Kinematoqrafçılar İttifaqının məlumatına görə…

Kinematoqrafçılar İttifaqı 2 avqust - Milli Kino Günü münasibətilə bir qrup kino xadiminə bu sahədə üzün müddət səmərəli fəaliyyətinə görə pul mükafatları təqdim edib.Kinematoqrafçılar İttifaqının mətbuat xidmətindən Azərtac-a bildirilib ki, mükafatlar yubilyarlar və veteranlar kateqoriyasını əhatə edir və müvafiq olaraq 450 və 200 manat təşkil edir. Xalq Artisti Yalçın Əfəndiyevə 80, Xalq Rəssamı Rafiq Nəsirov, Əməkdar İncəsənət xadimləri Rafael Qəmbərov, Amin Novruzov və Ənvər Əbluca 70 illik yubileyləri münasibətilə mükafatlar verilib. Əməkdar Mədəniyyət işçiləri Nəriman Şıxəliyev, Şahin Qalabəyov, Lidiya Şarkovkina, Miroslava İsgəndərova, Pərviz Quliyev, Rəfiqə Budaqlı, Akif Rüstəmov, Vladimir Dudniçenko, Natalya Şneyer və Oqtay Babazadəyə veteranlar kateqoriyasından mükafatlar təqdim olunub.Bundan başqa, Respublika Kinematoqrafçılar İttifaqı hər il elan etdiyi, böyük maraqla gözlənilən Milli Kino Mükafatını (2000 manat) da bu günlərdə elan edəcək.xeber100.com

“YARAT” Müasir İncəsənət Mərkəzində ustad dərsləri keçiriləcək

İyulun 29-da “YARAT” Müasir İncəsənət Mərkəzində uşaqlar üçün “Tematik təsviri incəsənət” adlı ustad dərsləri keçiriləcək.Azərtac xəbər verir ki, rəssam Nərminə Bağırova tərəfindən aparılacaq ustad dərslərində 3-12 yaşlı uşaqlar iştirak edəcəklər.Dərslərdə uşaqların fikirləri üzərində nağılların yazılması, onların sevimli personajları və qrup iştirakçılarının fikirləri üzərində ümumi kollajın yaradılması mövzularından danışılacaq. Eyni zamanda, balacaları maraqlandıran suallar cavablandırılacaq.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzində “Rəssamla tanışlıq” layihəsi çərçivəsində növbəti tədbir fotoqrafiyaya həsr ediləcək.Azərtac xəbər verir ki, mədəniyyət ocağının növbəti qonağı tanınmış fotoqraf Elmar Mustafazadə olacaq. İyulun 31-də keçiriləcək tədbirdə fotoqrafiya sənətinə aid suallar cavablandırılacaq, bu sahəyə dair məsələlər müzakirə ediləcək. Tədbirdə iştirak sərbəstdir.Dünyanın bir sıra ölkələrində sərgiləri təşkil olunan E.Mustafazadə yaradıcı fotoqrafiyada sənədli-bədii üsluba üstünlük verir. 2009-cu ildən peşəkar fotoqrafiya ilə məşğul olan fotoqraf Azərbaycan Fotoqrafları Birliyinin “İlin debütü – 2011” mükafatına layiq görülüb.xeber100.com

Bakı Şəhər Mədəniyyət və Turizm Baş İdarəsinin layihəsi əsasında…

“Retro Bakı” layihəsinin növbəti konsertləri iyulun 28-i və 29-da saat 19:00-da Fəvvarələr Meydanında olacaq.Konsertlər Bakı Şəhər Mədəniyyət və Turizm Baş İdarəsinin layihəsi əsasında mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilir.İdarədən Azərtac-a bildirilib ki, bu həftənin konsert proqramında tanınmış müğənnilər maraqlı repertuarla paytaxt sakinləri və qonaqlarının görüşünə gələcək.xeber100.com

