“Layt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,15 dollar ucuzlaşaraq 48,88 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,15 dollar azalaraq 51,86 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,68 dollar bahalaşaraq 54,47 dollar təşkil edib.xeber100.com

“Petkim” 500 şirkətinin yer aldığı reytinqin 39-cu pilləsində qərarlaşıb

“Petkim” neft-kimya holdinqi Türkiyənin 500 ən iri şirkətinin adının yer aldığı reytinqin 39-cu pilləsində qərarlaşıb.Azərtac “Capital” nəşrinə istinadla xəbər verir ki, şirkətin dəyəri 2016-cı ilin sonuna 4 milyard 532,590 milyon türk lirəsi qiymətləndirilir.Sıralamada ilk yerdə dəyəri 34 milyard 854,851 milyon lirə olan “Tüpraş” qərarlaşıb. Sonrakı pillələrdə müvafiq olaraq Avstriyanın “OMV” şirkətinin törəməsi olan “Petrol Ofisi” (30,8 milyard lirə) və “Türk Hava Yolları” (29,468 milyard) yer alıb.Xatırladaq ki, SOCAR “Petkim”i 2008-ci ildə 2,5 milyard dollara alıb. SOCAR 2008-ci ilin mayından etibarən isə Türkiyədəki fəaliyyətini “SOCAR Turkey Enerji A.Ş.” (STEAŞ) adı ilə davam etdirir. STEAŞ “Petkim”də təxminən 53 faizlik səhmə sahibdir.xeber100.com

“Bakı Metropoliteni” QSC-nin məlumatı

Bu aydan Bakı Metrosunun “Bakmil” stansiyasının yenidən qurulmasına başlanılacaq.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, Bakı Metropoliteninin yeganə yerüstü stansiyası olan “Bakmil” açıq hava şəraitində uzunmüddətli istismar nəticəsində ətraf mühitin təsirlərinə məruz qalıb. Bu səbəbdən stansiya platformasının möhkəmləndirilməsi, fasad üzlüyünün, divar və döşəmə örtüyünün yenilənməsi, qapı və pəncərələrinin dəyişdirilməsi zərurəti yaranıb. Təmir işlərinin aparıldığı müddət ərzində sərnişinlər stansiyadan istifadə edə biləcəklər. Stansiyanın xidmətindən istifadə edən sərnişinlərin təhlükəsizliyi və rahatlığını maksimum təmin etmək məqsədilə stansiyanın yenidən qurulması əvvəlcədən hazırlanmış tədbirlər planına uyğun yerinə yetiriləcək.N.Paşayevin sözlərinə görə, yenidənqurma işləri başa çatdırıldıqdan sonra stansiya sərnişinləri ikinci mərtəbəsindən qəbul edərək yola salacaq. Aşağı mərtəbə isə xidmət heyəti üçün nəzərdə tutulacaq. 38 ildir istifadədə olan “Bakmil” stansiyasının yenidənqurma tədbirlərinin 2018-ci ilin əvvəllərində başa çatdırılması nəzərdə tutulub.xeber100.com  

Azərbaycanla bağlı növbəti biznes seminar keçirilib

“Cross Border Club” şirkətinin təşkilatçılığı ilə Yaponiyanın Fukuoka şəhərində yerli iş adamları üçün Azərbaycanla bağlı növbəti biznes seminar keçirilib.Seminarda 2014-cü ilin noyabrında Bakıda ilk dəfə Yaponiya məhsullarının sərgisinin təşkil edildiyi və bu tədbirin böyük maraqla qarşılandığı barədə məlumat verilib. Qeyd edilib ki, Azərbaycanda ilk sərginin böyük uğuru yapon iş adamlarını növbəti sərginin təşkilinə ruhlandırıb. Cari il oktyabrın 27-28-də Bakı Biznes Mərkəzində Yaponiya qida məhsullarının sərgisinin təşkili qərara alınıb.Tədbirdə Azərbaycanın uğurları ilə dünyanın diqqətini özünə cəlb etdiyi, burada beynəlxalq səviyyəli tədbirlərin, musiqi və idman yarışlarının təşkilinin artıq ənənə halı aldığı qeyd edilib. Fukuoka iş adamları Azərbaycanla bağlı layihələrdə, o cümlədən qida məhsulları sərgisində fəal iştiraka dəvət olunub.xeber100.com

