Dövlət Statistika Komitəsinin məlumatı

2017-ci ilin yanvar-may aylarında hava nəqliyyatı ilə 784,8 min nəfər və ya ötən ilin müvafiq dövrünə nisbətən 25,2 faiz çox sərnişin daşınıb.Dövlət Statistika Komitəsindən Azərtac-a bildirilib ki, sərnişin daşımalarının 99,9 faizi dövlət, yalnız 0,1 faizi özəl müəssisələrə məxsus nəqliyyat vasitələri ilə həyata keçirilib.Hava nəqliyyatı ilə yükdaşıma isə 2016-cı ilin müvafiq dövrü ilə müqayisədə 8,1 faiz artaraq 63,7 min tona çatıb.xeber100.com

Nyu-Yorkun NYMEX birjasında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,63 dollar bahalaşaraq 45,29 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,02 dollar artaraq 48,16 dollar olub.xeber100.com

Dövlət Statistika Komitəsinin məlumatı

Yanvar-may ayları ərzində ictimai iaşə dövriyyəsi 2016-cı ilin müvafiq dövrü ilə müqayisədə real ifadədə 2,0 faiz artaraq 472,3 milyon manat olub.Dövlət Statistika Komitəsindən Azərtac-a bildiriblər ki, özəl sektorda ictimai iaşə dövriyyəsinin 40,7 faizi hüquqi şəxs statuslu müəssisələrin, 59,3 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyə 2016-cı ilin eyni dövrü ilə müqayisədə 1,2 faiz artaraq 189,5 milyon manat olub.xeber100.com

Bakı Fond Birjasında hərrac keçiriləcək

İyunun 29-da Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, hərraca çıxarılan notların həcmi 50 milyon manat, bir notun nominal dəyəri 100 manat, tədavül müddəti 28 gündür. Notlar iyulun 26-da ödəniləcək.Mərkəzi Bankın qısamüddətli notların buraxılışı, yerləşdirilməsi və tədavülü haqqında qaydalara əsasən, hərraclarda bank lisenziyasına malik olan hüquqi şəxslər iştirak edə bilər. Banklar birjada BFB-nin üzvü olan investisiya şirkətləri vasitəsilə qatıla bilər. Dəyişikliyə əsasən, hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) artıq olmamalıdır.Hərrac zamanı notların buraxılışının 20 faizdən artıq olmamaq şərtilə qeyri-rəqabətli sifarişlərin qəbul edilməsinə icazə verilir.xeber100.com

“AzəriLayt” markalı neftinin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,13 dollar ucuzlaşaraq 46,17 dollar təşkil edib.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,19 dollar bahalaşaraq 44,66 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,20 dollar artaraq 47,14 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,03 dollar bahalaşaraq 46,30 dollar təşkil edib.xeber100.com

“Azərbaycan Xəzər Dəniz Gəmiçiliyi” QSC-nin məlumatı

Azərbaycan Xəzər Dəniz Gəmiçiliyi üç ildə 17 gəmini balansına qəbul edib.Azərtac xəbər verir ki, bu barədə “Azərbaycan Xəzər Dəniz Gəmiçiliyi” QSC-nin sədri Rauf Vəliyev deyib.O bildirib ki, üç ildə 17 gəminin balansa qəbul edilməsi üçün 155 milyon dollar vəsait sərf olunub.Həmçinin R.Vəliyev qeyd edib ki, hazırda gəmiçiliyin 11 gəmisi beynəlxalq sularda fəaliyyət göstərir.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.İyunun 23-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 387,5 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 10,04 faiz təşkil edib.xeber100.com

Müstəqil Dövlətlər Birliyinin İqtisadi Şurasının 74-cü iclası keçirilib

Moskvada Müstəqil Dövlətlər Birliyinin (MDB) İqtisadi Şurasının 74-cü iclası keçirilib. İclasda Azərbaycanı baş nazirin birinci müavini Yaqub Eyyubov təmsil edirdi. RF hökuməti sədrinin birinci müavini İqor Şuvalov tədbirdə iştirak edib.İclas iştirakçıları MDB üzvü olan ölkələrin mədən-metallurgiya sahəsində əməkdaşlığına dair Sazişin reallaşdırılması üzrə tədbirlər kompleksi layihəsini əsasən bəyəniblər. Sənədin razılaşdırılması proseduru başa çatandan sonra layihə bu ilin sonunda İqtisadi Şura tərəfindən nəzərdən keçiriləcək.Kosmik fəzanın dinc məqsədlər üçün tədqiq edilməsi və istifadəsi sahəsində əməkdaşlığa dair MDB konvensiyası, habelə baytarlıq sahəsində əməkdaşlıq haqqında sazişin yeni redaksiyası bəyənilib.MDB İqtisadi Şurasının üzvləri 2010-2016-cı illərdə Hökumətlərarası Feldyeger Rabitəsi Əlaqələndirmə Şurasının fəaliyyətini müzakirə edib, MDB ölkələrində sığorta xidmətləri bazarının inkişafına dair fikir mübadiləsi aparıblar.Sərnişinlərin və baqajın beynəlxalq avtomobil daşımaları haqqında Konvensiyanın və 2020-ci ilə qədər olan dövrdə regionlararası və sərhədyanı əməkdaşlıq Konsepsiyasının həyata keçirilməsinin gedişi də müzakirə mövzusu olub.xeber100.com

”Azərişıq” ASC-nin məlumatına əsasən…

”Azərişıq” ASC Ramazan bayram günlərində ehtiyat tədbirlərini gücləndirəcək. Bu məqsədlə ASC-nin Mərkəzi Aparatı və Regional Enerji Təchizatı və Satışı İdarələri (RETSİ) üzrə məsul vəzifəli şəxslərdən ibarət növbətçilik təşkil ediləcək. Qarşıya qoyulan vəzifə qeyri-iş günlərində enerji istehlakçılarını fasiləsiz elektrik enerjisi ilə təchiz olunmasını, habelə baş verə biləcək hər hansı qəza hadisəsinin qarşısının dərhal alınmasıdır. Bakı şəhəri və regionlarda 199 saylı Çağrı mərkəzi 24 saat xidmət göstərəcək.Bu barədə Azərtac-a ASC-nin mətbuat xidmətinin rəhbəri Tanrıverdi Mustafayev bildirib.Elektrik şəbəkələrində normal iş rejiminin təmin olunması məqsədilə RETSİ-lər üzrə təşkil edilmiş növbətçilik üzərində nəzarət gücləndiriləcək və müvafiq tədbirlər görüləcək.xeber100.com