“Jara” Beynəlxalq Musiqi Festivalı başlayır

Bu gün Bakıda "Sea Breeze Resort" istirahət mərkəzində ikinci "Jara" Beynəlxalq Musiqi Festivalı başlayır.Azərtac xəbər verir ki, festivalda iştirak etmək üçün Bakıya artistlər, musiqiçilər, rəqqaslar və onları müşayiət edən heyətlərlə birlikdə 500-dən çox qonaq gəlib.İyulun 28-də birinci hissədə Ani Lorak, Potap və Nastya, Timur Rodrigez, Artik & Asti, LOBODA, MBAND qrupu, Slava, Аlekseyev, Valeriya, Qriqori Leps, "Vremya i Steklo", EMİN, İrina Dubtsova, Qlyk'oza, Jasmin, Lev Leşşenko, Polad Bülbüloğlu və başqalarının iştirakı ilə Qala-konsert təqdim ediləcək. Konsertin ikinci hissəsində isə Sofiya Rotaru ən yaxşı hitlərini səsləndirəcək.İyulun 29-da “Jara” Festivalının səhnəsini Filip Kirkorov, A'Studio, LOBODA, EMİN, Valeri Meldadze, Ani Lorak, Dima Bilan, Layma Vaykule, Kristina Orbakayte, Diana Arbenina, Aleksandr Panayotov, Slava, Aleksandr Revva, Vladimir Presnyakov, Fabrika, Albina Canabayeva, Maksim Qalkin, Qlyk'oz, Alessandro Safina, Stas Mixaylov, Oleq Qazmanov, Dmitri Malikov, Anjelika Aqurbaş, Darya Antonyuk və başqaları bölüşəcəklər. Konsertin ikinci hissəsində Alla Puqaçova ən çox sevilən mahnılarını ifa edəcək.Festivalın sonuncu günündə - iyulun 30-da musiqi həvəskarlarını Qriqori Lepsin yaradıcılıq gecəsi gözləyir. Tamaşaçılara sürpriz duetlər, məşhur hitlərin yeni tərzdə ifası, bir-birindən parlaq musiqi nömrələri təqdim olunacaq. Həmin gün səhnəyə Sergey Lazarev, IOWA, Dima Bilan, Nərgiz, Valeri Meladze, LOBODA, Nikolay Baskov, Stas Mixaylov, Aleksandr Panayotov, Diana Arbenina, EMİN, Qlyuk'oza, Soso Pavliaşvili, Stas Pyexa, Lolita, Aleksandr Marşal və başqaları çıxacaqlar.Xatırladaq ki, “Jara-2017”nin aparıcıları Yana Çurikova, Andrey Malaxov və Maksim Qalkindir.xeber100.com  

“Muzeylər mədəniyyətlər arasında körpüdür” layihəsinə start verilib

Milli İncəsənət Muzeyi tolerantlıq mədəniyyəti və multikultural dəyərlərin qorunması və təbliği məqsədilə “Muzeylər mədəniyyətlər arasında körpüdür” layihəsinə start verib.Muzeydən Azərtac-a bildirilib ki, layihənin ikinci buraxılışı olan “Fransız tətilləri” proqramı tamaşaçılar tərəfindən xoş təəssüratla qarşılanıb.Proqramın açılışında uşaqlar üçün dostluq və xeyirxahlıqdan bəhs edən “Bənövşə” adlı kölgə teatr tamaşası təqdim olunub. Alaqaranlıq otaqda közərən lampalarla işıqlanan səhnə və fiqurların hərəkəti ilə canlanan tamaşa bütün uşaqları sehrli aləmə qərq edib.Tamaşadan sonra uşaqlar üçün valideynlərin müşayiəti ilə ustad dərsi keçirilib. Şüşə üzərində rəngarəng boyalarla işığın, kamilliyin, qələbənin rəmzi olan və fransız krallarının gücünü təcəssüm etdirən “flör de lis”- zanbaq gülünün təsviri yaradılıb. Eyni zamanda, uşaqlar rəngli makaronlardan Parisin “Eyfel” qülləsinin portretini hazırlayıblar.Daha sonra valideynlər üçün Fransa və Azərbaycan mədəniyyəti arasında körpü yaradan Toğrul Nərimanbəyovun yaradıcılığına həsr olunmuş “Paris xatirələri” adlı mühazirə təqdim edilib. Mühazirədə rəssamın keşməkeşli həyatı və əzmkar yaradıcılıq yolu, fərdi yaradıcılıq üslubu haqqında məlumat verilib. Həmçinin valideynlər üçün Fransız ballarında kübar xanımların gizli silahına çevrilən “yelpik dili” jestləri təqdim edilib.Gün ərzində balacalar bərpaçı-rəssam Samir Talıbovla birgə Paris eskizlərini yaradıblar.xeber100.com

