Təbii qaz təchizatında məhdudiyyətlər olacaq

Bakı şəhəri Sabunçu, Xəzər, Xətai və Abşeron rayonlarının təbii qaz təchizatında məhdudiyyətlər olacaq.“Azəriqaz” İB-nin İctimaiyyətlə əlaqələr şöbəsindən “Apa-Economics”ə verilən məlumata görə, Bakı Regional qaz istismarı Departamentinin xidmət əraziləri üzrə orta təzyiqli qaz kəmərlərində, eləcə də daxili qaz təchizatı şəbəkəsində təmir işləri  ilə əlaqədar, 20 aprel 2016-cı il tarixdə  saat  09:00-dan  işlər yekunlaşanadək  Sabunçu rayonunun Bakıxanov və Balaxanı qəsəbələrində, Xəzər rayonunun Şüvəlan qəsəbəsində, Xətai  rayonunun  M.Hadi, S.Ə.Şirvani, Sarayeva, Q.Nəbi, M.Rüstəm, Cavanşir, Sadıqcan, Mehmandarov, Şıxlınski küçələrində. Gəncə prospekti və Zığ yolu ətrafında, Abşeron rayonunun  Mexkalon yaşayış massivi, Xırdalan şəhərinin bir hissəsi, kənd Xırdalan, Ş.Əfəndizadə küçəsi, Bakı-Şamaxı yolunun sağ hissəsi həmçinin Masazır kəndinin bir hissəsində təbii qazın verilişində fasilələr yaranacaq.xeber100.com  

Şərab məhsulu istehsal etmək üçün yeni tələb müəyyənləşdirilib

Nazirlər Kabineti  “İstehsal mənşəyinə görə adlar verilən şərabların istehsalı və şərabçılıq məhsullarına adların verilməsi qaydaları barədə Əsasnamə”də dəyişiklik edib. Apa-nın məlumatına görə, bu Əsasnamə istehsal mənşəyinə görə adlar verilən şərabların istehsalı və şərabçılıq məhsullarına adların verilməsi qaydalarını müəyyən edir. Əsasnaməyə əsasən yeni şərabçılıq məhsuluna ad almaq üçün istehsalçı Kənd Təsərrüfatı Nazirliyinə ərizə təqdim etməlidir. İndiyə qədər ərizə ilə birlikdə məhsula dair annotasiya, məhsula ad verilməsi barədə əsaslandırma məktubu, məhsulun hazırlanma texnologiyasına dair təlimat, məhsulun tərkibi barədə reseptura məlumatları, məhsulun orqanoleptik və fiziki-kimyəvi göstəriciləri barədə laboratoriya arayışı, məhsulun hazırlanmasında istifadə olunan xammal və materialların mənşəyi barədə məlumatlar, məhsul buraxılan qabların nümunələri, habelə xarici tərtibatının, o cümlədən etiketlərinin eskizləri və ekspertiza üçün qablaşdırılmış məhsulların nümunələri təqdim olunub. Dəyişikliyə əsasən bundan sonra həmin məhsulun tərkibində genetik modifikasiya olunmuş bitkilərdən, yaxud müasir biotexnoloji və gen mühəndisliyi metodları ilə yaradılmış kənd təsərrüfatı bitki materiallarından istifadə edilməməsi barədə sənəd də ərizəyə əlavə edilməlidir. Qeyd edək ki, xüsusi ad verilən şərabçılıq məhsulu Azərbaycan Respublikasının Kənd Təsəsrrüfatı Nazirliyi(KTN) tərəfindən 3 gündən gec olmayaraq dövlət reyestrində qeydiyyata alınır. Yeni ad altında dövlət reyestrində qeydiyyata alınmış şərabçılıq məhsulunun istehsalçılarına Azərbaycan Respublikasının KTN tərəfindən məhsulun attestasiyasına dair 15 gün müddətində şəhadətnamə təqdim edilir. Şəhadətnamə 5 il müddətində verilir.xeber100.com  

