“Wells Fargo” robot istifadəyə verməyi planlaşdırır

“Bloomberg” agentliyinin məlumatına görə, bazarın kapitallaşdırılması həcminə görə dünyanın ən böyük bankı - “Wells Fargo” 2017-ci ildə məsləhətçi robot istifadəyə verməyi planlaşdırır. Bankın əməliyyat idarəsinin rəisi Tim Sloan bildirib: “Biz məsləhətçi robot hazırlamaq prosesinin qızğın çağındayıq. Çox güman, onu haradasa gələn ilin birinci yarısında istifadəyə verəcəyik”. Qeyd edək ki, “Wells Fargo”nun xalis mənfəəti II rübdə 0,16 milyard dollar azalaraq 5.56 milyard təşkil edib, mədaxili 4 faiz artaraq 22,2 milyard dollara çatıb.xeber100.com

BMT-nin Ticarət və İnkişaf Konfransının 14-cü iclası öz işinə başlayıb

Keniyanın Nayrobi şəhərində BMT-nin Ticarət və İnkişaf Konfransının 14-cü iclası öz işinə başlayıb. Forumda ölkəmizi Azərbaycanda İxracın və İnvestisiyaların Təşviqi Fondunun (AZPROMO) məsul əməkdaşları təmsil edir. AZPROMO-dan Azərtac-a bildiriblər ki, iyulun 22-dək davam edəcək konfrans çərçivəsində debatlar və "dəyirmi masa"lar, tematik tədbirlər, Dünya İnvestisiya Forumu, Qlobal Əmtəə Forumu, Gənclər və Vətəndaş Cəmiyyəti forumları və digər tədbirlər təşkil ediləcək. Dünyada biznes mühitinin, ixrac və investisiyanın qlobal səviyyədə təşviq edilməsi, davamlı inkişafa, tərəqqiyə nail olmaq üçün müvafiq iqtisadi modellərə keçidin təmin olunması kimi mövzuları əhatə edən konfransda bir çox dövlət və hökumət başçıları, nazirlər və biznes cəmiyyətinin nümayəndələri, elm adamları iştirak edir. Konfrans çərçivəsində təşkil olunan ən mühüm tədbirlərdən biri kimi Dünya İnvestisiya Forumuna dünya liderlərinin iştirak etdiyi Qlobal İnvestisiya Sammiti ilə start verilib. Forumda investisiyanın təşviq edilməsi, sahibkarlığın inkişafı, maliyyə, müxtəlif regionlara investisiyaların cəlb olunması, özəl sektorun inkişafı və digər mövzular müzakirə olunacaq.xeber100.com

50 milyon ABŞ dolları məbləğində vəsait hərraca çıxarılıb

İyulun 21-də Azərbaycan Respublikası Dövlət Neft Fondu (ARDNF) tərəfindən 50 milyon ABŞ dolları məbləğində vəsait hərraca çıxarılıb və 26 banka satılıb. Dövlət Neft Fondunun ictimaiyyətlə əlaqələr şöbəsindən Azərtac-a bildirilib ki, il ərzində ARDNF tərəfindən hərraclar vasitəsilə valyuta satışı davam etdiriləcək.xeber100.com

“Microsoft”un gəliri ötən illə müqayisədə 8,8 faiz azalıb

Texnologiya nəhəngi “Microsoft”un illik gəliri 2009-cu ildən bu vaxtadək ilk dəfə azalıb. Azərtac xəbər verir ki, şirkətdən edilən şərhdə 2016-cı maliyyə təqviminin sonuncu rübü olaraq qəbul edilən aprel-iyun aylarında “Microsoft”un gəlirinin ötən illə müqayisədə 8,8 faiz azalaraq 85,3 milyard dollar olduğu bildirilir. Şirkət 2015-ci maliyyə ilində ümumi gəlirinin 93,6 milyard dollar olduğunu açıqlamışdı. Şirkətin xalis mənfəəti isə 7,7 faiz azalaraq 16,8 milyard dollara geriləyib. “Microsoft” keçən il 18,2 milyard dollar xalis mənfəət əldə edib.xeber100.com