Rusiya Dövlət Akademik Böyük Teatrı təqdim edir

Noyabrın 1-dən 5-dək Rusiya Dövlət Akademik Böyük Teatrında Cüzeppe Verdinin “Traviata” əsəri nümayiş etdiriləcək.Azərtac teatrın saytına istinadla xəbər verir ki, noyabrın 1, 3 və 5-də səhnə əsərində Violetta Valeri obrazını Azərbaycanın Əməkdar Artisti Dinara Əliyeva (soprano), Jorj Jermon obrazını Əməkdar Artist Elçin Əzizov (bariton) canlandıracaq.Dinara Əliyeva 2009-cu ildən Rusiyada Böyük Teatrın solistidir. O, dünyanın məşhur opera teatrı səhnələrində və konsert zallarında çıxış edib. İfaçının 2010-cu ildə Bakıda məşhur tenor Plasido Dominqo ilə birgə konserti olub. Onun C.Verdinin anadan olmasının 200 illiyi münasibətilə Fransanın Kolmar və Çexiyanın Praqa şəhərlərində "GalaVerdi" adlı solo konsertləri böyük uğurla keçib. 2015-ci ildə Moskvada Dinara Əliyevanın "Opera Art" Birinci Beynəlxalq Musiqi Festivalı keçirilib.E.Əzizov 2008-ci ildən Böyük Teatrın solistidir. O, Pyotr Çaykovskinin "İolanta" və “Qaratoxmaq qadın”, Sergey Prokofyevin “Üç portağal sevgisi”, N.A.Rimski-Korsakovun “Çar gəlini”, Jorj Bizenin “Karmen”, Modest Musorqskinin “Boris Qodunov”, Cüzeppe Verdinin “Traviata”, “Don Karlos” Aleksandr Borodinin “Knyaz İqor” operalarında, İohan Ştrausun “Yarasa” operettasında yaddaqalan obrazlar yaradıb.xeber100.com

Bakı Şəhər Mədəniyyət və Turizm Baş İdarəsinin layihəsi əsasında

Bakı Şəhər Mədəniyyət və Turizm Baş İdarəsinin layihəsi əsasında mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilən “Retro Bakı” konsertləri paytaxt sakinləri və şəhərimizin qonaqlarına maraqlı anlar yaşadıb.İdarədən Azərtac-a bildirilib ki, Fəvvarələr Meydanında keçirilən konsertdə tanınmış estrada müğənniləri Elnarə Xəlilova, Roza Zərgərli, Leyla Ramazanlı, Səbinə Əsgərova, Anar Rəhimli, Könül Məmmədli, Nailə Müslümova, Aytac Vidadiqızı, Mircabbar Mirbabayev, Nigar Süleymanova, Aynur Əliyeva və başqaları çıxış ediblər. Həmçinin konsertdə “Səma” və “Xəzərim” rəqs qruplarının ifasında milli və dünya xalqlarının rəqsləri təqdim olunub.Qeyd edək ki, layihə əhalinin və turistlərin asudə vaxtının xoş keçməsi, Azərbaycan musiqi incilərinin, korifey bəstəkarların əsərlərinin səsləndirilməsi məqsədini daşıyır. “Retro Bakı” sentyabrın 15-dək hər həftəsonu axşam saatlarında Fəvvarələr Meydanında zəngin konsert proqramı və tanınmış müğənnilər ilə tamaşaçıların görüşünə gələcək.xeber100.com

