“Avtonəqliyyat vasitəsi sahiblərinin mülki məsuliyyətinin icbari sığortası”…

İyun ayı ərzində İcbari Sığorta Bürosunun (İSB) elektron informasiya sistemində "Avtonəqliyyat vasitəsi sahiblərinin mülki məsuliyyətinin icbari sığortası" (AVSMMİS) üzrə büronun iştirakçı sığorta şirkətləri tərəfindən 2 238 sığorta tələbi qeydiyyata alınıb. İSB-dan Azərtac-a bildiriblər ki, bu tələblər üzrə 2,6 milyon manat məbləğdə sığorta ödənişi həyata keçirilib. İyunda nəqliyyat vasitəsinə dəyən zərər üzrə orta sığorta ödənişi 1 144 manat təşkil edib. Ümumilikdə, 2016-cı ilin yanvar-iyun ayları ərzində AVSMMİS üzrə sığorta şirkətləri tərəfindən 9 255 sığorta tələbi üzrə 11 milyon 577 min 849 manat məbləğində sığorta ödənişi həyata keçirilib. Ötən ilin müvafiq dövrü ilə müqayisədə sığorta ödənişlərinin məbləğində 3 faiz azalma müşahidə edilib.xeber100.com

MDB Gömrük Xidməti Rəhbərləri Şurasının 63-cü iclası keçirilib

Qırğızıstanın Çolpon-Ata şəhərində Müstəqil Dövlətlər Birliyi (MDB) Gömrük Xidməti Rəhbərləri Şurasının 63-cü iclası keçirilib. Görüşdə MDB gömrük qurumları arasında əlaqələrin inkişafı istiqamətində geniş fikir mübadiləsi aparılıb, bundan əvvəl qəbul edilən bir sıra sənədlərə əlavə və düzəlişlər edilib. İclasda MDB məkanında azad iqtisadi zonaların yaradılması ilə əlaqədar saziş də ətraflı müzakirə olunaraq müvafiq qərar qəbul olunub.xeber100.com

“Sizinlə Gələcək” adlı yeni kampaniyaya start verilib

“Azər Türk Bank” “Sizinlə Gələcək” adlı yeni kampaniyaya start verib. Bankdan Azərtac-a bildiriblər ki, məqsəd xarici ölkələrdə təhsil alan gənclərimizə dəstək olmaqdır. Kampaniya çərçivəsində tələbə biletini və ya xarici universitetdə oxuduğuna dair hər hansı rəsmi sənədi təqdim edən müştəriyə pulsuz birillik "MasterCard Standart" kartı hədiyyə ediləcək.xeber100.com

118 milyon 916 min manatdan artıq kompensasiya ödənilib

Əmanətlərin Sığortalanması Fondu (ƏSF) tərəfindən seçilmiş agent banklar vasitəsilə "Texnikabank" ASC-nin sənədləri qaydasında olan əmanətçilərinə 118 milyon 916 min manatdan artıq kompensasiya ödənilib. Fonddan Azərtac-a bildiriblər ki, "Texnikabank"ın qorunan əmanətçilərinə kompensasiyaların ödənilməsi üçün agent bank olaraq "Muğanbank", "Rabitə Bank", "Unibank" və "Kapitalbank" seçilib. Fond əmanətçilərin ərizələrini sığorta hadisəsi baş verdiyi gündən başlayaraq bir il ərzində qəbul edir. Sığorta hadisəsi baş vermiş "Texnikabank" ASC-nin qorunan əmanətçilərinə 100 faiz həcmində, lakin 30 min manatdan çox olmamaq şərti ilə kompensasiya ödənilir. Qeyd edək ki, "Texnikabank"ın qorunan əmanətçilərindən ərizələrin qəbuluna fevralın 12-dən etibarən agent bankların filiallarında başlanılıb.xeber100.com

Beynəlxalq Daşınmaz Əmlak və İnvestisiya Sərgisi açılacaq

Dekabrın 15-17-də ELANEXPO-nun təşkilatçılığı ilə Bakı Ekspo Mərkəzində Beynəlxalq Daşınmaz Əmlak və İnvestisiya Sərgisi keçiriləcək. Azərbaycanda İxracın və İnvestisiyaların Təşviqi Fondundan  Azərtac-a bildiriblər ki, sərgidə logistika, infrastruktur, sığorta, arxitektura, daşınmaz əmlakın idarə olunması sahəsində fəaliyyət göstərən şirkətlər, banklar, daşınmaz əmlakların internet təchizatı, insan resursları, marketinq, ictimaiyyətlə əlaqələr üzrə ixtisaslaşan qurumlar və digər sahələri təmsil edən iş adamlarının iştirakı gözlənilir. Qeyd edək ki, ELANEXPO Azərbaycan ilə yanaşı, Əlcəzair, Mərakeş, İraq və Qazaxıstanda bir çox sərgilər təşkil edib və hər il baş tutan sərgilərdə bu günədək yüzlərlə şirkət təmsil olunub.xeber100.com

Dünya bazarında neft bahalaşıb

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,11 dollar artaraq 46,71 dollar təşkil edib. ICE London qitələrarası birjasında Brent markalı neftin 1 barelinin dəyəri isə 0,17 dollar artaraq 48,13 dollar olub.xeber100.com

