Dünya Turizm Təşkilatının 22-ci sessiyası keçiriləcək

Sentyabrın 11-dən 16-dək Çinin Çendu şəhərində Dünya Turizm Təşkilatının Baş Assambleyasının 22-ci sessiyası keçiriləcək.Azərtac DTT-nin saytına istinadla xəbər verir ki, mindən çox nümayəndəni əhatə edəcək sessiyada Dayanıqlı İnkişafın Məqsədlərinə turizmin töhfəsini necə artırmaq məsələləri müzakirə olunacaq, təşkilatın 2018-2019-cu illərdə fəaliyyət istiqamətləri müəyyənləşdiriləcək.Sessiyanın gündəliyinə turizm və Dayanıqlı İnkişaf Məqsədləri üzrə debatların keçirilməsi, intellektual turizmə dair xüsusi sessiya, DTT-nin Turizm üzrə Qlobal Kodeksini beynəlxalq konvensiyaya çevirmək, turizm sektorunda cari tendensiyalar və digər məsələlərin müzakirəsi daxil edilib. Assambleyada, həmçinin DTT-nin növbəti illər üçün fəaliyyət istiqaməti və əsas prioritetləri müzakirə olunacaq.Sessiya iştirakçılarının siyahısında Azərbaycan nümayəndə heyəti də göstərilib.xeber100.com

“Bakı Metropoliteni” QSC-nin məlumatı

Bakı metropoliteninin 50 illik yubileyi ilə əlaqədar idman yarışları təşkil olunub.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib. O bildirib ki, Metropoliten İşçiləri Həmkarlar İttifaqının təşkilatçılığı ilə “Nərimanov” elektrik deposunda avqustun 1-də start götürmüş yarışlar artıq başa çatıb. Spartakiada 9 idman növü - mini-futbol, voleybol, stolüstü tennis, şahmat, dama, nərd, kəndirdartma, daşqaldırma, qol güləşi üzrə təşkil edilib.N.Paşayevin sözlərinə görə, depolar üzrə iş departamenti ümumi komanda hesabında da qalib gəlib. İkinci yerə işarəvermə və rabitə, üçüncüyə isə elektrik təchizatı xidmətlərinin komandaları çıxıb. Qaliblər diplom və mükafatlarla təltif olunacaq.xeber100.com

MDB üzv dövlətləri Şurasının XVII sessiyası işə başlayıb

Sentyabrın 5-də Bakıda MDB üzv dövlətləri Ali Maliyyə Nəzarəti Orqanları Rəhbərləri Şurasının XVII sessiyası keçirilir.Azərtac xəbər verir ki, MDB üzv dövlətləri Ali Maliyyə Nəzarəti Orqanları Rəhbərləri Şurasının Bakı sessiyasında 7 ölkənin Ali Audit Qurumunun 25 nəfərdən ibarət nümayəndə heyəti iştirak edir.Azərbaycan Respublikasının Hesablama Palatasının sədri Vüqar Gülməmmədov sessiyanın məqsədi, mövzusu barədə məlumat verərək ali audit qurumlarının fəaliyyəti üçün əhəmiyyətindən danışıb.MDB İcraiyyə Komitəsi tərəfindən Mamutbekov Jaras Madyarxanulu MDB üzv dövlətləri Ali Maliyyə Nəzarəti Orqanları Rəhbərləri Şurasının sessiyalarının, üzv ölkələrin çoxtərəfli və ikitərəfli əməkdaşlığının nəticələrindən və ali audit qurumlarının gələcək fəaliyyətində rolundan bəhs edib, sessiyanın işinə uğurlar arzulayıb.Qeyd edək ki, MDB üzv dövlətləri Ali Maliyyə Nəzarəti Orqanları Rəhbərlər Şurası 2000-ci ilin noyabr ayında Rusiya Federasiyası Hesablama Palatasının təşəbbüsü ilə Moskva şəhərində keçirilmiş görüşdə yaradılıb. MDB üzv dövlətləri Ali Maliyyə Nəzarəti Orqanları Rəhbərləri Şurasına 9 ölkənin Ali Audit Qurumu daxildir. Şuranın yaradılması MDB üzvü olan dövlətlərin Ali Maliyyə Nəzarəti Orqanlarının öz ölkələrinin sosial-iqtisadi inkişafına dəstək göstərmək və qarşılıqlı iqtisadi əməkdaşlığı daha da gücləndirmək, MDB iştirakçısı olan ölkələrin AAQ-larının fəaliyyətinin koordinasiyası və səmərəli bilik və təcrübə mübadiləsi məqsədini daşıyır. Şura daxilində əməkdaşlığın prioritet istiqaməti olaraq kənar dövlət maliyyə nəzarəti ilə bağlı mühüm nəzəri və praktik sualların müzakirəsi, bilik, təcrübə və məlumat mübadiləsi, birgə və paralel, ikitərəfli və çoxtərəfli nəzarət-analitik tədbirlərin keçirilməsi, o cümlədən Şuraya üzv AAQ-ların əməkdaşlarının peşəkar təlimi və ixtisasının artırılması məsələləridir.xeber100.com  