Kinematoqrafçılar İttifaqının məlumatı

Azərbaycan Respublikası Kinematoqrafçılar İttifaqı “Zaman və məkan” adlı qısametrajlı sənədli filmlər üçün ssenari müsabiqəsi elan edib.İttifaqdan Azərtac-a bildirilib ki, müsabiqə kinematoqrafiya sahəsində gənclərin yaradıcılıq fəaliyyətini inkişaf etdirmək, gənc və istedadlı müəllifləri aşkara çıxarmaq, həmçinin milli kinomuza yeni fikir, yeni nəfəs gətirmək məqsədilə keçirilir. Müsabiqə həm də digər sahələrdə çalışan gənclərə kino sahəsində özlərini sınamaq imkanı yaratmaq və bununla da mövcud rəqabəti gücləndirmək üçün nəzərdə tutulur.Müsabiqəyə 20 səhifədən çox olmamaq şərti ilə sənədli filmlər üçün ssenarilər qəbul olunur. Hər müəllif üç ssenaridən artıq təqdim edə bilməz. Yaşı 35-ə qədər olan bütün şəxslər müsabiqədə iştirak edə bilər.xeber100.com

“Çölçü” filminin E. J. Wickes tərəfindən təhlili

Şamil Əliyevin “Çölçü” filminin E. J. Wickes tərəfindən təhlili “Möhtəşəm rejissura, professional yozum, peşəkar işıqlandırma, mükəmməl operator işi və ciddi montaj ilə birlikdə hazırlanan əla ekran dramıdır”. Bizim aylıq film seçimimiz Şamil Əliyevin “Çölçü” filmidir. Bu, adsız bir şəxs haqqında hekayədir; o, müasir sivilizasiyadan uzaq Rusiya və Şimali İran arasında ot basmış çöllükdə  yaşayır. Film Azərbaycan yazıçısı Vidadi Həsənov tərəfindən yazılan hekayə əsasında ekranlaşdırılıb.Əsas  rolları aktyorlar Bəhruz Vaqifoğlu və Salome Demuriya canlandırırlar.86-cı Amerika Kinoakademiyası bu filmi Oskar Mükafatının uzun siyahısında qeyd etmişdir.Film qatarın uzaqda yerləşən çölə yaxınlaşması ilə başlayır. Kamera öncə tamaşaçını intəhasız, ucsuz-bucaqsız, lakin sakit və kədər dolu çölə aparır. Bir saat iyirmi dəqiqəlik filmin süjet xətti balaca çölçünün yağışlı gecədə atasını dərin yuxudan oyatmağı ilə davam edir. Ata və balaca   oğlan qamışdan dam örtüklü, suvaq çəkilmiş komada yaşayır və həmin gecə oğlanın sevimli dəvənin (Ağcanın) köşəyi doğulur.Həqiqi ferma olmasa da, (naturadakı tikili) qurulmuş dizayn və ağılın təbiiliyi yühsək ustalıqla tərtib olunub. Bu kiçik ailədə qadın yoxdur. Lakin əvvəllər burada qadının olması ilə bağlı kadr göstərilir. Bu epizodda təsvir olunan qadın balaca Çölçünün anası obrazında canlandırılır, lakin o, artıq onlarla yaşamır. Çöldəki həyat sadədir, və buna görə də daha çox təxəyyül tələb edir. Kənd həyatını obrazlaşdıran, hekayəni nəql edən şəxs-ata (Ulu) balaca oğlana sanki gələcəkdən xəbər verərək, onun sonradan “Şanapipik” adlı qızla tanış olacağından danışır.Balaca Çölçünün atası öz “mülk”lərində dəvələrə nəzarət etməklə pul qazanır. Uzun illərdir ki, rahat yaşamdan, sivil həyatdan