Dünya birjalarında neftin qiyməti…

Dünya birjalarında neftin qiyməti bahalaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,81 dollar bahalaşaraq 46,44 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,73 dollar artaraq 48,83 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0, 68 dollar bahalaşaraq 48,05 dollar təşkil edib.xeber100.com

“Layt” markalı neftin qiyməti bahalaşıb

Dünya birjalarında neftin qiymətinin bahalaşması davam edir. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,37 dollar bahalaşaraq 45,35 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar artaraq 47,78 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,80 dollar bahalaşaraq 47,91 dollar təşkil edib.xeber100.com

50 milyon ABŞ dolları məbləğində vəsait hərraca çıxarılıb

Sentyabrın 6-da Azərbaycan Respublikası Dövlət Neft Fondu (ARDNF) tərəfindən 50 milyon ABŞ dolları məbləğində vəsait hərraca çıxarılıb və 30 banka satılıb. Dövlət Neft Fondunun ictimaiyyətlə əlaqələr şöbəsindən Azərtac-a bildirilib ki, il ərzində ARDNF tərəfindən hərraclar vasitəsilə valyuta satışı davam etdiriləcək.xeber100.com

Yeni kampaniyaya start verilib

“Bakcell” şirkəti “Ulduzum” sadiqlik proqramı çərçivəsində ölkənin vahid dövlət poçt operatoru olan “Azərpoçt” MMC ilə birlikdə yeni kampaniyaya start verib. Şirkətdən Azərtac-a bildirilib ki, kampaniya çərçivəsində “Azərpoçt”un istənilən şöbəsində “Zolotaya Korona” sistemi üzərindən pul köçürmələri həyata keçirən hər bir şəxs “Ulduzum” tərəfindən şəbəkədaxili danışıqlar üçün 5 dəqiqə əldə edəcək. Dəqiqələrin balansa yüklənməsi üçün abunəçi öz “Bakcell” nömrəsini “Azərpoçt” əməkdaşına təqdim etməlidir. Əldə edilən bonus dəqiqələri 3 gün ərzində istifadə edilə bilər. Kampaniya dekabrın 1-dək davam edəcək.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb. Azərtac Mərkəzi Banka istinadla xəbər verir ki, sentyabrın 5-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 15 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 9,49 faiz təşkil edib.xeber100.com

İstiqrazlarının yerləşdirilməsi üzrə hərrac keçiriləcək

Sentyabrın 6-da Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının (DQİ) yerləşdirilməsi üzrə hərrac keçiriləcək. BFB-dən Azərtac-a bildiriblər ki, AZ0104013518 və AZ0102012512 ISIN kodlu istiqrazların ümumi həcmi 30 milyon manat, hər bir istiqrazın nominal dəyəri 200 manat, tədavül müddəti 546 gün, ödəmə tarixi 2017-ci il sentyabrın 5-i və martın 7-dir. "PAŞA Kapital" QSC anderrayter vəzifəsində çıxış edəcək. Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərti ilə qəbul edilməsinə icazə verilir.xeber100.com

Dünya birjalarında neftin qiyməti…

Dünya birjalarında neftin qiyməti bahalaşmaqda davam edir. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,87 dollar bahalaşaraq 45,31 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 1,12 dollar artaraq 47,95 dollar olub.xeber100.com  

