AMB vəsaitlərin cəlb edilməsi üzrə depozit hərracı keçirəcək

Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracı keçirəcək. Azərtac Mərkəzi Banka istinadla xəbər verir ki, bu gün keçiriləcək dolayı depozit hərracında 50 milyon manat məbləğində vəsaitin cəlbi nəzərdə tutulur. Depozit hərracının müddəti 1 aydır. "Bloomberg" ticarət platformasında keçiriləcək hərrac üzrə faiz dərəcələri 4,01-6,99 faiz təşkil edir.xeber100.com

“Azercell” karyera yarmarkasında iştirak edib

“Azercell” şirkəti Baki Biznes Universitetində keçirilən karyera yarmarkasında iştirak edib. Şirkətdən Azərtac-a bildiriblər ki, Səbail rayon Məşğulluq İdarəsi tərəfindən təşkil olunan karyera yarmarkasında 200-dən çox tələbə “Azercell”in stendinə yaxınlaşıb. Tələbələr mövcud əmək bazarında ixtisaslarına olan tələbat barədə məlumat əldə etmək, işəgötürənlərlə ilkin əlaqələr qurmaq, işəgötürənlər isə potensial kadrların seçimini aparmaq imkanı qazanıblar. Şirkət nümayəndələri “Azercell”də işə qəbul olunmaq arzusunda olan məzunlar üçün informasiya sessiyaları təşkil ediblər. Texnologiyalar Departamentində mövcud olan vakansiyalar barədə yarmarka iştirakçıları məlumatlandırılıb. Yarmarka iştirakçılarının çoxsaylı sualları cavablandırılıb, şirkətdə karyera qurmaq istəyində gənclərə məsləhətlər verilib, onların müraciətləri üçün xüsusi elektron ünvan yaradılıb.xeber100.com

Bakı-Batumi avtobus reysi fəaliyyətə başlayacaq

Yaxın zamanda Bakı Beynəlxalq Avtovağzal Kompleksindən həftənin 1,3 və 5-ci günləri olmaqla Bakı-Batumi avtobus reysi fəaliyyətə başlayacaq. Azərtac xəbər verir ki, bu barədə Dövlət Avtomobil Nəqliyyatı Xidmətinin ictimaiyyətlə əlaqələr şöbəsinin rəhbəri Şəfa Mehmanqızı deyib. O bildirib ki, avtobusun yola düşmə vaxtı Bakı vaxtı ilə saat 18:00, təyinat məntəqəsinə - Batumi şəhərinə çatma vaxtı isə növbəti gün saat 9:00-da baş tutacaq. Gediş biletinin qiyməti 25 manat təşkil edir.xeber100.com

Son 7 ilin ən böyük rüblük bahalaşması…

Neftin qiyməti 2009-ci ildən bu vaxtadək ən böyük rüblük bahalaşmasını göstərib. Siyasətçilərin “Brexit”in mənfi təsirlərini aradan qaldırmaq üçün hərəkətə keçəcəkləri istiqamətindəki fərziyyələri “qara qızıl”ın qiymətini yenidən yüksəldib. Azərtac xəbər verir ki, neft müqavilələri iyunun 30-da bitən üç aylıq dövrdə 26 faiz artıb. Qlobal bazarlarda isə gözlənilməz nəticə ilə yekunlaşan iyunun 23-dəki “Brexit” referendumundan ötən dövrdə müəyyən qarışıqlıq yaşanır. ABŞ-da neft təklifinin ard-arda altıncı həftədir ki azalıb və istehsal 2014-cü ilin sentyabrından indiyədək ən aşağı səviyyəyə geriləyib. Ötən rübdə Kanadadakı meşə yanğınlarının nəzarətdə saxlanılmasından sonra bu ölkə əvvəlki istehsal səviyyəsinə geri qayıdıb, Nigeriyada isə quldurlarla qarşıdurmalar atəşkəs razılaşması ilə yekunlaşıb. Nəticədə isə qlobal neft təklifindəki pozulmalar və ABŞ-ın istehsalındakı azalma ilin əvvəlindən bu vaxtadək “qara qızıl”ın qiymətinin 75 faizədək artmasına təsir göstərib. Bundan başqa, Beynəlxalq Enerji Agentliyi və OPEC neft bazarında tələb-təklif tarazlığının bərpa olunacağı istiqamətində müsbət proqnozlar verirlər. Hazırda “Layt” markalı neftin bir barreli Nyu-Yorkun NYMEX birjasında 49 dollardan, “Brent” nefti isə Londonun İCE birjasında 50 dollardan baha satılır.xeber100.com

COMEX-də sonuncu hərraclarda qızılın unsiyası 18,40 dollar artıb

Amerika fond bazarında Dow Jones indeksi 0,11% – 17 949,37 bəndədək, S&P 500 0,19% – 2 102,95 bəndədək, NASDAQ 0,41% – 4 862,57 bəndədək artıb. Apa bildirir ki, Avropa fond bazarlarında FTSE 100 indeksi 1,13% – 6 577,83 bəndədək, Almaniya DAX-ı 0,99% – 9 776,12 bəndədək, Fransa CAC-40-ı 0,86% – 4 273,96 bəndədək bahalaşıb.COMEX-də sonuncu hərraclarda qızılın unsiyası 18,40 dollar artaraq 1 339,00 dollara, gümüş isə 1,23 dollar bahalaşaraq 19,86 dollara satılıb.xeber100.com