uzaqlaşmasına baxmayaraq, atanın güclü nizam-intizamı şərtləndirən tələbləri var; oğlunu çöl həyatının adət və ənənələrini öyrədərək böyüdür. Onların  gündəlik təkrarlanan, yeknəsəq həyat tərzini göstərdikdən sonra, rejissor virtuoz keçid edir; gəncləşən, böyüyən Çölçü  əsl çoban obrazında yenidən kadrda  peyda olur.Onlar ata (Ulu) rəhmətə gedənə qədər birlikdə yaşayırlar. Sonra atasının peşəsini oğul davam etdirir. Onların şəhərdən kənarda olan tanışları çöldən uzaqdadır və sayları çox azdır. Bizim adsız çölçümüz yaşa dolduqca atasının yerini tutur və sürüyə nəzarət edən yetkin çobana çevrilir. Bir gün gənc dəvələri otlaqdan gətirəndə atasının həmişə oturduğu yerdə sakitcə rəhmətə getdiyini görür. Bu, gözlənilən idi, çünki atasının səhhəti getdikcə pisləşməkdə idi. Bundan sonra, yalnız qalan baş qəhraman “yeni əcaib həyat”la qarşılaşır.Mükəmməl rejissor həlli: atasının ölümündən sonra cavan çölçü şəhərə tək bir dəvə ilə daşıya biləcəyi əşyalarla (Ulunun cəsədi), paralel olaraq yol işləri üçün material daşıyan yük avtomobilinin göstərildiyi yaxşı düşünülmüş mənzərə - təzadlarla dolu dünya. Çölçü sənaye cəmiyyətindən kənar bir insandır, hətta öz dövrünün texnoloji tələblərindən belə...Çölçünün getdiyi yerdə yaşayanlar onu aşağı təbəqənin insanları sayırlar, o cəmiyyətin digər hissəsinin sahibləndiyi “maddi-mənəvi” nüfüza malik deyildir. Bir növ, Qərb standartlarındakı “avam”lar kimidirlər. Amma yenə də şəhər ənənələrindən çox da kənar deyildirlər. Bütövlükdə  onlardan biri kimi görünmək üçün fərqli bacarıqlar tələb olunsa da, Çölçü burada eyni dünyanın insanı kimi  göstərilir.Çölçünün taleyində çılğın qadınla rastlaşmaq imkanı yaranır. Həmin qadın ayrılıqdan doğan  depressiyasını yaşayır, qarşı tərəflə  münasibəti tamam kəsir. Məhz bizim çölçünün yolu üstündə həmin qadın hiddətlənir, axmaq və ədəbsiz sevgilisindən uzaqlaşmağa çalışır. Həmin ədəbsiz gənclə  qadın arasındakı mübahisə - meydana çıxacaq  gələcək toqquşmadan xəbər verir.Daha sonra kamera əlacsız məkanın obrazı  kimi Çölçünün yaşadığı yeri göstərir. Bu zaman Çölçü həmin mübahisə edən qızı yaşadığı komanın arxasındakı ot arabasında yatmış görür. Çaşqın halda  gündəlik məşğuliyyəti olan dəvələri otarmağa gedir. Qayıdarkən qızın qabları yuduğunu, komanı  yığışdırdığını gördükdə daha da təəccüblənir. Qadının əlacsız vəziyyətdə onun komasına sığınmaq cürətinə möhkəm əsəbiləşir.Aralarındakı çox qısa  münasibətdə bu xarakterlər arasında ciddiyyətin olduğu görünür. Onlar demək olar ki, ibtidai şəkildə Veldtdə yaşayan heyvanlar kimidirlər; çox az söhbət edirlər. Yalnız əvvəldə çölçünün atası tərəfindən