Əməkdaşlığın genişləndirilməsi müzakirə olunub

Ukraynaya səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bu ölkənin Ticarət və Sənaye Palatasının prezidenti Gennadi Çijikov ilə görüşüb.KOBİA-dan Azərtac-a bildirilib ki, görüşdə iki ölkənin KOB-ları arasında əməkdaşlığın genişləndirilməsinə və ticarət əlaqələrinin inkişafı üçün birgə tədbirlərin təşkilinə dair fikir mübadiləsi aparılıb.xeber100.com

Dünya birjalarında neft qiymətləri müxtəlif istiqamətlərdə dəyişib

Dünya birjalarında neft qiymətləri müxtəlif istiqamətlərdə dəyişib.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,08 dollar azalaraq 83,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,06 dollar bahalaşaraq 81,28 dollar olub.xeber100.com

Bakı Nəqliyyat Agentliyi: “Nəqliyyat Könüllüləri”ində iştirak üçün 400 nəfər müraciət edib

Ölkəmizdə könüllülük hərəkatını genişləndirmək, cəmiyyətdə xeyirxahlığı təbliğ edərək gənclərin inkişafına töhfələr vermək, eyni zamanda, dövlətimizin başçısının çağırışına müvafiq olaraq, könüllülər hərəkatını dəstəkləmək məqsədilə Bakı Nəqliyyat Agentliyi “Nəqliyyat Könüllüləri” proqramını 3 dəfə ardıcıl şəkildə icra edib. Gənclər arasında “Nəqliyyat Könüllüləri” proqramına maraq böyükdür.Bakı Nəqliyyat Agentliyinin məlumatına görə, 2021-ci ildə icra edilən 3-cü “Nəqliyyat Könüllüləri” proqramında iştirak üçün 400 nəfər müraciət edib. Əvvəlki illərlə müqayisədə “Nəqliyyat Könüllüləri” proqramına müraciət edənlərin sayı iki dəfə artıb. Onlardan 33 nəfəri “Nəqliyyat könüllüsü” məzunu adını qazanıb və mükafatlandırılıb. Ötən il könüllülər üçün 10 təlim və təqdimat keçirilib, 5 səfər təşkil edilib. Hesabat dövründə könüllülərin iştirakı ilə 22 maarifləndirmə tədbiri keçirilib. Proqramda iştirak edən 4 nəfər könüllü Bakı Nəqliyyat Agentliyində daimi işlə təmin olunub. Fəallığı ilə fərqlənən 2 iştirakçı isə “İlin könüllüsü” adına layiq görülüb.Məlumat üçün qeyd edək ki, hazırda 4-cü “Nəqliyyat Könüllüləri” proqramına könüllülərin qəbulu elan edilib.Bakı şəhərinin mobilliyi, əlçatanlığı və təhlükəsizliyi istiqamətində Agentliyin həyata keçirdiyi fəaliyyətlərə dəstək olaraq, aidiyyəti sahədə bilik və bacarıqlarını inkişaf etdirmək istəyən, 18 yaşı tamam olan şəxslər öz CV formalarını 2022-ci il yanvarın 31-dək “konullu@bna.az” elektron poçt ünvanına göndərə bilərlər.Seçilən könüllülər müsahibə mərhələsinə dəvət ediləcəklər, müsahibə mərhələsini keçən könüllülərə elektron poçt vasitəsilə bu barədə məlumat veriləcək.xeber100.com

