TASS informasiya agentliyinin məlumatı əsasında…

2021-ci ildə “Brent” markalı neftin bir barrelinin qiyməti 40-45 dollar arasında dəyişəcək.TASS informasiya agentliyi xəbər verir ki, bu proqnoz “Moody`s” reytinq agentliyinin məruzəsində yer alıb.Hasilatçılar 3-5 il ərzində belə qiymətlərlə yalnız ən ucuz neft ehtiyatlarını çıxarmağa çalışacaq. Yüksək məsrəf tələb edən yataqlardan resurs hasil etmək üçün qara qızılın barrelinin qiyməti 50-55 dollara qədər bahalaşmalıdır.Məruzədə, həmçinin qeyd olunur ki, dünyada neft və neft məhsulları ehtiyatı yüksək olaraq qalacaq və kiçik templə aşağı düşəcək.ABŞ-ın şist neft istehsalçıları son zamanlar artan qiymətlər fonunda daha aktiv qazma işləri aparmağa başlayıb. Lakin Amerika hasilatında nəzərəçarpacaq sürətlənməni WTI neftinin bir barrelinin qiymətinin 55 dollardan yuxarı qalxması halında müşahidə etmək olar.“Moody`s” reytinq agentliyinin ekspertləri 2020-ci ilin iqtisadi tənəzzülündən sonra 2021-ci ildə neft bazarının aktivliyinin bərpa olunacağını düşünürlər.xeber100.com

“Brent” markalı neftin bir barrelinin qiyməti 0,16 dollar azalıb

Dünya birjalarında neft qiymətləri ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar geriləyərək 49,09 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,19 dollar ucuzlaşaraq 46,07 dollar olub.xeber100.com

“Azeri Light” markalı neftin bir barrelinin qiyməti 49,68 dollar təşkil edib

Azərbaycan neftinin qiyməti bahalaşıb.Azərtac xəbər verir ki, “Azeri Light” markalı neftin bir barrelinin qiyməti 0,20 dollar artaraq 49,68 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Almaniya-Azərbaycan biznes forumu keçiriləcək

Aprelin 28-də Bakıda "Azərbaycanda davamlı su və tullantı sularının idarə edilməsi" mövzusunda Almaniya-Azərbaycan biznes forumu keçiriləcək.Alman-Azərbaycan Xarici Ticarət Palatasından (“AHK-Azərbaycan”) Azərtac-a bildirilib ki, biznes forum hər iki ölkənin şirkətləri arasında həllyönümlü ikitərəfli mübadilə imkanlarına yol açacaq.Qeyd edək ki, alman texnologiya təminatçıları aprelin 27-30-da ölkəmizdə səfərdə olacaq. Nümayəndə heyəti səfəri zamanı Azərbaycan bazarı haqqında konkret ilkin məlumatları əldə edəcək və B2B görüşlər, dövlət qurumlarına ziyarətlər, dəyirmi masalar vasitəsilə ölkənin əsas səlahiyyətli qurumları ilə əlaqə yaratmaq imkanı əldə edəcəklər.xeber100.com

SOCAR-ın təbii qaz hasilatı əvvəlki illə müqayisədə 0,3 milyard kubmetrədək artıb

Ötən il SOCAR-ın təbii qaz hasilatı əvvəlki illə müqayisədə 0,3 milyard kubmetrədək artıb.Azərtac xəbər verir ki, bu barədə şirkətin 2019-cu ilə dair “Davamlı inkişaf üzrə illik hesabat”ında deyilir.Bildirilir ki, şirkətin qaz istehsalı 2017-ci ildə 6 milyard 89,1 milyon kubmetr, 2018-ci ildə 6 milyard 525,6 milyon kubmetr, keçən il isə 6 milyard 818,6 milyon kubmetr olub.xeber100.com  

Suqovuşan və Talış kəndlərinə gedən avtomobil yollarının bərpası işləri davam edir

