Əməkdaşlıq Memorandumu imzalanacaq

Britaniya Standartlar İnstitutu ilə yerli sertifikatlaşdırma orqanları arasında “İxracyönümlü məhsulların Avropa bazarına çıxarılmasına dair müştərək sertifikatlaşdırma fəaliyyətinin aparılmasına dair” Əməkdaşlıq Memorandumu imzalanacaq. Standartlaşdırma, Metrologiya və Patent üzrə Dövlət Komitəsindən Azərtac-a bildiriblər ki, komitənin təşkilatçılığı ilə dekabrın 14-də Bakıda “İdarəetmə sistemlərinə aid olan yeni İSO standartları haqqında müəllifdən məlumatlar” adlı master klass keçiriləcək.xeber100.com

Trans-Anadolu qaz boru kəmərinin inşası çərçivəsində…

Trans-Anadolu qaz boru kəməri (TANAP) layihəsi üzrə işlərin 55 faizi görülüb.Azərtac xəbər verir ki, bu barədə TANAP-ın baş direktoru Saltuk Düzyol məlumat verib.O bildirib ki, TANAP-ın inşası çərçivəsində qurudakı 4 lot üzrə indiyədək 1570 kilometr uzunluğunda xəndək qazılıb və 1200 kilometr boruların qaynağı tamamlanıb. Türkiyənin təbii qazı qəbul edəcək Əskişəhərdə 56 düymlük borulardan istifadə olunur. Boru kəmərinin Əşkişəhərdən Yunanıstan sərhədinə qədər olan hissəsi 48 düymlük borulardan inşa ediləcək. TANAP-ın 19 kilometrlik Çanaqqala boğazı hissəsi 36 düymlük iki paralel boru kəmərindən ibarət olacaq. Boru kəmərinin tikintisi işləri çərçivəsində sahələrdə təxminən 10 min işçi çalışır."Türkiyəyə nəql ediləcək ümumilikdə 6 milyard kubmetrlik qazın 2018-ci il iyunun sonunda ilkin mərhələdə 2 milyard kubmetri qəbul olunacaq. Həmin həcm sonrakı il 4 milyard kubmetrə, daha sonrakı il isə 6 milyard kubmetrə çatacaq", - deyə S.Düzyol əlavə edib.xeber100.com

Vergi partnyorluğu idarələri yaradılıb

2017-ci il yanvarın 1-dən etibarən Vergilər Nazirliyi intizamlı vergiödəyiciləri üçün “Yaşıl dəhliz” prinsipi əsasında fərdi və sürətli xidmətlərin göstərilməsinə başlayacaq. Bu məqsədlə Vergilər Nazirliyi yanında Bakı Vergilər Departamenti və 1 saylı Vergilər Departamentində Şəffaf vergi partnyorluğu idarələri yaradılıb.Vergilər nazirinin müşaviri, nazirliyin Vergiödəyicilərinə xidmət baş idarəsinin rəisi Ələkbər Məmmədov sözügedən idarələrin fəaliyyəti və vergiödəyicilərinə göstəriləcək xidmətlərlə bağlı Azərtac-a məlumat verib.Ə.Məmmədov qeyd edib ki, Azərbaycan Respublikası Prezidentinin “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” 4 avqust 2016-cı il tarixli Sərəncamı ilə vergiödəyicilərinin hüquqlarının qorunması, vergi orqanları ilə vergiödəyiciləri arasında münasibətlərin daha şəffaf qurulması və yüksək səviyyəyə çatdırılması əsas hədəflərdən biri kimi müəyyən edilib.xeber100.com

Daxili auditor kursu təşkil olunub

SOCAR-ın Təlim, Tədris və Sertifikatlaşdırma İdarəsində “Büro Veritas” şirkətinin mütəxəssisi, təlimçi Cəlal Quliyevin iştirakı ilə İSO 9001:2015 (Keyfiyyət İdarəetmə Sistemi) və İSO 14001:2015 (Ətraf Mühitin İdarəetmə Sistemi) standartları üzrə Daxili Auditor kursu təşkil olunub.SOCAR-ın mətbuat xidmətindən Azərtac-a bildirilib ki, kursda şirkətin müəssisələrində İSO standartlarına cavabdeh olan 16 mütəxəssis iştirak edib. Təlim kursu iştirakçıları şirkətdaxili inteqrasiya olunmuş İSO 9001:2015 və İSO 14001:2015 İdarəetmə Sistemlərinin qurulması, idarəetmənin planlaşdırılması və tətbiqi ilə bağlı maarifləndirmək məqsədi daşıyıb. Kursun proqramı IRCA (International Register of Certificated Auditors) sertifikatlı daxili inteqrasiya olunmuş İSO 9001:2015 və İSO 14001:2015 İdarəetmə Sistemlərinin təlimlərinə uyğun qaydalar nəzərə alınmaqla hazırlanıb.Təlimin sonunda biliklər yoxlanılacaq və imtahandan uğurla keçən dinləyicilərə “Büro Veritas” şirkətinin sertifikatları veriləcək.xeber100.com

