Azərbaycandan 372,4 min ton kimya sənayesi məhsulları ixrac edilib

Yanvar-avqust aylarında Azərbaycandan 372,4 min ton kimya sənayesi məhsulları ixrac edilib.Dövlət Gömrük Komitəsindən (DGK) Azərtac-a verilən məlumata görə, ixrac edilən kimya sənayesi məhsullarının dəyəri isə 52,4 milyon ABŞ dolları olub.Xatırladaq ki, keçən ilin eyni aylarında ölkədən ixrac olunan 332,9 min ton kimya məhsullarının dəyəri 68,4 milyon dollar təşkil etmişdi.xeber100.com

Dünya birjalarında neft qiymətləri müxtəlif istiqamətlərdə dəyişib

Dünya birjalarında neft qiymətləri müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,23 dollar geriləyərək 39,83 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,03 dollar bahalaşaraq 37,33 dollar olub.xeber100.com

“Bakı Metropoliteni” QSC sərnişinlərə müraciəti!

“Bakı Metropoliteni” QSC sərnişinlərə müraciət edib.QSC-dən Azərtac-a bildirilib ki, Bakı metropoliteninin sentyabrın 14-də metrodan istifadə şərtləri açıqlanıb: - Bakı metropoliteninin sərnişindaşıma fəaliyyəti sentyabrın 14-ü səhər saat 06:00-dan bərpa olunur. Bakı metropoliteninin stansiyaları saat 06:00-dan 24:00-dək sərnişinlərin girişinə açıq olacaq - Metropoliten gücləndirilmiş iş rejimində fəaliyyət göstərəcək - Texniki imkanlar nəzərə alınmaqla, qatarların hərəkəti maksimal hərəkət qrafiki ilə təmin olunacaq - Əlil arabalarından istifadə edən sərnişinlərin daşınması xidmətinin fəaliyyəti bərpa ediləcək - “İctimai nəqliyyatda koronavirus infeksiyasının profilaktikasına dair metodiki göstəriş”ə uyğun olaraq, Bakı metropoliteni stansiyalarının ərazisində və qatarlarda mütləq qaydada tibbi maskalardan istifadə edilməli və sosial məsafə gözlənilməlidir. Tibbi maska taxmadan metropolitendən istifadə qadağandır. Sərnişinlərin diqqətinə çatdırılır ki, tibbi maska ağız və burun boşluğunu tam örtməlidir - Tibbi maskadan istifadə olunmamasına görə müvafiq qaydada inzibati məsuliyyət tətbiq edilir - Stansiyaların girişlərində sərnişinlərin tibbi maskadan istifadə etməsi tələb olunacaq - Stansiyalara daxil olan sərnişinlərin hərarəti, seçmə qaydada olmaqla, müvafiq tibbi avadanlıq vasitəsilə yoxlanılacaq - Sosial məsafənin qorunmasını, tibbi maskadan istifadəni, sanitar-gigiyenik qaydalara riayət olunmasını təmin etmək məqsədilə sərnişinlərin audio, vizual, statik məlumatlandırılması üsullarından istifadə olunacaq, stansiya və qatarlardakı oturacaqlarda məlumatlandırıcı işarələr qoyulacaq, zərurət yarandığı halda, sərnişinlərin rabitə vasitələri və səsucaldanlarla məlumatlandırılması təmin olunub - Bakı metropoliteni stansiyalarında fəaliyyət göstərən apteklərə tibbi maska satışı üçün şərait yaradılıb - Sərnişinlərin sosial məsafəni qoruması, metropolitenə təhlükəsiz və nizamlı daxil olmasını təmin etmək məqsədilə istiqamətləndiricilər qoyulacaq. Bunu nəzərə alaraq, sərnişinlərdən stansiyalara daxil olarkən tibbi maskadan düzgün istifadə etməklə sosial məsafə saxlamaları və təhlükəsizlik qaydalarına riayət etmələri xahiş olunur - Stansiya və qatarların dezinfeksiya olunması əvvəlki qaydada müəyyən edilmiş qrafik üzrə təmin ediləcək.xeber100.com

