Londonun ICE birjasında “Brent” markalı neftin qiyməti…

Dünya birjalarında neftin qiyməti bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar artaraq 35,23 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,27 dollar bahalaşaraq 33,52 dollar təşkil edib.xeber100.com

“Azəriqaz” qeyri-iş günlərində gücləndirilmiş iş rejimində çalışacaq

“Azəriqaz” İstehsalat Birliyi qeyri-iş günlərində gücləndirilmiş iş rejimində çalışacaq.Qumrunun mətbuat xidmətindən Azərtac-a bildirilib ki, qaz təchizatında yarana biləcək istənilən çətinliklərlə bağlı abonentlər dərhal 104/185 saylı Çağrı Mərkəzinə məlumat verə bilərlər.Bundan başqa, (+99477) 3 104 104 saylı daim aktiv rejimdə çalışan “Whatsapp” nömrəsinə də mesajlar göndərilə bilər. Bayram günlərində əsasən müştəri xidmətlərinə də ehtiyac çox duyulduğu üçün bu sahədə tədbirlər proqramı hazırlanıb. Beləliklə, bölgələrdə xidmət 25, 26, 27, 28, 29, 30 və 31 may tarixlərində səhər saat 10:00-dan saat 17:00-dək “ASAN xidmət” mərkəzlərinin yerləşdiyi rayonlardakı “Azəriqaz” İB-nin qaz xidmət sahələrində göstəriləcək. Məsələn, Quba rayonundakı “ASAN xidmət” mərkəzi bayram günlərində işləmirsə, müştəri xidmətinə dair suallarını vətəndaşlar elə Quba rayonundakı qaz xidmət sahəsinə ünvanlıya bilərlər.Bakı və ətraf ərazilərdə isə bir neçə gün əvvəl xəbər verildiyi kimi müştəri xidmətlərinin göstərilməsi may ayının 24, 25, 26, 27, 28, 29, 30 və 31-də Mərdəkan, Xırdalan və Sabunçu xidmət sahələrində, eləcə də Bakı Regional Qazın Satışı Departamentinin inzibati binasında (Nizami rayonu, Babək pr. 21/24) səhər saat 10:00-dan saat 17:00-dək təqdim ediləcək.Bayram həftəsində abonentlərin müştəri xidmətləri üzrə aşağıda qeyd edilən istiqamətlərdə müraciətləri cavablandırılacaq: itirilmiş və ya zədələnmiş smart kartların bərpası, yeni qazlaşma nəticəsində quraşdırılmış smart tipli sayğacın kartının verilməsi, qüsurlu ödənişlərin bərpası, smart tipli sayğacların əvəz olunması səbəbindən yeni smart kartların verilməsi, koda düşmüş kartların bərpası, qaz sərfiyyatına görə dəymiş ziyanın ödənilməsi, dini qurumlara limitlərin verilməsi, smart tipli sayğaclarda istifadə edilməyən məbləğlərin abonent koduna köçürülməsi, borc və ödəniş haqqında məlumatların verilməsi.xeber100.com

Dövlət Statistika Komitəsinin məlumatına görə…

Yanvar-aprel aylarında kimya sənayesində məhsul buraxılışı artıb.Dövlət Statistika Komitəsindən Azərtac-a bildirilib ki, 4 ayda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 385,1 milyon manatlıq məhsul istehsal edilib.Əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 60,7 faiz, kimya sənayesində 24,9 faiz, rezin və plastik kütlə məmulatlarının istehsalında isə 20 faiz artıb.Rezin və plastik kütlə məmulatlarından məsaməli polistirol lövhələr və zolaqların istehsalı 3,1 dəfə, bərk polipropilen boruların istehsalı 77,9 faiz çoxalıb.xeber100.com