“Capital” nəşri yazır…

“Türk Hava Yolları” (THY) dəyərinə görə Türkiyənin 3-cü ən iri şirkətidir.“Capital” nəşri xəbər verir ki, şirkətin dəyəri 2016-cı ilin sonuna 29 milyard 468 milyon türk lirəsi dəyərində qiymətləndirilib. Sıralamada ilk yerdə dəyəri 34 milyard 854,851 milyon lirə olan “Tüpraş” qərarlaşıb.Qeyd edək ki, THY hazırda 302 istiqamət üzrə uçuşlar həyata keçirir. Bu sırada, həmçinin həftədə 5 dəfə olmaqla Azərbaycan üzrə 3 istiqamətdə uçuşlar var. Artıq 26 ildir Azərbaycanda fəaliyyət göstərən aviaşirkət Bakıya uçuşlarını “Airbus A321” təyyarələri ilə edir. Eyni zamanda, həftədə 2 dəfə olmaqla Pakistanın paytaxtı İslamabada uçuşları Bakı üzərindən yerinə yetirir.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,24 dollar ucuzlaşaraq 49,35 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,27 dollar azalaraq 52,09 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 1,08 dollar bahalaşaraq 53,79 dollar təşkil edib.xeber100.com

“Trans-Adriatik” qaz boru kəməri çərçivəsində

İtaliyanın təbii qaz infrastruktur şirkəti “Snam S.p.A.” ilə Albaniyada qaz infrastrukturu operatoru olan “Albgaz” şirkəti Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri çərçivəsində əməkdaşlıq edəcək.Azərtac “Snam” şirkətinə istinadla xəbər verir ki, tərəflər Albaniyanın qaz bazarının inkişafı üzrə əməkdaşlıq etmək barədə razılığa gəliblər. İki şirkət Almaniyanın qaz bazarı və infrastruktur sisteminin qurulması, inkişafını dəstəkləmək barədə əməkdaşlığın inkişaf etdirilməsi üzrə anlaşma memorandum imzalayıblar. Əməkdaşlıqda TAP qaz kəməri layihəsi üçün Albaniyanın infrastruktur sisteminin dəstəklənməsi üçün nəzərdə tutulur.“Albgaz” bu ilin yanvarında yaradılıb və şirkətə Albaniyanın qaz bazarı üçün infrastrukturun inkişaf etdirilməsi və idarə olunması tapşırılıb.xeber100.com

Neft Fondunun iştirakı ilə hərrac keçirilib

Avqustun 3-də Mərkəzi Bankda Dövlət Neft Fondunun (ARDNF) da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7008 səviyyəsində formalaşıb.xeber100.com

Dövlət Gömrük Komitəsinin məlumatı

Cari ilin yanvar-iyun aylarında Azərbaycandan 9 milyon 707 min 174 ton xam neft ixrac edilib. Yarım ildə ixrac edilən xam neftin dəyəri isə 3 milyard 839 milyon 227 min ABŞ dolları olub.Bu barədə Azərtac-a Dövlət Gömrük Komitəsindən (DGK) məlumat verilib.xeber100.com

“Kapital Bank” Visa kartlarını pulsuz təklif edir

“Kapital Bank” 2 illik Visa kartlarını pulsuz təklif edir.Bankdan Azərtac-a bildiriblər ki, "Kapital Bank" müştəri xidmətinin inkişafı istiqamətində bir sıra işlər həyata keçirir. Bank ödəniş kartları üzrə şərtləri sadələşdirərək müştərilərə ödənişsiz əsasda təklif edir. Belə ki, müştərilər hesaba minimum 20 AZN ilkin mədaxil etməklə 2 illik Visa kartlarını əldə edə bilərlər. Müştəri kartı aldığı gün hesaba mədaxil etdiyi məbləğdən istifadə edə bilər."Kapital Bank" “Visa International” beynəlxalq ödəniş sisteminin üzvüdür. Ödəniş kartlarını "Kapital Bank" filiallarında və ya bankın korporativ saytından onlayn sifariş etmək mümkündür. "Kapital Bank" Azərbaycan manatı, ABŞ dolları və avro valyutası əsasında ödəniş kartlarını 1, 2 və ya 3 il müddətinə təklif edir.Qeyd edək ki, hazırda dövriyyədə "Kapital Bank"ın 3 milyona yaxın ödəniş kartı var. Prossesinq mərkəzinin inkişafı, həftənin bütün günləri fasiləsiz işləməsi, sabit fəaliyyət göstərməsi milyonlarla müştəriyə xidmət göstərməsində müsbət amil hesab olunur. "Kapital Bank"ın ölkə üzrə 600-dək bankomatı, 9 minədək POS-terminalı fəaliyyət göstərir.xeber100.com