“Forbes” jurnalının məlumatına əsasən…

Amerikalı aktyor Mark Uolberq 2017-ci ildə dünyanın ən çox qazanan aktyoru olub.Azərtac lent.ru saytına istinadla xəbər verir ki, bu barədə “Forbes” jurnalı məlumat yayıb.Jurnalın avqustun 22-də nəşr olunan nömrəsində açıqlanan siyahıya görə, Mark Uolberq bu il ərzində 68 milyon dollar qazanıb. O, bu məbləğin böyük hissəsini rol aldığı “Salam, ata, Yeni il! 2” və “Transformerlər: Sonuncu cəngavər” filmlərindən əldə edib.Siyahıda ikinci və üçüncü yerlərdə Dueyn Conson və Vin Dizel qərarlaşıb. Onlar müvafiq olaraq 65 və 54,5 milyon dollar gəlir əldə ediblər.İlk onluqda digər məşhur aktyorlar - Adam Sendler (50,5 milyon), Ceki Çan (49 milyon), Tom Kruz (43 milyon) və Şahrux Xan (38 milyon) da yer alıb.xeber100.com

Rusiya Televiziyasının Birinci kanalında

Avqustun 25-də Rusiya Televiziyasının Birinci kanalında Moskva vaxtı ilə saat 21:30-da “Jara-2017” festivalı çərçivəsində Qriqori Lepsin yaradıcılıq gecəsi yayımlanacaq.Azərtac xəbər verir ki, bu barədə məlumat Rusiyanın Birinci kanalında yer alıb.Bakıda keçirilən Qriqori Lepsin yaradıcılıq gecəsini cəsarətlə “Jara-2017”nin zirvəsi adlandırmaq olar: həmin gecə bir-birindən gözəl 50-dən çox ifa olub, duetlər səslənib, konsert məkanına toplaşmış minlərlə tamaşaçı bənzərsiz çıxışları izləyiblər.xeber100.com    

Nazirlər Kabinetinin qərarına əsasən…

Nazirlər Kabineti M.Maqomayev adına Azərbaycan Dövlət Filarmoniyasına “Akademik” statusunun verilməsi ilə bağlı qərar qəbul edib.Azərtac xəbər verir ki, qərar 2018-ci il yanvarın 1-dən qüvvəyə minəcək.xeber100.com

Xalça Muzeyinin təşkilatçılığı ilə…

Avqustun 22-də Xalça Muzeyində Cəbrayıl rayonunun işğalının 24-cü ildönümünə həsr olunmuş “Vüsal körpüsü” adlı tədbir keçiriləcək.Muzeydən Azərtac-a bildirilib ki, tədbir Xalça Muzeyi Şuşa filialının təşkilatçılığı ilə gerçəkləşəcək.Tədbirin təşkil olunmasında məqsəd Azərbaycanın dilbər güşələrindən olan Cəbrayıl rayonunun işğalı zamanı maddi və mədəni abidələrimizə vurulan ziyan və onların talan olunaraq məhv edilməsi problemini cəmiyyətə çatdırmaqdır. Tədbirdə rayonun elm, mədəniyyət və incəsənəti xadimləri haqqında danışılacaq, natiqlər Cəbrayılla bağlı xatirələrini bölüşəcəklər.Tədbir çərçivəsində Cəbrayıl Tarix-Diyarşünaslıq Muzeyinin eksponatlarından ibarət sərginin açılacağı da nəzərdə tutulur.xeber100.com

“YARAT” Müasir İncəsənət Mərkəzinin təqdimatında

Avqustun 22-də “YARAT” Müasir İncəsənət Mərkəzində Gürcüstan istehsalı olan rejissor Soso Bliadzenin ekranlaşdırdığı “Üç addım” filmi nümayiş ediləcək.Azərtac xəbər verir ki, xronometrajı 17 dəqiqə olan ekran əsəri gürcü dilində ingilis subtitrləri ilə təqdim olunacaq.Filmin qəhrəmanı 13 yaşlı Mariam, şəhərin kənarında, atılmış köşkdə səfil atası ilə yaşayır. Güc-bəla ilə dolanan qəhrəmanlar, bazarda köhnə-kürüş şeylər satırlar və oğurluqdan da çəkinmirlər.Film “Sodrujestvo” Gənc Kinematoqrafçılarının Beynəlxalq Məktəbinin bütün münsiflər (sənətkarlar və tənqidçilər) heyəti tərəfindən "Ən yaxşı film" kimi qəbul edilib.xeber100.com