Əmlak Məsələləri Dövlət Xidmətinin məlumatı

Əmlak Məsələləri Dövlət Xidməti tərəfindən yanvarın 11-də keçirilən növbəti hərracda 2 kiçik dövlət müəssisəsi, 11 nəqliyyat vasitəsi özəlləşdirilib.Xidmətdən Azərtac-a bildirilib ki, hərraca çıxarılan dövlət əmlaklarına ümumilikdə 40 sifariş qəbul olunub, bunun 4-ü elektron qaydada həyata keçirilib.Avtomobillərə edilən təkliflərin çoxluğu prosesi daha da rəqabətli edib. İlkin start qiyməti 2500 manat olan “Vaz 21214” markalı avtomobil üçün təkliflər səsləndirilib, sonda həmin nəqliyyat vasitəsi 3575 manata özəlləşdirilib. Nəqliyyat vasitələrinin sırasında kater də olub. Həmin nəqliyyat vasitəsi 5 min manata satılıb.Hərracda ən yüksək qiymətə özəlləşdirilən əmlak Bakının Xəzər rayonunda yerləşən 4 saylı kafe olub. Həmin əmlak 166 min 300 manata özəlləşdirilib.Satılmış dövlət əmlakları üzrə 234 min 625 manat vəsaitin dövlət büdcəsinə ödənilməsi nəzərdə tutulur.xeber100.com

“Buta Airways” aviaşirkətinin Kazan və Ufa şəhərlərinə uçuşları bərpa edir

Cari ilin mart ayında “Buta Airways” aviaşirkətinin uçuş marşrutları xəritəsinə, eyni zamanda, iki Rusiya şəhəri daxil ediləcək. Aviadaşıyıcı Heydər Əliyev Beynəlxalq Aeroportundan iki istiqamət üzrə - Kazan və Ufa şəhərlərinə xüsusi reyslərin açılması barədə elan edib.“Buta Airways” aviaşirkətinin mətbuat xidmətindən Azərtac-a bildirilib ki, hər iki istiqamətdə reyslər həftədə iki dəfə yerinə yetiriləcək.Bakı-Kazan-Bakı marşrutu üzrə uçuşlar martın 16-dan başlayacaq və həftənin çərşənbə və şənbə günləri həyata keçiriləcək. Bakı-Ufa-Bakı marşrutu üzrə uçuşlar isə martın 17-dən başlayacaq və həftənin cümə axşamı və bazar günləri yerinə yetiriləcək.Ölkədəki epidemioloji vəziyyətlə əlaqədar tətbiq olunan məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir – “Standart” və “Super”. Hər iki tarifə ödənişsiz yer seçimi və hava limanında qeydiyyat daxildir.Həmin reyslərə biletləri “Buta Airways” aviaşirkətinin rəsmi saytından (“Super” və “Standart” tarifləri üzrə), həmçinin aviaşirkətin akkreditə olunmuş agentliklərindən (yalnız “Super” tarifi üzrə) əldə etmək mümkündür. Aviabiletlərin dəyəri 55 avrodan başlayır.Qeyd edilən reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstərilir.xeber100.com  

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) yanvarın 10-na olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın yanvarın 10-dan etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Bakı Fond Birjasının məlumatı əsasında…

Bakı Fond Birjası (BFB) ipoteka istiqrazları üzrə faiz və nominal ödənişləri açıqlayıb.BFB-dən Azərtac-a bildirilib ki, İpoteka və Kredit Zəmanət Fondu tərəfindən emissiya edilmiş AZ2010008681, AZ2011008680, AZ2012008689 İSİN-li istiqrazların emissiya prospektinə əsasən, istiqrazlar üzrə faiz ödənişləri günündə faiz ödənişi ilə yanaşı istiqrazların nominal üzrə qalıq dəyərinin müəyyən bir hissəsinin (ipoteka örtüyünə daxil olan aktivlər üzrə əsas borc ödənişlərinə bərabər hissəsinin) ödənilməsi nəzərdə tutulub. İpoteka və Kredit Zəmanət Fondundan daxil olan məlumata əsasən, yanvarın 5-də AZ2010008681, AZ2011008680, AZ2012008689 İSİN-li istiqrazlar üzrə növbəti faiz ödənişi emitent tərəfindən həyata keçirilib. Buna əsasən, yanvarın 5-dən etibarən sözügedən istiqrazların nominal üzrə qalıq məbləği 500 manat təşkil edir. Növbəti faiz ödəniş dövründə 3 faizlik faiz gəliri 500 manat məbləği əsasında hesablanacaq. Bakı Fond Birjasında AZ2010008681, AZ2011008680, AZ2012008689 İSİN-li istiqrazlar ilə ticarət edərkən istiqrazların baza qiymətinin 500 manat olması nəzərə alınmalıdır.xeber100.com

