Gənc Tamaşaçılar Teatrı 90-cı yubiley mövsümünə start verib

Sentyabrın 23-də Gənc Tamaşaçılar Teatrı özünün 90-cı yubiley mövsümünə start verib.AzərtacC xəbər verir ki, həmin gün teatrın səhnəsində M.F.Axundzadənin “Hekayəti-Xırs-Quldurbasan” tamaşası nümayiş olunub.xeber100.com

“Forsaj-şou” adlı sirk şousu təqdim ediləcək

Sentyabrın 29-dan oktyabrın 8-dək Bakıda “Forsaj-şou” adlı sirk şousu təqdim ediləcək.Azərtac xəbər verir ki, sözügedən sirk şousunda dünyanın ən məşhur klounu Devid Lariblenin iştirakı da gözlənilir.Qeyd edək ki, Rusiyanın Xalq Artisti Viktor Kudryavtsevin rəhbərlik etdiyi şounun proqramına avtomobil, kartinq, motosiklet və velosiped sürən ayıların iştirakı ilə nömrələr daxildir. Şouda bütövlükdə 7 ölkədən, o cümlədən Azərbaycandan olan artistlər çıxış edəcək.Proqramda Cənubi amerikalı motokaskadyorların çıxışlarına xüsusi yer ayrılıb.xeber100.com

V Bakı Beynəlxalq Kitab Sərgi–Yarmarkası keçiriləcək

Mədəniyyət və Turizm Nazirliyinin təşkilatçılığı ilə sentyabrın 28-dən 30-dək Bakı İdman Sarayında V Bakı Beynəlxalq Kitab Sərgi–Yarmarkası keçiriləcək.Nazirlikdən Azərtac-a bildirilib ki, sərgi-yarmarkada iştirakla bağlı 100-dək yerli, 40-dan artıq xarici nəşriyyat, kitab evi və digər təşkilatlar qeydiyyatdan keçib.Üç gün davam edəcək (saat 10:00-dan 18:00-dək) sərgi-yarmarka zamanı yerli və xarici nəşrlərin nümayişi və satışı ilə yanaşı, tanınmış yazarların oxucularla görüşü, kitab təqdimatları, yerli və xarici naşirlərin işgüzar toplantıları və digər çoxsaylı tədbirlər baş tutacaq.xeber100.com

IX Beynəlxalq Musiqi Festivalı çərçivəsində

Üzeyir Hacıbəyli IX Beynəlxalq Musiqi Festivalı çərçivəsində sentyabrın 19-da Azərbaycan Bəstəkarlar İttifaqında “Müasir dövrdə Ü.Hacıbəylinin səhnə əsərlərinin geniş coğrafiyası” mövzusunda elmi konfrans işə başlayıb.Azərtac xəbər verir ki, tədbirdə Bəstəkarlar İttifaqının sədri Firəngiz Əlizadə dahi bəstəkarın zəngin həyat və yaradıcılığından söhbət açıb, milli musiqimizin inkişafında xidmətlərindən danışıb. O bildirib ki, Üzeyir Hacıbəylinin yaradıcılığının araşdırılması coğrafiyası gündən-günə genişlənir, yeni tədqiqat işləri aparılır.Tədbir dahi bəstəkarın zəngin irsinə dair müxtəlif mövzularda elmi məruzələrin dinlənilməsi ilə davam edir.xeber100.com

Pantomima Teatrı oktyabr ayının repertuarını təqdim edir

Pantomima Teatrının oktyabr ayı üçün repertuarı maraqlı tamaşalarla zəngindir.Azərtac sənət ocağının oktyabr repertuarını təqdim edir: 1oktyabr - “Fəlakət və İnsan”, “Pantomima buketi” 7 oktyabr - “Adagio” 8, 21oktyabr - “Qoca və Mələk” 14 oktyabr - “Underground” 15 oktyabr - “Fəlakət və İnsan”, “Katarsis” 22 oktyabr - “Ağ bığlılar” 28 oktyabr - “Ora- bura” 29 oktyabr - “Fəlakət və İnsan”, “Qoca və Mələk”.xeber100.com

“YARAT” Müasir İncəsənət Mərkəzi təqdim edir

Sentyabrın 19-da “YARAT” Müasir İncəsənət Mərkəzində rejissor İlqar Nəcəfin "Nar bağı" filmi təqdim ediləcək.Azərtac xəbər verir ki, ekran əsərinin nümayişindən sonra filmin yaradıcı heyəti ilə görüş keçiriləcək. Xatırladaq ki, “Azərbaycanfilm” kinostudiyası və “Buta Film” kino şirkətinin birgə istehsalı olan ekran əsəri 2017-ci ildə ərsəyə gəlib.xeber100.com

