“Kapital Bank”ın səhmdarlarının növbəti yığıncağı keçirilib

Aprelin 4-də "Kapital Bank"ın səhmdarlarının növbəti yığıncağı keçirilib.Bankdan Azərtac-a bildiriblər ki, yığıncaqda bir sıra qərarlar qəbul olunub: "Kapital Bank"ın nizamnaməsi yeni redaksiyada təsdiq edilib, "Səhmdarların ümumi yığıncağının çağrılması və keçirilməsi Qaydaları", "Hesablama Komissiyası haqqında Əsasnamə" və 2016-cı ilin yekunlarına dair maliyyə hesabatları təsdiqlənib, Müşahidə Şurasının əsasnaməsinə əlavə və dəyişikliklər olunub, 2016-cı ilin maliyyə ilinin yekunlarına əsasən səhmdarlara dividendlərin ödənilməsi barədə qərar qəbul edilib.Eyni zamanda, "PAŞA Holdinq"in biznes qrupu üzrə direktoru və holdinqin icraçı direktorunun müavini Fərid Məmmədov Müşahidə Şurasının üzvü təyin edilib.xeber100.com

“Brent” markalı xam neftin bir barrelinin qiyməti…

“Brent” markalı xam neftin bir barrelinin qiyməti 53 dolları ötüb.Azərtac xəbər verir ki, hazırda “Brent” markalı neftin bir barreli Londonun ICE birjasında 53,45 dollara, “Layt” neftinin bir barreli isə Nyu-Yorkun NYMEX birjasında 50,59 dollara alıcı axtarır.Analitiklərin fikrincə ötən həftə ABŞ-da neft ehtiyatlarında az səviyyədə artıma, həmçinin də benzin ehtiyatlarının azalmasına, eləcə də ölkədə qazma quyularının sayındakı artıma baxmayaraq Neft İxrac edən Ölkələr Təşkilatına (OPEC) inamın artması neftin qiymətinin bahalaşmasını dəstəkləyir.Bundan başqa, bu həftə ərzində OPEC tərəfindən neft hasilatının azaldılmasını nəzərdə tutan sazişə dair bəyanatların olması gözlənilir.xeber100.com  

Əmlak Məsələləri Dövlət Komitəsi yeni hərraclar elan edib

Əmlak Məsələləri Dövlət Komitəsi (ƏMDK) tərəfindən aprelin 25-də və mayın 2-də keçirilməsi nəzərdə tutulan yeni hərraclar elan olunub.Komitədən Azərtac-a bildirilib ki, aprelin 25-də keçiriləcək hərraca ümumilikdə 20 səhmdar cəmiyyət çıxarılıb. Özəlləşməyə çıxarılan bu müəssisələrin əksəriyyəti sənaye, nəqliyyat, tikinti, inşaat kimi müxtəlif sahələrə aiddir. Hərraca çıxarılan müəssisələr sırasında “Ağcabədi Aqrotexservis”, “Astaraçay-3”, “Masazır Quşçuluq”, “Masallı Şıxlar Broyler”, “Neftçala Ət” kimi iri dövlət əmlakları var. Özəlləşdirmə portalına (privatization.az) daxil olmaqla, hərraca çıxarılan səhmdar cəmiyyətlərin nizamnamə kapitalı, hüquqi ünvanı, 1 səhmin nominal dəyəri, ilkin satış qiymətinin 10 faizi həcmində hesablanmış behin məbləği barədə ətraflı məlumatlar yerləşdirilir.Komitədən bildirilib ki, istənilən şəxs və ya media üzvü hərrac günü gəlib hərracda iştirak edərək prosesi izləyə bilər. Eyni zamanda, hərrac zalındakı böyük monitorlar vasitəsilə respublikanın digər şəhər və rayonlarında keçirilən hərraclar da canlı izlənilir.ƏMDK yerli və xarici investorları, sahibkarları, iş adamlarını və mülkiyyət sahibi olmaq istəyən hər bir kəsi özəlləşmədə fəal iştirak etməyə dəvət edir.xeber100.com

