Əmlak Məsələləri Dövlət Komitəsi yeni hərrac elan edib

Əmlak Məsələləri Dövlət Komitəsi (ƏMDK) tərəfindən oktyabrın 10-da keçirilməsi nəzərdə tutulan yeni hərrac elan olunub.Komitədən Azərtac-a bildirilib ki, hərraca ümumilikdə 70 dövlət əmlakı çıxarılıb. Bunlardan 20-si səhmdar cəmiyyət, 21-i kiçik dövlət müəssisə və obyekti, 10-u istifadəsiz qeyri-yaşayış sahəsi, 19-u isə nəqliyyat vasitəsidir.Komitədən bildiriblər ki, istənilən şəxs və ya media üzvü hərrac günü gəlib hərracda iştirak edərək prosesi izləyə bilər. Eyni zamanda, hərrac zalındakı böyük monitorlar vasitəsilə respublikanın digər şəhər və rayonlarında keçirilən hərraclar da canlı izlənilir.Əmlak Məsələləri Dövlət Komitəsi yerli və xarici investorları, sahibkarları, iş adamlarını və mülkiyyət sahibi olmaq istəyən hər bir kəsi özəlləşmədə fəal iştirak etməyə dəvət edir.-si səhmdar cəmiyyət, 21-i kiçik dövlət müəssisə və obyekti, 10-u istifadəsiz qeyri-yaşayış sahəsi, 19-u isə nəqliyyat vasitəsidir.xeber100.com

“Azərbaycan Dəmir Yolları” QSC-nin məlumatı

“Azərbaycan Dəmir Yolları” QSC-nin Sərnişin daşımaları Departamentinin kollektivi yeni dərs ilinin başlaması ilə əlaqədar gücləndirilmiş iş rejiminə keçib.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, yeni dərs ilində sərnişinlər rahat və ucuz nəqliyyat vasitəsi kimi dəmir yolunun xidmətlərindən istifadə edəcək.Departamentin kollektivi sərnişin qatarlarında xidmət mədəniyyətinin yüksəldilməsi istiqamətində ciddi işlər görür. Yeni dərs ili ərəfəsində, sərnişin sıxlığının artması ilə əlaqədar, ölkə daxilində hərəkət edən sərnişin qatarlarına tələb olunan sayda vaqonun qoşulması təmin edilir.QSC sərnişinlərin nəzərinə çatdırır ki, sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçirilir.xeber100.com

Bakı Expo Mərkəzində beynəlxalq sərgi keçiriləcək

Azərbaycan Ticarət və Sənaye Palatasının dəstəyi ilə sentyabrın 23-25-də Bakı Expo Mərkəzində ilk dəfə "Shoesstar Caspian ayaqqabı və dəri malları" beynəlxalq sərgisi keçiriləcək. Sərgiyə Azərbaycan, Gürcüstan və İrandan ayaqqabı istehsalı ilə məşğul olan sahibkarlar və iş adamları dəvət olunur.Azərbaycanda İxracın və İnvestisiyaların Təşviqi Fondundan Azərtac-a bildiriblər ki, sərgidə 10 ölkənin 30-dan çox ticarət markasının ayaqqabı, çanta, aksesuar, çətir və dəri məmulatlarına qulluq üçün vasitələri təqdim olunacaq. Sərgidə iştirak edən dünya brendləri arasında "Marco Tozzi", "Tamaris", "Caprice", "Jenny", "Flioraj", "Romika", "Glamour", "Beppi", "Carmella", "Refresh", "Bass D", "Analpa", "Keddo" və başqaları da var.xeber100.com

“EXPO 2017 Astana” beynəlxalq sərgisində

Qazaxıstanın paytaxtı Astanada keçirilən “EXPO 2017” beynəlxalq sərgisində iştirakçı ölkələrin ən yaxşı pavilyonlarının mükafatlandırılması mərasimi keçirilib.Mükafatlar 115 iştirakçı ölkə arasında bir necə nominasiyada, dizaynı və mövzunun bir neçə kateqoriyada açıqlanması üzrə müəyyənləşdirilib.Sərgidə 400-700 kvadratmetrlik sahədəki pavilyonlar arasında “Sərgi dizaynı” nominasiyasında mövzunun geniş açıqlanması üzrə Azərbaycan pavilyonu gümüş mükafata layiq görülüb. 700 kvadratmetrdən çox sahəsi olan pavilyonlar arasında Rusiya subyektlərin açıqlanması, Almaniya isə ən yaxşı dizayn üzrə qızıl mükafata layiq görülüb.Beynəlxalq sərgidə Azərbaycan pavilyonu ən çox ziyarət edilən pavilyonların ilk beşliyinə daxil olub. Azərbaycan pavilyonu ziyarətçilərin ən çox maraq göstərdiyi 10 ekspozisiya arasında dördüncü yerdədir. 400 kvadratmetrdən artıq sahəyə malik olan Azərbaycan pavilyonunda ölkəmizin enerji resursları, tarixi və mədəniyyəti nümayiş etdirilir. Ziyarətçilər burada, həmçinin Bakıya virtual tur da edə bilərlər.Xatırladaq ki, Heydər Əliyev Mərkəzi və Energetika Nazirliyi tərəfindən təşkil edilən Azərbaycan pavilyonu “Enerji Yurdu - keçmişdən gələcəyə daşınan enerji” konsepsiyası əsasında hazırlanıb.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,61 dollar ucuzlaşaraq 47,48 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,71 dollar azalaraq 53,78 dollar təşkil edib.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,61 dollar ucuzlaşaraq 47,48 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,71 dollar azalaraq 53,78 dollar təşkil edib. xeber100.com