danışılan nağılın yaranmasını müəyyənləşdirən qısa və iztirablı hekayələr, sözlərlə ifadə ediləcək dərəcədə əhəmiyyətli, mən deyərdim ki, əsas fikrin daşıyıcısı olur. Bəli, ilk baxışdan şəhərli qız (Qısa saçlı qız) ilə Çölçü oğlan arasında sadə sevgi hekayəsi. Lakin həmin sevgi çox bənzərsiz, unikal bir şəkildə söylənilir və ya təsvir edilir.Birlikdə yaşadıqlarından biri digərinin müqəddəratını təyin edir. Qız Çölçüdən təbiətlə harmoniyada yaşamağın sirlərini öyrənir, onun timsalında maddi dəbdəbələrdən asılı olmayan, yalnız ehtiyacı olanlarla kifayətlənən bir insanı görür. O, az danışan insandır və müasir sivilizasiyaya, modern həyata  qarşı onun sadəlik kimi bir gücü var.O isə qızın simasında çağdaş, qaynar həyat meyarları ilə yaşayan birisini görməyə başlayır. Qız ərköyün deyil və Çölçünün qıza qarşı şəfqəti artdığından aralarında yaranan münasibəti sonadək yaşatmaq üçün əlindən gələni edir.Film dramatiklik tələb edən istehsal dizaynına çox da ehtiyac olmayan kənd ərazilərində çəkilib. Kənd ərazisi özlüyündə möhtəşəmdir, fotoqrafiya və kinematoqrafiya onun həssas gözəlliyini ustalıqla və ambisiyasız bir şəkildə səhnəyə gətirir. Dəvələrin uzaq məsafədə otarılan görüntüləri mükəmməldir. Buradakı addımlar yavaşdır, lakin yalnız regionun böyük otlaqlarını əhatə edən geniş sükunətdə zehin gözünün yol çəkməsinə imkan verəcək qədər yavaş...Filmin temporitminin xəfif nizamlanması tənha çölün intəhasızlığını tamaşaçıya çatdırmaq üçün dəqiq hesablanıb.Düşünürəm ki, bu füsunkarlığın ona olan “müdaxilə”nin öhdəsindən necə gələcəyindən narahat olmaya bilərik. Açıq final tamaşaçıya bu sirli dünyanın axıra qədər dərk olunmamağına bir işarədir. Təbii ki, əgər bizim qadın nümayəndəmiz sürünü evə gətirmək üçün vaxtında oyanarsa...Tərəflər öz mövqelərindədirlər.Hər ikisində şəxsi istək və duyğuların inciməsini nəzərə almasaq, birgə yaşayışlarında qarşlıqlı anlayış, ehtiraslı gərginlik və fədakarlıq hiss etdim.Aktyorların ifası mükəmməl və gözəldir.Filmin belə gözəl sonluqla ərsəyə gəlməsi təəccüblü deyil. Möhtəşəm rejissura, professional yozum, peşəkar işıqlandırma, mükəmməl operator işi və ciddi montaj ilə birlikdə hazırlanan əla ekran dramıdır. E.J.Wickes:  Cult Critic Fim Magazine-in vizual rəssamı və baş redaktorudur, həmçinin Metamodern Magazine Jurnalının təsisçisi və naşiridir. Onun estetikası incəsənət və kinematoqrafiyanın qovşağında yerləşir. Eric Hollivudun bir sıra studiyalarında, TV və müstəqil film istehsalçılarının İncəsənət departamentlərində çalışıb. Hazırda HLC Studioda Kreativ Direktor vəzifəsində çalışaraq şirkətin media və nəşriyyat bölməsinə nəzarət edir.