Tələbələr üçün yeni kampaniyaya start verilib

DəmirBank tələbələr üçün yeni ”BanKarTələbə - Güc gəlsin bizdən sizə” kampaniyasına start verib. Kampaniyanın şərtlərinə əsasən, 18 yaşı tamam olmuş, ali və orta ixtisas təhsil müəssisələrində oxuyan tələbələr DəmirBankın istənilən filialına yaxınlaşaraq və tələbə biletini təqdim edərək, pulsuz plastik kart əldə edə bilərlər. Hədiyyə olaraq yalnız Visa Electron və MasterCard Maestro kartları təqdim olunur. Kart bir illik verilir. Həmçinin, Bankın müştəriləri “Pul köçürənə/alana plastik kart hədiyyə” kampaniyasından da yararlana bilərlər. Belə ki, aksiya çərçivəsində, məbləğdən asılı olmayaraq, istənilən pul köçürməsi sistemi ilə pul köçürən və ya alan müştəriyə pulsuz debet kartı hədiyyə olunur.DəmirBankın plastik kartları ilə Azərbaycanda, eləcə də dünyanın 200-dək ölkəsində 50 milyondan çox ticarət və xidmət müəssisələrində məhsul və xidmətlərə görə heç bir komissiya tutulmadan nağdsız ödəniş həyata keçirmək mümkündür.xeber100.com

Polşanın Azərbaycandakı səfiri Marek Tsalka Energetika Nazirliyində olub

Polşanın Azərbaycandakı səfiri Marek Tsalka Energetika Nazirliyində olub. Nazirlikdən “Apa-Economics”ə verilən məlumata görə, görüşdə Azərbaycan və Polşa arasında əlaqələrin uğurla inkişaf etdiyi, qarşılıqlı rəsmi səfərlərin və keçirilən görüşlərin, ölkələrimiz arasında fəaliyyət göstərən hökumətlərarası komissiyanın əməkdaşlığın möhkəmləndirilməsində rolu qeyd edilib. Səfir M.Tsalka deyib ki, Azərbaycan təkcə neft və qazla zəngin ölkə deyil, həm də mühüm nəqliyyat qovşağına çevrilməkdədir. Azərbaycanın yeni nəqliyyat sisteminin formalaşdırılması iki ölkə arasında əməkdaşlığın genişləndirilməsi üçün yeni imkanlar yaradır. Onun sözlərinə görə, 26-27 sentyabrda Polşanın İnkişaf nazirinin birinci müavini Radoslav Domaqalski-Labentskinin Sahibkarlar Təşkilatının nümayəndə heyəti ilə birlikdə Azərbaycana səfəri gözlənilir və səfər çərçivəsində iki ölkənin sahibkarlarının görüşlərinin təşkili prioritet istiqamətlər üzrə konkret addımları müəyyənləşdirməyə töhfə verəcək. Görüş zamanı Polşanın İnkişaf nazirinin birinci müavininin həm bu səfərinin, həm də cari ilin sonunda keçirilməsi planlaşdırılan iqtisadi əməkdaşlıq üzrə Polşa–Azərbaycan hökumətlərarası komissiyasının 7-ci iclasının yüksək səviyyədə təşkili məqsədilə bir sıra təkliflər də səsləndirilib. Bildirilib ki, əməkdaşlıq potensialının dəyərləndirilməsi üçün sentyabr ayının birinci yarısında Azərbaycanın aparıcı işgüzar dairələrinin nümayəndələrindən ibarət qrupun Polşaya səfəri də zəruridir. Energetika naziri, Azərbaycan ilə Polşa arasında iqtisadi əməkdaşlıq üzrə hökumətlərarası komissiyanın həmsədri Natiq Əliyev isə lazımi dəstəyin veriləcəyini bildirib. Görüşdə qarşılıqlı maraq doğuran bir sıra digər məsələlər ətrafında da fikir mübadiləsi aparılıb.xeber100.com