Mobil internetdən istifadənin həcmi artıb

Azərbaycanda mobil internetdən istifadənin həcmi artıb.Azərtac xəbər verir ki, bu ilin birinci rübündə internetə daxil olmaq üçün mobil cihazlardan istifadə 57,49 faiz təşkil edib ki, bu da ötən ilin müvafiq dövrü ilə müqayisədə 7,41 faiz çoxdur. Dünya üzrə bu göstərici 2017-ci ilin ilk üç ayında 55,05 faizə bərabər olub. Ümumilikdə Azərbaycanda mobil cihazlardan internetə daxilolmalar 2016-cı ildə 52,03 faiz təşkil edib. Yalnız bu ilin martında isə mobil cihazların payı 58,25 faizə çatıb.Eyni zamanda Azərbaycan bazarında mobil əməliyyat sistemlərinin mövqeləri də məlum olub. Belə ki, ötən ilin ilk rübü ilə nisbətdə bu il Android əməliyyat sisteminin mövqeləri 5 faizdən çox artaraq 76,13 faiz olub. Apple şirkətinin iOS sistemi isə 1,14 faiz geriləyərək 16,52 faizlə ikinci olub. Həmçinin mobil cihazlar üçün Windows sistemi də əvvəlki mövqelərini itirməkdə davam edir.Mobil cihazlar və kompyuter vasitəsilə sosial mediadan istifadəyə gəlincə bu ilin ilk 3 ayında ötən ilin həmin dövrü ilə müqayisədə azalma olub. Belə ki, ötən ilin birinci rübündə mobil cihazlarla Facebook-dan istifadə 94,12 faiz idisə, bu il həmin göstərici 89,55 faizə düşüb. Eyni vəziyyət bu ilin fevral və mart ayları ilə müqayisədə də müşahidə olunur. Fevralda həm mobil, həm də kompyuter vasitəsilə Facebook-da fəallıq 83,61 faiz, martda isə 74,96 faiz olub. Lakin Twitter, İnstagram və Pinterest sosial şəbəkələrində artım qeydə alınıb.Qeyd edək ki, bu il martın 31-nə olan vəziyyətə əsasən, Azərbaycanda internet istifadəçilərinin sayı 7 milyon 531 mindən artıq olub. Bu barədə İnternet Word Stats təşkilatının son hesabatında qeyd olunur. Statistikaya əsasən, ötən ilin iyunundan indiyədək 1,5 milyondan çox artım qeydə alınıb. Azərbaycan əhalisinin 75,5 faizi internetlə əhatə olunub.xeber100.com

“Made in Azerbaijan” brendinin təbliği məqsədilə…

"Made in Azerbaijan" brendinin təbliği məqsədilə bu ilin sonunadək 3 ölkəyə ixrac missiyası təşkil ediləcək.Azərtac xəbər verir ki, müxtəlif ölkələrdə "ticarət ev"lərinin təşkili, səfirlik və konsulluqlarda ticarət nümayəndələrinin təyinatı proseslərinə də start verilib.Azərbaycan mənşəli qeyri-neft məhsullarını ixrac edən sahibkarlara məhsulun növünə görə ixrac dəyərinin 3-6 faizi məbləğində ixrac təşviqinin ödənilməsinə başlanılıb. Bu çərçivədə şərab, pambıq ipliyindən məmulatlar, konservlər, su və şirələr, fındıq və digər məhsulların Rusiya, ABŞ, Çin, Almaniya, Türkiyə və Belarus və s. ölkələrə ixracı ilə əlaqədar sahibkarlara ixrac təşviqi artıq ödənilir.Ümumiyyətlə, "Made in Azerbaijan" brendinin xarici bazarlarda təşviqinə xüsusi diqqət yetirilir.Qeyd edək ki,"Made in Azerbaijan" brendi Birləşmiş Ərəb Əmirlikləri və Almaniyada sərgilərdə də vahid ölkə stendi ilə nümayiş olunub. Azərbaycan məhsullarının Körfəz regionunun ticarətində önəmli yerə malik olan "Lulu" marketlər şəbəkəsində satışı barədə razılıq əldə olunub. Həmçinin spirtli içkilər, eləcə də yerli şərablar Almaniyada böyük maraqla qarşılanıb. Litvada şərab məhsullarını distribüterliyi ilə məşğul olan şirkət tərəfindən ilkin olaraq 200 litr Azərbaycan şərabı alınıb.xeber100.com

“Azərbaycan Dəmir Yolları” QSC-nin məlumatı

Bakı-Tbilisi-Qars dəmir yolu layihəsinin gecikmə səbəbi hava şəraiti olub.Azərtac xəbər verir ki bu sözləri "Azərbaycan Dəmir Yolları" QSC-nin sədri Cavid Qurbanov jurnalistlərə açıqlamasında deyib.O bildirib ki, Bakı-Tbilisi-Qars dəmir yolunun Qars hissəsində 47-54 dərəcə arası şaxta olub. Bu tikinti işlərinin aparılmasına maneə yaradıb. Qars tərəfdə 80 kilometr yolun 27 kilometrində dəmir yolunun üst yatağı hazırdır.C.Qurbanov qeyd edib ki, may ayının əvvəllərində ölkə rəhbərliyinin icazəsi ilə Qarsa səfər edib vəziyyətlə maraqlanacaq. Bu ilin sentyabr ayının əvvəllərində isə dəmir yolunun açılışı gözlənilir."Azərbaycan və Gürcüstan tərəfdə işlər demək olar yekunlaşıb. 10-15 faiz işlər qalıb ki, bunlar dəmir yolunun elektrikləşdirmə məsələsidir. Ola bilsin ilk mərhələdə 100 kilometrə yaxın məsafəni dizel lokomotivləri ilə çalışdıq", - deyə C.Qurbanov vurğulayıb.Bakı-Tbilisi-Qars dəmir yolu ilə daşınmalardan danışan C.Qurbanovun sözlərinə görə ilk olaraq sərnişin yaxud yükdaşınması insanların tələbləri əsasında müəyyənləşdiriləcək. Bakı-Tbilisi-Qars dəmir yolu ilə daşınmalar həyata keçirmək üçün İsveçrədən 30 vaqon alınıb. Bunların bir hissəsinin dəyəri ödənilib, bir hissəsinin isə krediti yaxınlarda yekunlaşacaq.xeber100.com

