Səyyar satış sistemi fəaliyyətə başlayıb

“Ərzaq məhsullarının tədarükü və təchizatı” Açıq Səhmdar Cəmiyyətinin yerli istehsalı dəstəkləmək məqsədilə həyata keçirdiyi səyyar satış sistemi artıq fəaliyyətə başlayıb.ASC-nin mətbuat xidmətindən Azərtac-a bildirilib ki, “Gəzər bazar” tanıdıcı loqosu ilə təqdim olunan səyyar satışa yük avtomobilləri vasitəsilə fermerlərdən tədarük olunmuş məhsullar həftəsonu yarmarkalara çıxarılıb. Altı ədəd yük avtomobili vasitəsilə 30 tona yaxın məhsul Xətai rayonu, “Bakı” kinoteatrının qarşısındakı, Binəqədi rayonu, “Elit” ticarət mərkəzinin arxasındakı və Sumqayıt şəhərində təşkil olunmuş yarmarkalarda satışa təqdim olunub.Səyyar satış avtomobilləri iyulun 30-da da adıçəkilən yarmarkalara kənd təsərrüfatı məhsulları çıxaracaq. Məhsulların qiyməti mövcud qiymətlərlə müqayisədə 20 faiz aşağıdır.Bazar ertəsindən etibarən isə “Gəzər bazar” avtomobilləri paytaxtın bütün rayonlarında satış prosesinə başlayacaq.Məlumatda, həmçinin qeyd olunub ki, “Ərzaq məhsullarının tədarükü və təchizatı” ASC şəxsi yük avtomobili olan şəxsləri və dükan sahiblərini əməkdaşlığa dəvət edir.Səhmdar Cəmiyyət müvafiq icra hakimiyyəti orqanları tərəfindən səyyar satış üçün tələb olunan xüsusi icazələrin alınması və növündən asılı olmayaraq məhsulların topdansatış qiymətinə verilməsi kimi güzəştləri də tətbiq edəcəyini bildirib.xeber100.com

İxracın və İnvestisiyaların Təşviqi Fondunun məlumatı

Azərbaycanlı iş adamları bu il oktyabrın 31-dən noyabrın 3-dək İran İslam Respublikasının paytaxtı Tehran şəhərində keçiriləcək beynəlxalq sərgiyə dəvət olunurlar.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, dəvət edilən şəxslərin otel və nəqliyyat xərcləri təşkilatçılar tərəfindən ödəniləcək.Sərgidə İştirak etmək istəyən iş adamları daha ətraflı məlumatı İran İslam Respublikasının Azərbaycandakı səfirliyindən ala bilərlər.xeber100.com

“5G” texnologiyasının sınaqlarının keçirilməsinə icazə verilib

ABŞ Federal Rabitə Komissiyası "Apple" şirkətinə "5G" texnologiyasının sınaqlarının keçirilməsinə icazə verib.Azərtac xəbər verir ki, texnologiyanı "Apple" şirkəti ilə yanaşı, "Google", "Facebook" və "Samsung" sınaqdan keçirir. Bundan başqa, "Sprint" və "T-Mobile" mobil rabitə operatorları tərəfindən ilk "5G" şəbəkələrinin 2019-2020-ci illərdə istifadəyə veriləcəyi gözlənilir.Məlumata görə, dalğaların uzunluğunun azaldılması və tezliyin yüksəldilməsi "Apple" texnologiyasını rəqiblərindən fərqləndirəcək. Test üçün ilk meydançaların 2018-ci ilin avqustunadək Kaliforniyada yerləşən ofislərin yaxınlığında inşası planlaşdırılır.Bu il "5G" modulu yeni "iPhone" smartfonunda quraşdırılmasa da, növbəti modelin onunla təchiz ediləcəyini ehtimal etmək olar."5G" mövcud "4G" şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan "4G" şəbəkəsindən fərqli olaraq milyardlarla qurğunun qoşulacağı "5G" şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.Qeyd edək ki, Azərbaycanda da 3G, 4G və digər yeni texnologiyalar tətbiq edilib, internetə ən müasir çıxış imkanları yaradılıb. Bunun nəticəsidir ki, hazırda əhalinin 78 faizi internet, onların 72 faizi isə genişzolaqlı internet istifadəçisidir.xeber100.com

