei P10 və P10 Plus haqqında təqdimatla çıxış edib.Sonda tədbirin iştirakçıları arasında keçirilmiş lotereya qaliblərinə “Huawei” şirkəti tərəfindən hədiyyələr təqdim olunub.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,06 dollar ucuzlaşaraq 50,63 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,13 dollar azalaraq 56,16 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,84 dollar bahalaşaraq 58,71 dollar olub.xeber100.com

27 sentyabr Ümumdünya Turizm günü münasibətilə

27 sentyabr Ümumdünya Turizm günü münasibətilə Bakıda Koreya kənd təsərrüfatı məhsulları nümayiş olunacaq.Tədbirin təşkilatçıları - Koreya Respublikasının Azərbaycan Respublikasındakı səfirliyi, Koreya Ticarət və İnvestisiyaların Təşviqi Agentliyi (KOTRA), Dream Trading (Koreya qida məhsullarının ixracını həyata keçirən şirkət), Koreya Aqro-Balıqçılıq və Ərzaq Ticarəti üzrə Korporasiyası, Koreya Respublikası Kənd Təsərrüfatı, Ərzaq və Kənd işləri Nazirliyidir.Koreyanın Azərbaycandakı səfirliyindən Azərtac-a bildirilib ki, Koreya mədəniyyətini özündə əks etdirən tədbir “İçərişəhər” Dövlət Tarix-Memarlıq Qoruğunda, Qız Qalası yaxınlığında saat 11:00-dan 18:00-a qədər keçiriləcək.Tədbirdə şəhər sakinləri Koreya kənd təsərrüfatı məhsullarının dadına baxmaq və Koreya milli çay mədəniyyətinin nümayişini izləmək imkanı əldə edəcəklər.xeber100.com

Vergilər Nazirliyinin kollegiya iclasının qərarı ilə…

Vergilər Nazirliyinin kollegiya iclasının qərarı ilə kiçik sahibkarlıq subyektlərində səyyar vergi yoxlamalarının və operativ nəzarət tədbirlərinin (əmək müqavilələrinin bağlanmasına və aksizli məhsulların satışı zamanı aksizlərin tətbiqinə nəzarət və dövriyyənin müəyyənləşdirilməsi üçün xronometraj metodu ilə müşahidələrin aparılması istisna olmaqla) keçirilməsi də müvəqqəti olaraq azaldılıb.Nazirliyin Media və Kommunikasiya Mərkəzindən Azərtac-a bildirilib ki, burada kiçik və orta bizneslə məşğul olan sahibkarlar dedikdə, illik dövriyyəsi 200 min manatdan aşağı və sadələşdirilmiş vergiödəyiciləri olan sahibkarlıq subyektləri nəzərdə tutulur. Həmin sahibkarlıq subyektlərində səyyar vergi yoxlamaları əhəmiyyətli dərəcədə məhdudlaşdırılıb.Operativ nəzarət tədbirləri zamanı isə əmək müqavilələrinin bağlanmasına, vergiödəyicilərinin dövriyyəsinin müəyyənləşdirilməsi məqsədilə xronometraj metodu ilə yoxlamaların keçirilməsi və aksizli məhsulların satışı zamanı aksizlərin tətbiqinə nəzarət istisna olmaqla, digər yoxlamaların keçirilməsi məhdudlaşdırılıb.xeber100.com

Mərkəzi Bankda hərrac keçirilib

Sentyabrın 21-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7008 səviyyəsində formalaşıb.xeber100.com

Nyu-Yorkun NYMEX birjasında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,38 dollar bahalaşaraq 49,86 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,27 dollar artaraq 55,41 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,58 dollar bahalaşaraq 57,87 dollar təşkil edib.xeber100.com

“Caspian Energy Transport Forum”u öz işinə başlayıb

Sentyabrın 20-də Bakıda Nəqliyyat, Rabitə və Yüksək Texnologiyalar Nazirliyinin dəstəyi ilə “Caspian Energy Transport Forum”u öz işinə başlayıb.Beynəlxalq tranzit üçün əlverişli coğrafi mövqeyə malik Azərbaycan Respublikasında nəqliyyat sahəsi xüsusi əhəmiyyət kəsb edir. Nəqliyyat sektorunda nəhəng regional layihələr həyata keçirilir. Bu layihələr sektorun inkişafına, ölkəmizin tranzit potensialının gücləndirilməsinə, nəqliyyat təhlükəsizliyinin təmin olunmasına xidmət edir.Azərtac xəbər verir ki, bu fikirləri “Caspian Energy Transport Forum”un açılışında nəqliyyat, rabitə və yüksək texnologiyalar naziri Ramin Quluzadə deyib.Nazir qeyd edib ki, həyata keçirilən tədbirlər nəticəsində sərnişin və yükdaşıma asanlaşır. Bu da ölkə iqtisadiyyatı, regionların inkişafına birbaşa təsir göstərir."Caspian European Club" və "Caspian American Club" çərçivəsində keçirilən forumda, həmçinin Azərbaycan Respublikası Dövlət Dəniz Administrasiyasının, “Azərbaycan Dəmir Yolları” QSC-nin, “Azərbaycan Xəzər Dəniz Gəmiçiliyi” QSC-nin, “Azərbaycan Hava Yolları” (AZAL) QSC-nin, “Bakı Beynəlxalq Dəniz Ticarət Limanı” QSC-nin və “Bakı Metropoliteni” QSC-nin rəhbərliyi iştirak edir.xeber100.com

Dünya birjalarında neftin qiyməti ucuzlaşıb

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,04 dollar ucuzlaşaraq 49,87 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar azalaraq 55,38 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 1,01 dollar ucuzlaşaraq 57,29 dollar olub.xeber100.com

“Bakutel 2017” sərgi və konfransı keçiriləcək

Dekabrın 5-dən 8-dək Bakıda XXIII Beynəlxalq Telekommunikasiya və İnformasiya Texnologiyaları “Bakutel 2017” sərgi və konfransı keçiriləcək və bununla da “Yüksək Texnologiyalar Həftəsi”nə start veriləcək.“Caspian Event Organisers” şirkətindən Azərtac-a bildirilib ki, “Bakutel” çox qısa vaxt ərzində sürətlə inkişaf edən texniki nailiyyətlərə həsr olunmuş sərgi olmaqla yanaşı, həm də informasiya-kommunikasiya texnologiyalarının (İKT) müxtəlif sahələrini təmsil edən mütəxəssis və peşəkarların görüşü, eləcə də məlumatları mübadilə və emal etmək məqsədilə səmərəli vasitələr seçə bilən son istifadəçilər üçün unikal platformadır.“Bakutel 2017” sərgisi Nəqliyyat, Rabitə və Yüksək Texnologiyalar Nazirliyi, Beynəlxalq Telekommunikasiya İttifaqı, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının dəstəyi ilə keçirilir. Sərginin təşkilatçısı qismində “Caspian Event Organisers” (“CEO”) şirkəti çıxış edir.xeber100.com