“Light” markalı neftin bir barelinin qiyməti 0,56 dollar bahalaşıb

Dünya birjalarında neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,61 dollar artaraq 88,50 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,56 dollar bahalaşaraq 85,70 dollar olub.xeber100.com

Gömrük Komitəsi tərəfindən büdcə daxilolmaları 4,3 milyard manat olub

Ötən il Dövlət Gömrük Komitəsi tərəfindən dövlət büdcəsinə daxilolmalar 4 milyard 342,9 milyon manat olub.Komitədən Azərtac-a bildirilib ki, il ərzində gömrük rüsumları üzrə dövlət büdcəsinə daxilolmalar 1 milyard 205 milyon 504 min manat, əlavə dəyər vergisi üzrə 2 milyard 930 milyon 720 min manat, aksizlər üzrə 163 milyon 112 min manat, yol vergisi üzrə isə 43 milyon 627 min manat təşkil edib.xeber100.com

Dövlət Statistika Komitəsinin məlumatı əsasında…

2021-ci ildə ictimai iaşə dövriyyəsi əvvəlki illə müqayisədə 23,2 faiz artaraq 979,1 milyon manat olub.(DSK) Azərtac-a bildirilib ki, özəl sektorda ictimai iaşə dövriyyəsinin 51,8 faizi hüquqi şəxslərin, 48,2 faizi isə bu sahədə sahibkarlıq fəaliyyəti ilə məşğul olan fiziki şəxslərin payına düşür. Hüquqi şəxslər üzrə dövriyyə 2020-ci illə müqayisədə 37,2 faiz artaraq 502,8 milyon manat təşkil edib.xeber100.com

Dövlət Neft Fondunun iştirakı ilə valyuta hərracı keçirilib

Yanvarın 21-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a bildirilib ki, hərracda tələb 99,7 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Brent” markalı neftin bir barelinin qiyməti 0,06 dollar azalıb

Dünya birjalarında neft qiymətləri ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,06 dollar azalaraq 86,90 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,34 dollar ucuzlaşaraq 88,10 dollar olub.xeber100.com

Bakıdan Şuşaya avtobus bilet satışı onlayn qaydada həyata keçiriləcək

Bakıdan Şuşaya avtobus bileti 10 manat 40 qəpik olacaq.Azərtac xəbər verir ki, bu sözləri Dövlət Avtomobil Nəqliyyatı Xidmətinin rəisi Anar Rzayev deyib.O bildirib ki, növbəti günlərdə marşrut xətlərinə bilet satışı onlayn qaydada həyata keçiriləcək. Vətəndaşlar “Yolumuz Qarabağa” portalı vasitəsilə onlayn bilet ala bilərlər. Sərnişinlər gediş və qayıdış biletlərini əvvəlcədən eyni vaxtda sifariş etməlidirlər. Bütün şəxslərə işğaldan azad olunmuş ərazilərə il ərzində yalnız bir dəfə səfər etmək hüququ verilir.xeber100.com

“Azeri Light” markalı neftin bir barelinin qiyməti 0,33 dollar azalıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barelinin qiyməti 0,33 dollar azalaraq 88,12 dollar olub.Xatırladaq ki, Azərbaycan neftinin bir barelinin qiyməti yanvarın 13-də ötən il rekordunu yeniləyərək 88,45 dollar olub.xeber100.com  

Dövlət ortamüddətli istiqrazlarının yerləşdirilməsi üzrə hərrac keçiriləcək

Yanvarın 18-də Bakı Fond Birjasında (BFB) Maliyyə Nazirliyinin dövlət ortamüddətli istiqrazlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, kuponlu, ortamüddətli dövlət istiqrazlarının ümumi həcmi 5 milyon manat, nominal dəyəri 100 manat, faiz gəliri 4,5 faiz, tədavül müddəti 728 gündür. İstiqrazlar 2024-cü il yanvarın 16-da ödəniləcək. “PAŞA Kapital” İnvestisiya Şirkəti QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən çox olmamaq şərtilə qəbul edilməsinə icazə verilir. Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi emitent tərəfindən hərraca çıxarılmış istiqrazların həcminin 20 faizdən aşağı olduğu təqdirdə emitent bu sifarişləri qəbul etməyə bilər. Hərrac zamanı dövlət istiqrazlarına tələb təklifi üstələyəcəyi və qiymət emitenti qane edəcəyi halda isə emitent tərəfindən təklif edilən istiqrazların həcmi 50 faizədək artırıla bilər. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.xeber100.com

Əməkdaşlığın genişləndirilməsi müzakirə olunub

Ukraynaya səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bu ölkənin Ticarət və Sənaye Palatasının prezidenti Gennadi Çijikov ilə görüşüb.KOBİA-dan Azərtac-a bildirilib ki, görüşdə iki ölkənin KOB-ları arasında əməkdaşlığın genişləndirilməsinə və ticarət əlaqələrinin inkişafı üçün birgə tədbirlərin təşkilinə dair fikir mübadiləsi aparılıb.xeber100.com

Dünya birjalarında neft qiymətləri müxtəlif istiqamətlərdə dəyişib

Dünya birjalarında neft qiymətləri müxtəlif istiqamətlərdə dəyişib.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,08 dollar azalaraq 83,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,06 dollar bahalaşaraq 81,28 dollar olub.xeber100.com