Beynəlxalq Energetika Xartiyasının forumu keçirilir

Türkmənistanın 2017-ci ildə Energetika Xartiyası Konfransında sədrliyi altında Beynəlxalq Energetika Xartiyasının Aşqabad forumu keçirilir.Azərtac-ın xüsusi müxbiri xəbər verir ki, “Enerji resurslarının tranziti üzrə çoxtərəfli çərçivə sazişinə doğru” adı altında keçirilən forumun məqsədi qlobal enerji təhlükəsizliyində və dayanıqlı inkişafda tranzitin rolu barədə diskussiyalar təşkil etməkdir.Beynəlxalq Energetika Xartiyasının baş katibi Urban Rusnak məlumat verib ki, forumun işində 14 ölkənin dövlət rəsmiləri, beynəlxalq təşkilatların, sənaye sektoru və elmi müəssisələrin nümayəndələri iştirak edirlər. Forumun məqsədi enerji resurslarının tranziti üzrə çərçivə sazişini razılaşdırmaq üçün enerji resurslarının, o cümlədən təbii qaz, neft və elektrik enerjisi tranzitinin praktiki, hüquqi və tənzimləyici aspektlərini müzakirə etməkdir.xeber100.com

XXIV Beynəlxalq “Xəzər Neft və Qaz 2017” konfransı keçiriləcək

Mayın 31-dən iyunun 3-dək Bakıda Xəzəryanı regionun energetika sektorunda ən böyük tədbir – XXIV Beynəlxalq “Xəzər Neft və Qaz 2017” (Caspian Oil&Gas 2017) sərgi və konfransı keçiriləcək.Azərtac xəbər verir ki, bu barədə mayın 30-da keçirilən mətbuat konfransında “ITE Group” şirkətinin regional direktoru Edvard Stroon məlumat verib. O bildirib ki, builki sərgidə 30 ölkəni təmsil edən 289 şirkət iştirak edəcək. İştirakçıların ümumi sayının 15 faizini təşkil edən debütantlar arasında ABŞ, Böyük Britaniya, Rumıniya və digər ölkələrdən olan şirkətlər yer alır.Şirkətlər sərgidə neft hasilatı, enerji daşıyıcılarının nəqli, neft-qaz saxlama sistemlərinin təmin edilməsi, habelə platformalar və üzən qazma qurğuları, texniki qulluq üzrə avadanlıqlar, xidmətlər və innovativ texnologiyaların geniş çeşidini təqdim edəcəklər.Qeyd olunub ki, “Xəzər Neft və Qaz 2017” sərgisi ilə eyni meydançada mayın 31-dən iyunun 3-dək Xəzəryanı regionun enerji səmərəliliyi və bərpa edilən enerji sahəsində yeganə ixtisaslaşmış tədbiri olan VII Xəzər Beynəlxalq energetika və alternativ enerji (Caspian Power 2017) sərgisi də keçiriləcək. Sərginin iştirakçıları arasında Azərbaycan, Belarus, Türkiyə və digər ölkələrin energetika texnologiyaları üzrə aparıcı təchizatçı şirkətləri var.İyunun 1-2-də keçiriləcək “Xəzər Neft və Qaz 2017” beynəlxalq konfransında isə neft-qaz sektorunun aktual mövzuları müzakirə olunacaq. Konfransda 30 ölkədən 400-dək nümayəndə iştirak edəcək.xeber100.com

Hökumətlərarası Komissiyanın iclası keçiriləcək

Hazırda Qazaxıstan və Azərbaycan fəal inkişaf edən iki müstəqil dövlət kimi əməkdaşlığın ikitərəfli formatını möhkəmləndirir.Bu sözləri Qazaxıstanın ölkəmizdəki səfiri Beybit İsabayev Azərtac-a müsahibəsində deyib.Səfir bu ilin iyununda Bakıda Azərbaycan-Qazaxıstan Birgə Hökumətlərarası Komissiyasının növbəti iclasının keçiriləcəyini vurğulayıb. O deyib ki, bu barədə Qazaxıstan Prezidenti Nursultan Nazarbayevin Azərbaycana səfəri zamanı razılığa gəlinib. Bakıda keçirilən görüşlər zamanı Azərbaycan və Qazaxıstan arasında iqtisadi əməkdaşlıq üzrə Birgə Hökumətlərarası Komissiyaya yeni tapşırıqların verildiyini, iki ölkə arasında əlaqələrin daha da möhkəmləndirilməsi üçün komissiya çərçivəsində mühüm tədbirlərin görülməli olduğunu vurğulayan diplomat qeyd edib ki, əsas hədəfimiz növbəti illərdə iki ölkə arasında ticarət dövriyyəsini 2-3 dəfəyədək artırmaqdır. Hökumətlərarası komissiyanın iclasında konkret sahələr və istiqamətlər üzrə müzakirələr aparılacaq.xeber100.com

