“AzəriLayt” markalı neftin qiyməti ucuzlaşıb

Azərbaycan neftinin qiyməti cüzi ucuzlaşıb. Azərtac xəbər verir ki, “AzəriLayt” markalı neftin bir barrelinin qiyməti 0,37 dollar ucuzlaşaraq 51,23 dollar təşkil edib.xeber100.com

Nazirlər Kabinetinin Qərarına əsasən…

Bakı şəhərinin Suraxanı, Nəsimi, Xətai, Nərimanov, Nizami, Yasamal, Səbail, Pirallahı, Xəzər rayonlarının sosial-iqtisadi inkişafının sürətləndirilməsinə dair Nazirlər Kabinetinin 25 fevral 2016-cı il tarixli, 86 nömrəli Qərarına əsasən paytaxtda irimiqyaslı yenidənqurma işlərinə başlanılıb. Dövlət Şəhərsalma və Arxitektura Komitəsinin mətbuat xidmətindən Azərtac-a bildirilib ki, pilot layihə kimi dəyərləndirilən yenidənqurma işləri 5 il müddəti üçün nəzərdə tutulub və yararsız vəziyyətə düşmüş 1000-ə yaxın yaşayış binasının sökülməsi, 30 mindən artıq sakinin köçürülməsi, milyonlarla kvadratmetr yaşayış sahəsinin tikilib istifadəyə verilməsi planlaşdırılır. Qeyd olunub ki, bu layihənin həyata keçirilməsi üçün vəsaitin dövlət büdcəsindən yox, yaranmış əlverişli investisiya mühitində sahibkarlar tərəfindən yatırılması nəzərdə tutulub.xeber100.com

Nəqliyyatın hərəkəti məhdudlaşdırılacaq

Bakı şəhəri, Nərimanov rayonu Təbriz küçəsi, 130 ünvanında yerləşən “Bakı Konqres Mərkəzi”nə məxsus ərazidə abadlaşdırılma işlərinin aparılması məqsədilə Gülarə Qədirbəyova küçəsi ilə Xətai prospektinin kəsişməsində yağış suları və kanalizasiya xətlərinin şəhər şəbəkəsinə qoşulması işləri ilə əlaqədar oktyabrın 29-da saat 22:00-dan etibarən Gülarə Qədirbəyova küçəsində (Təbriz küçəsi istiqamətində) nəqliyyat vasitələrinin hərəkəti qismən məhdudlaşdırılacaq. Azərtac xəbər verir ki, bu barədə ictimai əlaqələr və maarifləndirmə şöbəsinin sektor müdiri Mais Ağayev deyib. O bildirib ki, təmir işləri 24 saat davam edəcək. Sürücülərə alternativ olaraq Əhməd bəy Ağaoğlu və Həsənoğlu küçələrindən istifadə etmələri tövsiyə olunur.xeber100.com

“Bolkartla qazan” adlı lotereyaya start verilib

“Bank of Baku” “Bolkart”ın 5 yaşı münasibətilə 500 bolkartlıya bal, 99 bolkartlıya pul mükafatı və bir şanslı bolkartlıya səyahət paketi və 500 manat qazandıracaq lotereyaya start verib. Bankdan Azərtac-a bildiriblər ki, “Bolkartla qazan” adı altında keçirilən tirajlı stimullaşdırıcı lotereyada bütün növ “Bolkart” kredit, həm də “Bolkart” debet kart sahibləri iştirak edə biləcəklər.Lotereyada iştirak hüququ qazanmaq üçün noyabrın 27-dək edilən alış-veriş və onlayn ödəniş məbləğlərinin cəmi dəyəri minimum 20 manat olmalı, həmçinin lotereyanın keçiriləcəyi tarixdən 1 gün əvvəl həmin “Bolkart” aktiv olmalıdır. Ümumi dəyəri 20 manat olan müxtəlif ödənişlərin cəmi kart sahibinə 1 iştirak hüququ qazandırır. Qeyd olunan tarixədək hər 20 manat həcmində olan bütün əməliyyatların sayı qədər bolkartlılar uduş şansı qazanmış olacaqlar. Lotereyanın uduş fonduna daxil olan əsas hədiyyə 1 ədəd 2 nəfərlik səyahət paketindən ibarətdir. Səyahət paketinə Avropa şəhərlərinin birinə gediş-dönüş uçuş bileti, transfer xidməti və oteldə 5 günlük istirahət daxildir.xeber100.com

“Tour A Vent“ şirkətinin təşkilatçılığı ilə…

Azərbaycan Konqreslər Bürosu və nazirliyin Rusiyadakı turizm nümayəndəliyi olan “Tour A Vent“ şirkətinin təşkilatçılığı ilə Moskvada “Azərbaycan görüşlər sənayesi” adlı tədbir təşkil olunacaq. Nazirlikdən Azərtac-a bildirilib ki, tədbirin keçirilməsi ölkəmizdə işgüzar turizmin inkişaf etdirilməsi, Rusiya bazarının Azərbaycan görüşlər sənayesinə olan marağının artırılması məqsədi daşıyır. İkinci dəfə təşkil olunacaq bu işgüzar görüş noyabrın 3-də baş tutacaq və Rusiyanın işgüzar turizm sahəsində çalışan nüfuzlu təşkilat və vasitəçilərini büronun tərəfdaşları ilə bir araya gətirəcək. Görüşdə büronun tərəfdaş şirkətləri və Rusiya alıcıları arasında üz-üzə görüşlərin keçirilməsi də nəzərdə tutulur.xeber100.com