Növbədənkənar saziş çərçivəsində müzakirə…

OPEC+ ölkələrinin nümayəndələri avqustun 7-8-də Abu-Dabidə növbədənkənar iclasda saziş çərçivəsində razılaşmaların icrasını müzakirə edəcəklər. Azərtac xəbər verir ki, OPEC-in məlumatında belə deyilir.Məlumatda daha sonra deyilir: “İclas 2017-ci il avqustun 7-8-də Abu-Dabidə Küveytin və Rusiyanın həmsədrliyi ilə keçiriləcək. Müzakirələrdə 2017-ci ildə OPEC-ə sədrlik edən Səudiyyə Ərəbistanından nümayəndələr iştirak edəcəklər”.xeber100.com

“Layt” markalı neftin qiyməti azalıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,17 dollar azalaraq 43,77 dollar təşkil edib. Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,18 dollar azalaraq 48,59 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,73 dollar bahalaşaraq 52,51 dollar təşkil edib.xeber100.com

Mülki Aviasiya Administrasiyasının məlumatına əsasən…

Azərbaycan və Yaponiya arasında birbaşa aviareysin açılması barədə razılıq əldə edilib.Azərbaycan Respublikası Dövlət Mülki Aviasiya Administrasiyasının mətbuat xidmətindən Azərtac-a bildirilib ki, Bakıda Azərbaycan Respublikası ilə Yaponiyanın mülki aviasiya administrasiyaları arasında danışıqlar keçirilib.İlk dəfə aparılan danışıqların gedişində tərəflər Azərbaycan Respublikası ilə Yaponiya arasında müntəzəm reyslərin açılması məsələsini müzakirə ediblər. Nümayəndə heyətləri təyin olunmuş aviaşirkətlərə birbaşa sərnişin və yük reyslərini yerinə yetirmək, həmçinin kodlardan birgə istifadə haqqında müqavilələr bağlamaq hüququnun verilməsi barədə razılıq əldə ediblər.Dostluq şəraitində keçən görüşdə Azərbaycan Respublikası və Yaponiya aviaşirkətlərinin nümayəndələri də iştirak ediblər.xeber100.com

Mərkəzi Bank tərəfindən depozit hərracı keçiriləcək

İyulun 31-də Mərkəzi Bank tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 100 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 10,01-14,99 faiz təşkil edir.xeber100.com

“Azərbaycan Beynəlxalq Bankı”nın məlumatına görə…

"Azərbaycan Beynəlxalq Bankı" bu ilin ilk rübündə "VISA" ödəniş kartları ilə aparılan nağdsız əməliyyatların həcminə görə lider olub.Bankdan Azərtac-a bildiriblər ki, bu münasibətlə bank "VISA International" şirkətinin xüsusi sertifikatına layiq görülüb. Bank sektoru nümayəndələrinin, "VISA"nın tərəfdaşlarının iştirakı ilə keçirilən görüş-seminarda mükafat "Azərbaycan Beynəlxalq Bankı"na təqdim olunub.Xatırladaq ki, "Azərbaycan Beynəlxalq Bankı" nağdsız ödəniş ənənələrini ilk dəfə ölkəmizə gətirən və bu ənənələrin daim inkişafına dəstək verən banklardandır. Aktiv ödəniş kartlarının sayı hazırda 1 milyon 300 mindən çox olan bankın 760 ATM-i fəaliyyətdədir. Bu, Azərbaycanda ən böyük ATM şəbəkəsidir. Bundan başqa, müxtəlif ticarət və xidmət mərkəzlərində "Azərbaycan Beynəlxalq Bankı"nın 11 650 POS-terminalı müştərilərin istifadəsindədir.Elektron xidmət infrastrukturunu inkişaf etdirməklə "Azərbaycan Beynəlxalq Bankı" ölkəmizdə nağdsız ödənişlərin genişlənməsinə töhfə verməyə çalışır. "VISA PayWave" və "Mastercard PayPass" ödəniş texnologiyalarını dəstəkləyən təmassız ödəniş kartlarını ölkəmizdə ilk dəfə olaraq məhz "Azərbaycan Beynəlxalq Bankı" tətbiq etməyə başlayıb.Eyni zamanda, "VISA International" şirkəti ilə müştərək şəkildə müştərilər üçün "Sıfır məsuliyyət" (Zero liability) siyasətinin ölkəmizdə ilk dəfə tətbiqi də məhz "Azərbaycan Beynəlxalq Bankı"na məxsusdur."Azərbaycan Beynəlxalq Bankı"nın məhsul və xidmətləri barədə məlumatları bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin www.facebook.com/azerbaycanbeynelxalqbanki/ rəsmi Facebook səhifəsindən əldə etmək olar.xeber100.com