Dövlət Statistika Komitəsinin məlumatı

Dəmir yolu nəqliyyatı ilə 2017-cı ilin yanvar-aprel aylarında 5,1 milyon ton yük, 799,7 min sərnişin daşınıb.Dövlət Statistika Komitəsinin mətbuat xidmətindən Azərtac-a bildirilib ki, 2016-ci ilin eyni dövrü ilə müqayisədə yük daşınmasında 10,9 faiz, sərnişin daşınmasında isə 34,6 faiz artım müşahidə olunub.Orta hesabla sutkada 363 vaqon yüklənib, 423 vaqon isə boşaldılıb. Sutka ərzində dəmir yolunun Şimal istiqaməti üzrə 13,8 min ton, Qərb istiqaməti üzrə 5,2 min ton, Cənub istiqaməti üzrə 0,9 min ton yüklənmə işi yerinə yetirilib.xeber100.com

Metro nəqliyyatının xidmətindən istifadə edən sərnişinlərin sayı artıb

2017-ci ilin yanvar-aprel aylarında metro nəqliyyatından istifadə edən sərnişinlərin sayında artım müşahidə olunub.Dövlət Statistika Komitəsindən Azərtac-a bildirilib ki, metro nəqliyyatının xidmətindən istifadə edən sərnişinlərin sayı 5,8 faiz artaraq 76 milyon nəfərə çatıb.xeber100.com

Dövlət Statistika Komitəsinin məlumatı

Dəmir yolu nəqliyyatı ilə 2017-cı ilin yanvar-aprel aylarında 5,1 milyon ton yük, 799,7 min sərnişin daşınıb.Dövlət Statistika Komitəsinin mətbuat xidmətindən Azərtac-a bildirilib ki, 2016-ci ilin eyni dövrü ilə müqayisədə yük daşınmasında 10,9 faiz, sərnişin daşınmasında isə 34,6 faiz artım müşahidə olunub.Orta hesabla sutkada 363 vaqon yüklənib, 423 vaqon isə boşaldılıb. Sutka ərzində dəmir yolunun Şimal istiqaməti üzrə 13,8 min ton, Qərb istiqaməti üzrə 5,2 min ton, Cənub istiqaməti üzrə 0,9 min ton yüklənmə işi yerinə yetirilib.xeber100.com

“Fitch Ratings” beynəlxalq reytinq agentliyinin məlumatına görə…

Neft İxrac edən Ölkələr Təşkilatının (OPEC) hasilat səviyyəsinin azaldılması üzrə sazişin müddətini uzatması qlobal xam neft ehtiyatlarının böyük hissəsinin azalmasına kömək olacaq.Azərtac xəbər verir ki, bu barədə “Fitch Ratings” beynəlxalq reytinq agentliyinin məlumatında deyilir.“Sazişin müddətinin 2018-ci ilin mart ayının sonuna qədər uzadılması dünya üzrə xam neft ehtiyatlarının həcminin böyük hissəsinin azalmasına kömək olacaq. Lakin qlobal xam neft ehtiyatlarının həcmi gələn il yenidən arta bilər. OPEC neft hasilatının səviyyəsinin azaldılmasına dair sazişin müddətini gələn il yenidən uzatmasa, qlobal miqyasda yeni neft layihələri icra edilərsə və ABŞ-da şist nefti hasilatı artarsa bu, qlobal ehtiyatların həcmini yenidən artıracaq”.“Fitch Ratings”ə görə, əgər qlobal neft ehtiyatları azalmasa və neftin qiyməti bahalaşmasa OPEC hasilat səviyyəsinin azaldılması üzrə sazişin müddətini uzatmaya bilər. OPEC sazişin müddətini uzatmadan öncə əvvəlki hasilat səviyyəsinə qayıdaraq bazar payını qorumağa çalışacaq. Kartelə üzv ölkələr isə neft hasilatının həcmini artıraraq gəlirlərini yüksəltməyi seçə bilərlər.Reytinq agentliyi “Brent” markalı xam neftin bir barrelinin qiymətinin qısa müddətdə 50-55 dollar, uzun müddətdə isə 65 dollar/barrel səviyyəsində olacağını nəzərdə tutur.Xatırladaq ki, mayın 25-də Vyanada OPEC Nazirlər Şurasının 172-ci iclası çərçivəsində kartelə üzv və qeyri-OPEC ölkələr neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılmasına qərar veriblər.xeber100.com