“Azəriqaz” gücləndirilmiş iş rejimində işləyəcək

SOCAR-ın “Azəriqaz” İstehsalat Birliyi (İB) Ramazan bayramı ilə əlaqədar iyulun 6-dan 8-dək gücləndirilmiş iş rejimində işləyəcək. “Azəriqaz”ın ictimaiyyətlə əlaqələr şöbəsinin rəisi İbrahim Kərbalayev Azərtac-a bildirib ki, bayram günlərində istehlakçıların təbii qazla fasiləsiz və keyfiyyətli təmin edilməsi, eləcə də “Qaz təsərrüfatında təhlükəsizlik Qaydaları”nın tələblərinə uyğun olaraq, qaz təchizatı sisteminə nəzarəti gücləndirmək məqsədilə birlik tərəfindən zəruri tədbirlər görülüb və növbəli iş rejimi tətbiq edilib. Sutka ərzində 24 saat fəaliyyət göstərən 185 və 104 nömrəli “qaynar xətt”lərin fəaliyyəti gücləndiriləcək, eyni zamanda, birliyin Bakı Regional Qaz İstismarı Departamentində və Regional Qaz İstismar İdarələrində məsul şəxslərdən ibarət sutkalıq növbətçilik təşkil olunacaq. İ.Kərbalayev deyib ki, bayram günlərində təbii qazdan istifadənin artması ilə əlaqədar ölkə daxilindəki abunəçilər təbii qazla fasiləsiz və tələbata uyğun təmin ediləcəklər. Bundan əlavə, qaz təchizatında təmir-tikinti işləri ilə əlaqədar heç bir məhdudiyyət olmayacaq. “Azəriqaz” İB bütün istehlakçılardan bayram günlərində təbii qazdan istifadə zamanı xüsusilə diqqətli olmağı, təhlükəsizlik qaydalarına ciddi riayət etməyi xahiş edir.xeber100.com

“AccessBank” QSC-yə 20 milyon avro məbləğində kredit ayrılacaq

Avropa İnvestisiya Bankı (AİB) “AccessBank” QSC-yə 20 milyon avro məbləğində kredit ayırmağı planlaşdırır. Azərtac AİB-in saytına istinadla xəbər verir ki, vəsaitin Azərbaycanda kiçik və orta sahibkarlığın maliyyələşdirilməsinə yönəldilməsi nəzərdə tutulub. Hazırda layihə qiymətləndirilmə və razılaşdırılma mərhələsindədir.xeber100.com

“Azərsu” Açıq Səhmdar Cəmiyyətinin Nizamnaməsi”ndə dəyişikliklər…

“Azərsu” Açıq Səhmdar Cəmiyyətinin (ASC) sədrinin müstəqil olaraq Cəmiyyətin sədr müavinləri təyin etmək səlahiyyəti ləğv olunub. Apa-nın məlumatına görə, bu, Nazirlər Kabinetinin “Azərsu” Açıq Səhmdar Cəmiyyətinin Nizamnaməsi”ndə etdiyi dəyişiklikdə əksini tapıb. Bundan əvvəl “Azərsu” ASC sədrinin Cəmiyyətin sədr müavinlərini vəzifəyə təyin etmək və onları tutduqları vəzifədən azad etmək səlahiyyəti olub. Dəyişikliyə əsasən, “Azərsu” ASC sədri yalnız Nazirlər Kabinetinin razılığı ilə Cəmiyyətin sədrinin müavinlərini vəzifəyə təyin və vəzifədən azad edə biləcək. Eyni zamanda “Azərsu” ASC-nin törəmə müəssisələrinin (cəmiyyətlərinin), habelə idarə, filial və nümayəndəliklərinin rəhbərlərini vəzifəyə təyin və vəzifədən azad etmək üçün də Nazirlər Kabinetinin razılığı tələb olunacaq. “Azərsu” ASC sədrinin müstəqil şəkildə Cəmiyyətin filiallarının və nümayəndəliklərinin yaradılması və ləğvi sahəsində səlahiyyətləri də məhdudlaşdırılıb. Dəyişikliyə əsasən, “Azərsu” ASC sədri Əmlak Məsələləri Dövlət Komitəsinin razılığı ilə Cəmiyyətin idarə, nümayəndəlik və filiallarının yaradılması və ya ləğv edilməsi, həmçinin törəmə müəssisələrinin (cəmiyyətlərinin) yaradılması, yenidən təşkili və ya ləğv edilməsi barədə qərarlar qəbul edə biləcək.xeber100.com

“E-bank” xidməti yaradılıb

“Azər-Türk Bank” “Asan imza”nın tətbiqi ilə internet bank xidmətini istifadəyə verib. Bankdan Azərtac-a bildiriblər ki, korporativ müştərilərə müasir və təhlükəsiz internet bankçılıq xidməti göstərmək məqsədilə “E-bank” xidməti yaradılıb. “Etibar etdiyiniz ünvan” şüarı ilə fəaliyyət göstərən bank bu xidmət vasitəsilə müştərilərinə maliyyə əməliyyatlarını sürətli və daha təhlükəsiz şəkildə həyata keçirmək imkanını yaradır. “E-bank” məhsulu “Asan imza” mobil elektron imza ilə inteqrasiya olunmuş internet bankçılıq proqramıdır. Ölkədə ilk dəfə “Azər-Türk Bank” daxilolma və təsdiqləmə üsullu “Asan imza” internet bank xidmətini tətbiq edir. Belə ki, sistemdən istifadə zamanı digər ənənəvi giriş üsullarına (istifadəçi adı, şifrə və s.) və müştəri tərəfindən əlavə eyniləşdirmə məlumatlarının daxil edilməsinə ehtiyac olmur. “E-bank” xidmətini tətbiq etməklə korporativ müştərilər və fərdi sahibkarlar öz hesablarını İnternet vasitəsilə dünyanın istənilən nöqtəsində, günün istənilən vaxtı məsafəli şəkildə nəzərdən keçirə, idarə edə bilər. Xidmətin tətbiqi Ukraynanın “Datas Technology” şirkətinin birgə əməkdaşlığı ilə həyata keçirilib.xeber100.com