“Türk Hava Yolları” yeni istiqamətə uçuşlara başlayıb

“Türk Hava Yolları” (THY) iki ildə 15 yeni istiqamətə uçuşlara başlayıb.Bu barədə “Türk Hava Yolları”nın mətbuat xidmətindən Azərtac-a eksklüziv olaraq bildirilib.Məlumat verilib ki, 2015-ci ildə THY 287 istiqamət üzrə uçuşlar həyata keçiribsə 2017-ci ildə bu rəqəm 302-yə çatıb. Həmçinin THY həftədə 5 dəfə olmaqla Azərbaycanda da 3 istiqamət üzrə uçuşlar həyata keçirir.xeber100.com

“Bank of Baku”dan yeni kampaniya…

"Sizə Yaxın Bankçılıq" şüarı ilə hər zaman müştərilərinə üstün xidmət göstərən və onlar üçün daima yeniliklərə imza atan "Bank of Baku" bu dəfə müştərilərini uzaq "xəyallar şəhəri" Nyu-Yorka göndərir.Bankdan Azərtac-a bildiriblər ki, "Bank of Baku" bu yay "GƏLİİİR" şüarı altında müştərilərinə özəl silsilə kampaniya və sürpriz yeniliklərini elan etməkdə davam edir.Müştərilərin sevincinə səbəb olacaq bu silsilənin ən möhtəşəmi "Bolkartla alış-veriş et, Nyu-Yorka 2 nəfərlik səyahət qazan" adlı kampaniyasıdır.İyulun 24-dən sentyabrın 17-dək keçirilən kampaniyada Bolkart debet və Bolkart kredit kart sahibləri iştirak edə bilər. Kampaniya Bolkart kartları ilə həm ölkədaxili, həm də ölkə xaricində edilən bütün ödənişlərə şamil edilir. Şərtlərə əsasən kampaniya dövründə minimum 20 manatlıq (əməliyyat sayı ən azı 5 olmaqla) ödənişlərinin ümumi məbləği daha çox olan Bolkartlı qalib olacaq.Kampaniyanın yekununda əsas qalibin müəyyənləşdirilməsi ilə yanaşı, həmçinin həftəlik və aylıq qaliblər də təyin olunaraq hədiyyə ilə mükafatlandırılacaqlar.-Həftə ərzində ödənişlərin ümumi məbləği ən çox olan ilk 3 Bolkartlıya (20 manat dəyərində əməliyyatların sayı həftə ərzində minimum 3 dəfə olmaq) - Bolkart Gold/Bolkart Diamond + 100 manat Bal;-Kampaniya dövründə hər ayın yekununda ödənişlərin ümumi məbləği ən çox olan Bolkartlıya (20 manat dəyərində əməliyyatların sayı ay ərzində minimum 5 dəfə olmaq) Fotoaparat;-Ümumi kampaniya dövründə yuxarıdakı şərtlər nəzərə alınmaqla ödənişlərinin ümumi məbləği ən çox olan Bolkartlıya isə Nyu-Yorka 2 nəfərlik səyahət paketi (aviabilet, transfer və otel daxil olmaqla viza dəstəyi) hədiyyə olunacaq.xeber100.com