“Azərişıq” Açıq Səhmdar Cəmiyyəti (ASC) elektrik enerji təchizatı şəbəkəsinə qoşulmaq istəyən qeyri-əhali abonentlər üçün videotəlimat hazırlayıb.ASC-dən Azərtac-a bildirilib ki, qeyri-əhali abonentinin enerji təchizatı şəbəkəsinə qoşulması üçün zəruri olan sənədlər bunlardır: ərizə, VÖEN (olduğu halda) və şəxsiyyət vəsiqəsi (hüquqi şəxs yaratmadan sahibkarlıq fəaliyyəti ilə məşğul olan fiziki şəxs olduğu halda), hüquqi şəxsin təmsilçisinə (nümayəndəsinə) verilən müvafiq məktub, nümayəndənin şəxsiyyət vəsiqəsi və VÖEN (hüquqi şəxs olduğu halda), mülkiyyəti təsdiq edən sənəd (Qeydiyyat vəsiqəsi, mülkiyyət hüququnun dövlət qeydiyyatına alınmasına dair çıxarış (texniki pasport və ya plan sxem ilə birlikdə), müvafiq icra hakimiyyəti orqanının sərəncam (Ayrıc aktı ilə), bələdiyyə qərarı (plan-sxem ilə birlikdə), order (plan-sxem ilə birlikdə), alqı-satqı və ya icarə müqaviləsi (mülkiyyət hüququna dair sənədin surəti ilə), istifadə hüququna dair sənəd (şəhadətnamə, dövlət aktı, çıxarış), mülkiyyət hüququnun tanınması haqqında məhkəmə qərarı), tələb olunan elektrik enerjisinin gücü və keyfiyyət göstəriciləri barədə sənəd (yük hesabatı).Tikinti ərazisinin vəziyyət planı obyektin istismarı üçün mühəndis-kommunikasiya təminatına dair tələbat göstəriciləri barədə sənədi, ixtisaslaşdırılmış müəssisələr tərəfindən tərtib edilən ərazinin geoloji mühəndis hesabatı (MTK olduğu halda), obyektin tikintisinə dair layihənin surətini əhatə edir.Texniki şərtin verilməsi 10 iş günü, layihə-smeta sənədinin hazırlanması 5 iş günü ərzində həyata keçirilir.Qeyd edək ki, sifarişçi tərəfindən obyekt üçün tələb olunan enerji gücü yük hesabatına uyğun olaraq müəyyən olunur.xeber100.com