“Transxəzər Beynəlxalq Nəqliyyat Marşrutu: reallıqlar və perspektivlər”…

Oktyabrın 27-də Ukrayna paytaxtında “Beynəlxalq Transxəzər Nəqliyyat Konsorsiumu tərəfindən təşkil edilən “Transxəzər Beynəlxalq Nəqliyyat Marşrutu: reallıqlar və perspektivlər” mövzusunda “dəyirmi masa” keçirilib. Tədbirdə GUAM Katibliyi proqramlarının əlaqələndiricisi Səbuhi Təmirov iştirak edib. Bu barədə Azərtac-a qurumun Kiyevdəki mənzil-qərargahından məlumat verilib. GUAM Katibliyinin əlaqələndiricisi nəqliyyat dəhlizinin inkişafının qurum üçün böyük əhəmiyyətini qeyd edib, GUAM-ın nəqliyyat sahəsində cari fəaliyyəti barədə məlumat verib. Bu kontekstdə S.Təmirov GUAM-ın nəqliyyat dəhlizinin inkişafı haqqında Konsepsiyası, “GUAM-Tranzit-2” xüsusi konfransının (2015, 19 noyabr) nəticələri barədə informasiyanı təqdim edib.xeber100.com

“Muğanbank Çek” üzrə beşinci tirajı keçiriləcək

“Muğanbank” ASC-nin baş ofisində oktyabrın 31-də, saat 10:00-da “Muğanbank Çek” üzrə beşinci tirajı keçiriləcək. Bankdan Azərtac-a bildiriblər ki, “Muğanbank Çek”lər üzrə hər tirajın uduş fondu 87 500 AZN, uduşlu çeklərin sayı isə 300 ədəd təşkil edir. Maksimum uduş məbləği 10 000 AZN-dir. Bank tərəfindən 10 milyon manat dəyərində 200.000 ədəd “Muğanbank Çek” dövriyyəyə buraxılıb. Hər çekin nominal dəyəri 50 manatdır. “Muğanbank Çek” sahiblərinə hər bir tiraj barədə məlumat verilir və onların bankın baş ofisinə gələrək hər bir tirajda iştirak etmək hüququ var.xeber100.com

“Qeyri-neft sənaye sahələrinin inkişafı: mebel sənayesi”…

Oktyabrın 28-də Bakıda “Qeyri-neft sənaye sahələrinin inkişafı: mebel sənayesi” mövzusunda tədbir keçirilir. Azərtac xəbər verir ki, iqtisadiyyat nazirinin müavini Niyazi Səfərov qeyd edib ki, son dövrlərdə yeni istehsal sahələrinin yaradılması Azərbaycanın ixrac potensialına müsbət təsir edir. Azərbaycanın sənayesində ənənəvi sahələrlə yanaşı, digər müasir sənaye sahələri də yaradılıb, inkişaf etdirilir. Ölkəmizdə mebel istehsalı sahəsində “Saloğlu” mebel istehsalı müəssisəsi, “Foriella” MMC, “Embawood” MMC kimi müəssisələr fəaliyyət göstərir. Bu cür müəssisələrin açılması ölkəmizdə sənaye sahəsinin inkişafına əhəmiyyətli dərəcədə töhfə verir.xeber100.com

Dünya birjalarında neftin qiyməti…

Dünya birjalarında neftin qiymətinin ucuzlaşması davam edir. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,78 dollar ucuzlaşaraq 49,18 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,81 dollar azalaraq 49,98 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,31 dollar ucuzlaşaraq 51,41 dollar təşkil edib.

“Şəhərsalma və Tikinti Məcəlləsində dəyişikliklər edilməsi haqqında”…

Oktyabrın 27-də Milli Məclisin aqrar siyasət və hüquq siyasəti və dövlət quruculuğu komitələrinin birgə iclası keçirilir. Azərtac xəbər verir ki, iclasda “Azərbaycan Respublikasının Meşə Məcəlləsində dəyişikliklər edilməsi haqqında”, “Ətraf mühitin mühafizəsi haqqında” Azərbaycan Respublikasının Qanununda dəyişikliklər edilməsi barədə”, “Ətraf mühitə dair informasiya almaq haqqında” Qanunda dəyişikliklər edilməsi barədə”, “Azərbaycan Respublikasının Cinayət Məcəlləsində dəyişikliklər edilməsi haqqında”, “Azərbaycan Respublikasının Şəhərsalma və Tikinti Məcəlləsində dəyişikliklər edilməsi haqqında” qanun layihələri müzakirə edilir.xeber100.com