Rusiyanın “Azimut” aviaşirkəti uçuş proqramının başlandığını elan edib

Rusiyanın “Azimut” aviaşirkəti Rostov–na–Donu şəhərindən Bakıya uçuş proqramının başlandığını elan edib.Azərtac aviaşirkətin mətbuat xidmətinə istinadla xəbər verir ki, uçuşlar 2022-ci il yanvarın 21-dən etibarən cümə günləri Rostov–na–Donu şəhərindən yola düşmə vaxtı saat 08:00-da, Bakıya çatma vaxtı saat 11:10-da, Bakıdan yola düşmə vaxtı saat 12:10-da, Rostov-na – Donu şəhərinə çatma vaxtı isə saat 13:15-dədir.Rüsumlar nəzərə alınmadan bir tərəfə 25 avrodan başlayan aviabiletlər satışa çıxarılıb. Aviabiletləri və əlavə xidmətləri “Azimut” aviaşirkətinin rəsmi saytında əldə etmək olar.Hazırda aviaşirkət Bakıya reysləri Mineralnıye vodı şəhərindən həyata keçirir.xeber100.com

“Azəriqaz” İstehsalat Birliyi gücləndirilmiş iş rejimində çalışacaq

“Azəriqaz” İstehsalat Birliyi (İB) Dünya Azərbaycanlılarının Həmrəylik Günü və Yeni il bayramı ilə əlaqədar qeyri-iş günlərində gücləndirilmiş iş rejimində çalışacaq.İB-dən Azərtac-a verilən məlumata görə, abonentlərin nəzərinə çatdırılır ki, qaz təchizatında yarana biləcək istənilən çətinliklərlə bağlı dərhal 104/185 saylı Çağrı Mərkəzinə məlumat versinlər. Bundan başqa, daim aktiv rejimdə çalışan (+99477) 3104104 vatçap nömrəsinə də mesajlarını göndərə bilərlər.Bayram günlərində birliyin Bakı Regional Qazın Satışı Departamentinin (BRQSD) Müştəri xidməti şöbəsi dekabrın 31-i və 2022-ci il yanvarın 1, 2, 3, 4 tarixlərində şənbə-bazar günləri saat 10:00-dan 14:00-dək, digər bayram günləri isə saat 10:00-dan 15:00-dək fəaliyyət göstərəcək. Xidmət Abşeron, Mərdəkan, Qaradağ və Sabunçu xidmət sahələrində təşkil olunacaq. Departamentin inzibati binasında isə (Nizami rayonu, Babək pr. 21/24) bu proses daim diqqətdə saxlanılmaqla yarana biləcək problemlər dərhal aradan qaldırılacaq.Bundan başqa, “Azəriqaz” İB-in Təmir-Tikinti İdarəsinin Qəza təmir bərpa sahəsi, 104 Çağrı sahəsinin əməkdaşları da sutkanın 24 saatı ərzində abonentlərin xidmətində olacaq. Bakı şəhəri və ətraf ərazilərdə baş verəcək qəzalar, qaz sızmaları, qaz sayğacları ilə bağlı nasazlıqlar operativ şəkildə aradan qaldırılacaq.xeber100.com

Metro nəqliyyatının xidmətlərindən istifadə edən sərnişinlərin sayı azalıb

Cari ilin yanvar-noyabr aylarında 72,1 milyon nəfər metrodan istifadə edib.Dövlət Statistika Komitəsindən Azərtac-a bildirilib ki, metro nəqliyyatının xidmətlərindən istifadə edən sərnişinlərin sayı 2020-ci ilin müvafiq dövrünə nisbətən 3,5 faiz azalıb.xeber100.com