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,13 dollar bahalaşaraq 47,42 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,15 dollar ucuzlaşaraq 52,19 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,15 dollar ucuzlaşaraq 54,55 dollar olub.xeber100.com

“Azəriqaz” İstehsalat Birliyinin məlumatı

Bu il 266 çoxmərtəbəli binaya təbii qaz verilib.“Azəriqaz” İstehsalat Birliyindən (İB) Azərtac-a bildirilib ki, birliyi çoxmərtəbəli binalara təbii qazın verilməsi istiqamətində fəaliyyətini davam etdirir. Görülmüş işlərin nəticəsidir ki, bu ilin yanvar-avqust ayları ərzində birliyin operativ fəaliyyətinin nəticəsi olaraq, hüquqi və fiziki şəxslərin müraciətləri araşdırılmış və müvafiq sənədləri təqdim etmiş 266 çoxmərtəbəli binanın qazının açılması təmin olunub. Bu isə ümumilikdə, 12 min 323 mənzili əhatə edir.Ümumiyyətlə, İB qazın satışı ilə məşğul olan bir qurum olaraq zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binaya ən qısa müddətdə qaz açılmasının təmin olunmasında hər zaman maraqlıdır.xeber100.com

Beynəlxalq Bankın məlumatı əsasında…

“Azərbaycan Beynəlxalq Bankı”nın (ABB) xarici öhdəliklərinin könüllü restrukturizasiyası planına uyğun olaraq 2017-ci il sentyabrın 1-də bankın kreditorlarına yeni maliyyə alətləri təqdim edilib və bununla da müəyyən öhdəliklərin dövlətə ötürülməsi uğurla başa çatıb.ABB-dən Azərtac-a bildiriblər ki, 2017-ci il iyulun 18-də Azərbaycan Beynəlxalq Bankının kreditorlarının yığıncağı keçirilib. Səsvermənin nəticələrinə əsasən, bankın restrukturizasiya olunan öhdəliklərinin 93.9 faizə malik kreditorlar planın lehinə səs verib. “Banklar haqqında” Azərbaycan Respublikası Qanununa uyğun olaraq, Maliyyə Bazarlarına Nəzarət Palatasının rəyindən sonra Bakı şəhər, Nəsimi Rayon Məhkəməsi 2017-ci il avqustun 17-də Planın təsdiqlənməsinə dair qərar çıxarıb. Azərbaycan Beynəlxalq Bankının xarici kreditorlar qarşısındakı öhdəliklərinin 2017-ci il mayın 11-dən elan edilmiş könüllü restrukturizasiyası prosesi Nəsimi Rayon Məhkəməsinin prosesə xitam verilməsinə dair qərarı ilə tam yekunlaşmış olacaqdır.xeber100.com

“AtaBank” ASC gücləndirilmiş iş rejimində fəaliyyət göstərəcək

"AtaBank" ASC-nin 2 filialı sentyabrın 2-4-də gücləndirilmiş iş rejimində fəaliyyət göstərəcək.Bankdan Azərtac-a bildiriblər ki, "Bakı" filialı - Bakı şəhəri, Neftçilər prospekti, 67; 09:00–18:00–dək (fasiləsiz), "Sahil" şöbəsi - Bakı şəhəri, Puşkin küçəsi, 9, qapı 1 və 2; 09:00–18:00–dək (fasiləsiz).Qeyd edək ki, 1993-cü ildən fəaliyyət göstərən "AtaBank" ASC 100 faiz yerli kapitallı, yüksək texnologiyalı universal Azərbaycan bankıdır. Bakıda və ölkənin müxtəlif regionlarında bankın 31 filial və şöbəsi fəaliyyət göstərir. Bank korporativ və fərdi müştərilərə tam xidmətlər spektrini təqdim edir.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,05 dollar ucuzlaşaraq 45,90 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar azalaraq 50,77 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,13 dollar bahalaşaraq 53,51 dollar olub.xeber100.com

“Azərbaycan Hava Yolları” QSC-nin məlumatı

Dubay-Bakı aviareysi ilə gələn sərnişinlərin baqajı növbəti reys ilə gətiriləcək.Azərtac xəbər verir ki, bu barədə “Azərbaycan Hava Yolları” QSC-dən bildirilib. Məlumat verilib ki, Dubay Beynəlxalq Aeroportunda (DXB) baş vermiş fövqəladə hal ilə əlaqədar olaraq, “J2-012” Dubay-Bakı aviareysi ilə səyahət edən sərnişinlərin baqajı təyyarəyə yüklənməyib. Yüklər növbəti reyslər ilə Bakıya çatdırılacaq.AZAL yaranmış narahatçılığa görə sərnişinlərdən üzr istəyir.xeber100.com

Avqustun 31-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) avqustun 31-nə olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının avqustun 31-dən etibarən USD/AZN rəsmi məzənnəsi 1,7010 manat səviyyəsində müəyyən olunub.xeber100.com