Muğam Mərkəzində konsert proqramı təşkil olunacaq

Sentyabrın 22-də Beynəlxalq Muğam Mərkəzində tanınmış xanəndələr, Əməkdar Artist Təyyar Bayramov və Aytən Məhərrəmovanın iştirakı ilə muğamlarımızdan ibarət konsert proqramı təqdim olunacaq.Konsert Mədəniyyət və Turizm Nazirliyinin dəstəyi, Beynəlxalq Muğam Mərkəzi, Azərbaycan radiosu və “Mədəniyyət” kanalının təşkilatçılığı ilə gerçəkləşəcək.Muğam Mərkəzindən Azərtac-a bildirilir ki, gecədə muğamlarımızla yanaşı, bəstəkar və xalq mahnıları da səsləndiriləcək.Biletləri şəhərin kassalarından, “ASAN xidmət” mərkəzindən və iticket.az saytından əldə etmək olar.xeber100.com

Rəssamlar İttifaqının təşkilatçılığı ilə…

Rəssamlar İttifaqının V.Səmədova adına sərgi salonunda rəssam Nazim Həsənzadənin sənət əsərlərindən ibarət sərgi açılıb.Azərtac xəbər verir ki, Rəssamlar İttifaqının təşkilatçılığı ilə gerçəkləşən sərgidə fırça ustasının 80-dək əsəri nümayiş olunur.Sərginin açılışında Rəssamlar İttifaqının məsul katibi Rafiq Kərimov çıxış edərək rəssamın əsərlərinin əhəmiyyətindən danışıb. Rəssamın yaradıcılığını yüksək qiymətləndirən R.Kərimov ona sənət uğurları arzulayıb.Sonra qonaqlar sərgi ilə tanış olublar.Sərgi bir həftə davam edəcək.xeber100.com

Mədəniyyət və Turizm Baş İdarəsinin layihəsi əsasında

Bakı Şəhər Mədəniyyət və Turizm Baş İdarəsinin layihəsi əsasında mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilən “Retro Bakı” layihəsinin növbəti konsertləri avqustun 18-də və 19-da saat 19:00-da Fəvvarələr Meydanında baş tutacaq.İdarədən Azərtac-a bildirilib ki, bu həftə “Retro Bakı”nın qonaqları tanınmış müğənni Samirə Allahverdiyeva və “Tin uşaqları” qrupu olacaq.Bakı sakinlərini və qonaqlarını maraqlı konsert və rəngarəng rəqslər gözləyir.xeber100.com

Helsinki festivalına start verilib

Avqustun 17-də Finlandiyada ən böyük incəsənət festivalı olan Helsinki festivalına start verilib. Hər il keçirilən bu tədbir müddətində şəhərdə çoxsaylı yaradıcılıq tədbirləri - ənənəvi teatr tamaşaları, rəsm sərgiləri və konsertlər, təbiət qoynunda məclislər, multijanr tamaşaları, bir sıra başqa müxtəlif görüşlər nəzərdə tutulur.Azərtac xəbər verir ki, keçən il Helsinki festivalına 200 mindən çox tamaşaçı gəlib.Builki festivalda ən maraqlı və parlaq tədbirlər – bədii manifest ənənəsinə hörmətlə yanaşan Culian Rozefeldin sensasiyalı kino instalyasiyası, İrlandiyanın “Dead Centre” teatr truppasının ifasında “Çexovun ilk pyesi” əsərinin tamaşası, Suomenlinna adasında “Viapori Jazz” caz festivalı, şəhərdə təşkil ediləcək “Əsrarəngiz bağ” adlı art-piknik və İncəsənət gecəsi olacaq.xeber100.com

Bakı Caz Festivalı çərçivəsində…

Almaniyanın “Cyminology” qrupu Bakı Caz Festivalı çərçivəsində oktyabrın 22-də Rotunda klubunda konsert proqramı ilə çıxış edəcək.Azərtac xəbər verir ki, Rotunda klubunda, həmçinin alman caz qrupunun iştirakı ilə seminar təşkil olunacaq. Həmin gün festival iştirakçıları və qonaqlar rejissor Don Çidlin “Truba çalanı öldürməli” filminə baxa bilərlər. Filmdə görkəmli truba çalan Mayls Dyui Deyvisin taleyindən bəhs edilir. Amerikalı caz truba çalanı XX əsr musiqisinin inkişafına böyük təsir göstərib. Cazda bir çox üslub və istiqamətlər, o cümlədən modal caz, kul-caz və fyujn Deyvisin adı ilə bağlıdır.Oktyabrın 22-də Beynəlxalq Muğam Mərkəzində isə keçənilki Beynəlxalq Caz Müsabiqəsinin qaliblərinin konserti olacaq.xeber100.com