“Şüvəlan Balıq Hisləmə Zavodu” ləğv olunub

Əmlak Məsələləri Dövlət Komitəsinin İstehsal və Xidmət Müəssisələrinin İdarəetmə Mərkəzinin tabeliyində olan "Şüvəlan Balıq Hisləmə Zavodu" ləğv olunub. Vergilər Nazirliyindən verilən məlumata görə, zavod Bakı şəhəri, Xəzər rayonu, Şüvəlan qəsəbəsi,  Kooperativ küçəsi 22 ünvanında yerləşir. Kreditorlar iki ay ərzində tələblərini Bakı şəhəri, Zeynal Xəlil küçəsi 11A ünvanına bildirə bilərlər.xeber100.com  

Pul siyasəti üzrə əməliyyat…

Aprelin 4-15-də Azərbaycanda səfərdə olan Beynəlxalq Valyuta Fondunun (BVF) texniki yardım missiyasının nümayəndələri ilə Mərkəzi Bankda (AMB) görüşlər keçirilib. AMB-dən “APA-Economics”ə verilən xəbərə görə, AMB rəhbərliyi, eləcə də aidiyyati struktur bölmələrin əməkdaşları ilə görüşlər zamanı BVF-nin nümayəndə heyətinə ölkədə yaranmış makroiqtisadi vəziyyət, bu vəziyyətə adekvat olaraq pul siyasətində və məzənnə rejimində həyata keçirilən dəyişikliklər barədə geniş məlumat verilib. Eyni zamanda pul siyasəti üzrə əməliyyat çərçivəsinin təkmilləşdirilməsi məsələləri ətraflı müzakirə edilib, BVF ekspertləri tərəfindən müvafiq tövsiyələr verilib. Qeyd edək ki, AMB cari ildə pul siyasətinin yeni dövrün tələblərinə uyğun şəkildə təkmilləşdirilməsi sahəsində BVF ilə əməkdaşlığı davam etdirəcək.xeber100.com

Prezident yeni metro stansiyalarının açılışında iştirak edib

Ölkə başçısı İlham Əliyev Bakı Metropoliteninin yeni - bənövşəyi xəttinin “Avtovağzal” və “Memar Əcəmi” stansiyalarının açılışında iştirak edib. Apa-nın məlumatına görə, dövlət başçısı “Avtovağzal” stansiyasının rəmzi açılışını bildirən lenti kəsib və burada yaradılan şəraitlə yaxından tanış olub. “Bakı Metropoliteni” QSC-nin sədri Zaur Hüseynov dövlət başçısına Bakı Metropoliteni xətlərinin konseptual inkişaf sxemi barədə məlumat verib. Konseptual inkişaf sxemi Bakı Metropoliteninin mövcud infrastrukturunun 2030-cu ilədək mərhələlərlə genişləndirilməsini və nəhəng yeraltı nəqliyyat şəbəkəsinin yaradılmasını nəzərdə tutur. Bu da Bakı Metropoliteninin gələcəkdə 2-si mövcud və 3-ü əlavə olmaqla 5 xətdən, 76 stansiyadan və 119 kilometr uzunluğunda yeraltı yollardan ibarət ümumi şəbəkəsinin yaradılması deməkdir. 2030-cu ilədək 53 yeni stansiya inşa ediləcək. Biləcəri qəsəbəsində yaşayan sakinlərin rahatlığını təmin etmək üçün Bakı-Sumqayıt avtomobil yolunun altından keçid inşa edilib. Bakı Beynəlxalq Avtovağzal Kompleksinə isə iki keçid quraşdırılıb. Digər beş çıxış isə “Avtovağzal” stansiyası kompleksinin ərazisində yerləşir. Sonra preziden qatarla “Avtovağzal” stansiyasından “Memar Əcəmi” stansiyasına gəlib. Dövlət başçısına məlumat verilib ki, burada təmir-tikinti işləri yüksək keyfiyyətlə yerinə yetirilib, stansiya ən müasir tələblərə cavab verir.xeber100.com  