Azərbaycan Prezidenti, Müzəffər Ali Baş Komandan İlham Əliyevin tapşırığına əsasən, oktyabrın 3-dən Azərbaycan Avtomobil Yolları Dövlət Agentliyi işğaldan azad edilmiş Tərtər rayonunun Suqovuşan və Talış kəndlərinə gedən avtomobil yollarının bərpası işlərini davam etdirir.Agentliyin İctimaiyyətlə əlaqələr şöbəsindən Azərtac-a bildirilib ki, ümumi uzunluğu 28,5 kilometr olan avtomobil yolları 2 texniki dərəcəyə uyğun bərpa edilir. İki geniş hərəkət zolağından ibarət olacaq yolun asfalt-beton örtüyünün eni 9 metr təşkil edəcək. Sözügedən avtomobil yolları uzun müddət düşmən tapdağı altında olduğundan tamamilə sıradan çıxıb və dağılıb. Hazırda yolboyu yararsız qrunt qazılaraq çıxarılır, yararlı qruntla əks-dolğu işləri aparılır, torpaq yatağı genişləndirilərək profilə salınır və yeni yol əsası inşa edilir.Tikinti işləri “İnşaat Norma və Qaydaları”nın tələblərinə əsasən və yüksək keyfiyyətlə aparılır, əraziyə lazımi sayda canlı qüvvə və texnika cəlb edilib. Artıq yolun Tərtər şəhərindən Suqovuşan kəndinə qədər olan 21 kilometr hissəsində torpaq yatağının və yol əsasının inşası işləri yekunlaşmaq üzrədir. Yol asfaltlanmaq üçün hazır vəziyyətə gətirilir. Bundan başqa, hazırda Suqovuşandan Talış kəndinə doğru uzanan 7,5 kilometrlik yolun da tikinti işlərinə başlanılıb.Növbəti mərhələdə Çaylı kəndindən Talış kəndinə qədər uzunluğu 8 kilometr olan yolun, həmçinin Talış kəndindən Tap Qaraqoyunlu kəndini keçməklə Qaşaltı Qaraqoyunlu kəndinə doğru 22,5 kilometr uzunluğa malik yeni yolun inşası da planlaşdırılır. Sözügedən avtomobil yollarının birləşdirilməsi ilə Tərtər şəhəri ilə yanaşı, alternativ olaraq Naftalan şəhərindən də bu istiqamətdə hərəkət etmək mümkün olacaq.Xatırladaq ki, Suqovuşan və Talış kəndlərinə gedən avtomobil yolları ötən əsrin 70-ci illərində Suqovuşan su anbarının tikintisi ilə əlaqədar ulu öndər Heydər Əliyevin tapşırığına əsasən inşa edilib. Hazırda işğaldan azad edilmiş yaşayış məntəqələrinə qədər uzanan sözügedən tarixi yolun bərpası istiqamətində genişmiqyaslı tikinti işləri görülür.xeber100.com

Mərkəzi Bank dekabrın 1-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) dekabrın 1-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın dekabrın 1-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Buta Airways” aviaşirkəti Bakı-İzmir-Bakı marşrutu üzrə xüsusi reyslərin sayını artıracaq