Dünya birjalarında neftin qiyməti…

Dünya birjalarında neftin qiymətinin bahalaşması davam edir.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,66 dollar bahalaşaraq 51,50 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,44 dollar artaraq 54,33 dollar olub.xeber100.com

Asiya İnfrastruktur İnvestisiya Bankının məlumatına görə…

Asiya İnfrastruktur İnvestisiya Bankının (AİİB) Direktorlar Şurası Oman Sultanlığına 2 infrastruktur layihəsi üçün 301 milyon ABŞ dolları kredit ayırıb.Bankın Pekindəki mənzil-qərargahından verilən məlumata əsasən, vəsaitin 265 milyon dolları Dukm limanının inşasına, 36 milyon dolları isə ölkədə dəmir yolu şəbəkəsinin hazırlıq layihəsinin maliyyələşdirilməsinə yönəldiləcək.Bununla AİİB-in fəaliyyətə başladığı ilk ildə ayırdığı ümumi kreditin məbləği 1,13 milyard dollara çatıb. Qeyd edək ki, ölkəmizin də təsisçi-üzvü olduğu bank 100 milyard dollar nizamnamə kapitalı ilə Asiyada enerji, nəqliyyat, şəhərsalma, su təchizatı, logistika, telekommunikasiya və digər sahələr üzrə infrastruktur layihələrini maliyyələşdirir.xeber100.com  

Nyu-Yorkun NYMEX birjasında…

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,07 dollar bahalaşaraq 50,84 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,89 dollar artaraq 53,89 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,04 dollar ucuzlaşaraq 54,43 dollar təşkil edib.xeber100.com

İstiqrazların yerləşdirilməsi üzrə hərrac keçiriləcək

Dekabrın 13-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının (DQİ) yerləşdirilməsi üzrə hərrac keçiriləcək.BFB-dən Azərtac-a bildiriblər ki, istiqrazların ümumi həcmi 10 milyon manat, bir istiqrazın nominal dəyəri 100 manat, tədavül müddəti 91 gündür. İstiqrazlar 2017-ci il martın 14-də ödəniləcək.Hərracda "PAŞA Kapital İnvestisiya Şirkəti" QSC anderrayter vəzifəsində çıxış edəcək.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərti ilə qəbul edilməsinə icazə verilir.xeber100.com

Maliyyələşdirmə Sazişi imzalanıb

Avropa Qonşuluq Alətinin 2015-ci il üzrə Azərbaycan üçün Fəaliyyət Proqramı çərçivəsində 14,5 milyon avro dəyərində “Azərbaycanın Əlaqəli Regional İnkişafı Proqramı”nın Maliyyələşdirmə Sazişi imzalanıb. Saziş iqtisadiyyat naziri, Azərbaycan Respublikasının Avropaya İnteqrasiyası üzrə Dövlət Komissiyasının sədri Şahin Mustafayevin Avropa İttifaqının ölkəmizdəki nümayəndəliyinin rəhbəri xanım Malena Mard ilə görüşündə imzalanıb.İqtisadiyyat Nazirliyinin mətbuat xidmətindən Azərtac-a bildiriblər ki, sazişdə Tvinninq və texniki dəstək, qrant kimi alətlər vasitəsilə kənd yerləri üçün biznes məlumat sisteminin yaradılması, sahibkarlığın inkişafına, eləcə də kiçik və orta müəssisələrə və ailə fermer təsərrüfatlarına yönəlmiş kənd yerlərinin inkişafına dəstək sisteminin təkmilləşdirilməsi, kənd təsərrüfatı məsləhət xidmətləri sistemi şəbəkəsinin tətbiqi, investisiya dəstəyi və istehlakçıların maarifləndirilməsi yolu ilə təbliğat və yerli məhsulların təşviqi nəzərdə tutulur.xeber100.com

SOCAR-ın məlumatına görə…

SOCAR-ın sərmayə qoyduğu “Petlim Limançılık Ticaret A.Ş” şirkətinin 1,5 milyon TEU konteyner saxlama gücünə malik terminalının birinci mərhələsi üzrə işlər bu həftə başa çatdırılıb və əməliyyatlara başlanılıb.SOCAR-ın mətbuat xidmətindən Azərtac-a bildirilib ki, birinci mərhələnin potensialı 800 min TEU konteynerdir. “Petkim”lə əməkdaşlıq çərçivəsində həyata keçirilən “Petlim” konteyner limanı layihəsinin ikinci mərhələsi üzrə işlərin 2017-ci ilin ilk rübündə başa çatdırılması planlaşdırılır.xeber100.com