Azərbaycan Ticarət Evi açılıb

Belarus Respublikasının Prezidenti Aleksandr Lukaşenkonun ötən ilin noyabrında Azərbaycana rəsmi səfəri zamanı Prezident İlham Əliyevlə müzakirə olunan bir sıra məsələlərlə yanaşı, qısa müddət ərzində hər iki ölkə arasında əmtəə dövriyyəsinin artırılması, Azərbaycanın idxalında Belarus məhsullarının payının çoxaldılması, Belarusda Azərbaycan Ticarət Evinin yaradılması, bu ölkədə istehsal edilməyən kənd təsərrüfatı və emal sənayesi məhsullarının Azərbaycandan idxal olunması barədə tapşırıqlar verilib.Verilmiş tapşırıqların icrası olaraq, Azərbaycan Respublikasının İqtisadiyyat Nazirliyi tərəfindən Belarus Respublikasının paytaxtı Minsk şəhərində ümumi sahəsi 529 kvadratmetr olan Azərbaycan Ticarət Evinin təşkili işləri başa çatdırılıb. Ticarət Evinin idarə edilməsi məqsədilə “Azərbaycan Ticarət Evi” MMC yaradılaraq Belarus Respublikasında dövlət qeydiyyatına alınıb.Azərtac xəbər verir ki, Minskdə hər iki ölkənin dövlət və hökumət nümayəndələrinin, o cümlədən Azərbaycan-Belarus Parlamentlərarası əlaqələr üzrə işçi qrupunun üzvlərinin, həmçinin iş adamlarının iştirakı ilə Azərbaycan Ticarət Evinin açılışı olub.xeber100.com

Beynəlxalq Enerji Xartiyasının forumu keçiriləcək

Türkmənistanın 2017-ci ildə Enerji Xartiyası Konfransına sədrliyi ilə mayın 30-31-də Aşqabadda Beynəlxalq Enerji Xartiyasının Aşqabad forumu keçiriləcək.Azərtac xəbər verir ki, “Enerji resurslarının tranziti üzrə çoxtərəfli çərçivə sazişinə doğru” mövzusunda keçiriləcək forumun məqsədi qlobal enerji təhlükəsizliyində və dayanıqlı inkişafda tranzitin rolu barədə məzmunlu diskussiyaları stimullaşdırmaqdır.Forumun işində enerji resurslarının, o cümlədən təbii qaz, neft və elektrik enerjisi tranzitinin praktiki, hüquqi və tənzimləyici aspektlərini müzakirə etmək üçün dövlət vəzifəli şəxslər, beynəlxalq təşkilatların, sənaye sektorunun və elmi müəssisələrin nümayəndələri iştirak edəcəklər.Mayın 31-də kütləvi informasiya vasitələrinin iştirakı ilə beynəlxalq energetika media-forumu keçiriləcək.xeber100.com

NATO Parlament Assambleyasının iclası keçirilib

NATO Parlament Assambleyasının (PA) yaz sessiyası çərçivəsində qurumun iqtisadiyyat və təhlükəsizlik komitəsinin iclası keçirilib.İclasda əsasən qlobal istiləşmə, ərzaq təhlükəsizliyi, iqlim dəyişikliyi, bu amillərin iqtisadiyyata təsiri, iqtisadi təhlükəsizlik, NATO PA-nın maliyyələşməsində bərabərlik prinsipləri və s. məsələlər müzakirə olunub.NATO PA-da Azərbaycan nümayəndə heyətinin üzvü, Milli Məclisin deputatı Qüdrət Həsənquliyev Azərtac-a müsahibəsində deyib ki, iclasda Gürcüstanın Strateji və Beynəlxalq Araşdırmalar Fondunda Avropa İttifaqının araşdırmaları üzrə direktoru Kaxa Qoqolaşvili məruzə ilə çıxış edib. O, ölkəsinin iqtisadi inkişafı, iqtisadi təhlükəsizliyi, investisiya mühiti və imkanları barədə məlumat verib. Gürcü ekspert ölkəsinə investisiya yatiran xarici ölkələr sırasında Azərbaycanın rolunu xüsusi qeyd edib. O deyib ki, Gürcüstan iqtisadiyyatının inkişafında Azərbaycanın rolu böyükdür. Azərbaycan Gürcüstanın təkcə enerji sahəsinə deyil, kənd təsərrüfatı, bank sistemi, infrastruktur layihələrinə də sərmayə qoyur. 2016-cı ildə Azərbaycan Gürcüstana sərmayə qoyan ölkələr sırasında birinci yerdə olub. İkinci yerdə dayanan Türkiyənin Gürcüstana yatırdığı sərmayələrin həcmi Azərbaycanın yatırdığı sərmayələrdən iki dəfə azdır.Qoqolaşvili Azərbaycanın təşəbbüsü ilə reallaşan Bakı-Tbilisi-Ceyhan, Bakı-Supsa, Bakı-Tbilisi-Qars neft və qaz kəmərlərinin regionun və Avropanın enerji təminatında və iqtisadi təhlükəsizliyində əhəmiyyətini xüsusi qeyd edib. Bildirib ki, Azərbaycanın təşəbbüsü ilə həyata keçirilən daha bir layihənin – Bakı-Tbilisi-Qars dəmir yolunun tikintisi yaxın vaxtlarda başa çatacaq. Bu layihə Asiya ilə Avropanı birləşdirməklə yanaşı, iqtisadi təhlükəsizliyimizdə və inkişafımızda mühüm rol oynayacaq.xeber100.com