Neft bazarının sabitləşməsini nəzərdə tutan bəyanat imzalanıb

Rusiya ilə Səudiyyə Ərəbistanı neft bazarında sabitliyin qorunması və uzunmüddətli perspektivdə sabit sərmayə səviyyəsinin təmin edilməsi üçün digər neft istehsalçıları ilə birgə fəaliyyət haqqında razılığa gəliblər. “TASS” informasiya agentliyi xəbər verir ki, bu barədə Rusiyanın energetika naziri Aleksandr Novak və Səudiyyə Ərəbistanının neft naziri Xalid əl-Falihin imzaladığı birgə bəyanatda deyilir. “Nazirlər neft bazarında sabitliyin qorunması və uzunmüddətli perspektivdə sabit sərmayə səviyyəsinin təmin olunması məqsədilə iri istehsalçı ölkələr arasında konstruktiv dialoq və sıx əməkdaşlığın xüsusi vacibliyini qeyd ediblər. Bununla əlaqədar, nazirlər digər neft istehsalçıları ilə birgə və ya kooperasiyada fəaliyyət göstərmək haqqında razılığa gəliblər”, - deyə bəyanatda qeyd edilir. Həmçinin nazirlər neft bazarında vəziyyət üzrə məsləhətləşmələrin davam etdirilməsi və birgə monitorinq işçi qrupunun yaradılması barədə razılaşıblar.xeber100.com

Nəqliyyat dəhlizinin yaradılması üçün Aşqabad bəyannaməsi imzalanıb

Azərbaycan, Türkiyə və Türkmənistan Pekindən Londonadək nəqliyyat dəhlizinin yaradılması üçün Aşqabad bəyannaməsini imzalayıb. “TRT Haber” telekanalı xəbər verir ki, bu barədə Türkiyənin nəqliyyat, gəmiçilik və kommunikasiyalar naziri Əhməd Arslan deyib. Sənədi Türkiyə tərəfindən Ə.Arslan, Azərbaycan tərəfindən nəqliyyat nazirinin müavini Arif Əsgərov, Türkmənistan tərəfindən isə avtomobil nəqliyyatı naziri Məqsəd Aydoğduyev imzalayıb.xeber100.com

“Azər Türk Bank”ın yeni filialı fəaliyyətə başlayıb

“Azər Türk Bank” “Masallı” filialı fəaliyyətə başlayıb. Bankdan Azərtac-a məlumata görə, filial “ASAN həyat” kompleksində yerləşir. “Azər Türk Bank”ın “Masallı” filialında bank sahəsində geniş bilik və təcrübəyə malik mütəxəssislər tərəfindən fiziki və hüquqi şəxslərə yüksək keyfiyyətli bank xidmətləri göstəriləcək. Bura müxtəlif növ kreditlərin verilməsi, əmanətlərin qəbulu, plastik kartların satışı, təcili pul köçürmələri, valyuta mübadiləsi, kommunal xidmətlərin ödənilməsi kimi müxtəlif çeşidli xidmətlər daxildir. Filial həftə içi hər gün saat 09:30-dan17:00-a qədər müştərilərin xidmətindədir. “Masallı” filialının əməkdaşları həmçinin, “ASAN həyat” kompleksində yerləşən ASAN xidmət mərkəzinin inzibati binasında da müştərilərə xidmət göstərəcəklər. “ASAN xidmət” mərkəzinin inzibati binasında fəaliyyət göstərən əməkdaşların iş rejimi ASAN xidmət mərkəzinin iş rejimi ilə uyğunlaşdırılacaq. Bildirilib ki, “Masallı” filialının yaradılmasında məqsəd bu regiondakı geniş müştəri potensialına bankın sərfəli məhsul və xidmətlərini təklif etmək, regionun iqtisadi inkişafına dəstək verməkdir. Regional filial şəbəkəsinin genişləndirilməsi bankın müasir inkişaf konsepsiyasında prioritet istiqamətlərdən biri kimi müəyyən edilib. Bank ölkədə qeyri-neft sektorunun inkişafına yönəlmiş layihələrin maliyyələşdirilməsində iştirak etməklə Azərbaycan iqtisadiyyatının inkişafına töhfələr vermək niyyətindədir. Qeyd edək ki, bu, “Azər Türk Bank”ın 2016-cı il ərzində Bakıda və regionlarda istifadəyə verilmiş sayca dördüncü yeni xidmət ofisidir. Bundan əvvəl, Bakı şəhərində Bankın 2 saylı şöbəsi, Şirvan şəhərində “Şirvan” filialı, Qəbələ rayonunda “Qəbələ” şöbəsi fəaliyyətə başlayıb.xeber100.com