Sentyabrın 11-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) sentyabrın 11-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın sentyabrın 11-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Azəriqaz” yeni layihənin həyata keçirilməsini planlaşdırır

“Azəriqaz” İstehsalat Birliyi təbii qaz sayğaclarının idarə olunmasında işin səmərəliliyini təmin etmək üçün yeni layihənin həyata keçirilməsini planlaşdırır.Birlikdən Azərtac-a bildirilib ki, hazırda həm istismar müddəti başa çatan, həm də dövri yoxlama müddəti yaxınlaşan (əhali abonent qrupu üçün 5 ildən bir) sayğaclar smart-kart tipli və ya mexaniki-elektron tipli olmasından asılı olmayaraq, bəzi istisnalar edilməklə əksər hallarda mexaniki-elektron tipli sayğaclarla əvəzlənir. Quraşdırılan bu sayğacların göstəricilərinin fiziki olaraq oxunuşu üçün xeyli sayda nəzarətçi işə cəlb olunur. Bu baxımdan işin səmərəliliyinin artırılması məqsədilə qərara alınıb ki, abonentlərin istifadəsində olan mövcud mexaniki-elektron tipli sayğaclara əlavə onlayn nəzarət qurğuları yerləşdirilsin. Radio dalğa ötürücüləri ilə çalışan qurğular imkan verir ki, uzaq məsafədən nəzarətçi fərdi yaşayış evinə yaxınlaşmadan səyyar terminalla mexaniki-elektron tipli sayğacın məlumatlarını bir neçə dəqiqə ərzində oxuyaraq mərkəzi bazaya ötürsün. Mexaniki-elektron tipli sayğac öz funksiyasını əvvəlki kimi yerinə yetirir. Sadəcə qaz axını ilə bağlı məlumatlar paralel olaraq uzaqdan idarəediləcək formada qurğunun qeydiyyatına düşür. Bu qurğuların bir neçə modeli mövcuddur. Onlardan bəziləri fiziki müdaxilə olmadan uzaqdan idarəetmə ilə borclu abonentin mexaniki-elektron tipli sayğacının klapanının bağlanmasına da şərait yaradır.Beləliklə, çox sayda işçi sayğac göstəricilərinin oxunmasına cəlb edilməyəcək, onlar digər mühüm işlərdə səmərəli istifadə olunacaq. Eyni zamanda, nəzərə alsaq ki, çoxmərtəbəli binalarda da smart-kart tipli sayğaclar dövri yoxlanış müddəti bitdiyi zamanı mexaniki-elektron tipli sayğaclarla əvəz edilə bilər, bu halda da, abonentin hər dəfə qapısı döyülərək narahat edilməsi minimuma enəcək.Başqa bir halda, onlayn nəzarət qurğuları mexaniki-elektron tipli sayğacların göstəricilərinin ilin sonunda tam vaxtında oxunmasını təmin edəcək. Bununla da güzəştli limit həddinin hesablanması ilə bağlı hər yeni ilin yanvar ayının birinci on günlüyündə oxunma aparıldığı üçün abonentlərin narazılığına son qoyula bilər. Yəni, limitlə bağlı keçid dövrünü smart-kart tipli sayğaclarda olduğu kimi mexaniki-elektron tipli sayğaclarda da eyni vaxtda – hər il dekabrın 31-də tənzimləmək üçün şans yaranır.Hazırda müvafiq sənədləşmə işləri aparılır və bu qurğuların istehsalçı şirkətləri ilə danışıqlara başlanılıb. İlkin mərhələdə yeni qurğuların Mənzil Tikinti Kooperativlərinin inşa etdiyi çoxmərtəbəli binalarda sınaqdan keçirilməsi planlaşdırılıb.xeber100.com