Bakı Fond Birjasında hərrac keçiriləcək

Aprelin 4-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, istiqrazların ümumi həcmi 20 milyon manat, bir istiqrazın nominal dəyəri 100 manat, tədavül müddəti 91 gündür. İstiqrazlar iyulun 4-də ödəniləcək. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərti ilə qəbul edilməsinə icazə verilir.xeber100.com

Neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,25 dollar ucuzlaşaraq 53,62 dollar təşkil edib.xeber100.com

Baltikyanı ölkələrin toplantısı keçiriləcək

Aprelin 2-4-də Antalyada 25 ölkənin Mərkəzi Bankının sədrlərindən ibarət Rəhbərlər Klubunun Mərkəzi Asiya, Qara dəniz və Baltikyanı ölkələrinin toplantısı keçiriləcək.Azərtac xəbər verir ki, mətbuata qapalı olaraq reallaşacaq toplantının əsas mövzuları pul siyasəti və maliyyə sabitliyi ilə iqtisadi dayanıqlılığın artırılmasıdır. Tədbirdə kluba üzv ölkələrdəki aktual iqtisadi və maliyyə proseslərinə dair təqdimatlar ediləcək.Qeyd edək ki, Azərbaycan bu klubun üzvüdür.Klub Mərkəzi Asiya, Qara dəniz və Baltikyanı ölkələrinin Mərkəzi Bankları arasında əlaqələri inkişaf etdirmək, bankçılıq və maliyyə sahələrində texniki əməkdaşlıq imkanlarını araşdırmaq, maliyyə və mərkəzi bankçılıq mövzularında informasiya mübadiləsini həyata keçirmək üçün 1991-ci il mayın 1-də 10 ölkənin Mərkəzi Bankının imzaladığı protokol əsasında yaradılıb.Kluba üzv ölkələr: Albaniya, Azərbaycan, Belarus, Bosniya-Herseqovina, Bolqarıstan, Çexiya, Çin, Gürcüstan, Xorvatiya, İsrail, Çernoqoriya, Qazaxıstan, Qırğızıstan, Makedoniya, Moldova, Polşa, Rumıniya, Rusiya, Serbiya, Sloveniya, Tacikistan, Türkiyə, Ukrayna və Yunanıstan.Kluba üzv ölkələrin mərkəzi banklarının sədrləri ildə iki dəfə toplanaraq pul siyasətini həyata keçirməklə aktual iqtisadi və maliyyə sahəsində irəliləyişləri müzakirə edirlər.xeber100.com

“Enagás” TAP qaz boru kəməri layihəsinə sərmayə qoyacaq

İspaniyanın “Enagás” enerji şirkəti 2020-ci ilədək Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri layihəsinə 1,450 milyard avro sərmayə qoymağı nəzərdə tutur.AZƏRTAC xəbər verir ki, bu barədə şirkətin idarə heyətinin sədri Antonio Larden deyib. Şirkətin səhmdarlarının ümumi iclası zamanı çıxış edən A.Larden bildirib ki, qitənin qaz bazarı üzrə Avropa Komissiyasının əsas vəzifələri təchizat və bazar inteqrasiyasının diversifikasiyasıdır.“Enagás” bu məqsədlərə nail olmaq üçün iki əsas layihədə iştirak edir. Bunlardan biri Fransa ilə İspaniya arasında şəbəkələrarası sistemin yaradılması layihəsidir. Digəri isə Yunanıstan, Albaniya və Adriatik dənizindən keçərək İtaliyayadək uzanacaq TAP qaz boru kəməridir”, - deyə o əlavə edib.Şirkətin baş icraçı direktoru Marcelino Oreja isə deyib ki, “Enagás” 2016-cı ildə 417,2 milyon avro xalis mənfəət əldə edib. Bu rəqəm əvvəlki illə müqayisədə 1,1 faiz artıb.Qeyd edək ki, “Enagás” TAP boru kəməri layihəsində 16 faizlik səhmə sahibdir. Şirkət İspaniyanın aparıcı təbii qaz nəqli şirkəti olmaqla ölkənin qaz sistemi şəbəkəsinin texniki meneceridir. “Enagás” 1972-ci ildə təsis edilib.xeber100.com