III beynəlxalq “DecorExpo” sərgisi keçiriləcək

Gələn il martın 9-11-də Bakı Ekspo Mərkəzində mebel sənayesi, ev tekstili, xalçaçılıq, məişət avadanlıqları və digər dekor əşyaların nümayiş olunacağı III beynəlxalq "DecorExpo" sərgisi keçiriləcək. Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, sərgidə rəsmi şəxslər, distribüterlər, dizaynerlər, məşhur otellərin nümayəndələri, daşınmaz əmlak məsələləri ilə məşğul olan şirkət təmsilçiləri və iş adamlarının iştirakı gözlənilir. Sərginin təşkilatçısı “ELANEXPO”dur. Ən önəmli ticarət sərgiləri təşkilatçılarından olan “ELANEXPO” Azərbaycanla yanaşı, Əlcəzair, Mərakeş, İraq və Qazaxıstanda bir çox sərgilər təşkil edib və hər il keçirilən bu kimi sərgilərdə indiyədək yüzlərlə şirkət təmsil olunub.xeber100.com

VIII Azərbaycan mikromaliyyə konfransı keçiriləcək

Azərbaycan Mikromaliyyə Assosiasiyasının təşkilatçılığı ilə oktyabrın 6-7-də Bakıda "Üfüqdə yeni imkanlar: çətinlikləri perspektivlərə çevirək" adlı VIII Azərbaycan mikromaliyyə konfransı keçiriləcək. Assosiasiyadan Azərtac-a bildiriblər ki, konfransda Mərkəzi Bankın, Maliyyə Bazarlarına Nəzarət Palatasının rəhbər nümayəndələri, Gürcüstan, Rusiya və Orta Asiya da daxil olmaqla, mikromaliyyə sektorunun inkişafında maraqlı olan bank olmayan kredit təşkilatlarının, bankların, 12-dən çox ölkədən investor şirkətlərinin, texniki xidmət təminatçılarının ixtisaslaşmış maliyyə ekspertlərinin iştirakı gözlənilir.xeber100.com

Azərbaycanda regional mərkəzin yaradılmasına qərar verilib

Kimya sənayesi, polimerlər və sənaye yağlarının təchizatı üzrə 17 ölkədə fəaliyyət göstərən Finlandiyanın “Telko” şirkəti Azərbaycanda İxracın və İnvestisiyaların Təşviqi Fondunun (AZPROMO) dəstəyi ilə ölkəmizdə regional mərkəzin yaradılmasına qərar verib. AZPROMO-dan Azərtac-a bildiriblər ki, bununla bağlı AZPROMO və “Telko” MMC arasında gələcəkdə qarşılıqlı əməkdaşlığın davam etdirilməsinə dair anlaşma memorandumu imzalanıb. Hər iki qurum arasında bundan sonrakı mərhələlərdə biznesin genişləndirilməsi, ölkəmizdə fəaliyyət göstərən istehsalçılarla əlaqələrin qurulması və digər məsələlərlə bağlı müzakirələr aparılıb. Müzakirələr zamanı xarici bazarlara çıxış əldə etmək, regionda ticarət və biznes əlaqələrini inkişaf etdirmək baxımından Azərbaycanın strateji mövqeyinin əlverişli olduğu vurğulanıb. “Telko” şirkətinin nümayəndələri Azərbaycanda istehsal olunan kimya məhsullarının şirkətin xarici ofisləri vasitəsilə dünya bazarına ixracının genişləndirilməsinin mümkünlüyünü diqqətə çatdırıblar.xeber100.com

Dövlət Avtomobil Nəqliyyatı Xidmətinin məlumatına görə…

Bakı Beynəlxalq Avtovağzalı və "Metro" turizm şirkəti arasında aparılan danışıqlara əsasən, iyulun 20-dən Bakı-Samandra-Antalya, Bakı-Samandra-Alanya, Bakı-Samandra-Bodrum, Bakı-Samandra-İzmir, Bakı-Samandra-Kuşadası istiqamətində avtobus reysləri həyata keçiriləcək. Bu barədə Azərtac-a Dövlət Avtomobil Nəqliyyatı Xidmətinin ictimaiyyətlə əlaqələr şöbəsinin rəhbəri Şəfa Mehmanqızı məlumat verib. O bildirib ki, şəhərin məsafəsindən asılı olaraq gediş müddəti 30-40 saat arasında dəyişəcək. Reyslər həftənin 2-4-6-cı günləri həyata keçiriləcək. Biletin qiyməti isə 120 manat təşkil edəcək və biletə baqaj daxildir.xeber100.com