Vergi Məcəlləsinə müvafiq dəyişiklik Milli Məclisin İqtisadi siyasət, sənaye və sahibkarlıq komitəsinin iclasında müzakirə olunub

Azərbaycanda bəzi kənd təsərürfatı məhsulları və avadanlıqlarının idxalı və satışının əlavə dəyər vergisindən (ƏDV) azad edilməsi təklif edilir. Trend-in məlumatına görə, Vergi Məcəlləsinə müvafiq dəyişiklik Milli Məclisin İqtisadi siyasət, sənaye və sahibkarlıq komitəsinin iclasında müzakirə olunub. Belə ki, damazlıq heyvanların, toxumların, tinglərin, mineral gübrələrin, pestisidlərin, toxumların yetişdirilməsi üçün, eləcə də quşçuluq və arıçılıqda istifadə edilən avadanlıqların, o cümlədən laboratoriya avadanlıqlarının, təmizlik üçün maşınların və s.-in idxalı və satışının ƏDV-dən azad edilməsi təklif edilir. Bundan başqa, kənd təsərürfatı heyvanları və quşların profilaktikası, diaqnostikası və müalicəsi üçün istifadə olunan baytarlıq vasitələrinin idxalının, eləcə də suvarma və digər sistemlərin, kənd təsərrüfatında istifadə olunan maşın, avadanlıq və texnikaların idxalı və satışının ƏDV-dən azad edilməsi təklif edilib. Qeyd edək ki, Azərbaycanda ƏDV-nin dərəcəsi 18 faiz təşkil edir.xeber100.com

Torpaqlar təyinatına görə istifadə edilməzsə…

Azərbaycanda torpaqların təyinatına uyğun istifadə edilməməsinə görə vergi dərəcələrini artırmaq təklif olunur. Trend-in məlumatına görə, Vergi Məcəlləsinə müvafiq dəyişikliklər Milli Məclisin İqtisadi siyasət, sənaye və sahibkarlıq komitəsinin iclasında müzakirə olunub. Vergilər Nazirliyinin Vergi siyasəti və strateji araşdırmalar Baş İdarəsinin rəisi Samirə Musayeva iclasda çıxış edərkən bildirib ki, kənd təsərrüfat təyinatlı torpaqlar üzrə vergi dərəcəsi bir şərti bala görə 0,06 manat səviyyəsində qalmaqda davam edir: "Torpaqlar təyinatına görə istifadə edilməzsə, vergi dərəcəsini 100 kvadratmetrə görə 10 manatadək artırmaq təklif olunur".xeber100.com  

“Azercell”in müraciəti…

“Azercell” şirkəti abunəçilərinə müraciət edib. “APA-Economics”in məlumatına görə, müraciətdə bildirilib ki, 19.04.2016-cı il tarixində gecə saatları ərzində bəzi xidmətlərin istifadəsində və əməliyyatların həyata keçirilməsində müvəqqəti çətinliklər yarana bilər. Məlumata əsasən, buna səbəb təkmilləşdirmə işlərinin aparılmasıdır.xeber100.com

“Azərbaycan Magistral Avtomobil Yolu 3, Əlavə Maliyyələşdirmə” layihəsinin icrası

