Əmanətlərin Sığortalanması Fondu əmanətçilərinə müraciət edib

Əmanətlərin Sığortalanması Fondu sığorta hadisəsi baş vermiş dörd bankın qorunan əmanətçilərinə müraciət edib.Fonddan Azərtac-a bildiriblər ki, "Dekabank" ASC, "Kredobank" ASC, "Parabank" ASC və "Zaminbank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üçün son gün avqustun 1-i hesab olunur. Bununla əlaqədar olaraq kompensasiyaların alınması üçün müraciət etməyən qorunan əmanətçilərdən bu gün ərzində kompensasiyaların geri alınması üçün fonda müraciət etmələri xahiş olunur."Əmanətlərin Sığortalanması haqqında" Azərbaycan Respublikası Qanununun 28.4.-cü maddəsinə əsasən əmanətçinin müraciətini qeyri-mümkün etmiş halların mövcud olduğunu təsdiq edən sənədlər təqdim edildikdə bu qanunun 28.3-cü maddəsində göstərilən müddət əmanətçinin ərizəsinə əsasən uzadıla bilər. Lakin bundan asılı olmayaraq bütün hallarda əmanətçinin kompensasiya almaq hüququ fondun kompensasiyaların ödənilməsi haqqında bildirişin ilk dəfə dərc edildiyi gündən başlayaraq beş il müddətində saxlanılır.Fondun "Kompensasiyaların ödənilməsi proseduruna dair" Qaydalarının 11-ci maddəsinə uyğun olaraq Qanunun 28.4-cü maddəsində qeyd edilən əmanətçinin müraciətini qeyri-mümkün etmiş hallara əmanətçinin Silahlı Qüvvələrin tərkibində həqiqi hərbi xidmətdə olması, ağır xəstəliyi, qarşısı alınmaz qüvvənin təsiri, məhkəmə qərarı ilə müraciət müddətinin uzadılması aiddir. Bu kimi hallar müvafiq sənədlərlə təsdiq olunmalıdır. Qeyd edilən sənədlər təqdim edilmədiyi halda əmanətçiyə müraciət müddətini ötürməsi ilə əlaqədar kompensasiya ödənilməsindən imtina olunacaq.xeber100.com

“Xalq Kapital İnvestisiya Şirkəti”nin üzvlüyü bərpa olunub

"Xalq Kapital İnvestisiya Şirkəti" QSC-nin fəaliyyəti Azərbaycan Respublikasının "Qiymətli kağızlar bazarı haqqında" Qanununa və Bakı Fond Birjasının (BFB) "Üzvlük Qaydaları"na uyğunlaşdırıldığı üçün BFB-nin üzvlük komissiyasının qərarlı ilə birja üzvlüyü bərpa olunub.BFB-dən Azərtac-a bildiriblər ki, "Xalq Kapital İnvestisiya Şirkəti" QSC Maliyyə Bazarlarına Nəzarət Palatası tərəfindən bu il iyunun 9-da verilmiş investisiya şirkəti fəaliyyəti üçün lisenziyaya malikdir. Hazırda BFB-nin "Xalq Kapital İnvestisiya Şirkəti" QSC də daxil olmaqla 7 üzvü var.BFB-nin üzvlərinin siyahısı və onlar barədə ətraflı məlumat qurumun internet saytının üzvlər bölməsində yerləşdirilib.

Mərkəzi Bankda hərrac keçirilib

Avqustun 1-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7008 səviyyəsində formalaşıb.xeber100.com

Dünya birjalarında neftin qiyməti…

Dünya birjalarında neft bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,18 dollar artaraq 44,62 dollar təşkil edib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,30 dollar artaraq 50,03 dollar olub.xeber100.com