Azərbaycanın aşağıbüdcəli aviaşirkəti “Buta Airways” Bakı-İzmir-Bakı marşrutu üzrə xüsusi reyslərin sayını artıracaq.“Buta Airways” aviaşirkətinin mətbuat xidmətindən Azərtac-a bildirilib ki, dekabr ayının 10-dan etibarən bu istiqamət üzrə uçuşlar həftədə iki dəfə - cümə axşamı və bazar günləri həyata keçiriləcək.Xatırladaq ki, ölkədəki epidemioloji vəziyyətlə bağlı tətbiq edilmiş məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir – “Standart” və “Super”.Belə ki, “Standart” tarifinə (55 avrodan başlayaraq) çəkisi 10 kiloqramdan çox olmayan və ölçüləri 3 ölçünün cəmi üzrə 158 santimetrdən böyük olmayan qeydiyyatdan keçən baqajın daşınması daxildir. “Super” tarifinə (75 avrodan başlayaraq) çəkisi 23 kiloqramdan çox olmayan və ölçüləri 3 ölçünün cəmi üzrə 158 santimetrdən böyük olmayan qeydiyyatdan keçən baqajın, habelə çəkisi 10 kiloqramdan çox olmayan və ölçüləri 3 ölçünün cəmi üzrə 118 santimetrdən çox olmayan əlavə baqajın daşınması daxildir.Hər iki tarifə ödənişsiz olaraq yer seçimi və hava limanında qeydiyyat opsiyaları daxildir. Təyyarəyə özünüzlə əl yükü qismində yalnız qadın əl çantası, kişi portfeli, portativ kompüter çantası (yalnız təyinatı üzrə istifadə edilməlidir) və uşaq qidası götürə bilərsiniz. “Duty Free” mağazalarından alınan əşyalar daxil olmaqla digər əl yükü növləri qadağandır.Bakı-İzmir-Bakı marşrutu üzrə biletlər artıq “Buta Airways” aviaşirkətinin rəsmi saytında (“Super” və “Standart” tarifləri üzrə) və rəsmi agentliklərində (yalnız “Super” tarifi üzrə) mövcuddur.Pandemiya dövründə qeyd edilən reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstəriləcək.Uçuşa yalnız Tibbi Ərazi Bölmələrini İdarəetmə Birliyi (TƏBİB) tərəfindən akkreditə olunmuş xüsusi laboratoriyalarda koronavirusa (COVID-19) dair test verən və nəticəsi neqativ olan sərnişinlər buraxılacaq. Testin nəticələri tibbi arayış alındıqdan sonra 48 saat ərzində etibarlıdır.Koronavirus infeksiyasının yayılmasının qarşısını almaq məqsədilə və ölkədəki epidemioloji vəziyyətlə əlaqədar olaraq sərnişinləri qarşılayan və yola salan vətəndaşlar aerovağzal binasına buraxılmayacaq.xeber100.com

Kəlbəcər Azərbaycandır! Qarabağ Azərbaycandır!

27 ildən sonra Kəlbəcər rayonunun Ermənistan silahlı qüvvələri tərəfindən işğalına son qoyuldu.Azərtac xəbər verir ki, “Azərkosmos” ASC Azərbaycanın Kəlbəcər rayonunun işğaldan azad olunduqdan sonra “Azersky” peyki ilə çəkilmiş təsvirini təqdim edib.Ali Baş Komandan İlham Əliyevin diplomatik danışıqlar müstəvisində böyük ustalığı və ordumuzun döyüş meydanında göstərdiyi şücaəti sayəsində torpaqlarımızın hər bir qarışı erməni işğalından azad olur.İşğal dövrü ərzində Kəlbəcər rayonunda xeyli sayda tarixi-mədəniyyət abidəsi, muzey, “İstisu” sanatoriyası və digər mühüm obyektlər erməni vandalları tərəfindən xarabalığa çevrilib.Rayonun ərazisindəki Qafqaz Albaniyası memarlığının nümunəsi olan “Xudavəng” və “Gəncəsar” monastır kompleksləri ermənilərin təcavüzünə məruz qalıb, işğalçı tərəfindən bu məbədlər erməni kilsəsi kimi təqdim olunub. Kəlbəcəri tərk edərkən evləri, meşələri yandıraraq rayonun ekoloji durumuna ziyan vermələri erməni barbarlığının ən son nümunəsidir.Bu gündən etibarən Kəlbəcər azaddır! Biz qalib gəldik!Kəlbəcər Azərbaycandır! Qarabağ Azərbaycandır!xeber100.com

Bakı Fond Birjasında qısamüddətli notlarının yerləşdirilməsi üzrə hərrac keçiriləcək

Noyabrın 25-də Bakı Fond Birjasında (BFB) Azərbaycan Mərkəzi Bankının (AMB) qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 150 milyon manat, bir notun nominal dəyəri 100 manat, tədavül müddəti 28 gündür. Notlar dekabrın 23-də ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizədək artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Təqdim olunan sifarişlər üzrə qiymət diapazonu 99.4974 - 99.5351 AZN təşkil edir. Mərkəzi Bankın qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com