Bakı-Şamaxı-Muğanlı” avtomobil yolunun 91-107 km hissəsi 4 zolağa genişləndirilməsi ilə bağlı tikinti işləri üzrə satınalmalarla bağlı “Azəravtoyol” ASC tender elan edib. “APA-Economics”in məlumatına görə, Azərbaycan hökuməti “Azərbaycan Magistral Avtomobil Yolu 3, Əlavə Maliyyələşdirmə” layihəsinin icrası məqsədi ilə Beynəlxalq Yenidənqurma və İnkişaf Bankından kredit əldə edərək həmin vəsaitin bir hissəsini “Bakı-Şamaxı-Muğanlı” avtomobil yolunun 13+290-15+140 kilometr hissəsinin 4 zolağa genişləndirilməsi üçün tikinti işlərinin maliyyələşdirilməsi məqsədi ilə sərf etmək niyyətindədir. Müqavilə Azərbaycan hökuməti ilə birgə maliyyələşdiriləcək. “Azəravtoyol” Bakı-Şamaxı avtomobil yolunun Şamaxı şəhərinə kimi olan 16 kilometrlik hissəsinin genişləndirilməsi və təkmilləşdirilməsini həyata keçirəcək podratçı firmanın seçilməsi məqsədi ilə tikinti şirkətləri arasında ilkin seçim etmək niyyətindədir. Yol geometrik xüsusiyyətlərin təkmilləşdirilməsi və təhlükə risklərinin azaldılması məqsədilə bəzi yerlərdə yol oxunda dəyişikliklər istisna olmaqla mövcud yol oxu üzrə genişləndiriləcək. Yolun mövcud hərəkət hissəsi qaşındıqdan və təmir olunduqdan sonra mümkün qədər genişləndirilən 4 zolaqlı, iki hərəkət hissəli yolun bir hərəkət hissəsi kimi istifadə olunacaq.  Bu hissədə yolu 4 zolaqlı yola uyğunlaşdırmaq üçün mövcud iki körpüyə paralel olan körpülər tikiləcək. Bu yol əsasən yamac sürüşməsi problemi olan ərazilərdən keçir. Yolun genişləndirilməsi üçün tikintinin müddəti və əlavə olaraq qüsurların aradan qaldırılması müddəti hər biri 24 ay nəzərdə tutulub. Tenderin ilkin mərhələsinə təklif vermək üçün sənədin ingilis dilində toplusu təqdim olunduqdan sonra, 150 manat və ya 100 ABŞ dolları məbləğində geri qaytarılmayan vəsait ödənildikdən sonra iştirak hüququ olan iddiaçılar tərəfindən əldə oluna bilər. xeber100.com    

Magistral yollara vergi tətbiq edilə bilər…

Azərbaycan ərazisində Şimal-Cənub və Qərb-Şərq beynəlxalq nəqliyyat dəhlizlərindən istifdə edən, maksimal çəkisi 12 tondan artıq və Rusiyada qeydiyyatda olan nəqliyyat vasitələrinə ölkənin magistral yollarına vurduğu ziyana görə ödənişlərin tətbiqi təklif edilir. Bunu "Report"a açıqlamasında Nəqliyyat Nazirliyi Dövlət Avtomobil Nəqliyyat Xidmətinin (DANX) ictimaiyyətlə əlaqələr şöbəsinin rəhbəri Şəfa Mehmanqızı bildirib.  "Biz Rusiya tərəfinin bununla bağlı analoji qərarı barədə məlumat alan kimi bir neçə ay ərzində öz təkliflərimizi də hazırladıq. Bizim təkliflərimizdə Azərbaycanda da müvafiq qanun layihəsinin hazırlanması öz əksini tapıb", - deyə Ş.Mehmanqızı qeyd edib.  DANX sözçüsü əlavə edib ki, qurum artıq həmin təkliflərdən ibarət sənədi Nəqliyyat Nazirliyinə təqdim edib, Nazirlik isə ona baxılması üçün təklifləri Nazirlər Kabinetinə göndərib. Xatrıladaq ki, bu gündən etibarən Rusiya Federasiyasının magistral yollarından istifadə edən Rusiya və eləcə də xarici ölkələrdə qeydiyyatdan keçən və maksimal çəkisi 12 tondan artıq olan nəqliyyat vasitələri (həmçinin, Azərbaycandan olan) federal əhəmiyyətli yollardan istifadə edərkən, həmin yollara vurduqları ziyana görə ödəniş etməli olacaqlar.xeber100.com