TANAP boru kəməri ilə 1,3 milyard kubmetr təbii qaz nəql edilib

Yanvar-aprel aylarında TANAP boru kəməri ilə Türkiyəyə 1,3 milyard kubmetr təbii qaz nəql edilib.Energetika Nazirliyindən Azərtac-a bildirilib ki, istismara veriləndən bu il mayın 1-dək isə TANAP-la Türkiyəyə 5,1 milyard kubmetrdən çox qaz nəql edilib.Qeyd edək ki, 2018-ci il iyunun 12-də Əskişəhərdə istifadəyə verilən TANAP qaz kəməri ilə Türkiyəyə ilk qaz həcmlərinin nəqli planlaşdırıldığı kimi həmin il iyunun 30-da başlayıb. TANAP boru kəməri ötən il iyulun 1-dən etibarən Azərbaycan təbii qazının Avropaya nəql edilməsi üçün hazır vəziyyətə gətirilib. TANAP-la bu il 2 milyard kubmetr, 2020-ci ildə 4 milyard kubmetr və 2021-ci ildə isə 6 milyard kubmetr Azərbaycan təbii qazı Türkiyəyə nəql ediləcək. TANAP boru kəmərinin ikinci fazası isə keçən il noyabrın 30-da istifadəyə verilib.TANAP-ın səhmlərinin 51 faizi “Cənub Qaz Dəhlizi” QSC-yə, 7 faizi STEAŞ-a, 30 faizi “Botaş”a, 12 faizi isə BP şirkətinə məxsusdur.xeber100.com

“Azeri Light” markalı neftin qiyməti 1,65 dollar ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 1,65 dollar ucuzlaşaraq 34,97 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Dünya Bankı 100 ölkəyə maliyyə dəstəyi göstərib

Dünya Bankı koronavirusun yeni növü (COVID-19) ilə mübarizə çərçivəsində inkişaf etməkdə olan 100 ölkəyə maliyyə yardımı göstərildiyini açıqlayıb.Azərtac xəbər verir ki, bank ölkələrin iqtisadiyyatını dəstəkləmək və səhiyyə sistemlərini gücləndirmək üçün mart ayından bəri rekord məbləğdə maliyyə dəstəyi ayrıldığını bildirib. Dünya Bankı COVID-19-la mübarizə üçün inkişaf etməkdə olan ölkələrə dəstək məqsədilə 15 ay ərzində 160 milyard dollar maliyyə yardımı ayırmaqla bağlı öhdəlik götürüb. Bu dəstək dünya əhalisinin 70 faizini özündə cəmləşdirən 100 inkişaf etməkdə olan ölkəyə çatdırılıb.“Epidemiya və inkişaf etmiş ölkələrdə iqtisadi fəaliyyətin dayandırılması 60 milyon insanı həddindən artıq yoxsulluğa vadar edə bilər. Bu, yoxsulluğun azaldılması istiqamətində indiyədək əldə olunan nailiyyətlərə zərbə vura bilər”, - deyə Dünya Bankının prezidenti David Malpass bildirib.xeber100.com

Gömrük Komitəsi qeyri-iş günlərində fəaliyyət göstərəcək

Azərbaycan Respublikasının ərazisində iş və istirahət günlərinin yerinin dəyişdirilməsi və xüsusi karantin dövründə qeyri-iş günlərinin müəyyən edilməsi haqqında Nazirlər Kabinetinin Qərarına əsasən, qarşıdan gələn qeyri-iş günlərində gömrük sərhədindən keçirilən malların rəsmiləşdirilməsi məqsədilə Dövlət Gömrük Komitəsinin strukturuna daxil olan ərazi və ixtisaslaşdırılmış gömrük idarələri mayın 25-dən etibarən gündəlik iş rejimində fəaliyyət göstərəcək.Komitənin Mətbuat və İctimaiyyətlə Əlaqələr İdarəsindən Azərtac-a bildirilib ki, gömrük rəsmiləşdirilməsi zamanı xarici ticarət iştirakçıları hökumət ödəniş portalının xidmətindən istifadə etməklə mal və nəqliyyat vasitələrinə görə gömrük ödənişlərini həyata keçirə bilərlər.xeber100.com