Yeni dərs ilinin başlanması münasibətilə tədbir keçirilib

Sentyabrın 15-də Üzeyir Hacıbəyli adına Bakı Musiqi Akademiyasında (BMA) yeni dərs ilinin başlanması münasibətilə tədbir keçirilib.Azərtac xəbər verir ki, tədbir Azərbaycanın dövlət himninin səsləndirilməsi ilə başlayıb.Tədbirdə BMA-nın tədris işləri üzrə prorektoru N.Quliyeva çıxış edərək yeni dərs ilində tələbə adını qazanan hər kəsi təbrik edib və akademiyanın tədris sistemi haqqında tələbələri məlumatlandırıb. Prorektor vurğulayıb ki, bu il BMA-ya fərqli ixtisaslara malik 150 tələbə daxil olub.Qeyd edilib ki, təhsil ocağında yeni açılan “Musiqi müəllimliyi” ixtisasına da tələbə qəbulu həyata keçirilib.Sonra çıxış edən ali təhsil ocağının professor- müəllim heyəti tələbələri Üzeyir Hacıbəyli ənənələrinə sadiq olaraq onun adını layiqincə təmsil etmələrini və bu təhsil ocağında fəaliyyət göstərən korifey sənətkarların yolunu uğurla davam etdirmələrini tövsiyə ediblər.xeber100.com

Gənc Tamaşaçılar Teatrının məlumatı

Azərbaycan Dövlət Gənc Tamaşaçılar Teatrında yeni layihə üzərində yaradıcılıq prosesinə başlanılıb. Teatrın Bakı Yunis Əmrə İnstitutu ilə birgə reallaşdırdığı layihə “Eşqi – Nigar” adlanır.Teatrdan Azərtac-a bildirilib ki, əsər türk dünyasının ortaq əfsanəvi qəhrəmanı Koroğlu dastanı əsasında hazırlanır.Tamaşanın quruluşçu rejissoru Ayla Həşimova, səhnələşdirmə müəllifi Amaliya Ömərova, baletmeyster Ceyhun Dadaşovdur.Səhnə sərində əsas obrazları Zülfiyyə Alhüseynova, Manaf Dadaşov, Aydın Dəmirov, Ramiq Nəsirov, Eyvaz İbrahimov, İlham Əsədov, Vahid Orucoğlu və başqaları ifa edəcək. Səhnə əsərinin bədii rəhbəri Əməkdar İncəsənət Xadimi Bəhram Osmanovdur.Sözügedən layihənin Bakı premyerası bu ilin noyabr ayının 14-də baş tutacaq. Sonrakı nümayişlər isə Türkiyə Cümhuriyyətinin Ərzurum, Bolu və digər şəhərlərində nəzərdə tutulur.xeber100.com

Opera və Balet Teatrı sentyabr repertuarını təqdim edir

Akademik Opera və Balet Teatrı sentyabrın üçüncü ongünlüyündə maraqlı səhnə əsərləri ilə çıxış edəcək.Teatrın nəzərdə tutulan repertuarını təqdim edirik: 19 sentyabr- Üzeyir Hacıbəyli - “Leyli və Məcnun” (üç pərdəli opera) 23 sentyabr- Müslüm Maqomayev - “Şah İsmayıl” (üç pərdəli opera) 24 sentyabr- Qara Qarayev - “Yeddi Gözəl” (iki pərdəli balet) 27 sentyabr- Cüzeppe Verdi - “Traviata” (dörd pərdəli opera) 30 sentyabr- Adolf Adan - “Jizel” (iki pərdəli balet).xeber100.com

Beynəlxalq Caz Festivalı çərçivəsində

Oktyabrın 26-da Heydər Əliyev Sarayında tanınmış yerli caz ifaçılarının konsert proqramı keçiriləcək.Sarayın mətbuat xidmətindən Azərtac-a bildirilib ki, “jAzzeri muğam bands” caz musiqisi axşamında Əməkdar İncəsənət Xadimi Cəmil Əmirov və “Savab” caz qrupu, Əməkdar Artist Mircavad Cəfərov və “Cəngi” estrada folklor qrupu, Əməkdar Artist Rəşad Haşımov və “Rast” qrupu, çoxsaylı müsabiqələrin laureatları, ifaçılar Arslan Növrəsli, Şəhriyar İmanov (tar), Elvin Bəşirov, Nicat Aslanov və Afşin Əlizadə (quartet) iştirak edəcəklər. Konsertdə yerli caz kompozisiyaları və dünyaca məşhur musiqi əsərləri səsləndiriləcək.Saat 19:00-da başlayacaq konsertin biletlərin İticket.az dan onlayn, şəhərin kassalarından və “ASAN xidmət” mərkəzlərindən əldə etmək olar.Konsert Bakı Beynəlxalq Caz Festivalı çərçivəsində keçiriləcək.Oktyabrın 20-dən 28-dək keçiriləcək bu festival Mədəniyyət və Turizm Nazirliyi, “Jazz dünyası” jurnalı, “A-A Events” şirkətinin və “The landmark hotel Baku”nun təşkilatçılığı, ölkəmizdə fəaliyyət göstərən bir sıra səfirliklərin, habelə mədəniyyət mərkəzlərinin, şirkətlərin tərəfdaşlığı ilə reallaşacaq.xeber100.com