“Azərbaycan Beynəlxalq Bankı” yeni kampaniyaya start verib

"Azərbaycan Beynəlxalq Bankı" "Yaşa görə güzəşt" kampaniyasına start verib.Bankdan Azərtac-a bildiriblər ki, kampaniya çərçivəsində "Azərbaycan Beynəlxalq Bankı"ndan nağd pul krediti əldə edən müştərilər yaşlarından asılı olaraq həm kreditin ödəniş müddətində, həm də illik faiz dərəcəsində güzəştlər qazanacaqlar. Yəni, müştərilər krediti indi alıb, əsas borcu güzəşt müddətindən sonra ödəməyə başlayacaqlar.Yaşa görə güzəştlər ümumən aşağıdakı formada olacaq:-18-44 yaş aralığında olan müştərilər üçün ödəniş müddətində 1 ay güzəşt + 1 faiz endirim- 45 və yuxarı yaş qrupuna aid olan müştərilər üçün ödəniş müddətində 2 ay güzəşt + 2 faiz endirim.Kampaniya avqustun 1-dən 15-dək keçərlidir. Müxtəlif ehtiyacların qarşılanması üçün nəzərdə tutulmuş nağd pul kreditini "Azərbaycan Beynəlxalq Bankı"nın maaş və pensiya kartı sahibləri bankın bütün filiallarından əldə edə bilər. Bunun üçün sadəcə şəxsiyyət vəsiqəsi ilə bankın filiallarına yaxınlaşmaq kifayətdir. Kreditin illik faiz dərəcəsi 25 faizdən başlanır. Kredit rəsmiləşdirilən zaman müştəri “Avtoödəmə” sisteminə qoşulmaqla aylıq ödənişləri banka gəlmədən rahat bir şəkildə həyata keçirə bilər.xeber100.com

Əmanətlərin Sığortalanması Fondunun məlumatı

Ləğv prosesində olan "RoyalBank" ASC-nin balansında olan "Lexus GS-350" markalı nəqliyyat vasitəsi hərrac zamanı qalib şəxsə satılıb.Əmanətlərin Sığortalanması Fondundan Azərtac-a bildiriblər ki, "RoyalBank"ın balansında olan nəqliyyat vasitəsi (qeydiyyat nömrə nişanı 90-AR-006, ban nömrəsi JTHCE96S370012146, buraxılış ili : 2008, rəngi qara) iyulun 25-də Bakı şəhəri Nərimanov rayonu, İ.Hidayətzadə küçəsi, 156(20A) 1933 məhəllə ünvanında yerləşən hərrac mərkəzində ilkin satış qiyməti 14 min 525 manat olmaqla açıq hərraca çıxarılmışdı.xeber100.com

“Caspian İnd Expo” beynəlxalq sənaye sərgisi keçiriləcək

“İnternatıonal Trade Faırs Group” Beynəlxalq Sərgi Şirkətinin təşkilatçılığı ilə sentyabrın 13-dən 15-nə kimi “Baku Expo” Beynəlxalq Sərgi Mərkəzində “Caspian İnd Expo” (İnternational İndustry Exhibition) adlı beynəlxalq sənaye sərgisi keçiriləcək.“İTF Group” şirkətinin rəhbəri Həsən Mürtəci Azərtac-a bildirib ki, sərgiyə müxtəlif xarici ölkələrdən tanınmış şirkətlər dəvət olunub. Bu beynəlxalq sərgidə sənayenin bütün sahələrinə (neft-qaz və kimya, energetika, kənd təsərrüfatı, dağ-mədən, tikinti və inşaat materialları, qida, polad istehsalı, yem istehsalı, kübrə istehsalı, mebel istehsalı, plastik qablaşdırma, çap sənayesi, kağız istehsalı və s.) aid məhsul və xidmətlər nümayiş olunacaq. Sərgi günlərində yerli və xarici şirkətlərin nümayəndələrinin daha yaxından tanış olmaları və məhsuldar iqtisadi münasibətlər qurmaları üçün biznes-forum da keçiriləcək.xeber100.com