VII Beynəlxalq Qaz Forumu keçiriləcək

Oktyabrın 3-6-da Sankt-Peterburqda VII Beynəlxalq Qaz Forumu keçiriləcək.Tədbirin təşkilatçısı “EkspoForum-İnternəşnl” Məhdud Məsuliyyətli Cəmiyyətindən Azərtac-a bildiriblər ki, neft və qaz sənayesi mütəxəssislərinin VII Beynəlxalq Konqresi çərçivəsində müxtəlif formatlarda 60 tədbir - plenar iclas, konfranslar, “dəyirmi masa”lar, işgüzar müşavirələr, keys-turnirlər, investisiyalar və s. mövzular müzakirə ediləcək.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,12 dollar bahalaşaraq 49,21 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,23 dollar artaraq 54,72 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,15 dollar ucuzlaşaraq 56,36 dollar olub.xeber100.com  

Əməkdaşlıq əlaqələri müzakirə edilib

İsveçrə İqtisadi Məsələlər üzrə Dövlət Katibliyi (SECO) və Əmanətlərin Sığortalanması Fondu (ƏSF) arasında əməkdaşlıq əlaqələri müzakirə edilib.ƏSF–dən Azərtac-a bildiriblər ki, müzakirələr Əmanətlərin Sığortalanması Fondunun icraçı direktoru vəzifəsini müvəqqəti icra edən Vüqar Abdullayevin İsveçrə İqtisadi Məsələlər üzrə Dövlət Katibliyinin (SECO) nümayəndəsi, Makroiqtisadi dəstək proqramının rəhbəri Reto Veyerman, Cənubi Qafqaz üzrə İsveçrə Əməkdaşlıq Ofisinin direktor müavini Simona Haberli, SECO-nun Azərbaycan üzrə milli proqram rəhbəri Sənan Şabanov ilə görüşündə aparılıb.Görüşdə qonaqlara ƏSF-nin fəaliyyəti, kompensasiyaların ödənilməsi prosesi, əmanətlərin sığortalanması sahəsində qanunvericilikdə baş verən ən son dəyişikliklər barədə məlumat verilib.Həmçinin ƏSF-nin əsas hədəfləri, gələcək inkişaf istiqamətləri, əmanətlərin sığortalanması haqqında qanunvericilikdə nəzərdə tutulmuş dəyişikliklər, SECO və Əmanətlərin Sığortalanması Fondu arasında mövcud və gələcək əməkdaşlıq əlaqələri barədə müzakirələr aparılıb, qarşı tərəfi maraqlandıran suallar cavablandırılıb.xeber100.com

“Kapital Bank”ın bir sıra filialları şənbə günləri fəaliyyət göstərəcək

Müştərilərin təkliflərini nəzərə alaraq "Kapital Bank"ın bir sıra filialları şənbə günləri də fəaliyyət göstərəcək.Bankdan Azərtac-a bildiriblər ki, "Kapital Bank"ın "Abşeron", "Binəqədi", "Qara Qarayev", "Şuşa", "Sumqayıt", "Gəncə", "Masallı", "Xəzər", "Bərdə" və "Sabirabad" filialları saat 10:00-dan 14:00-dək müştərilərə xidmət göstərəcək.Şənbə günləri müştərilər bu bank xidmətlərindən istifadə edə bilərlər – kredit rəsmiləşdirilməsi, fiziki şəxslərə debet kartların verilməsi, filialda kartların təhvil verilməsi, cari hesabların açılması, bütün növ hesablar üzrə mədaxil əməliyyatları, fiziki və hüquqi şəxslərdən ödəniş tapşırıqlarının qəbulu, hüquqi şəxslərdən əməkhaqqı tapşırıqlarının qəbulu, bütün növ kassa əməliyyatları, nağd valyuta mübadiləsi və təcili pul köçürmələri.xeber100.com