Yeni kampaniyaya start verilib

"Bank of Baku" xaricə səfər etməyi planlaşdıran "VIP" müştərilər üçün yeni kampaniyaya start verib. Bankdan Azərtac-a bildiriblər ki, iyunun 30-dan iyulun 8-dək davam edəcək kampaniya çərçivəsində müştərilər banka uçuş biletini və ya turizm şirkətlərindən əldə etdikləri səyahət paketini təsdiq edən sənədi təqdim etməklə "Bolkart Gold" kredit və ya debet kartını pulsuz, "Bolkart Diamond" kredit və ya debet kartını isə 50 faiz endirimlə ala biləcəklər. "Bolkart" debet kartlarının təkcə AZN valyutasında deyil, USD və EUR valyutalarında da rəsmiləşdirilməsi mümkündür.xeber100.com

“JP Morgan” neft proqnozunu yüksəltdi

Dünyanın ən böyük banklarından olan “JP Morgan” “Brent” və Qərbi Texas növü “Layt” markalı neftlər üzrə proqnozunu 56,75 dollar/barrelə yüksəldib. Faktinfo.az  xəbər verir ki, “JP Morgan” 2017-ci il üçün “Brent” və “Layt” neftləri üzrə orta qiymət təxminini 1,75 dollar/barrel artıraraq 56,75 dollar/barrel təyin edib.Bank 2017-ci ilin sonuna istər “Brent”in, istərsə də “Layt”ın qiymətlərini isə 62 dollar/barrel proqnozlaşdırır.xeber100.com

Dünya birjalarında neftin qiyməti bahalaşmaqda davam edir

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,13 dollar bahalaşaraq 49,34 dollar, Londonun İCE (“İnterContinental Exchange Futures”) birjasında “Brent” markalı neftin bir barrelinin qiyməti 1,20 dollar artaraq 50,02 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 2,40 dollar bahalaşaraq 50,98 dollar təşkil edib.xeber100.com

Unibankdan yenilik…

İndi Unibank-ın fasebook istifadəçiləri saniyə ərzində bankın məhsul və xidmətlərindən xəbər tuta biləcəklər. Bunun üçün sizi maraqlandıran məhsul və xidmətlə bağlı onlayn məsləhətçiyə sorğu yazmağa da ehtiyac yoxdur. Bankdan Trend-ə verilən məlumata görə, sadəcə Unibank facebook səhifəsinin şəxsi mesaj bölümünə haştaq işarəsi ilə istədiyiniz məhsul və ya xidmətin qısa adını yazırsınız, dərhal o məhsulla bağlı cavab sizə gəlir. Məsələn #kredit, #depozit yazaraq, ən qısa müddətdə Unibankın kredit və yaxud depozit məhsulları haqda məlumat ala bilərsiniz. Bankda günün valyuta məzənnəsindən isə #valyuta yazmaqla xəbərdar ola bilərsiniz. Unibankın facebook səhifəsi ən çox iştirakçısı olan və aktiv bank səhifələrindən biridir. Hazırda səhifə istifadəçilərinin sayı 285 min nəfəri keçib. Müştəri məmnuniyyətini öz fəaliyyətində əsas prioritetlərindən hesab edən Unibank, müştərilərlə kommunikasiyanı gücləndirmək üçün sosial şəbəkələri əsas vasitələrdən biri hesab edir. Hər kəs Unibankın facebook səhifəsinə daxil olmaqla, bankın mövcud kampaniyaları, məhsul və xidmətləri haqqında istədiyi suala cavab ala bilər. Bir müddət əvvəl bankın səhifəsi Facebook tərəfindən də müştəriyönümlü kimi qiymətləndirilmişdi. Məhz düzgün kommunikasiya sayəsində bankın facebook səhifəsi dəfələrlə beynəlxalq Socialbakers xidməti tərəfindən də “Ən sosialyönümlü səhifə” nominasiyasının qalibi olub.xeber100.com

Azərbaycan və Macarıstan arasında investisiya imkanları müzakirə olunub

Azərbaycan Respublikası Dövlət Neft Fondunda Azərbaycan və Macarıstan arasında qarşılıqlı investisiya imkanları müzakirə olunub. Fonddan Azərtac-a bildirilib ki, müzakirələr Azərbaycan Respublikası Dövlət Neft Fondunun İcraçı direktoru Şahmar Mövsümov ilə Macarıstanın xarici işlər və ticarət naziri, Azərbaycan Respublikası Hökuməti və Macarıstan Respublikası Hökuməti arasında İqtisadi Əməkdaşlıq üzrə Birgə Komissiyanın həmsədri Piter Siyartonun rəhbərlik etdiyi nümayəndə heyəti arasında keçirilən görüşdə aparılıb. Görüşdə, həmçinin Azərbaycan və Macarıstan arasındakı iqtisadi əməkdaşlığın mövcud vəziyyəti, inkişaf perspektivləri, ölkələr arasında qarşılıqlı investisiya imkanları və digər məsələlər ətrafında fikir mübadiləsi aparılıb.xeber100.com