ABŞ-ın “Light” markalı xam nefti baha satılır

ABŞ-ın “Light” markalı xam neftinin bir barreli 31 dollardan baha satılır. Bu, son 2 ayın maksimum səviyyəsidir.Azərtac xəbər verir ki, qiymətin artmasına səbəb qlobal miqyasda neft istehsalçılarının hasilata məhdudiyyətlər tətbiq etməsidir.Belə ki, Nyu-York birjasında fyuçers müqavilələrinin qiyməti son 3 həftədə təxminən 2 dəfəyədək artıb. Həmçinin ABŞ-dakı aktiv neft qazma qurğularının sayı da ardıcıl olaraq 9-cu həftədə də azalıb və son 10 ildə ən aşağı səviyyəyə enib. ABŞ-ın xam neft fyuçersləri üzrə əsas paylama mərkəzi olan Oklahoma ştatının Cushing şəhərində isə ehtiyatlar fevral ayının sonundan bəri ilk dəfə azalıb.Qeyd edək ki, hazırda “Brent” markalı neftin bir barreli Londonun ICE birjasında 33 dollardan, “Light” neftinin bir barreli Nyu-Yorkun NYMEX birjasında 31 dollardan baha satılır.xeber100.com

Neft bazarını qiymətləndirən agentliklərə görə…

Neft bazarını qiymətləndirən agentliklərə görə, koronavirus pandemiyası səbəbindən bu rüb ərzində neftə olan tələbat illik müqayisədə 1,7 milyard barrel azala bilər.Azərtac xəbər verir ki, qlobal neft tələbatının beşdəbiri bu rüb ərzində yox olacaq. Neftlə bağlı proqnozlarını açıqlayan üç böyük agentlik koronavirusla mübarizədə görülən məhdudlaşdırma tədbirləri fonunda qlobal miqyasda neft istehlakında ən sərt azalmanın müşahidə olunacağı ilə bağlı həmfikirdir. Tələbin aldığı “zərbə”nin miqyası isə neft istehsalçılarının tətbiq etdiyi məhdudiyyətlərə baxmayaraq, ehtiyatların bu il artacağı mənasına gəlir.Beynəlxalq Enerji Agentliyi (IEA), OPEC və ABŞ-ın Enerji İnformasiya Administrasiyası (EIA) bu həftə neft bazarı ilə bağlı proqnozlarını yeniləyib və tələbatın azalmasının dərinliyi ilə bağlı fikirlər bir-birinə yaxın olub. Beynəlxalq Enerji Agentliyinin keçənaykı pessimist mövqeyi hazırda əsas mənzərə olub. Belə ki, bu rüb ərzində dünyada keçən ilə nisbətən 1,7 milyard barrel az neft istifadə ediləcək.Həm EIA, həm də OPEC-in aprel ayındakı hesabatlarda tələbatın bu ilin ikinci rübündə əvvəlki ilin eyni dövrü ilə müqayisədə gündəlik 12 milyon barrel azalacağını proqnozlaşdırıb. Hazırda isə Beynəlxalq Enerji Agentliyi gündəlik 20 milyon barreldən çox azalma proqnozlaşdırır. Ötən bir ayda karantinin yumşaldılması və müəssisələrin tədricən açılması agentliyin bir az daha optimist proqnoz verməsinə səbəb olub.Lakin EIA və OPEC-in proqnozları kəskin dəyişib və bir ay əvvəllə müqayisədə tələbatın daha da pisləşəcəyi gözlənilir. Bu iki qurumun proqnozu Beynəlxalq Enerji Agentliyinin neft istehlakına dair daha pessimist qiymətləndirməsinə yaxınlaşıb.xeber100.com  

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,19 dollar ucuzlaşaraq 31,01 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com