İctimai Şuraya seçkilərin keçirilməsi məqsədilə Seçki Komissiyası yaradılıb

Standartlaşdırma, Metrologiya və Patent üzrə Dövlət Komitəsi yanında İctimai Şuraya seçkilərin keçirilməsi məqsədilə Seçki Komissiyası yaradılıb.Komitənin mətbuat xidmətindən Azərtac-a bildirilib ki, komissiyada 4-ü komitə əməkdaşları, 5-i isə qeyri-hökumət təşkilatlarının nümayəndələri olmaqla 9 üzv təmsil olunur.Təmsil olunan QHT-lər Demokratik Seçki Mərkəzi, “Turan İstedadlar” Birliyi, “Ümid” Sosial İnkişafa Dəstək İctimai Birliyi, “Gənc Vətəndaş Maarifləndirmə” İctimai Birliyi və “İqtisadi Resursların Öyrənilməsi” İctimai Birliyidir.Seçki Komissiyasının yaxın vaxtlarda keçiriləcək ilk iclasında komitə yanında İctimai Şuraya üzvlərin say həddi və şuraya seçkilərin təşkili məsələləri müəyyən ediləcək.Məlumatda, həmçinin qeyd olunub ki, İctimai Şura - “İctimai iştirakçılıq haqqında” Azərbaycan Respublikası Qanununa uyğun olaraq, vətəndaşların dövlətin idarə olunmasında iştiraka cəlb edilməsi, mərkəzi icra hakimiyyəti orqanlarının fəaliyyətinə ictimai nəzarətin həyata keçirilməsi, mərkəzi icra hakimiyyəti orqanları ilə ictimaiyyət arasında səmərəli qarşılıqlı fəaliyyətin təşkili, orqanların fəaliyyətində aşkarlığın və şəffaflığın təmin olunması, dövlət siyasətinin formalaşması, həyata keçirilməsi və qərarların qəbulu zamanı ictimai rəyin və vətəndaşların qanuni maraqlarının nəzərə alınması, əsas insan və vətəndaş hüquqlarının müdafiəsi kimi məqsədlərin həyata keçirilməsində iştirak edən məşvərətçi qurumdur.xeber100.com

Səyyar satış sistemi fəaliyyətə başlayıb

“Ərzaq məhsullarının tədarükü və təchizatı” Açıq Səhmdar Cəmiyyətinin yerli istehsalı dəstəkləmək məqsədilə həyata keçirdiyi səyyar satış sistemi artıq fəaliyyətə başlayıb.ASC-nin mətbuat xidmətindən Azərtac-a bildirilib ki, “Gəzər bazar” tanıdıcı loqosu ilə təqdim olunan səyyar satışa yük avtomobilləri vasitəsilə fermerlərdən tədarük olunmuş məhsullar həftəsonu yarmarkalara çıxarılıb. Altı ədəd yük avtomobili vasitəsilə 30 tona yaxın məhsul Xətai rayonu, “Bakı” kinoteatrının qarşısındakı, Binəqədi rayonu, “Elit” ticarət mərkəzinin arxasındakı və Sumqayıt şəhərində təşkil olunmuş yarmarkalarda satışa təqdim olunub.Səyyar satış avtomobilləri iyulun 30-da da adıçəkilən yarmarkalara kənd təsərrüfatı məhsulları çıxaracaq. Məhsulların qiyməti mövcud qiymətlərlə müqayisədə 20 faiz aşağıdır.Bazar ertəsindən etibarən isə “Gəzər bazar” avtomobilləri paytaxtın bütün rayonlarında satış prosesinə başlayacaq.Məlumatda, həmçinin qeyd olunub ki, “Ərzaq məhsullarının tədarükü və təchizatı” ASC şəxsi yük avtomobili olan şəxsləri və dükan sahiblərini əməkdaşlığa dəvət edir.Səhmdar Cəmiyyət müvafiq icra hakimiyyəti orqanları tərəfindən səyyar satış üçün tələb olunan xüsusi icazələrin alınması və növündən asılı olmayaraq məhsulların topdansatış qiymətinə verilməsi kimi güzəştləri də tətbiq edəcəyini bildirib.xeber100.com

İxracın və İnvestisiyaların Təşviqi Fondunun məlumatı

Azərbaycanlı iş adamları bu il oktyabrın 31-dən noyabrın 3-dək İran İslam Respublikasının paytaxtı Tehran şəhərində keçiriləcək beynəlxalq sərgiyə dəvət olunurlar.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, dəvət edilən şəxslərin otel və nəqliyyat xərcləri təşkilatçılar tərəfindən ödəniləcək.Sərgidə İştirak etmək istəyən iş adamları daha ətraflı məlumatı İran İslam Respublikasının Azərbaycandakı səfirliyindən ala bilərlər.xeber100.com