Maliyyə-bank sektorunun mövcud vəziyyəti müzakirə edilib

ABA-dan Azərtac-a bildirilib ki, assosiasiyanın Rəyasət Heyətinin növbəti iclası keçirilib. İclasın gündəliyində duran əsas məsələlər sırasında özünüməşğulluq proqramı ilə əlaqədar ABA-dan köçürüləcək vəsait hesabına banklar tərəfindən əlavə 400 vətəndaşa aktivlərin təqdim edilməsi işinin təşkili, Dövlət Sosial Müdafiə Fondunun “Özünüməşğulluq” layihəsində biznes-planların Qiymətləndirmə Komissiyasının tərkibinə Bakı və regionlar üzrə nümayəndələrin ayrılması, “Xəzinədarlıq və Fondların İdarəedilməsi üzrə Ekspert Qrupu”nun sədrliyinə “Kapital Bank” ASC-nin Xəzinə departamentinin direktoru Fərid Əliyevin namizədliyinin müzakirəsi, Mərkəzi Bankdan Banklar Assosiasiyasına daxil olmuş Dövlət Turizm Agentliyinin müraciətinin müzakirəsi yer alıb.İclas zamanı qlobal müstəvidə yaranmış vəziyyətlə əlaqədar maliyyə-bank sektorunun mövcud vəziyyəti, həmçinin gündəlikdə yer alan cari məsələlərlə bağlı fikir mübadiləsi aparılıb, görülən işlərlə bağlı hesabat dinlənilib.Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını təmsil etmək, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 25 bank və 4 qeyri-bank təşkilatı ABA-nın üzvüdür.xeber100.com

“Light” markalı neftin bir barrelinin qiyməti 0,75 dollar ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,05 dollar geriləyərək 41,96 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,75 dollar ucuzlaşaraq 39,02 dollar olub.xeber100.com

Azərbaycan Avtomobil Yolları Dövlət Agentliyinin məlumatı

Təmir işləri ilə əlaqədar sentyabrın 8-dən 18-dək paytaxtın Mirəli Qaşqay küçəsinin Süleyman Rəhimov və Şamil Əzizbəyov küçələri arasında yerləşən hissəsində avtonəqliyyat vasitələrinin hərəkəti məhdudlaşdırılacaq.Bu barədə Azərtac-a Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsindən bildirilib.Sürücülərdən öncədən hərəkət istiqamətlərinə uyğun alternativ yollardan istifadə etmələri tövsiyə olunur.xeber100.com

Bakı Fond Birjasında hərrac keçiriləcək

Sentyabrın 9-da Bakı Fond Birjasında (BFB) Azərbaycan Mərkəzi Bankının (AMB) qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 200 milyon manat, bir notun nominal dəyəri 100 manat, tədavül müddəti 28 gündür. Notlar oktyabrın 7-də ödəniləcək. Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizədək artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Təqdim olunan sifarişlər üzrə qiymət diapazonu 99.4782-99.5158 AZN təşkil edir. Mərkəzi Bankın qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilərlər.xeber100.com

Neft İxrac Edən Ölkələr Təşkilatının yubiley tədbiri təxirə salınıb

Neft İxrac Edən Ölkələr Təşkilatının (OPEC) bu ay Bağdadda keçirilməsi planlaşdırılan 60 illik yubiley tədbiri koronavirus pandemiyası ilə əlaqədar təxirə salınıb.Azərtac OPEC-ə istinadla xəbər verir ki, İraqın Neft naziri İhsan Əbdül Cabbar OPEC-in baş katibi Məhəmməd Sanusi Barkindoya göndərdiyi məktubda təşkilatın 60-cı ildönümünə ev sahibliyi edə bilməyəcəklərindən məyusluq duyduqlarını bildirib. Nazir insanların sağlamlığı və təhlükəsizliyinin çox vacib məsələ olduğunu vurğulayıb.Qeyd edək ki, bu il sentyabrın 10-14-də İraqın paytaxtında OPEC-in 60 illik yubileyinin keçirilməsi nəzərdə tutulurdu.OPEC 5 qurucu üzv - İran, İraq, Küveyt, Səudiyyə Ərəbistanı və Venesuela tərəfindən 1960-cı ildə Bağdadda yaradılıb. Hazırda kartelə 13 neft istehsal edən ölkə üzvdür.OPEC, həmçinin bu ay təşkilatın katibliyinin Avstriyanın paytaxtı Vyanaya köçməsinin 55-ci ilini qeyd edir.xeber100.com